אידטיש

דינסטאג פרשת מקץ - יום ה׳ דחנוכה


אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה חיים כתריאל פירטה הי״ו

ביי קריאת התורה איז נתכבד געווארן
כהן: מו״ה נח גראס הי״ו
לוי: הרה״ח ר׳ ישעי קרויס הי״ו
דער רבי האט עולה געווען שלישי
הגבה: מו״ה יואל בר״ש טייטלבוים הי״ו
גלילה: מו״ה דוד שטיינמעטץ הי״ו
נאכן דאווענען איז פארגעקומען די ברית מילה לבן הנולד אצל מו״ה יואל בן הרה״ח ר׳ שמואל טייטלבוים הי״ו משב״ק, ווי דער רבי איז מכובד געווארן מיט סנדקאות וקריאת השם,
דערנאך איז דער רבי אריבער צום סעודת ברית, דער רבי האט געטרינקען לחיים און אנגעוואונטשען ברכת קדשו פאר די בעל שמחה און די זיידעס.

אום 12:30 איז דער רבי אנגעקומען אין די זאלן פון פרדס פיגא ווי עס איז געווען פארזאמעלט די הונדערטער קינדער פון כתות ד׳ ה׳ ו׳ סניף הר״ר נחום דוד שמעיא שליט״א און כתות א׳ ב׳ ג׳ סניף הר״ר בנציון יאקאבאוויטש שליט״א,
עס האט אויפגעטרעטן די מנהל הר״ר נחום דוד שמעיא שליט״א און מקבל פנים געווען דעם רבין, דערנאך האט דער רבי משמיע געווען קורצע דברות קודש התחזקות בלימוד התורה ועבודת התפילה, און מסיים געווען מיט ברכות לרוב פאר די תלמידים און מרביצי תורה,
דער רבי האט געטרינקען לחיים, פארטיילט שריים פאר די מלמדים און אנגעוואונטשען ברכת קדשו, דערנאך זענען די קינדער אדורך און דער רבי האט פארטיילט מטבעות קודש לשמירה, ארום 1:45 איז דער רבי צוריק אהיים לביתו נאוה קודש.

אין די נאכמיטאג שעות איז אריין אל הקודש פנימה בן גיסו הגה״צ ר׳ צבי הירש מייזליש שליט״א רב ביהמ״ד בית נחום דוב, מקבל זיין ברכת קדשו לרגל די שידוך שליסן פון בנו החתן.

אום 5 אזייגער האיז דער רבי אריינגעקומען צו תפילת מנחה בעל תפילה איז געווען הב׳ הירצקא זופניק ני״ו.
ביים זמן רבינו תם האט דער רבי געדאווענט מעריב בביתו נאוה קודש בעל תפילה איז געווען הב׳ יחזקאל ברייער ני״ו, פאר מעריב האט הרה״ח ר׳ זלמן לייב פעלדמאן הי"ו משמש געצינדן די מנורה.

״הנרות הללו קודש הם״

אום 8:45 איז דער רבי אנגעקומען בחדרו הפרטי אין ביהמ״ד הגדול ווי דער רבי האט צוגעגרייט די מנורה און די קנויטן,
ארום 9:10 איז דער רבי אריינגעקומען אין היכל הביהמ״ד צו הדלקת נרות חנוכה ברוב עם הדרת מלך, דער רבי האט אריינגעגאסן די אויל, געזאגט די ברכות, און געצינדן אין די מנורה פון רביה״ק זי״ע מאוצרו הטוב פון הרה״ח ר׳ יודא לייב פערלמוטער הי״ו,
דערנאך האט דער רבי געזאגט די זמירות, חשוף האט פארגעזינגען הרה״ח ר׳ יששכר גוטמאן הי״ו ראש המשוררים בחצרות קדשינו, און דערנאך האט די קאפעליע געזונגען די פיוטים כנהוג.

דערנאך האט דער רבי משמיע געווען דברות קודש דברי דרוש ופלפול אין די סוגיא במס' בבא קמא פון אשו משום חציו, און דערנאך ממשיך געווען בדברי אגדה בגודל קדושת היום, און מסיים געווען בברכות קדשו,
דער רבי האט געטרינקן לחיים און געוואונטשן ברכות קדשו. מען האט געענדיגט ארום 11 אזייגער.

