אידטיש

מדינת ישראל ערווארטעט צו רעאגירן בעפאר ענדע וואך צו נייע פארשלאג פון זעכציג טאגיגע עזה פייער אפשטעל‎

די דעטאַלן פונעם דיעל זענען נאָכנישט קלאָר, אָבער קוועלער זאָגן אַז עס רעדט זיך פון א זעכציג טאָגיגע פייער אָפּשטעל, און אין לויף פון די זעכציג טעג וועט מען באַהאַנדלען די אישו פון אַוועקנעמען אַלע וואָפנס פון כאַמאַס. די טעראָר גרופּע האָט שוין איינגעשטימט צום דיעל, לויט א באַריכט פון סאַודיער באַאַמטע, און מדינת ישראל האָט געלאָזט וויסן אַז זיי וועלן געבן זייער רעאַקציע בעפאָר סוף וואָך.

איראנער מיליטער פארטושט "דזשי פי עס" סיגנאלן אין טעהראן און ארום צו באהאלטן צוגרייטונגען פאר פרישע אטאקעס

א הויפּט צייכן איז דער פאַקט אַז איראַנער בירגער אַרום די הויפּטשטאָט טעהראַן און אַנדערע סטראַטעגישע שטעט באַריכטן פּראָבלעמען מיט זייערע "דזשי פּי עס" סיסטעמען, וואָס ווערט גענוצט אַלס טאַקטיק צו באַהאַלטן מיליטערישע אַקטיוויטעטן אין אָרטיגע באַזעס. די עקספּערטן זאָגן אַז איראַן בויט איבער זייערע מיסיל איינריכטונגען און אַנדערע אינפראַסטרוקטור, און וויל אַטאַקירן מדינת ישראל נאָכאַמאָל ווי נאָר זיי האָבן אַלעס אין פּלאַץ.

איראנער רעזשים ארבעט צוזאמען מיט טאליבאן רעזשים אין אפגאניסטאן צו כאפן בריטישע שפיאנען‎

באאמטע פון די איראנער רעוואלוציאנערע גארד זענען געפלויגן קיין קאבול פאריגע וואך צו בעטן פון די אפגאניסטאנער טאליבאנער פירער צו האבן צוטריט צו די ארויסגעליעקטע ליסטע וואס די טאליבאן האט שוין צוויי יאר. איראן צילט צו נוצן די ליסטע צו אידענטיפיצירן טיף איינגעגעסענע שפיאנען פון די בריטישע רעגירונג אינערהאלב די איראנער טעריטאריע.

בודקע האט געשריבן: ↑מאנטאג אוגוסט 18, 2025 9:48 pm מדינת ישראל ערווארטעט צו רעאגירן בעפאר ענדע וואך צו נייע פארשלאג פון זעכציג טאגיגע עזה פייער אפשטעל‎

די דעטאַלן פונעם דיעל זענען נאָכנישט קלאָר, אָבער קוועלער זאָגן אַז עס רעדט זיך פון א זעכציג טאָגיגע פייער אָפּשטעל, און אין לויף פון די זעכציג טעג וועט מען באַהאַנדלען די אישו פון אַוועקנעמען אַלע וואָפנס פון כאַמאַס. די טעראָר גרופּע האָט שוין איינגעשטימט צום דיעל, לויט א באַריכט פון סאַודיער באַאַמטע, און מדינת ישראל האָט געלאָזט וויסן אַז זיי וועלן געבן זייער רעאַקציע בעפאָר סוף וואָך.

סמוטריץ וחברי' זענען גאר בייז אויף די שמועות אז מדינת ישראל גייט איינגיין פאר נאך א פייער אפשטעל, אין די צייט וואס ס'איז שוין פאר יעדעם קלאר אז א פייער אפשטעל איז נאר ליתן רווח בין פרשה לפרשה..

