מדינת ישראל אין מלחמה

[בודקע]

אמעריקאנער רעגירונג מעלדט סאנקציעס אויף ריכטער און פראקורארן פון אינטערנאציאנאלע געריכט וועגן מדינת ישראל‎

די סאַנקציעס קומען נאָכדעם וואָס די אינטערנאַציאָנאַלע געריכט האָט געמאָלדן אַרעסט וואָרענטס און קלאַגעס קעגן מדינת ישראל רעגירונג באַאַמטע איבער די מלחמה אין עזה. די סטעיט דעפּאַרטמענט זאָגט אַז צוויי ריכטער פון די געריכט און צוויי פּראַסעקיוטערס, וועלכע זענען פאַרמישט אין די קעיסעס קעגן מדינת ישראל, וועלן נישט קענען אַריינקומען קיין אַמעריקע און זייערע פאַרמעגנס ווערן איינגעפרוירן.

[בודקע]

טשערמאן פון "עזה הומאניטארישע פאונדעישאן" ליידט טויט סטראשונקעס פון פרא-כאמאס אקטיוויסטן‎

דזשאַני מאָור דינט אַלס דער טשערמאַן פון די עזה אָרגאַניזאַציע וואָס אַמעריקע האָט אַוועקגעשטעלט צו העלפן פאַרטיילן עסנוואַרג און אַנדערע נויטיגע סופּלייס אין עזה, אָבער פּראָ-כאַמאַס אַקטיוויסטן באַשולדיגן די אָרגאַניזאַציע אין אַרבעטן אינאיינעם מיט מדינת ישראל קעגן פּאַלעסטינער אינטערעסן. צווישן אַנדערן האָבן פּראָ-כאַמאַס אַקטיוויסטן וואַנדאַליזירט מאָור'ס היים אין די לעצטערע טעג, און ער נויטיגט זיך אין סעקיוריטי גאַרדס וואו ער גייט אַרום אין פּובליק.

[בודקע]

פענטאגאן בעט פון קאנגרעס דריי אהאלב ביליאן דאלער צו ערזעצן געצייג גענוצט צו העלפן מדינת ישראל‎

פּענטאַגאָן באַאַמטע זאָגן אַז די אַמעריקאַנער מיליטער האָט געשיקט מיסיל פאַרטיידיקונגס סיסטעמען און אַנדערע מיליטערישע געצייג פאַר מדינת ישראל זיך צו העלפן פאַרטיידיגן אין די מלחמה מיט איראַן. יעצט וויל דער פּענטאַגאָן צוריק אָנפולן די וואָפנס אַרסענאַל און וויל קאָנגרעס באַשטעטיגונג פאַר פרישע ביליאָנען דאָלאַרן דאָס צו קענען דורכפירן.

[בודקע]

די IDF ביים ארעסטירן א געזוכטע טעראריסט אין ראממאלא.

[בודקע]

אמעריקאנער באאמטע צו די נייעס קוואל אינפיניטי:

די קייט פון געשעענישן אין איראן אין די לעצטע צייטן איז באזארגענד – דער דורכפאל אין די פארהאנדלונגען מיט אייראפע און אמעריקע, די לאנגע פארהוילונג פונעם דער גייסטליכער פירער פון איראן אין דער עפנטלעכער סצענע, אומגעווענטליכע שטערונגען אין דער GPS סיסטעם אין דאס גאנצע לאנד, און ראקעט־מאנאווערן אין א זעלטן גרויסן מאס צוזאמען מיט אנדערע אנגרייטונגען. אלעס צוזאמען ווייזט אז די מעגליכקייט פון א נייעם קאנפליקט צווישן איראן און מדינת ישראל איז זייער הויך.
לויט אונזערע אפשאצונג, אויב די ערשטע אטאקע וועט פאסירן, איז מסתבר אז זי וועט קומען פון איראן, ווייל איראן איז אנטשלאסן צו געבן דעם ערשטן זעץ אין די קומענדיגע רונדע.

[בודקע]

די רמטכ"ל אין פרעמיער מיניסטער נתניהו זענען ערווארטעט צו באשטעטיגן מארגן דעם מיליטערישן פלאן צו אייננעמען עזה סיטי. צה"ל כוחות זענען שוין אין די ארומיגע געגנטער פון עזה סיטי, און ארבעטן צו טראנספערירן די ציווילע באפעלקערונג צו א פארזיכערטן פלאץ אין עזה.