דערנאך איז אריין אל הקודש פנימה תלמידי ישיבה קטנה סניף הרה״ג ר׳ משה יודא פריעדמאן שליט״א, איבערגעבן קבלות בעניני טעכנעלאגיע, דער רבי האט איבערגענומען די קבלות און אנגעוואונטשען ברכת קדשו.


~~

מיטוואך פרשת מקץ - יום ז׳ דחנוכה - ר״ח טבת

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ יואל לעבאוויטש הי״ו

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה אליעזר יואל פריעדמאן הי״ו

ביי קריאת התורה איז נתכבד געווארן
הוצאה והכנסה: מו״ה שמואל חיים פריעד הי״ו
כהן: מו״ה עזריאל מאיר הערמאן הי״ו
לוי: הרב יצחק אייזיק ראטנבערג שליט״א נכד רבינו
שלישי: הבחור הבר מצוה ב״ר יואל לעבאוויטש הי״ו
הגבה: הרה״ח ר׳ יואל לעבאוויטש הי״ו
גלילה: מו״ה מענדל טייטלבוים הי״ו
דער רבי האט עולה געווען רביעי
הגבה: מו״ה מאיר בראדי הי״ו
גלילה: מו״ה משה מרדכי וויינבערגער הי״ו

נאכן דאווענען איז די בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אין די פארמיטאג שעות האט דער רבי מנחם אבל געווען משפחת עסטרייכער וואס זיצן שבעה ע״פ אביהם הרה״ח ר׳ דוד עסטרייכער ע״ה.
אזוי אויך איז דער רבי געווען באזיכן ביי הגה״צ ר׳ משה פאללאק שליט״א אב״ד דערטשקע.

אום 5 אזייגער איז דער רבי אריינגעקומען צו תפילת מנחה בעל תפילה איז געווען הב׳ חיים זאפיר ני״ו.

ביים זמן רבינו תם האט דער רבי געדאווענט מעריב בביתו נאוה קודש בעל תפילה איז געווען הב׳ שלמה משה שטערן ני״ו , פאר מעריב האט הרה״ח ר׳ זלמן לייב פעלדמאן הי"ו משמש געצינדן די מנורה.

״הנרות הללו קודש הם״

אום 8:40 איז דער רבי אנגעקומען בחדרו הפרטי אין ביהמ״ד הגדול ווי דער רבי האט צוגעגרייט די מנורה און די קנויטן,
ארום 9:10 איז דער רבי אריינגעקומען אין היכל הביהמ״ד צו הדלקת נרות חנוכה ברוב עם הדרת מלך, דער רבי האט אריינגעגאסן די אויל, געזאגט די ברכות, און געצינדן אין די מנורה פון רביה״ק זי״ע מאוצרו הטוב פון הרה״ח ר׳ יודא לייב פערלמוטער הי״ו,
דערנאך האט דער רבי געזאגט די זמירות, חשוף האט פארגעזינגען הרה״ח ר׳ יואל פאללאק הי״ו ובניו, און דערנאך האט די קאפעליע געזונגען די פיוטים כנהוג.

דערנאך האט דער רבי משמיע געווען דברות קודש דברי דרוש ופלפול אין די סוגיא במס' שבת פון כבתה, און דערנאך ממשיך געווען בדברי אגדה בגודל קדושת היום, און מסיים געווען בברכות קדשו,
דער רבי האט געטרינקן לחיים און געוואונטשן ברכות קדשו. מען האט געענדיגט ארום 11 אזייגער.

אום 11:20 איז דער רבי אריינגעקומען אין ביהמ״ד ברך משה שע״י ביתו נאוה קודש ווי עס איז פארגעקומען א מסיבת לחיים אינאיינעם מיט די תלמידי ישיבה קטנה חלק ג׳ פון קרית יואל,
עס האט אויפגעטרעטן די מנהל הרה״ג ר׳ אברהם חיים ליפשיץ שליט״א,
דערנאך האט דער רבי משמיע געווען קורצע דברות קודש התחזקות בלימוד התורה ועבודת התפילה, און מסיים געווען מיט ברכות לרוב פאר די תלמידים און מרביצי תורה,
דער רבי האט געטרינקען לחיים, פארטיילט שריים פאר די תלמידים און אנגעוואונטשען ברכת קדשו.