בודקע האט געשריבן: ↑מאנטאג אוגוסט 18, 2025 9:49 pm איראנער מיליטער פארטושט "דזשי פי עס" סיגנאלן אין טעהראן און ארום צו באהאלטן צוגרייטונגען פאר פרישע אטאקעס

א הויפּט צייכן איז דער פאַקט אַז איראַנער בירגער אַרום די הויפּטשטאָט טעהראַן און אַנדערע סטראַטעגישע שטעט באַריכטן פּראָבלעמען מיט זייערע "דזשי פּי עס" סיסטעמען, וואָס ווערט גענוצט אַלס טאַקטיק צו באַהאַלטן מיליטערישע אַקטיוויטעטן אין אָרטיגע באַזעס. די עקספּערטן זאָגן אַז איראַן בויט איבער זייערע מיסיל איינריכטונגען און אַנדערע אינפראַסטרוקטור, און וויל אַטאַקירן מדינת ישראל נאָכאַמאָל ווי נאָר זיי האָבן אַלעס אין פּלאַץ.

אויף די נייעס קוועלער אין מדנ"י זעט זיך אן א שטארקע אנגעצויגנקייט אז סגייט טאקע קומען נאך א רונדע אטאקעס צווישן איראן און מדנ"י ה"י

בודקע האט געשריבן: ↑מאנטאג אוגוסט 18, 2025 2:48 pm יאכיא ראכים סאוואפי, מיליטערישע ראטגעבער צום איראנער פירער כאמינאי: פרישע מלחמה מיט מדנ"י מעגליך

_20250818_144720.JPG

פארצייכנט אייך דעם נאמען אז ווען די מלחמה וועט אויסברעכן זאלט איר נישט דארפן זוכן וואס זיין פאזיציע איז געווען.

שכח @בודקע

באריכטן: די מדינת ישראל רעגירונג האט אנגעפאנגן אריין קוקן אין די פארשלאג פאר א טיילווייזע אפמאך מיט כאמאס וואס די טעראר גרופע האט אקצעפטירט

אין די עפענטליכקייט זאגן מדינת ישראל באאמטע אז די רעגירונג האט נישט קיין אינטערעסע אין א טיילווייזע אפמאך, נאר בלויז אין א גרעסערע אפמאך וואס וועט פירן צום באפרייאוג פון אלע פארבליבענע משכונות, אבער ווי באריכטן געבן טוט עס מדינת ישראל שטילערהייט איבערקוקן. לויט ווי מען הערט פון א פאלעסטינער קוואל איז ערווארטעט אז מדינת ישראל וועט צוריק קומען מיט א רעאקציע ביז צוויי טעג ארום.

קאטאר האט אויסגעדרוקט האפענונג אז מדינת ישראל וועט איינגיין אנצונעמען די פרישע פייעראפשטעל אנבאט וואס כאמאס האט שוין אקצעפטירט

ארטיגע באאמטע זאגן אז עס רעדט זיך טאקע פון א טיילווייזע אפמאך, אבער די אפמאך נעמט אויך אריין א קלארע וועג פאראויס פאר א פערמענאנטע פייעראפשטעל. זיי זאגן אז די יעצטיגע אנבאט איז די בעסטע נאר מעגליך אינטער די יעצטיגע אומשטענדן, און זיי האפן אז אלע זייטן וועלן זיך וואס פריער פאראייניגן ארום דעם.

איינס פון די טעראריסטן וועלכע האבן אינפילטרירט ניר עוז אין ארץ ישראל און אנטייל גענומען אין די פארכאפונג פון יארדן ביבאס, איז אומגעברענגט געווארן

דזשיהאד קאמאל סאלאם נאדזשאר איז אומגעקומען אין א באמבארדירונג 9 טעג צוריק, אבער עס איז הערשט היינט באשטעטיגט געווארן. יארדן ביבאס איז פארכאפט געווארן אויפ'ן טאג פון די שמיני עצרת אטאקעס צוזאמען מיט זיין פרוי און צוויי אינגע קינדער, וועמענס טראגישע לאגע איז געווארן א סימבאל פון די שרעקליכע אטאקעס. ער איז עווענטועל באפרייט געווארן לעבעדיגערהייט, אין צייט וואס זיין פרוי מיט זיינע קינדער זענען אומגעקומען און זייערע גופים זענען געווארן ארויס געגעבן.