[בודקע]

די מדינת ישראל מיליטער האט געפארטיגט איר ערשטע שטאפל אויספארשונג אויף די שווערע אינצידענט דעם וואך אין חוואן יוניס

לויט ווי די אויספארשונג דעקט אויף זענען די טעראריסטן ארויס געקומען פון א טונעל אריינגאנג וועלכע איז צוויי חדשים צוריק דערקלערט געווארן פארניכטעט דורך די מדינת ישראל מיליטער, און סאלדאטן וועלכע האבן געהאלטן אינמיטן שלאפן האבן זיך ערוועקט צו א דירעקטע קאמף מיט טעראריסטן. אזוי אויך דעקט עס אויף אז אין די טעג בעפאר די אנפאל האבן טרופן אויפגעכאפט ווייניגסטענס דריי פארדעכטיגטע באוועגונגן נעבן די פאזיציע, און אז דורכאויס די אטאקע האבן די טעראריסטן אויסגעשאלטערט א זיכערהייט קאמערע דורך אריין שיסן אין עס. די אטאקע האט זיך אנגעפאנגן ארום 9 צופרי, ווען 15 ביז 20 כאמאס קעמפער זענען ארויס געקומען פון די טונעל, און זיי האבן זיך צוטיילט אין דריי גרופעס, צווישן זיי איין גרופע וועלכע איז אריין אין א געביידע וואו סאלדאטן האבן געהאלטן אינמיטן שלאפן. נאך העפטיגע פייער אויסטוישונגן צווישן די צוויי זייטן זענען א צאל טעראריסטן אומגעקומען, אנדערע זענען אנטלאפן, און צווישן די מדינת ישראל סאלדאטן איז איינער ערענסט פארוואונדעט געווארן און צוויי זענען לייכט פארוואונדעט געווארן.

[בודקע]

איראן האט אינטערגענומען גרעסערע מיליטערישע מושטירונגן וועלכע קומען פאר אויף די אינדישער ים און די גאלף אוו אמאן

מיליטערישע באאמטע זאגן אז די צוויי-טאגיגע דרילס נעמען אריין נעווי מיט סובמארין איינהייטן, עיר פארס קרעפטן, ים-באזירטע מיסל ארויסשיס פלאטפארמעס און איינהייטן וועלכע געבן זיך אפ מיט סייבער. זיי זאגן אז די איינציגסטע וועג וויאזוי צו באשיצן דאס לאנד פון עקזיסטירענדע געפארן איז דורך נעמען א סטראטעגיע פון פארשטארקערן די לאנד'ס דיפענס און פארבעסערן אירע מיליטערישע סיסטעמס.

[בודקע]

מדינת ישראל האט ערהאלטן שפיאנאזש אינפארמאציע וואס דעקט אויף אז כאמאס האט באנייט דאס צוריק בויען טונעלן

לויט די אינפארמאציע איז כאמאס אקטיוו מיט טונעלן ארבייט אין געגענטער אין עזה סיטי וואו די מיליטער איז שוין אמאל דארט געווען. דאס איז אין צוגאב צו אינטערערדישע טונעלן וועלכע זענען נישט געווארן אויפגעדעקט דורכאויס די ערשטע צייט אפשניט וואס מדינת ישראל קרעפטן זענען דארט געווען ארום א יאר-א-האלב צוריק. מיליטערישע באאמטע זענען באזארגט אז די אינטערדישע טונעלן און קאמפלעקסן וועלן זיין זייער קאמפליצירט ביים קעמפן אין די קומענדיגע פאזע ווען טרופן גייען צוריק אריין קיין עזה סיטי.

[בודקע]

מדינת ישראל'ס פרעמיער מיניסטער האט געמאלדן אז מען גייט פאראויס מיט די פלענער איבערצונעמען גאנץ עזה אפילו עס וועט זיין א פייעראפשטעל

מדינת ישראל'ס פרעמיער מיניסטער האט געמאלדן אז די ארטיגע מיליטער גייט פאראויס גיין מיט אירע פלענער איבערצונעמען גאנץ עזה אפילו אויב כאמאס גייט איין אויף א גרעסערע פייעראפשטעל און משכונות באפרייאונג אפמאך. נתניהו זאגט אז די ציל פון איבערנעמען עזה איז נישט צו בלייבן דערמיט, נאר די ציל איז צו ענדיגן די הערשאפט פון כאמאס. ער זאגט אז אויב כאמאס איז גרייט צו באפרייען אלע משכונות און אראפ לייגן די געווער דאן קען מען אין ווארהייט שוין יעצט ענדיגן דעם מלחמה.