~~

דאנערשטאג פרשת מקץ - ז׳ דחנוכה

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ אליעזר ברוך אייזענבערג הי״ו מעסקני מוסדותינו הק׳ אין קרית ייטב לב

אום 8:30 איז דער רבי אריינגעקומען צו תפילת שחרית אין ביהמ״ד הגדול ווי עס איז געווען פארזאמעלט די אריבער טויזענט קינדער פון כתות ז׳ ח׳ ט׳ פון מוסדותינו הק׳ סניף הר״ר משה פריעדמאן שליט״א, סניף הר״ר יוסף זונדל שפיטצער שליט״א, סניף הר״ר יעקב הערמאן שליט״א.

בעל תפילה איז געווען הרה״ח ר׳ הערשל גאלדבערגער הי״ו,

אלס בעל קורא האט געדינט הרה״ח ר׳ מרדכי דוד ווידער הי״ו משב״ק
ביי קריאת התורה איז נתכבד געווארן
פתיחה: הר״ר ר׳ יוסף זונדל שפיטצער שליט״א מנהל
כהן: הר״ר יעקב הערמאן שליט״א מנהל
לוי: הר״ר אברהם ישעי ווייס שליט״א
שלישי: הבחור הבר מצוה בן הרה״ח ר׳ אליעזר ברוך אייזענבערג הי״ו
דער רבי איז געגאנגען הגבה
גלילה: הר״ר יואל שטויבער שליט״א

נאכן דאווענען איז די בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו,
דערנאך איז דער רבי אריינגעקומען צום מסיבת לחיים, די קינדער האבן געזינגען ניגונים, דערנאך האט דער רבי משמיע געווען קורצע דברות קודש התחזקות בלימוד התורה, דער רבי האט גאר שטארק מעורר געווען איבער די שעדליכקייט און הארבקייט פון נישט היימישע ליין מאטריאל און האטליינס פון גוישע נייעס, און מסיים געווען מיט ברכות לרוב פאר די תלמידים און מרביצי תורה,
דער רבי האט געטרינקען לחיים, פארטיילט שריים פאר די מלמדים און אנגעוואונטשען ברכת קדשו, דערנאך זענען די קינדער אדורך און דער רבי האט פארטיילט מטבעות קודש לשמירה,
מען האט געענדיגט ארום 11:55.

אום 1 אזייגער איז דער רבי אנגעקומען אין בנין התלמוד תורה אויף טרופ עוו. ווי עס איז געווען פארזאמעלט די הונדערטער קינדער פון כתות ג׳ ד׳ ה׳ ו׳ סניף הר״ר נטע מארקאוויטש שליט״א,

עס האט אויפגעטרעטן די מנהל הר״ר נטע מארקאוויטש שליט״א און מקבל פנים געווען דעם רבין, דערנאך האט דער רבי משמיע געווען קורצע דברות קודש און מסיים געווען מיט ברכות לרוב פאר די תלמידים און מרביצי תורה,
דער רבי האט געטרינקען לחיים, פארטיילט שריים פאר די מלמדים און אנגעוואונטשען ברכת קדשו, דערנאך זענען די קינדער אדורך און דער רבי האט פארטיילט מטבעות קודש לשמירה.
אום 1:45 איז דער רבי צירוק אהיים לביתו נאוה קודש.

אום 4:55 איז דער רבי אריינגעקומען צו תפילת מנחה בעל תפילה איז געווען הרה״ח ר׳ ברוך יודא רייך הי״ו.

״הנרות הללו קודש הם״

ביים זמן רבינו תם האט דער רבי געדאווענט מעריב בביתו נאוה קודש בעל תפילה איז געווען הרה״ח ר׳ ברוך יודא רייך הי״ו, פאר מעריב האט הרה״ח ר׳ זלמן לייב פעלדמאן הי"ו משמש געצינדן די מנורה.