פ"מ נתניהו'ס ענטפער אויף די שמועות איבער א קורצטערמין פייער אפשטעל, מיטן באפרייאונג פון א חלק פון די משכונות:

צוליב מערערע ווענדונגען ווילן מיר איבערחזר'ן אונזערע פרינציפן און תנאים אויף צו ענדיגן די מלחמה:

1. חאמאס אנטוואפענט.

2. אלע פארכאפטע צוריקגעקערט, לעבעדיגע און חללים.

3. עזה פאס דעמיליטעריזירט

4. מדנ"י איז אין זיכערהייט קאנטראל פון עזה פאס

5. א ציווילע אלטערנאטיווע רעגירונג, נישט חאמאס און נישט די פאלעסטינער אוטאריטעט

נייעס קוועלער: איבער 50,000 מדנ"י סאלדאטן רעזעוויסטן, וועלן אנגעהויבן פון מארגן ווערן אריינגערופן אין מיליטער מיט'ן ציל צו אייננעמען עזה, מיט די 50,000 גייט די סך הכל רעזעוויסטן אקטיוו אין די מיליטער זיין 130,000.

איראקער מיליטער מעלדט סוקסעספולע אנטי-אייסיס אפעראציעס מיט פילע עלימינירטע טעראריסטן‎

די איראקער באאמטע זאגן אז די ערשטע באמבארדירונג איז געווען מיט עף-16 פליגערס צילנדיג וויכטיגע אייסיס באהעלטעניש פלעצער אין דער סאלאהודין פראווינץ, און א צאל טעראריסטן זענען דארט אומגעברענגט געווארן. א צווייטע אפעראציע איז געווען דאנערשטאג, צילנדיג אן אייסיס באהעלטעניש אין קירקוק פראווינץ, און אין א באזונדערע אפעראציע האבן איראקער זעלנער פארכאפט און ארעסטירט סאלמאן קודאר סולימאן דאוואוד, א טעראריסט וועלכער איז צווישן די מערסט געזוכטע אין איראק און ער האט אין די פארגאנגענהייט געהאט פארבינדונגען מיט על קאידא.

אומבאשטעטיגטע באריכטן אין פאלעסטינער מידיא אז כאמאס פירער על זאהאר איז אנטלאפן פון עזה קיין עגיפטן און ארעסטירט געווארן‎

די רעדע איז פון מאַכמוד על זאהאר, וואָס לויט די באַריכטן איז ער אַנטלאָפן פון עזה אַריין קיין עגיפּטן דורך אַן אונטערערדישע טונעל, און ער געפונט זיך אונטער עגיפּטישע הויז אַרעסט אין די אָרטיגע שטאָט אריש. עגיפּטן האָט אים שטילערהייט אַרעסטירט און מען הערט שוין נישט פון אים עטליכע מאָנאַטן, אָבער דערווייל זענען דאָס אַלעס שפּעקולאַציעס און אומבאשטעטיגט.

דייטשלאנד ארעסטירט א רוסישע בירגער וועלכע האט פראבירט זיך אנצושליסן אין די אייסיס טעראר גרופע און געוואלט אטאקירן די מדינת ישראל אמבאסאדע

דער פארשוין, אידענטיפיצירט אלץ אכמעד אי., האט געזאמעלט אנווייזונגן וויאזוי צו מאכן באמבעס, אבער ער האט עס נישט געקענט אויספירן וויבאלד ער האט געהאט שוועריגקייטן צו לייגן א האנט אויף די מאטריאל וואס פעלט זיך אויס. שפעטער האט ער געוואלט אפרייזן קיין פאקיסטאן זיך צו טרענירן מיט די אייסיס טעראר גרופע, אבער ער איז באצייטענס ארעסטירט געווארן.