[בודקע]

מדינת ישראל'ס פרעמיער מיניסטע האט ארויס געגעבן א פארארדענונג צו באנייען פארהאנדלונגן פאר די באפרייאונג פון אלע משכונות און ענדיגן דעם מלחמה

נתניהו זאגט אז אין די זעלבע גייט גייט ער ווייטער באשטעטיגן די פלענער צו באזיגן כאמאס און איבערצונעמען עזה סיטי. הארט נאך זיין מעלדונג האט זיין אפיס ארויס געשטעלט א סטעיטמענט וואס לויטעט אז מאמענטאל איז נישט פארהאן קיין שום פלענער צו שיקן א דעלעגאציע קיין קאטאר אדער עגיפטן. די אפיס זאגט אז איינמאל עס ווערט באשטעטיגט א לאקאל פאר ווייטערדיגע פארהאנדלונגן וועט די רעגירונג באשטימען א דעלעגאציע וואס זאל אהין גיין, שאפענדיג אן אומקלארקייט איבער די באדייט פון נתניהו'ס ווערטער.

[בודקע]

א מדינת ישראל סאלדאט האט געהאט געווארענט אויפ'ן נאכט פון די שמיני עצרת אטאקעס אז מען זעט סיגנאלן אז כאמאס גרייט זיך צו אטאקירן

ווי יענער דערצילט איז ער געווען אזוי איבערצייגט אז עס גייט קומען אן אטאקע אז ער האט פראבירט צו רעדן צו זיינע קאמאנדירן אז זיי זאלן זיך גרייטן, אבער זיי האבן געהייסן גיין שלאפן. זיין באשולדיגונג איז די לעצטע אין א רייע ארויס געקומען די לעצטע שטיק צייט וועלכע דעקן אויף אז עס זענען געווען ווארענונגן און סיגנאלן וואס די מדינת ישראל מיליטער האט באשלאסן צו איגנארירן.

[בודקע]

צוויי פאלעסטינער טעראריסטן וועמען מדינת ישראל האט באפרייט ביי פייער אפשטעל וועלן רעדן ביי פאלעסטינער ראלי אין דעטרויט‎

די רעדע איז פון איין טעראָריסט פון די טאנזים געגנט אין עזה, וועלכער איז באַפרייט געוואָרן אין פעברואַר אין אויסטויש פאַר עטליכע משכונות, און דער צווייטער איז א געוועזענער הויכער פיגור אין די ליבערעישאן אָוו פּאַלעסטיין גרופּע. גרופּעס זענען אַרויסגעקומען מיט פאַרדאַמונג איבער דעם אַז די צוויי אָפענע טעראָריסטן מיט בלוט אויף זייערע הענט, וועלן ערלויבט ווערן אויפצוטרעטן ביי א ראַלי אין אַמעריקע עפנטליך.

[בודקע]

כיזבאללא שטעלט ארויס בילבאורדס קעגן לבנון פרעמיער מיניסטער אין פרואוו צו באקעמפן אנטוואפענונג‎

כיזבאַללאַ האָט אין די לעצטע טעג געדינגען בילבאורדס לענגאויס ביירוט און אַנדערע לעבאַנעזער שטעט, וואו זיי שטעלן אַרויס נעגאַטיווע מעסעדזשעס קעגן דעם לבנון פּרעמיער מיניסטער נאדזשאף סאלאם. די בילבאורדס באַשולדיגן סאלאם אין נעמען שוחד און אין קאָרופּציע, און אַז ער איז קעגן די מוסולמענער גלויבן, און כיזבאַללאַ וויל דערמיט אָפּשוואַכן די לבנון רעגירונג, אין א פּרואוו צו בלייבן רעלעוואַנט.