אום 8:40 איז דער רבי אנגעקומען בחדרו הפרטי אין ביהמ״ד הגדול ווי דער רבי האט צוגעגרייט די מנורה און די קנויטן,
ארום 9:10 איז דער רבי אריינגעקומען אין היכל הביהמ״ד צו הדלקת נרות חנוכה ברוב עם הדרת מלך, דער רבי האט אריינגעגאסן די אויל, געזאגט די ברכות, און געצינדן אין די מנורה פון רביה״ק זי״ע מאוצרו הטוב פון הרה״ח ר׳ יודא לייב פערלמוטער הי״ו,
דערנאך האט דער רבי געזאגט די זמירות, חשוף האט פארגעזינגען הרה״ח ר׳ יחזקאל ברעכער הי״ו, און דערנאך האט די קאפעליע געזונגען די פיוטים כנהוג, המשוררים ר׳ יששכר גוטמאן הי״ו ראש המשוררים בחצרות קדשינו און ר׳ וואלף בראווער הי״ו מראשי המשוררים בחצרות קדשינו אין קרית יואל האט פארגעזינגען מזמור שיר חנוכת הבית לרגל זאת חנוכה כנהוג,
דערנאך איז פארגעקומען די מסיבת לחיים אינאיינעם מיט די מגבית השנתי לטובת מוסדותינו הק׳ אין בני ברק, דער רבי האט געטרינקן לחיים און געוואונטשן ברכות קדשו, מען האט געזינגען ניגוני הלל והודאה, עס האט אויפגעטרעטן די יו״ר הרה״ח ר׳ יצחק שלמה לויפער הי״ו און אויפגעריפן הרה״ח ר׳ יחיאל מיכל שלעזינגער הי״ו חבר הנהלת המוסדות, ווי דער רבי האט אים איבערגעגבען א מתנה לאות הכרת הטוב פאר זיינע פילע לייסטונגען לטובת מוסדותינו הק׳ אין בני ברק, דערנאך האט ר׳ יחיאל מיכל הי״ו אויפגעטרעטן מיט די דבר הנהלת המוסדות,
דערנאך האט דער רבי משמיע געווען דברות קודש דברי דרוש און דערנאך ממשיך געווען בדברי אגדה בגודל קדושת היום און די גרויסקייט פון זאת חנוכה, דער רבי האט ארויסגעברענגט די הרחבת גבולי הקדושה בקרב מוסדותינו הק׳ אין בני ברק און די זכיה פון שטיצן מוסדות עטה״ק ובפרט יעצט בימי החנוכה, און מסיים געווען בברכות קדשו,
דער רבי האט געטרינקן לחיים און געוואונטשן ברכות קדשו. מען האט געענדיגט ארום 11:45.

~~

פרייטאג פרשת מקץ - זאת חנוכה

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען הרה״ג ר׳ הערשל לויפער שליט״א ראה״כ,

ביי קריאת התורה איז נתכבד געווארן
כהן: מו״ה נח גראס הי״ו
לוי: מו״ה משה בנציון טירנוער הי״ו
דער רבי האט עולה געווען שלישי
הגבה: מו״ה מרדכי אהרן גאלדשטיין הי״ו
גלילה: מו״ה אלימלך וואגשאהל הי״ו

שב״ק פרשת מקץ בצל הקודש

פארן זמן כניסת השבת איז דער רבי אנגעקומען בבית הרבני הנגיד ר׳ יואל לאנדא הי״ו בשכונת טרופ,
אום 5 אזייגער איז דער רבי אריינגעקומען אין ביהמ״ד דקהלתינו הק׳ שכונת טרופ מעוטף בטליתו צו תפילת מנחה און צוגעגאנגען צום עמוד,

נאך מנחה האט אויפגעטרעטן הגה״צ ר׳ פנחס כ״ץ שליט״א דומ״ץ הביהמ״ד און מקבל פנים געווען דעם רבין, דערנאך געבעטן די מתפללים זיך משתתף זיין ביים גרויסן מגבית לטובת די ביהמ״ד החדש דקהלתינו הק׳ שכונת גערי - טרופ,

צו קבלת שבת איז צוגעגאנגען הרה״ח ר׳ אליעזר ווערצבערגער הי״ו

נאכן דאווענען איז דער ציבור אדורך גוט שבת זאגן,
דערנאך איז דער רבי אהיים לבית האכסניא,

