Re: עקסקלוסיוו - כשר'ער POM פליפ-פאון ארויס אויפ'ן מארקעט!
געפאוסט: מיטוואך אוגוסט 13, 2025 4:08 pm
ווען איך האב געקויפט מיין פאם טעלעפאון האט אלעס אויסגעקוקט זייער גוט, א מחיה'דיגע פאון, אלעס ארבעט, גוטע פיטשער'ס, קוקט אויס שטארק, וכדו',
איך האב געהאט אסאך הערות וואס מ'קען ווען פאררעכטן און צולייגן, וואס איך האב גראדע שוין דא פארגעלייגט בעבר ברבים, געוויסע זענען געווארן מסודר אין די אפדעיטס, געוויסע ווארט איך נאך אויף דעם.
ארום און ארום האט אויסגעקוקט אז סיי די פאון איז גוט, און סיי די סופארט איז גוט.
אביסל אריין אינעם בילד האב איך אנגעפאנגען טראכטן אנדערש. געוויסע זאכן האבן מיך שוין אנגעפאנגען צו נערווירן צו שטארק וואס איך האלט אז עס דארף א טויש. און איבער אלעם האט מיין פאון געכאפט א קרעק נישט אזוי לאנג נאכן קויפן רעלאטיוו, און איך האב אנגעפאנגען איינזעהן (ליין: זיך איינרעדן) אז די אלע פראבלעמען איז טאקע דא.
און ווען צוביסליך איז די קרעק אויף די פאון געווארן שטערקער און שטערקער, און די מכה בפטיש האט פאסירט נישט לאנג צוריק, האב איך אנגעפאנגען טראכטן ביי וועלכע אנדערע קאמפאני וועל איך יא באקומען א גוטע הארדווער, אז מיין שיינע סכום געלט וואס איך האב באצאלט דערפאר, + וואס איך עקסטער צוגעקויפט א קאווער, זאל זיך אויסצאלן און זיך האלטן לאנגע יארן, און אויך זאל איך באקומען גוטע קאסטומער סופארט וואס איך האב געפילט (ליין: זיך איינגערעדט) א גאנצן צייט אז איך באקום נישט.
ביזדערווייל האב איך געבליבן ציען מיט די צובראכענע טעלעפאון, וואס איך האב אנגאנצן צייט אבאכט געגעבן אז די דינע ווייערינג צווישן די פאון אין די סקרין זאל זיך נישט אפהאקן, און ביי יעדע פאון קאל האב איך געדארפט האלטן קאפ בשעת איך רעד צו א מענטש, אז די פאון זאל נאך בלייבן לעבן די קומענדיגע מינוט...
עס איז געלונגען צו אפערירן מיט דעם מהלך פאר א שיין ביסל, ביזדערווייל וואס פאם גיבט מיר נישט קיין שום קאסטומער סערוויס אויף זייער צובראכענעם פראדוקט, וואס איז אזא שאד אז איך האב עס בכלל געקויפט.
איין טאג איז עס געשעהן, די פאון האט זיך א קליין ריק געגעבן, און פון פליפ איז געווארן פליק...
איך האב מחליט געווען "עד כאן" מ'מוז עפעס טוהן, אבער מיין פוילקייט האט צוגעגעבן אז איך האב ווייטער גענוצט די פאון אויף ספיקער און בלוטוט אן קיין סקרין פאר אביסל, און איך האב עס נאך אנגעלייגט אויף פאם מיינע אלע צרות...
ביז...
עס איז מיר בייגעפאלן א דזשיניעס געוואלדיגן חידוש. איך וועל נוצן די לעצטע שטרוי זיך אנצוכאפן דערויף.
וואונדער איבער וואונדער די שטרוי האט געהאלפן...
איך האב מיך איינמאל איבערצייגט ווי מאכטפול די פשוטע שטרויענעם איינפאל איז געווען.
נו?
וואס קען שוין זיין מיין גאונישן בייפאל?
איך האב קאנטאקט די "פאם קאסטומער סופארט", איך האב אויסגעפילט א ווארענטי פארום, באקומען אויף אימעיל א UPS לעבל, ארויסגעפרינט און ארויפגעקלעבט אויפן סעלפאון באקסל.
ארום 12'ווע אויפדערנאכט (אינמיטן-די-נאכט איז בעסער?...) האב איך ענדליך געהאט עטליכע מינוט, איך האב מיך געטראפן ביי דעם נענטסטן UPS דראפ באקס, און די סעלפאון איז אנגעקומען אינעווייניג.
און.
איך האב מיך געזעצט ווארטן....
מסתמא וועט עס נעמען צוויי וואכן האב איך געטראכט, אויב זאגן זיי אז בערך א וואך, מסתמא נאך איבער א וואך וועלן זיי מיר רופן זאגן אז אנטשולדיגט עפעס א פארט פון די פאון פעלט, און מיר ווארטן עס צו באקומען פון אינדיע, און אזוי ווי די טאריפ'ס פון אינדיע איז יעצט הויעך, וועלן מיר זיין געצוויגען צו טשארדזשן דעם נישטיגן סכום פון בלויז $100, וואס קויפן א נייע וואלט דיר געקאסט $350, סוי פריי דיך מיט אונזער גוטע סערוויס...
איין און אהאלב טאג שפעטער:
(צו זיין קארעקט בערך צוויי שעה מער ווי א האלבע... איך האב נאכגעטשעקט די אימעיל, עס איז ארום 2'ע נאכמיטאג)
איך באקום אן אימעיל אז UPS האט ארויסגעשיקט א פעקל פאר מיר, און איך דארף עס באקומען מארגן.
