Re: באריכטן און בילדער פון אלע חצרות הקודש
געפאוסט: דאנערשטאג אקטאבער 26, 2023 10:06 am
בצל התומרסאטמאר מהר״יי
מיטוואך פרשת לך לך
מיטוואך פרשת לך לך
אום 8:15 איז דער רבי אריינגעקומען צו תפילת שחרית אין היכל הישיבה גדולה
בעל תפילה איז געווען הב׳ בן הרה״ח ר׳ יודל עפשטיין הי״ו
נאכן דאווענען איז דער רבי אריין בחדרו הפרטי געלייגט תפילין דרבינו תם און עוסק געווען בלימודו
דערנאך זענען אריין אל הקודש פנימה די חתנים תלמידי הישיבה ווי דער רבי האט אנגעוואונטשען ברכת קדשו אזוי אויך זענען אריין אל הקודש פנימה שלום נעמען פון רבין די תלמידים פון אויסלאנד
במשך פונעם סדר הלימוד איז דער רבי עטליכע מאל אריינגעקומען און היכל הישיבה און זיך אומגעקוקט אויף די לימודים
ארום 1:30 איז דער רבי אריינגעקומען אין היכל הישיבה ווי דער רבי האט אויפגעטרעטן מיט די דרשת פתיחת הזמן פאר די תלמידי הישיבה
דער רבי האט זיך געשטעלט אויף די פסוקי הפרשה און ארויס געברענגט מפי ספרים וסופרים אז עס איז נישט שייך א איד זאל זאגן אז ער קען נישט לערנען אדער דאווענען, נאר דער בוכ"ע איז מקבל יעדע איד אין וועלכע מצב ער זאל נאר נישט זיין, ובפרט אין אזעלעכע שווערע זמנים קוקט די באשעפער ארויס אויף יעדע קליינע פעולה און אויף יעדע תפילה פון א יעדע אידיש קינד.
דער רבי האט נאכגעזאגט דאס ווארט פון הרה"ק ר' בנימין ראבינאוויטש זצ״ל אז די בוכ"ע איז משגיח מן החלונות ומציץ מן החרכים, אבער אז ווען א איד וועט גוט קוקן קען מען אריין קוקן אינעם שפאלט און מען זעט די השגחת הבורא.
דער רבי האט מאריך געווען בדברי מוסר והדרכה צום נייעם זמן, ובפרט נזהר צו זיין בעניני בין אדם לחבירו,
נזהר צו נישט צו ליגן אין די אלע נייעסן פון די גאס, וואס עס איז קיינעם נישט מעלה ומוריד די אלע זאכן, א איד דארף לעבן העכער די הויות העולם, ווי די אייבישטער האט אויפגעהויבן אברהם אבינו העכער די גאנצע בריה און געזאגט כה יהיה זרעיך,
דער רבי האט מסיים געווען געווען מיט ברכת קדשו פאר די תלמידים און מרביצי תורה.
אום 3:30 איז דער רבי צוריק אהיים לביתו נאוה קודש
נאך א קורצע הפסקה איז דער רבי אריינגעקומען צו תפילת מנחה בעל תפילה איז געווען מו״ה שלום דוב טענענבוים הי״ו
ארום 5:25 איז דער רבי אריינגעקומען אוין די נזר גאלדא זאלן צום שמחת השבע ברכות בחצרות קדשינו וואס איז געווארן אפגעראכטן דורך רבינו שליט״א מיוחד פאר די קינדער און אייניקלעך בני משפחת המלוכה
דער רבי האט זיך געוואשן צום סעודה
עס האט אויפגעטרעטן לכבוד די שמחה הגה״צ אב״ד סיגוט שליט״א און הרב חיים הערש ראזענבערגער שליט״א נכד רבינו
מיט דברי בדחנות האט אויפגעטרעטן הרה״ח ר׳ שלום יוסף פריינד הי״ו
ביים שמחה האט זיך אויך משתתף געווען די פעטער פונעם חתן האדמו״ר מפאפא שליט״א, דער רבי האט מכבד געווען מיט לחיים און זיך אויפגעשטעלט און א ריקוד
מיטן בענטשן האט דער רבי מכבד געווען הגה״צ ר׳ מנשה מאיער שליט״א אב״ד גרינוויל
מיט די שבע ברכות האט דער רבי מכבד געווען די ערשטע דריי ברכות הגה״צ ר׳ יואל שליט״א, די מחותן הגה״צ ר׳ יואל מאסקאוויטש שליט״א, הגה״צ ר׳ ליפא שליט״א, חדב״ן הגה״צ ר׳ אלחנן פילאפף שליט״א,
ברכה אחריתא: די זיידע הגה״צ אב״ד חוות דעת שליט״א
דערנאך האט זיך דער רבי אויפגעשטעלט אין א ריקוד מיט די חתן און מחותנים, און אין א ריקוד מיט די קינדער און אייניקלעך
מען האט פארענדיגט אום 7:20
דערנאך האט דער רבי מסדר קידושין געווען ביי די חופה פון
החתן בן הרה״ח ר׳ יוסף יוזפא ווייסמאן הי״ו הכלה בת הרה״ח ר׳ יואל אביגדור ווייס הי״ו אין די זאלן פון פרדס צבי
און ביי די חופה פון החתן בן הרה״ח ר׳ יואל טייטלבוים הי״ו הכלה בת הרה״ח ר׳ יואל קארפען הי״ו און די זאלן פון פרדס פיגא
דערנאך איז דער רבי אהיים לביתו נאוה קודש
זמני כניסה איז געווען פון ארום 8 אזייגער ביז 10:30 אויפדערנאכט
אום 9 אזייגער איז דער רבי אריינגעקומען צו תפילת מעריב בעל תפילה איז געווען הב׳ משה קלמן פריעדמאן ני״ו
נאכן געזעגענען איז דער רבי אנגעקומען אין די רויעל מענער׳ס זאל צום שמחת השבע ברכות פון החתן בן הרה״ג ר׳ יואל צבי ראטענבערג שליט״א חתן הגה״צ ר׳ שלמה לייב וויינבערגער שליט״א אב״ד פאיע וחבר הבד״ץ דקהלתינו הק׳ און הכלה בת האדמו״ר מאלעסק שליט״א
דער רבי האט געטרינקען לחיים און אנגעוואונטשען די חתן און מחותנים דערנאך זיך אויפגעשטעלט און ריקוד מיט די חתן, מחותנים און די זיידעס און א עקסטערן ריקוד מיט הגה״צ ר׳ שלמה לייב וויינבערגער שליט״א אב״ד פאיע וחבר הבד״ץ דקהלתינו הק׳
אום 10:55 איז דער רבי צוריק אהיים לביתו נאוה קודש.
~
~