אום 9:45 איז דער רבי אריינגעקומען און ביהמ״ד הגדול צום טיש און אנגעהויבן שלום עליכם,
מיט אשת חיל האט דער רבי מכבד געווען נכדו החתן הרב יוסף מאיר בן חדב״ן הגה״צ ר׳ יצחק ראזענבערגער שליט״א רב ביהמ״ד דקהלתינו הק׳ שכונת לי גארדענס,


הגבהת הכוס צו קידוש הרה״ח ר׳ שמואל דוד מארקאוויטש הי״ו מגבאי הביהמ״ד

מיט די זמירות שבת האט דער רבי מכבד געווען
כל מקדש: הגה״צ אב״ד ראזלא שליט״א
מנוחה ושמחה: הגה״צ אב״ד באלחוב שליט״א

ביי די תורה האט דער רבי ארום גערעדט אויף די פסוקי הפרשה, ירא פרעה איש חכם ונבון וישתהו על ארץ מצרים וחמש את ארץ מצרים בשבע שני השבע
בתוך הדברים האט דער רבי נאכגעזאגט דעם חתם סופר וואס שרייבט אין א תשובה, די חילוק פון כישוף און השבעות שמות, אז כישוף זאגט די גמרא למה נקרא שמן כשפים שמכחישין פמליא של מעלה, אז די השפעות פון הימל נאך וואס ער ווערט נגמר הדין גייט עס אריבער צו די פמליא של מעלה אויס צופירן, און מיט די כוח פון כישוף פארדרייט מען די השפעות, אבער מיט די כוח פון תפילה און השבעות שמות קען מען אויספויעלן פאר עס גייט אריבער צו די מלאכים
דער רבי האט מוסיף געווען אז סאיז דא די שם תכ"ה וואס דאס איז געמאכט צו אראפ ברענגן עונשים פאר די שונאי ישראל, און דאס האט משה רבינו געניצט צו אוועקלייגן די מצרי, ווי די פסוק שרייבט אז ער האט געזאגט פאר דתן ואבירם למה תכ"ה רעך, אז ער האט מרמז געווען אז צו ניצן די שם איז נאר פאר א גוי, אבער מיט די זעלבע שם וואס מען איז מעניש די רשעים ניצט מען צו ברענגן שכר טוב לצדיקים, ווי די שם תכ"ה איז די ר"ת פון כ'ל ה'נשמה ת'הלל קה, אז ביי אידן איז דא א כח התפילה וואס ברענגט אראפ א פרישע צינור פון השפעות
דער רבי האט אויכט נאגעזאגט די רמב"ן אז די ענין וואס מען נעמט זיך צוזאם אין די בתי מדרשים איז צו דאווענען בקול און לויבן דעם בוכ"ע בציבור.
צום סוף האט דער רבי ארום גערעדט אז מען שטייט שבת וואס איז תיכף נאך חנוכה, און עס האט נאך די השפעה פון חנוכה, דער רבי האט געזאגט אז חנוכה איז קעגן די ל"ו שעות וואס די אור הגנוז האט געשיינט ביי בריאת העולם און עס איז נגנז געווארן נאכן חטא פון עץ הדעת, אבער מען זעט אז אדם הראשון האט חוטא געווען שוין פרייטאג, אדער די אור איז הערשט נגנז געווארן נאך שבת, פון דא איז א ראי' אז די אורות פון די לעכטיגע ימי החנוכה ווערט נישט נפסק פרייטטאג נאר עס בלייבט פאר די גאנצן שבת
אזוי אויכט האט דער רבי געזאגט אז די אוסטרוצבא גאון מאכט א חשבון אז די נס חנוכה איז געשעהן אום שבת, איז אויס געקומען אז די זיבעטע טאג איז געווען ערב שבת, האט מען שוין צוגעלייגט אויכט דעם שבת אז א חלק פונעם יום טוב.

