בצל התומר
סאטמאר מהר״יי
דינסטאג פרשת וירא
דינסטאג פרשת וירא
אום 8:15 איז דער רבי אריינגעקומען צו תפילת שחרית און ביהמ״ד הגדול
בעל תפילה איז געווען מו״ה משה הלל קאהן הי״ו
אום 12:30 איז דער רבי אנגעקומען און מאנסי צום שטוב פון גיסו הגה״צ גאב״ד דקהלתינו שליט״א ווי עס האט זיך פארצויגן א לענגערע שמועס בדברי תורה וסיפורי צדיקים
דערנאך איז דער רבי אריבער צום ביהמ״ד הגדול דקהלתינו הק׳ ווי עס איז פארגעקומען א ׳מעמד התמנות׳ פאר זעקס פרישע מורי צדק לשרת בקודש אינעם בית הוראה דקהלתינו הק'
ה״ה הרה"ג ר' מרדכי דוד אבראהאם שליט"א
בן הרה"ג נחום שליט"א – חתן הרה"ג אב"ד תולדות רפאל קאשוי שליט"א
הרה"ג ר' שלמה זלמן גראססמאן שליט"א
בן הרה"ג מרדכי יושע שליט"א – חתן מוה"ר אברהם שמואל עקשטיין הי"ו – מראה"ק
הרה"ג ר' יוסף שמעי' דייטש שליט"א
בן הרה"ג אב"ד מקור חיים שליט"א – חתן הרה"ג ישראל חיים אשרי שליט"א
הרה"ג ר' אשר שמואל כ"ץ שליט"א
בן הרה"ג דומ"ץ דקהלתינו שליט"א – חתן הרה"ג יעקב דוב שפיטץ שליט"א
הרה"ג ר' הילל ראזענבערג שליט"א
בן מוה"ר הערש לייב הי"ו – חתן מוה"ר מרדכי עלענבויגן הי"ו – מראה"ק
הרה"ג ר' אברהם יצחק שטיינמעץ שליט"א
בן הרה"ג יואל צבי שליט"א – חתן הרב אפרים וועבער שליט"א
דער רבי האט זיך באגריסט מיט די רבני ודייני העיר אויפן אויבנאן
עס האט אויפגעטרעטן הרה"ג רבי יוסף ברוך יונגרייז שליט"א ראה״כ, און אַרויסגעברענגט די אויסטערלישע שמחה וואָס די היינטיגע טאג איז ביי אלע רבני ולומדי הכולל, די חשובע ראשי און די חברי הנהלת הכולל, ווען מ'איז זוכה אַז אַזאַ הערליכע קבוצה מלומדי הכוללים זענען עולה להוראה אינעם בית הוראה דקהלתינו הק'.
מיט'ן דבר הנהלת הקהלה האט אויפגעטרעטן הרה״ח ר׳ אברהם שלום מענדלאוויטש הי"ו מראשי הקהלה, וועלכע האָט במיטב לשונו ארויסגעברענגט די אויסטערלישע שמחה וואס הערשט ביי אַלע חברי הקהלה אז ברוך שהחיינו וקימנו והגיענו לזמן הזה, אז מ'איז זוכה צו מרחיב זיין די גבולי ההוראה אויף אזא שטארקע פארנעם, דערביי האָט ער ארויסגעברענגט לשבח די געוואלדיגע ארבעט וואס די חברי הנהלת התאחדות אברכים לייגן אריין להרמת קרן קהלתינו הק'.
דערנאך האט אויפגעטרעטן הרה"ח אברהם שמואל עקשטיין הי"ו מראה"ק,
דאן האט אויפגעטרעטן הרה״ג ר׳ שמעון כ״ץ שליט״א דומ״ץ דקהלתינו הק׳ און אַרויסגעהויבן די חשיבות פון די חשובע דיינים שליט"א וועלכע האבן זיך משלים געווען מיט אזא שלימות און קונה געווען די קניני ההוראה מיט אזא קלארקייט, וואס ער האָט פּערזענליך מיטגעהאַלטן ביים לערנען און פארהערן די חשובע דיינים ביז זיי האבן זוכה געווען נתעטר צו ווערן מיט'ן כתר ההוראה.
דערנאך האט משמיע געווען דברי תורה כ"ק גאב"ד דקהלתינו שליט"א און אַרומגערעדט בשבח פון די חשובע דיינים וועלכע זענען מסלתה ומשמנה פון די הייליגע קהלה און להם נאה ויאה לעלות על משמרת ההוראה, און אין די זעלבע צייט האָט דער רב שליט"א אַרויסגעברענגט די שטאַרקע כח ההוראה וועלכע באַשיינט שוין קהלתינו הק' דורכאויס די לעצטערע צענדליגער יארן דורך די חשובע ביז היינטיגע מורי צדק שליט"א אין שפּיץ פונעם דומ"ץ הקהלה, און אויסגעפירט מיט ווארימע ברכות אַז זיי זאָלן מצליח זיין להגדיל תורה והוראה.
