נייעס ליבהאבער האט געשריבן: ↑מאנטאג יאנואר 15, 2024 3:55 pm
קרית יואל שפּאַנט אַריין אין היסטאָרישע קרן הבנין קאַמפּיין אָנצושליסן אַלע תושבי העיר צו פאַרענדיגן די ריזן בנין האדיר פונעם מקוה טהרה
ריזיגע מקוה טהרה פּראָיעקט קאָסט אָפּ אַסטראָנאָמיש
דריי-און-דרייסיג-מיליאָן דאָלאַר,
אין די פאַרגאַנגענע דריי יאָר זינט די אָנהייב פון די אַרבייט איז שוין אריינעלייגט געוואָרן אינעם פּראָיעקט 18 מיליאָן דאָלאַר, פאר די ווייטערדיגע קאָסטן דארף דרינגענד באַלדיג געשאַפן ווערן די איבריגע 15 מיליאָן דאָלאַר, עס איז שוין ב"ה דאָ הבטחות פון גרעסערע פילאַנטראָפּן פון אַרום אַכט מיליאָן דאָלאַר,
צו ענדיגן דעם הייליגן פּראָיעקט מוז באַלדיג געשאַפן ווערן ביים ברייטן ציבור די פאַרבליבענע זיבן מיליאָן דאָלאַר
שטורעמישע “אסיפת עסקנים” בראשות כ"ק מרן רבינו הגה"ק שליט"א פאַרגאַנגענעם ליל שישי שמות בביתו נאוה קודש שטעלט אַראָפּ פונדאַמענט פאַר גרויסאַרטיגע "שטילע קאַמפּיין" אָנצושליסן די גאַנצע שטאָט להקמת מבצר הטהרה
…“א אינטערעסאנטע זאך, אין א זמן פון הסתרת פנים, אין די מקוה זעהט מען אפענע זאכן אידן האבן געהאט ישועות אין א מקוה, א פלא פון א זאך עס איז דא אנדערע זאכן וואס עס איז דא א גרויסע הסתרה אבער אין די מקוה זעהט מען אפענע ישועות”…
מתוך דברות קודש של כ”ק מרן רבינו שליט”א
דרוקט דא צו הערן די פולע דברות קודש ביים אסיפת עסקנים ליל שישי שמות
דרוקט דא צו הערן די פקודת הקודש
איך וויל בעטן יעדן יונגערמאן וואס איז א תושב דא אין קרית יואל, ער זאלפילן די פליכט אז ער דארף זיך ביי זיך בויען א מקוה.
איך האב אמאל געזאגט פאר א איד, איך בין געגאנגען נאך געלט פאר א מקוה,לעולם יעדער האט א פליישיגע קאך, א כשר'ע קאך, יעדער האט אין שטוב ביי זיך דעם גאנצן כשרות, וואלט דאך יעדער געדארפט האבן פאר זיך א מקוה, יעדער וואלט געדארפט ביי זיך בויען פאר זיך א מקוה, מ'דארף אבער נישט אז יעדער זאל בויען פאר זיך אליינס אמקוה, מ'בויעט איין מקוה וואס יעדער זאל קענען באנוצן, אבער יעדער דארף פילן אפליכט איך דארף זיין א שותף צו די מקוה.
איך וויל בעטן יעדן יונגערמאן, גדלו לה' אתי, כמנין שם הוי"ה, כ"ו מאות דאלער זאל יעדער יונגערמאן פילן א פליכט פאר די מקוה.
יעדער מאנשי שלומינו וועט זיך אָנשליסן מיט אַ שותפות אין די מקוה טהרה מיט'ן זכות מרבה טהרה פון $5,000 צו קענען גומר זיין די בנין
ולכה"פ מיט'ן פקודת הקודש פון כ"ק מרן רבינו הגה"ק שליט"א אַז יעדער יחיד זאָל זיך משתתף זיין מיט לכה"פ $2,600 אַלס שותפי המעיין
ספעציעלע פעימענט פלאן פון לכה”פ $100 א חודש פאר די קומענדיגע פיר יאר ווערט פרעזענטירט
העכער 1,200 תושבי קרית יואל האָבן זיך שוין אָנגעשלאָסן אַלס שותפים אין די מקוה טהרה במשך די לעצטע יאָר צייט
דערונטער שווערע הונדערטער לומדי מבצר הכוללים וועלכע האָבן געשאנקן מסירת נפש'דיגע נדבות פון $2,600 און אַרויף למען טהרתן של ישראל
העכער פופציג ענערגישע עסקנים מיט אַ וואַרעם הארץ מאָביליזירט אַלס עסקנים אויפצואַרבייטן די וואַרימע תרומת הקודש ביים ציבור
ערווארט א רוף פון די עסקנים אין די קומענדיגע טעג, נעמט זיי אויף בסבר פנים יפות
מחזה הוד ותפארה נאָכ'ן אסיפת עסקנים ווי דער ציבור זיצט מיט ליסטע פון געגנטער, בתי מדרשים, חברים וידידים, ווען מ'וועט בעז"ה אָנרופן אָנשליסן אינעם אויפבוי פונעם מקוה טהרה
אויב ווילט איר אויך האבן די זכי’ ארויסצוהעלפן די מקוה טהרה, פארבינדט אייך מיט די ראשי העסקנים: מוה”ר חיים שלמה קרויס הי”ו, מוה”ר יחזקאל געלבשטיין הי”ו, מוה”ר אליעזר דוד גליק הי”ו