[בודקע]

ווארענונג פייפערס האבן זיך היינט צוקלינגן אין געגענטער נאנט צו עזה צוליב א דראון פון תימן וועלכע איז געקומען צו פליען אין די געגענט

ווען די ווארענונג פייפערס האבן זיך צוקליגן האט די מדינת ישראל מיליטער געמאלדן אז עס ווערט גענומען שריט אראפ צו שיסן די דראון. אביסל שפעטער האט די מיליטער נאכאמאל ארויס געשטעלט א מעלדונג אז עס קומען פאר אנגייענדע פרואוון אראפ צו שיסן דעם דראון, און הערשט נאך ארום 20 מינוט האט די מיליטער געמאלדן אז די דראון איז שוין געווארן אראפ געשאסן.

[בודקע]

ביידען באאמטער זאגט אז נתניהו האט עטליכע מאל געשטערט פייער אפשטעל דיעלס, נאר מ'האט אים נישט געקענט קריטיקירן‎

מעטיו מילער, וועלכע האט געדינט אלץ ווארטזאגער פאר די סטעיט דיפארטמענט, דערציילט אז עס זענען געווען א צאל פעלער ווען די אדמיניסטראציע האט עס געוואלט טון, אבער האט זיך צוריק געהאלטן דערפון, וויבאלד עס וואלט געפירט צו דעם אז כאמאס זאל שטייפער מאכן אירע פאזיציעס. ער זאגט אז די באשלוס עס נישט צו טון איז געווען באזירט אויף פריערדיגע פעלער ווען מען האט געזען אז ווי נאר כאמאס האט פארשטאנען אז עס הערשט א ריס צווישן אמעריקא מיט מדינת ישראל איז די טעראר גרופע געווארן שטייפער ביים פארהאנדלונגס טיש.

[בודקע]

פאמיליע פון ארץ ישראל ווילד אטאקירט אין פארק אין האלאנד, אריינגערעכנט צוויי וואס האבן געדארפט שפיטאליזירט ווערן‎

די אינצידענט האָט פּאַסירט ביי די "צענטער פּאַרק דע קעמפּרעווענען" נעבן איינדהאווען אין האָלאַנד, וואו עטליכע פּאַרשוינען זענען אָנגעפאַלן און פיזיש אַטאַקירט די משפּחה, וואָס צוויי פון זיי האָבן געדאַרפט ווערן שפּיטאָליזירט. מדינת ישראל'ס אַמבאַסאַדע אין האָלאַנד האָט געזאָגט אַז איינער פון די אַטאַקירער זענען אַרעסטירט געוואָרן דורך די פּאָליציי, אָבער זיי פאָדערן אַז די פּאָליציי זאָלן אַרעסטירן אַלע שולדיגע.

[בודקע]

א מיסל געשאסן דורך די האוטי רעבעלן פון תימן האט אקטיוויזירט ווארענונג פייפערס אין מערערע שטעט איבער ארץ ישראל

די מיסיל איז געווארן אראפגעשאסן העכער די הימלען אין אר"י, און עס ווערט באריכטעט אז א שטיקל שראפנעל איז געפאלן אין די בעק יארד פון א הויז אין מודיעין, אן קיין געשעדיגטע.

[בודקע]

סטעיט דעפארטמענט וועט נישט געבן וויזאס פאר כאמאס טעראריסטן צו קומען אויפטרעטן ביי דעטרויט ראלי‎

די רעדע איז פון איין טעראָריסט פון די טאנזים געגנט אין עזה, וועלכער איז באַפרייט געוואָרן אין פעברואַר אין אויסטויש פאַר עטליכע משכונות, און דער צווייטער איז א געוועזענער הויכער פיגור אין די ליבערעישאן אָוו פּאַלעסטיין גרופּע. נאָך וואָס עס איז באַריכטעט געוואָרן איבער די געפּלאַנטע רעדעס, האָט די סטעיט דעפּאַרטמענט קלאָרגעשטעלט אַז די צוויי וועלן נישט באַקומען קיין וויזאַס צו קענען אַריינקומען קיין אַמעריקע.

[בודקע]

אומבאשטעטיגטע באריכטן אז מדינת ישראל און סיריע וועלן אום סעפטעמבער אונטערשרייבן שלום דיעל‎

די פלענער פאר אן אונטערשריפט צערעמאניע ווערן געמאכט נאך וואס הויכראנגיקע סירישע באאמטע, אריינגערעכנט דער סירישער אויסערן מיניסטער, האבן זיך געטראפן מיט מדינת ישראל דיפלאמאטן אין אייראפע פאר געשפרעכן. דער פלאן יעצט איז אז דער סירישער פרעזידענט אכמעד וועט געבן א רעדע אין די יו-ען דזשענעראל אסעמבלי אום סעפטעמבער 25, און א טאג נאכדעם וועט זיין די אונטערשריפט צערעמאניע.