איין מדינת ישראל סאלדאט איז קריטיש פארוואונדעט און נאך צוויי אנדערע זענען לייכט פארוואונדעט געווארן דורכאויס א זעלטענע אטאקע אין חוואן יוניס עזה

א גרופע פון ארום 20 טעראריסטן זענען ארויס געקומען פון אן אינטערערדישע טונעל און האבן אנגעפאנגן אטאקירן די פאזיציע מיט ביקסן און אר-פי-דזשי'ס, פירענדיג צו א העפטיגע פייער אויסטויש אין וואס ארום 10 טעראריסטן זענען אומגעקומען און א צאל אנדערע זענען אנטלאפן. מדינת ישראל טרופן האבן אריין גערופן הילף פון די לופטן נאכצויאגן די טעראריסטן, פירענדיג צו זיכערייען וועלכע האלטן נאך יעצט אן. מדינת ישראל באאמטע זאגן אז דורכאויס די אטאקע איז נישט פארגעקומען א דירעקטע פרואוו צו פארכאפן סאלדאטן, אבער ביי איין טעראריסט האט מען געפונען א סטרעטשער, אן אנדייטונג אז זיי האבן יא געהאט אין פלאן דורכצופירן א פארכאפונג. די מיליטערישע פליגל פון די כאמאס טעראר גרופע האט ארויס געשטעלט א סטעיטמענט צו נעמען פאראנטווארטליכקייט פאר די אטאקע. די אנפאל קומט כמעט א חודש נאך א צווייטע פאל אין וואס א מדינת ישראל סאלדאט איז אומגעקומען דורכאויס א כאמאס אנפאל אין חוואן יוניס וואו טעראריסטן האבן פראבירט צו פארכאפן א סאלדאט אבער זענען דורכגעפאלן.

מדינת ישראל האט געגעבן דעם ענדגילטיגן באשטעטיגונג פאר די קאנטראווערסיאלע אי-1 געגענט אין די מערב ברעג

א געגענט וואס וועט צוטיילן די טעריטאריע אין צווייען און אראפ ברענגן די האפענונגן פון פאלעסטינער פאר א צוקונפטיגע לאנד. די פראיעקט אויף אן אפענע שטיק לאנד איז שוין אויפ'ן טיש פאר מער ווי 20 יאר צייט, אבער איז שטענדיג שטיין געבליבן צוליב דרוק פון וואשינגטאן. די שטח איז איינס פון די לעצטע פארבינדונגן צווישן ראמאלא און בית לחם, און איז געזעען געווארן אלץ ארט וואס וועט דינען אלץ דירעקטע פארבינדונג צווישן די צוויי שטעט איינמאל עס ווערט אוועק געשטעלט א פאלעסטינער לאנד.

איראן'ס אויסערן מיניסטער אראכטשי האט געגאסן קאלט וואסער אויף דעם געדאנק פון נוקלעארע געשפרעכן מיט אמעריקא אין די קומענדיגע שטיק צייט

אראכטשי זאגט אז יעדע סארט פארהאנדלונג האט זיך זיין צייט ווען זיי קענען פארקומען, און דערווייל זעט ער נישט אז מען זאל שטיין ביי יענעם פונקט. זיינע ווערטער קומען צוויי חדשים נאך די אמעריקאנער באמבארדירונגן אויף דריי הויפט נוקלעארע איינריכטונגן וועלכע האבן שטארק געשעדיגט איראן'ס נוקלעארע פראגראם.

איראן האט געמאלדן די אנטוויקלונג פון נייע מיסעלס מיט בעסערע מעגליכקייטן ווי אירע אמאליגע מיסעלס

איראנער באאמטע זאגן אז די נייע מיסעלס וועלן האבן פיל שטארקערע מעגליכקייטן אקעגן מדינת ישראל אין פאל פון א פרישע מלחמה. די מעלדונג קומט געציילטע טעג נאכדעם וואס א הויעך ראנגיקע באאמטער פון די רעוואלוציאנערע גווארדיע האט געווארענט אז א פרישע מלחמה מיט מדינת ישראל קען אויסברעכן יעדע מינוט.

