פופציגער האט געשריבן: ↑מאנטאג אפריל 01, 2024 7:14 pm
א זייטיגע נקודה למחשבה.
האט איר שוין אמאל געקלערט פארוואס מאשקע האט בכלל גענומען אן ארענדע ביים פריץ? האט ער דען נישט געוואוסט אז אלע מאשקעס פליען סוף כל סוף אריין אינעם טונקעלן קאלטן גרוב מיט שלענג און עגדיסן און דער פריץ ווארפט אוועק די שליסלען?
האט איר שוין אמאל געקלערט פארוואס איז דער קאפיטאן בכלל ארויסגעפארן? אדער פארוואס דער בעל עגלה האט בכלל אנגענומען לאנג דיסטענס רייזעס? האבן זיי דען נישט געוואוסט אז די רויבער וועלן זיי בינדן אין קייטן און מאכן פון זיי סאלאמי?
אמער, האט איר שוין געהערט פון א מאשקע וואס האט געהאט צו באצאלן? פון א שיף וואס איז דורכגעפארן דעם גאנצן ים?
נאר וואזשע דען... טויזנטער מאשקאות האבן יא געהאט צו באצאלן. טויזנטער שיפעלעך האבן דורכגעפירט מערערע סוקסעספולע רייזעס. בערל בעל עגלה האט זיין ערפארונג אויך באקומען נאר נאכן דורכפירן הונדערטער רייזעס. און אזוי ווייטער.
מיר הערן נאר די געשיכטעס ווען זאכן זענען געפארן ארויס פון די ליניע.
לענינינו:
צענדליגע טויזנטער אידן דרייען זיך ארום, און גייען אויף די צוויי פיס אדאנק טעראפי הילף.
די וועלט פון טעראפי האט צאללאזע סוקסעס געשיכטעס ביים היימישן ציבור.
איי, דו ווייסט פון איבער צען געשיכטעס, מיט נעמען! וואס זענען דורכגעפאלן? אדער דו ווייסט פון שלעכטע טעראפיסטן? און זאגאר רוב טעראפי געשיכטעס וואס דו קענסט האבן נישט געהאט א העפי ענדינג?
רייט. ווייל דיין אינגל’ס מנהל דער בארימטער געלונגענער מחנך, און דער ראש הקהל פון דיין שוהל דער באקאנטער ביזנעסמאן, און אזוי אומצאליגע סוקסעספולע מענטשן, אדער אפילו סתם עמך אידן וואס לעבן א געשמאקע לעבן, גייען דיר נישט קומען אריינרוימען אין אויער אז אמאל פלעגן זיי זיך מוטשען מיט גייסטישע פראבלעמען ביז טעראפיסטן האבן זיי אויסגעהיילט.
ווער דערציילט יא? אדער דער חולה נפש וואס וויל זיך נישט לאזן העלפן און אלץ נקמה אין די "שלעכטע מענטשן" וואס ווילן העלפן פארשפרייטן זיי שמועות מבהילות (דאס איז א עכטע זאך און א טיפישע שריט פון איינס פון די פאפולערע גייסטיע קרענק), אדער איינער ביי וועמען ס’טאקע דורכגעפאלן.
און געשיכטעס פונעם גוטן טעראפיסט הערסטו נישט, דו הערסט נאר פון דעם איינעם שלום בית מאכער וואס צושטערט שטיבער.
והשתא דאתית להכא, דאס איז דער ענטפער וויאזוי ס’קען זיין אז א רבי זאסט אז טעראפי איז גוט, און ס’זאל נאכאלץ שטימען אז ער ווייסט אויך די אלע געשיכטעס וואס סי אלע אנטי טעראפי אידן ווייסן.
ווייל דער רבי, דער עסקן, דער מנהל, קען אויך די סוקסעס געשיכטעס.
און איך און דו נישט.