[בודקע]

טראמפ זאגט אז ווייניגער ווי צוואנציג משכונות זענען נאך לעבעדיג אין כאמאס געפענגעניש אין עזה‎

טראמפ האט געזאגט אז עטליכע פון די משכונות וואס מען האט געמיינט אז זיי לעבן נאך, שטעלט זיך ארויס אז זיי לעבן נישט, און ער זאגט אז עס איז יעצט שווערער ווי אייביג צו באפרייען משכונות, ווייל כאמאס ווייסט אז אויב זיי באפרייען די פארבליבענע משכונות, וועט דאס באדייטן די ענדע פון כאמאס. אין רעאקציע צו טראמפ'ס ווערטער, האבן פאמיליעס פון משכונות געפאדערט אז די מדינת ישראל רעגירונג זאל זיין אויפריכטיג און ארויסגעבן פרישע אינפארמאציע.

[בודקע]

צוויי פון די פארבליבענע פארכאפטע משכונות אין עזה זענען אין א גאר קריטישע לעבנס צושטאנד‎

די שאצונג קומט איין טאג נאכדעם וואס פרעזידענט טראמפ האט געזאגט אז ווייניגער ווי צוואנציג פון די משכונות זענען נאך לעבעדיג, וואס דאס איז אנדערש ווי אלע אפיציעלע ציפערן און שאצונגען פון די מדינת ישראל רעגירונג. באאמטע זאגן אז זיי זענען נישט קלאר פארוואס טראמפ זאגט אז ווייניגער ווי צוואנציג משכונות זענען נאך לעבעדיג, וויבאלד זיי ווייסן נישט פון פרישע שפיאנאזש איבער די צושטאנד פון די משכונות.

[בודקע]

מדינת ישראל פאליטישער פיגור גאנז עצה'ט נתניהו צו גרינדן צייטווייליגע משכונות-באפרייאונג רעגירונג‎

גאנז זאגט אז די יעצטיגע רעגירונג קאאליציע פלאגט זיך מיט פארשידענע פראבלעמען, און אז מען זאל גרינדן א ספעציעלע רעגירונג פאר זעקס חדשים, וואס זאל זיך אפגעבן מיט משכונות, לעזן די פראבלעם פון גיוס בני ישיבות און נאך. גאנז האט ערווענט אז די יעצטיגע רעגירונג קאאליציע זעט אויס פאראליזירט צו באהאנדלען די אישוס, און א צייטווייליגע רעגירונג מיט יאיר לאפיד און אביגדור ליבערמאן פאר זעקס חדשים איז דער ענטפער.

[בודקע]

כאמאס פאדערט באפרייאונג פון 150 מאסן-מערדער, אבער איז מסכים צו באפער זאנע אין עזה‎

די טעראר גרופע זאגט אין זייער פארשלאג אז זיי זענען מסכים אוועקצושטעלן א באפער זאנע פאר מדינת ישראל טרופן צו קענען פארבלייבן אפערירן אין עזה טעריטאריע אפילו נאך וואס די מלחמה קומט צו אן ענדע. טראץ וואס כאמאס ברעכט זיך איבער די וויכטיגע זאך וועגן אנוועזנהייט פון מדינת ישראל טרופן, האט דערווייל מדינת ישראל נאכנישט געגעבן זייער רעאקציע אויף די לעצטיגע פארשלאג.

[בודקע]

איראנער זעלנער אומגעברענגט זעקס מיליטאנטן פאראנטווארטליך פאר אטאקע אויף פאליציי אפיצירן‎ זאגנדיג אז זיי זענען שליחים פון מדינת ישראל

די איראנער מיליטער האט געזאגט אז עס זענען דא באווייזן אז די מיליטאנטן זענען פארבינדן מיט מדינת ישראל און האבן מעגליך באקומען טרענירונג פון מדינת ישראל'ס מוסד שפיאנאזש אגענטור. די איראנער באאמטע האבן באזונדער געזאגט אז זיי האבן ארעסטירט צוויי מיטגלידער פון די מיליטאנטישע גרופע, און זיי ארבעטן יעצט זיי אויסצופארשן און ארויסבאקומען אינפארמאציע איבער זייערע מאטיוון.