דערנאך האט דער רבי משמיע געווען דברות קודש
בראשית דבריו האָט דער רבי אַרויסגעברענגט רגשי לבבו אויף די הערליכע בליה און וואוקס פון קהלתינו הק׳ בכמות ובאיכות וואו עס ווערט נתרחב די גבולי קדושה
דער רבי האט אַ לענגערע צייט אַרומגערעדט איבער די זכי' צו ווערן אַ דיין און פּסק'נען פאַר אידישע קינדער לזכות את בני ישראל,
דער רבי האָט אָנגעוואונטשן פאר די פרישע מורי צדק אַז זיי זאָלן זוכה זיין צו אַ שטאַרקע סייעתא דשמיא און מזכה זיין דעם ציבור בתורה והוראה מתוך נחת והרחבת הדעת, און צו די ברכה פון וה' עמו מלמד שהלכה כמותו בכל מקום.
מען האט געזינגען ניגונים לכבוד המאורע,
דערנאך האט דער רבי געטרינקען לחיים, פארטיילט שריים און אנגעוואונטשען ברכת קדשו פאר די פרישע מורי צדק און פאר אלע משתתפים.
נאכן מעמד איז דער רבי אנגעקומען צום שטח הבניה פונעם נייעם בנין בית אסתר ווי די רבי האט זיך אומגעקוקט אויף די בוי ארבעט,
עס איז אויך אנוועזנט געווען הגה״צ גאב״ד דקהלתינו הק׳ שליט״א און די נדיבים בעם
דער רבי איז ארומגעגאנגען און אלע אפטיילונגען פונעם בנין אזוי אויך אויף די ערשטע שטאק ווי עס ווערט געבויט א נייע חתונה זאל
דער רבי האט אנגעוואונטשען ברכת קדשו פאר די נדיבים בעם און די חברי הנהלת מוסדותינו הק׳
דערנאך איז דער רבי אנגעקומען און שטוב פון העסקן הנמרץ לכל קדשו קהלתינו ומוסדותינו הק׳ און מאנסי ר׳ שלום דוב כהן הי״ו דער רבי האט געקלאפט א מזוזה ביים הויפט אריינגאנג דערנאך געטרינקען לחיים און אנגעוואונטשען ברכת קדשו פאר ר׳ שלום דוב הי״ו און די בני המשפחה.
ארום 3:30 האט דער רבי פארלאזט מאנסי
אויפן וועג אהיים האט דער רבי מבקר חולה געווען א צאל אנשי שלומינו אינעם קלאמביע שפיטאל
אום 6:10 איז דער רבי אריינגעקומען צו תפילת מנחה בעל תפילה איז געווען מו״ה שרגא פעלדמאן הי״ו
נאך מנחה האט דער רבי מסדר קידושין געווען ביי די חופה פון
החתן בן הרה״ח ר׳ חנני יו״ט ליפא יאקאבאוויטש הי״ו הכלה בת הרה״ח ר׳ שמואל דוד וועבער הי״ו אין די קאנטינענטאל זאלן
אום 7:30 איז געווען זמני כניסה ביז 11:15 אויפדערנאכט
בין הנכנסים איז אריין אל הקודש פנימה הגה״צ ר׳ יעקב יוסף האגער שליט״א א זוהן פון האדמו״ר מוויזניץ ירושלים שליט״א לרגל די חתונה פון א קינד עס האט זיך פארצויגן א שיינע שמועס און דער רבי האט אנגעוואונטשען ברכת קדשו
ארום 9 אזייגער איז דער רבי אריינגעקומען צו תפילת מעריב בעל תפילה איז געווען הב׳ בן הרה״ח ר׳ יואל ישראל זופניק הי״ו
נאכן געזעגענען איז דער רבי אריבער אין ביהמ״ד סקולען צום שמחת השבע ברכות פון א אייניקל פון מחותנו האדמו״ר מסקולען שליט״א, די כלה א טאכטער ביי זיין איידעם הגה״צ ר׳ מרדכי דוב בעק שליט״א אב״ד טאלמיטש מאנסי החתן בן הגה״צ ר׳ שלמה יעקב זיידא אייכענשטיין שליט״א דומ״ץ בורשטין א זוהן פון האדמו״ר מבורשטין שליט״א
דער רבי איז געווארן מכובד מיט לחיים און אנגעוואונטשען ברכת קדשו פאר די חתן, מחותנים אין די זיידעס דערנאך זיך אויפגעשטעלט אין א ריקוד און אין א עקסטערן ריקוד מיט די זיידע האדמו״ר מסקולען שליט״א
אום 11:45 איז דער רבי צירוק אהיים לביתו נאוה קודש.
~
~
בצל התומר