קה אכסוף: אב״ד טארניגראד שליט״א
קה רבון עלם: הרה״ג ר׳ משה קאהן שליט״א
לאל אשר שבת: אב״ד גלאגוב שליט״א ור״מ בישיבתינו הק׳

מיטן בענטשן האט דער רבי מכבד געווען הגה״צ ר׳ פנחס כ״ץ שליט״א דומ״ץ הביהמ״ד

אז ביום: הרה״ג ר׳ משה שמואל ראטענבערג שליט״א

מען האט פארענדיגט ארום 12 אזייגער און מ׳האט אהיים באגלייט דעם רבין לביתו נאוה קודש.

יום שבת קודש

אום 9:20 איז דער רבי אריינגעקומען צו תפילת שחרית
פסוקי דזמרה: הרה״ח ר׳ ישעי קרויס הי״ו

דער רבי איז צוגעגאנגען צו שחרית

ביי קריאת התורה איז נתכבד געווארן
פתיחה: הרה״ח ר׳ יודא לייב וויינשטאק הי״ו
כהן: הרה״ח ר׳ מענדל מאיר גליק הי״ו
לוי: מו״ה יהוסף ברי״ח קרויס הי״ו לרגל הולדת בתו
שלישי: החתן ב״ר יודא לייב וויינשטאק הי״ו
רביעי: החתן ב״ר יואל שמילאוויטש הי״ו
חמישי: הרה״ח ר׳ משה אלי פאלאטשעק הי״ו
דער רבי האט עולה געווען שישי
הוספות: הרה״ח ר׳ יוסף הערש וויינשטאק הי״ו, הרה״ג ר׳ נפתלי הירצקא בראווער שליט״א מראשי החבורות בכוללינו לרגל הולדת בתו, הרה״ח ר׳ יואל זופניק הי״ו מנהל חברת תהילים לרגל הולדת בתו, מו״ה חיים ברוך טעללער הי״ו,
שביעי: הרה״ח ר׳ משה שמילאוויטש הי״ו
אחרון: הרה״ח ר׳ יושע מענדלאוויטש הי״ו פון קרית יואל
מפטיר: הרה״ח ר׳ ישראל חיים קרויס הי״ו סגן ראה״ק בקהלתינו הק׳ אין קרית יואל
הגבה: הרה״ח ר׳ יואל בר״מ שמילאוויטש הי״ו
גלילה: הרה״ח ר׳ יודא ווערצבערגער הי״ו

צו מוסף איז צוגעגאנגען הרה״ח ר׳ יודא לייב וויינשטאק הי״ו
פתיחה לאנעים זמירות: מו״ה חיים נחום וויינשטאק הי״ו

מען האט פארענדיגט ארום 12:30
דער ציבור איז אדורך גיט שבת זאגן,

דערנאך איז דער רבי אריינגעקומען אין היכל ישראל דוב צו די קדישים,
הגבהת הכוס צו קידוש החתן בן הרה״ח ר׳ יודא לייב וויינשטאק הי״ו
דער רבי האט פארטיילט שריים פאר די בעלי שמחה און אנגעוואונטשען ברכת קדשו.

מנחה ושל״ס

אום איז דער רבי אריינגעקומען צו תפילת מנחה בעל תפילה איז געווען הרה״ח ר׳ יחזקאל שרגא רייזמאן הי״ו
ביי קריאת התורה איז נתכבד געווארן
כהן: הר״ר יעקב הערמאן הי״ו
לוי: הרה״ח ר׳ אהרן מאנדל הי״ו
שלישי: הרה״ח ר׳ אברהם דוד זופניק הי״ו
דער רבי איז געגאנגען הגבה
גלילה: הרה״ח ר׳ מאיר נפתלי באש הי״ו

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ שאול פערלשטיין הי״ו ראה״ק
שיר המעלות: הרה״ח ר׳ ישראל שמעי ראזנער הי״ו חבר הנהלת קהלתינו הק׳
דער רבי האט געזאגט תורה

ידיד נפש: הרה״ג ר׳ משה ראובן איצקאוויטש שליט״א ר״מ בישיבתינו הק׳
דער רבי האט געבענטשט אויפן כוס

נאך א קורצע הפסקה איז דער רבי אריינגעקומען צו תפילת מעריב בעל תפילה איז געווען הרה״ח ר׳ ברוך יודא רייך הי״ו
נאך מעריב איז דער ציבור אדורך זאגן א גוטע וואך
דערנאך האט דער רבי געמאכט הבדלה.