סיריע'ס אויסערן מיניסטער האט אפגעהאלטן א זעלטענע דירעקטע זיצונג מיט א מדינת ישראל דעלעגאציע אין פאריז

מיניסטער על שיבּאַני האט ארום גערעדט מיט מדינת ישראל באאמטע איבער אראפ ברענגן באציאונגן צווישן די צוויי לענדער און איבער צוריק שטעלן א 1974 פייעראפשטעל אפמאך וואס האט דעמאלטס געשאפן א באפער זאנע צווישן די צוויי לענדער. די געשפרעכן ווערן געשטיצט דורך די טראמפ אדמיניסטראציע, וועלכע האט א וויזיע פון א סטאבילע סיריע וואס האלט אן שלום מיט מדינת ישראל און אירע אנדערע שכנים.

מדינת ישראל איז אריין אין די ערשטע פאזע פון איר געפלאנט אפענסיווע איבערצונעמען עזה סיטי, נאכ'ן אריין רופן ארום 60 טויזנט רעזערוויסטן

מדינת ישראל באאמטע זאגן אז די ערשטע גרופעס קרעפטן האבן שוין גענומען פאזיציעס אין די פאר-געגענטער פון עזה סיטי, און גרייטן זיך אריין צו גיין. זיי זאגן אז כדי צו מינימיזירן שאדענס פאר ציווילע וועט ווערן ארויס געשיקט ווארענונגן פאר ציווילע צו קענען עוואקואירן.

פאליטיקאנט בעני גאנץ קלערט זיך צוריק צו קערן צו די נתניהו רעגירונג קאאליציע כדי צו העלפן די קאאליציע באשטעטיגן א משכונות באפרייאונג אפמאך

אן אומבאקאנטע גרופע אין עזה האט געמאלדן אז די גרופע האט ערהאלטן אן עסן הילף ליפערונג געשיקט דורך די על קאדא טעראר פליגל פון תימן

די גרופע מיט'ן נאמען על מאקדיס האט פארעפענטליכט א ווידעא רעקארדירונג פון די הילף ליפערונג, אן אנגעבן מער דעטאלן. דערווייל איז נישט באקאנט צו די באהויפטונג איז אויטענטיש, און אויב יא וויאזוי על קאידא האט באוויזן אריין צו שווערצן הילף מאטריאל.

רויטערס/איפּסאָס: א מערהייט פון 58% אמעריקאנער האלטן אז יעדער לאַנד אין די יו-ען זאָל אנערקענען פּאַלעסטינע אלס א לאַנד

נאָך א וויכטיגע טייל פון די אנקעטע צייגט אז 59% פון אמעריקאנער גלויבן אז מדינת ישראל'ס מיליטערישע רעאקציע אין עזה איז געווען איבערגעטריבן. אין א ענליכע אנקעטע אין פעברואר 2024, האבן 53% פון די באטייליגטע געהאלטן אז די רעאקציע איז געווען איבערגעטריבן. די אנקעטע האט אויך געוויזן אז א גרעסערע מערהייט פון 65% האלטן אז די פאראייניגטע שטאטן זאָל נעמען אקציע אין עזה צו העלפן די איינוואוינער וואס שטייען פאר א הונגער קריזיס.

בודקע האט געשריבן: ↑דינסטאג אוגוסט 19, 2025 4:40 pm איינס פון די טעראריסטן וועלכע האבן אינפילטרירט ניר עוז אין ארץ ישראל און אנטייל גענומען אין די פארכאפונג פון יארדן ביבאס, איז אומגעברענגט געווארן

דזשיהאד קאמאל סאלאם נאדזשאר איז אומגעקומען אין א באמבארדירונג 9 טעג צוריק, אבער עס איז הערשט היינט באשטעטיגט געווארן. יארדן ביבאס איז פארכאפט געווארן אויפ'ן טאג פון די שמיני עצרת אטאקעס צוזאמען מיט זיין פרוי און צוויי אינגע קינדער, וועמענס טראגישע לאגע איז געווארן א סימבאל פון די שרעקליכע אטאקעס. ער איז עווענטועל באפרייט געווארן לעבעדיגערהייט, אין צייט וואס זיין פרוי מיט זיינע קינדער זענען אומגעקומען און זייערע גופים זענען געווארן ארויס געגעבן.

זענען קאלבלוטיג ערמארדעט געווארן אין געפענגעניש