אידטיש

חיזוק חינוך הטהור בפועל ממש!
קדש את שמך על מקדישי שמך!!

אין א בשורה מרנינה קומט אריין די ברעכענדע נייעס יעצט ערב שבת פ' וישב, ערב יום הגדול יום הצלת רביה''ק זי''ע, אז די קומענדיגע זונטאג ביים כינוס סאטמאר - 'יובל השמונים' וועט אויך פארקומען א גראזיענדע חלוקת 'שקל הטהור' וואס איז געשאפן געווארן אין די וואך דורך מרן רבינו עט''ר שליט''א, וואס בעצם איז דאס בכלל נישט געווען אויפן סדר היום, און די ציל פארוואס מ'האט צוזאם גערופן די ריזיגע היסטארישע 'מסע חינוך הטהור' איז געווען געווידמעט בלויז פאר חיזוק און נישט קיין געלט! און ב''ה און די ערשטע טעג זייט זיי זענען אנגעקומען זעהט מען שוין די אומגלויבליכע חיזוק און הרגשה וואס די מנהלים באקומען, נאך די נעכטיגע מעמדי קידוש שם שמים וואס וועט געדענקט ווערן פאר לאנגע יארן, און זה לעומת זה וואס די ציבור ווערט אנגעווארימט און ס'דערגרייכט העכער אלע ערווארטונגען די מהפיכה אדירה לרומם קרן חינוך הטהור. אבער די מגן חינוך הטהור די שומר על גחלת ישראל מרן רבינו שליט''א האט געזאגט אז ארויס ברענגען די מנהלים איז נישט גענוג ברוח, נאר מ'דארף בפועל זעהן צו טיילן עפעס געלט, איז כאטש ביים רבין איז געווען די טעג זייער פארנומענע טעג, יעדען טאג מיט נגידים פאר די מוסדות, אבער ס'איז אים געגאנגען בנפשו אז מ'מוז טיילן געלט פאר די חשובע מנהלים אויכט, און הגה''צ אבד''ק סיגוט שליט''א האט מיט עטליכע פילנטראפן באוויזן צוזאם צו שטעלן אין בלויז צוויי טאג די ריזיגע סכומים, און ס'איז פארגעקומען נעכטן ליל שישי ביינאכט ביים רבי'ן מיט הגה''צ אבד''ק סיגוט שליט''א מיט עטליכע נגידים ווי מ'האט געטרינקן לחיים און די רבי האט מאציל געווען מברכותיו הטהורות. איז יעצט ווערט אפציעל געמאלדן מטעם 'שקל הטהור' אז זונטאג 6:30 אין בארקעליס וועט פארקומען די מעמד חלוקת שקל הטהור אין די הענט פון די חשובע שלוחי כלל ישראל די העלדישע בעלי מסירות נפש, די גברי כח מנהלים על טהרת הקודש מדן ועד באר שבע, בפני כל הקהל הקודש זקנים עם נערים, און ס'וועט אריינגעקריצט ווערן אין די אויגן פון אלע משתתפים די הייליגע מעמד, און די קידוש שם שמים וועט דערגרייכן מסוף העולם ועד סופו!! ברכנוכם מבית השם! און אזוי ווערט אפציעל געמאלדן אז הגה''צ אבד''ק ירושלים שליט''א וועט באגריסן די חשובע מנהלים על טהרת הקודש מיט קורצע ווערטער און ארויסברענגען פאר די רבבות די חוב זיי צו שטיצן און מחזק זיין, און איבערגעבן פאר די קינדער אשר לא ידע את יוסף אונזער התחייבות. אזוי אויך וועט געהערט ווערן קורצע פייערדיגע ווערטער די דבר המנהלים דורך צוויי חשובע מנהלים איינס פון די חסידישע מוסדות א לאנגיעריגע מנהל הרה''ח ר' יהודה עהרנטאל שליט''א מנהל בנות ירושלים, און איינס פון די ליטווישע בני תורה. די עקסטאז ביי די מנהלים על טהרת הקודש איז אומבאשרייבליך.

בכן יתקדש שמך על ישראל עמך ועל ירושלים עירך ועל ציון משכן כבודיך!!