האב איך מחליט געווען יא זיך צו באציען צו דעם מעסעדזש ווייל דא קען מען זעהן די צומישעניש און אומקלארקייט וואס קומט פאר אין די נושא פון טעראפי
איז אזוי דרייען זיך ארום הונדערטער אידן וואס האבן מיטגעהאלטן טעראפי געשיכטעס ערשטהאנטיג און וויינען אז טעראפי איז א דיזעסטאר, זיי קען מען נישט גלייבן זיי זעענען חולי נפש, קראנקע מענטשן וואס ביי זיי איז די טעראפי נישט געלונגען פערצופאל אדער זענען זיי גאר אליין שולדיג ווייל זיי האבן נישט געפאלגט די "הייליגע לייסענס טעראפיסט"
ווי זענען די סוקסעס סטאריס ? אה די סוקסעס סטאריס שעמען זיך ..... נאר די טעראפיסטן און די עסקנים ווייסן ווייל עס איז קאנפידעשאל.... אינטערסאנט אז די וואס זענען דורך געפאלן זיי שעמען זיך נישט און די געלונגענע מענטשן זיי שעמען זיך גאר
וואס מיינט טעראפי? פרעג מיך נישט דו קענסט עס נישט פארשטיין .....
דרייען זיך ארום נעבעך אידן וואס גייען שוין יאארן פאר טעראפי און זיי גלייבן אז ווען נישט טעראפי וואלט געווען סאך ערגער , דער לייסענס טעראפיסט האט אים דאס אליינס ערקלערט , ומי יבא אחר המלך
קומט ארויס א איד שרייען אז ער זיצט פרעזענליך מיט וויקטאמס פון טעראפי און די מצב איז איום ונורא, שרייט מען אז איז א שופך דמים , ער וויל אז מען זאל קומען צו אים ......
מיר האט געזאגט א געוועזענע קלייענט פון א טעראפיסט אז ווען ער בלייב ביי אים פאר נאך א קורצע תקופה און פאלג אים וואלט ער בלי ספק געווען היינט אין א משוגעים הויז ... אבער דער טעראפיסט האט אים געהאלטן אין איין מסביר זיין אז די איינציגסטע פראבלעם איז אז דו פאלגסט מיך נישט בלינדערהייט ... ווען איך קען ווען שרייבן פרטים וואלט דער עולם נישט געגלייבט וואס מען קען טון מיט א מענטש
תמצית אויף למעשה, מען דארף וויסן אז די מציאות איז ביטער און אודאי דארף מען זיך לאזן העלפן אבער דער קלייענט דארף טון די פאללגענדע:
1) זיך גוט נאכפרעגן אויף דעם טעראפיסט און זיין היסטאריע
2) פארשטיין וואס די פלאן איז און וויאזוי עס דארף צו ארבעטן
3) נישט פאלגן בלינדערהייט אן פארשטיין, נאר איבער טראכטן און רעדן מיט א מורה הוראה
4) אויב זאגט ער פרעג נישט קיין דיין לויף אוועק פון אים
5) אויב זעסטו נישט קיין עכטע פראגרעס נאך א שטיק צייט זוך א צווייטן .
6) שפירן באקוועם מיט זיינע געפילן און החלטות
והרופא לשבורי לב ירפא כל החולים בגוף ונפש למצוא מרגוע לנפשם, און דער אמת זאל נתגלה ווערן איבער דעם שטארקן פראבלעם וואס עס איז דא, און די מענטשן זאלן טרעפן די ריכטיגע הילף ,און הכל על מקומו יבא בשלום
נ.ב. היות איך בין אן ארבעטער און אסאך מאל ווער איך ליידער פארשלעפט און טענהרייען אוון שמועסן וואס שטערט מיין ארבעט, וועל איך נישט קענען זיך באציען צו אלע ענטפערס על אתר , ועוד חזון למועד צו ענטפערן אויף עכטע אויסקלארונג שאלות און נישט צו סתם ליצנות און חוזק מאכערס
הצלחה רבה וכל טוב