א פעקל פאר מיר? מסתמא איינע פון די אייטעמס פאר מיין ביזנעס וואס איך האב באשטעלט ביי עמעזאן לעצטנס, און יענע בייער שיקט עס מיט UPS ווייל ער האלט עס נישט ביי עמעזאן. אקעי.
21 שעה שפעטער:
(ארום 11'ע פארמיטאג א טאג דערנאך)
איך באקום אן אימעיל אז די פעקל איז אנגעקומען.
איך לויף ארויס פון אפיס, און איך זעה נישט קיין פעקל...
איך האב נישט געהאט קיין צייט קער צו נעמען דערפון אויף די מינוט, איך וועל שוין באלד נאכטשעקן ביי די ארומיגע שכנים צו די פעקל איז דארט אנשטאט, און אז נישט וועל איך קלעימען אויף עמעזאן אז איך האב נישט מיין פעקל.
איך קום אן אהיים מיט עטליכע שעה שפעטער, און איך זעה א פעקל!
איך האב בטעות אריינגעלייגט אין עמעזאן מיין היים אדרעסס? עפעס שטומט נישט דא.
אין מיין ווילסטן חלום האב איך נישט געטראכט אז עס האט גארנישט מיט ביזנעס צו טוהן, אדער עס איז גאר סיריעס ביזנעס...
איך פויל זיך נישט. איך עפן דעם פעקל, און עס באווייזט זיך פאר מיינע אויגן א "פאם סעלפאון"...
דא ענדיגט זיך די מעשה.
איך וועל נאר צוענדיגן, אז איך האב נאך געהאט אסאך חששות צו זיין איבערצייגט אז דאס איז ריכטיג מיין סעלפאון, אפשר פאר מיין שכן, אדער אפשר האבן זיי מיר פלעין געשיקט א נייע פאון, און זיי וועלן מיר טשארדזשן מיין קארטל פאר א נייע פאון, מיטן תירוץ אז עס איז געווען מיין שולד אז ס'האט זיך צובראכן און ס'איז געווען אזוי צובראכן אז מ'האט עס נישט געקענט פאררעכטן.
למעשה האב איך זוך געטראפן מיט א הערליכע "פאם פאון" מיינע אלע קאנטאקטס, מיינע סעטינג'ס וויאזוי איך האב עס איבערגעלאזט, מיינע בילדער און וואלפעיפער. ועל כולם מיט א שפאגל נייע הינזש און וואס ס'האט זיך אויסגעפעלט, שטארק געשמאק און גוט.
א סורפרייז האט מיר געכאפט!
די פאון איז שוין פולי מיט די נייעסטע אפדעיט וואס ס'ליגט נאר ביי די טעסטער'ס ביזדערווייל...
עטליסט רעד איך זיך אזוי איין, וויבאלד איך זעה (אדער איך רעד מיך איין אז איך זעה) אז די פאון איז מסודר מיט געוויסע אישוס קלייניגקייטן דא דארט וואס האט מיר געפלאגט בעפאר, און יעצט קוקט אויס אלעס געשמירט...
קען זיין איך האב באקומען נאר א האלבע אפדעיט, נאר די פאר זאכן וואס איז שוין געווען אינגאנצן רעדי אן קיין באג'ס. ווייס איך נישט.
איך האב שיעור פארגעסן איין זאך. ליתר שאת האב איך געהאט גערופן נאכאמאל קאסטומער סופארט אויפן טעלעפאון צו מאכן זיכער אז זיי האבן באקומען מיין פארום און זיי פארשטייען וואס האט זיך צובראכן און צו ס'איז נאר עפעס אן אטאמאטישע סיסטעם רעפליי אימעיל, און גארנישט גייט געשעהן.
זיי האבן מיר פארזיכערט אז יא, אוודאי, זיי וועלן אלעס קער נעמען. און איך האב זיי נאכצוגעלייגט איבער מיין פאון אז די זייטיגע וואליום באטנס ארבעטן נישט געהעריג, און זיי האבן געזאגט אז זיי לייגן עס אין א נאוט צו מיין ווארענטי ריקוועסט.
און יא דאס איז אויך געפיקסט יעצט.
און ניין עס האט גארנישט געקאסט עקסטער.
איך האב שפעטער געזעהן אויף מיין באנק סטעיטמענט א טשארדזש פון פאם פון $10
ווער ס'ווייסט זאל מיר לאזן וויסן, צו ס'איז פאר די שיפינג, אדער אז זיי טשארדזשן $10 פארן פיקסן, אפשר צוליב די באקאנטע כלל, אז אויב מ'באצאלט (כאטש עפעס), עפרישיעט מען יענעמס ארבעט...
ובזה באתי על החתום:
"א צופרידענע פאם קאסטומער"
מקום חתי"ק
אני הק'
"א צופרידענע פאם קאסטומער"
מקום חתי"ק
אני הק'
-
הוספה:
יעצט קוקענדיג דא אויף זייער וועבסייט זעה איך מער אינפארמאציע.
קודם בין איך געוואר געווארן אז די $10 איז פאר די שיפינג לעבל
דערנאך אויב די פאון איז געקויפט געווארן מער ווי דריי חדשים בעפארן זיך צוברעכן, בעטן זיי שוין יא געלט, און אפי' אונטער דריי חדשים איז בחנם נאר אויב ס'איז צובראכן די הינדזש אדער סקרין, פאר אנדערע פראבלעמען קען עס יא קאסטן.
https://pomkosher.com/pages/warranty-policy