~~

 זונטאג פרשת ויגש

פארן דאווענען האט דער רבי געלייגט תפילין פאר די בר מצוה בחורים
 בן הרה״ח ר׳ אלימלך חיים צבי כ״ץ הי״ו פון קרית יואל
ובן הרה״ח ר׳ יצחק ראטנשטיין הי״ו 

אום 9:20 איז דער רבי אריינגעקומען צו תפילת שחרית בעל תפילה איז געווען מו״ה דוד אהרן צבי בראדי הי״ו

נאכן דאווענען זענען בר מצוה בחורים אריין אל הקודש פנימה, דער רבי האט אנגעוואונטשען און געגעבן במתנה ספה״ק ויואל משה בחתימת יד קדשו.

״מזמור שיר חנוכת הבית״

אום 1:20 איז דער רבי אנגעקומען אין בארא פארק צום חנוכת הבית פאר די בנין תלמיד תורה החדש ׳בנין ליפא פריעדמאן׳, 
די תלמידי מוסדותינו הק׳ האבן אפגעווארט און אריינבאגלייט דעם רבין בשירה ובזמרה, דערנאך איז דער רבי אריינגעקומען צום מעמד קבלת פנים פון די אריבער פינף הונדערט קינדער פון כתה א׳ ב׳ ג׳, 
עס האט אויפגעטרעטן דער מנהל הר״ר יוסף מאיר מייזליש שליט״א און מקבל פנים געווען דעם רבין, די קינדער האבן געזינגען ניגונים, דערנאך האט דער רבי משמיע געווען קורצע דברות קודש פאר די קינדער און אויסגעפירט מיט ברכות לרוב פאר די תלמידים און מרביצי תורה, דער רבי האט געטרינקען לחיים, פארטיילט שיריים פאר די מלמדים און פעקלעך מטבעות קודש לשמירה צו פארטיילן פאר די קינדער.

דערנאך איז דער רבי אריין בחדרו המיוחד ווי עס זענען אריין אל הקודש פנימה נדיבים בעם ונדבני הבנין, צווישן אנדערע איז אריין בקודש פנימה הרבני הנגיד ר׳ אליעזר שיינער הי״ו פון מאנסי וואס האט אפגעקויפט א זכות אינעם בנין פאר אריבער א האלב מיליאן דאלער. 
אזוי אויך זענען אריין די קינדער וואס האבן אריינגעברענגט גרעסערע סכומים לטובת די מוסדות במשך די ימי חנוכה ווי דער רבי האט פארטיילט ספה״ק על הגאולה במתנה.

דערנאך איז דער רבי און באגלייטונג פון די נדיבים בעם אריינגעקומען צום מעמד קבלת פנים פון די הונדערטער תלמידי כתה ד׳ ה׳ ו׳ ז׳ ח׳ ט׳, וואו עס איז אויך פארגעקומען די מעמד התחלת כתיבת ספר תורה בנדבת פונעם נדבן הבנין הרבני הנגיד ר׳ ליפא פריעדמאן הי״ו וואס וועט ווערן אריינגעגעבן אינעם בנין הת״ת.
די קינדער האבן געזינגען דברי חרוזים, דער מנהל הר״ר יואל שווארטץ שליט״א האט מקבל פנים געווען דעם רבין, דערנאך האט דער רבי משמיע געווען קורצע דברות קודש פאר די תלמידים און אויסגעפירט מיט ברכות לרוב פאר די תלמידים און מרביצי תורה, דער רבי האט געטרינקען לחיים און פארטיילט שיריים פאר די מלמדים און מנהלים.
בשעת דער רבי האט זיך געוואשן די הענט און אנגעהויבן שרייבן די ספר תורה האט מען געזינגען ניגוני התעוררות,דערנאך האט דער רבי מכבד געווען די נדיבים אריינצושרייבן, און זיך אויפגעשטעלט טאנצן, און נאכדעם איז דער רבי געטאנצן מיט הרה״ח ר׳ משה פריעדמאן הי״ו משב״ק ובנו הנגיד ר׳ ליפא הי״ו.
נאכן מעמד איז דער רבי אריינגעקומען צו תפילת מנחה בחדרו המיוחד בעל תפילה איז געווען מו״ה יעקב יושע גאלדשטיין הי״ו.
נאך מנחה זענען אריין אל הקודש פנימה נאך נדיבים בעם ונדבני הבנין צווישן אנדערע הנגיד ר׳ יואל לאנדא הי״ו וואס האט אפגעקויפט זכות שער הבנין פאר די פאנטאסטישע סומע פון אריבער צוויי מיליאן דאללער, הנגיד ר׳ בנימין פילאפסאן הי״ו פון מאנסי וואס האט אפגעקויפט א זכות אינעם בנין פאר אריבער א מיליאן דאלער, און הנגיד הרב נחום רוקח שליט״א וואס האט אפגעקויפט א זכות אינעם בנין פאר אריבער א האלב מיליאן דאלער, אזוי אויך איז אריין בקו״פ הנגיד ר׳ בערל ווייס הי״ו פון לאס אנדשעלעס שלום נעמען פון רבין.

ארום 4:30 איז דער רבי אריינגעקומען צום רייכן ׳מעמד הוקרה׳ מסיבת הכרת הטוב פאר די נדיבים בעם ונדבני הבנין, עס האט זיך אויך באטייליגט די מרביצי תורה פון מוסדותינו הק׳,
אלס יושב ראש האט געדינט הר״ר הירצקא שטערן שליט״א מנהל במוסדותינו הק׳, און אויפגעריפן די נדבן הבנין הרבני הנגיד ר׳ ליפא פריעדמאן הי״ו ווי ער האט איבערגעגעבן זיין רגשי הלב אז מ׳איז זוכה צו באנייען דעם בנין און אז ער האט די זכיה צו שטיין לימין מרן רבינו שליט״א.  
דערנאך האט מען געהערט דברי ברכה פון כ״ק הגה״צ ר׳ יעקב מאיר שעכטער שליט״א דורך א לייוו הוקאפ, נאך די דברי ברכה האט זיך דער רבי אויפגעשטעלט טאנצן.
עס האבן אויפגעטרעטן הגה״צ ר׳ חיים דוד כ״ץ שליט״א חבר הביד״ץ ודומ״ץ קהלתינו הק׳ אין בארא פארק, הגה״צ אב״ד סיגוט שליט״א און הרה״ח ר׳ משה פריעדמאן הי״ו משב״ק ווי ער האט ארויסגעברענגט די הכרת הטוב פאר בנו ר׳ ליפא הי״ו און די אלע נדבני הבנין.
דערנאך האט דער רבי משמיע געווען דברות קודש, דער רבי האט ארויסגעברענגט די געוואלדיגע זכות פון ר׳ ליפא הי״ו דער נדבן הבנין וואס שטייט שטענדיג לימין קהלתינו ומוסדותינו הק׳ בכל עת, דער רבי האט ארומגערעדט איבער די זכיה אז מ׳קען מחנך זיין די קינדער על דרך המסורה לנו פון רביה״ק זי״ע און אויסגעפירט מיט ברכות לרוב פאר אלע נדבני הבנין און אלע משתתפים.

נאך די דרשה האט דער רבי געטרינקען לחיים און פארטיילט שיריים פאר די נדיבים בעם ונדבני הבנין, דערנאך זענען די מלמדים און מנהלים דורך און דער רבי האט איבערגעגעבן א תמיכה יתירה בנדבת פון הנגיד ר׳ ליפא הי״ו לרגל די מעמד חנוכת הבית אזוי אויך האט דער רבי פארטיילט פעקלעך מטבעות קודש לשמירה צו פארטיילן פאר די קינדער. 
 
אויפן וועג ארויס האט זיך דער רבי באדאנקט און אנגעוואונטשען פאר עסקני מוסדותינו הק׳.
ארום 6 אזייגער איז דער רבי צוריק אהיים לביתו נאוה קודש.

זמני כניסה איז געווען פון 7:30 ביז 11:30 אויפדערנאכט.

אום 9:30 איז דער רבי אריינגעקומען צו תפילת מעריב, בעל תפילה איז געווען הב׳ יחזקאל ברייער ני״ו.

~~