Think and Thank האט געשריבן: ↑מיטוואך אקטאבער 29, 2025 2:09 pm
דער הייליגער בעל ויואל משה האט מקפיד געווען מען זאל נישט זיין (פירוש: זיך איינרעדן אז מ'איז) פרומער ווי אונזערע עלטערן. ווען מ'האט געוואלט 'מחמיר זיין' אז די כלה זאל נישט אריינקומען אין ביהמ"ד ביי של"ס צו שבע ברכות האט ער זיך קעגנגעשטעלט ווייל ער וויל נישט זיין פרומער ווי זיין טאטע. ווען מ'האט געוואלט לייגן וואן וועי גלאז ביי די מחיצה אין ראדני ווייל עס איז בעסער ווי די לעכער וואס מען קען עטוואס דורכזעהן האט ער נישט געלאזט ווייל ער האט נישט געוואלט זיין פרומער ווי זיין טאטע. עס איז קיין שום ספק אז ווען זיינע חסידים טוען זיך ווען אן די בגדי שחץ פון ל"ט וואלט ער דאס עוקר מן השורש געווען.
אפגערעדט פון די פאקט אז די איינציגסטע מקור אז שרה אמנו איז געגאנגען ענליך דערצו איז פון די בוך א הילף פאר'ן קינד...
להוי ידוע, אז שלמה האט מחדש געווען א חידוש וואס עס שטייט נישט אין קיין שום פלאץ, און עס איז קלאר מבואר צענדליגער מאל אין ספרי דבי רב דברי יואל פונקט פארקערט, און דער רבי זי"ע פון סאטמאר האט דאס גע'חזר'ט הונדערטער מאל, און דער פלא איז אז ער האט עס נאך געבויעט אויפ'ן ויואל משה, כדרכן של המסלפים צו נאכזאגן ווערטער און אריינלערנען זייערע פשטים.
זיין חידוש איז, אז אין עקבתא דמשיחא וואס דער דור איז אזוי נידריג, טאקע אין די צייט קען מען און מען דארף אנקומען אסאך מער פון די פריערדיגע. איר הערט ווערטער?. אזוי איז לב טהור געפראגרעמט לענ"ד. איך האב נישט נאכגעשריבן זיין פונקטליכע לשון ווייל די עיקר איז די נקודה.
די ראיות וואס שלמה האט געזאגט איז פארשטייט זיך גארנישט מיט גארנישט, ער האט גערעדט און גערעדט און נאכגעזאגט זאכן אריינלערנענדיג זיינע חידושים. פלאי פלאים פארוואס די חברה האבן אנגענומען וואס ער זאגט.
איין דוגמא. די לעצטע נבואה פון מלאכי וואס דער רבי זי"ע מסאטמאר האט אנגעפאנגן די באוויסטע נשא תורה, האט שלמה גע'גנב'ט פאר זיינע צוועקן ווי כאילו דארט ווערט מבואר די אויבענדערמאנטע נקודה, וועסטו פרעגן וואו, וועל איך דיר ענטפערן, ווייל דער פסוק זאגט ויכתב 'בספר זכרון' ליראי ה' ולחושבי שמו, נו פון וואו איז געדרינגן אז מ'גייט קענען גיין העכער, אה, דאס איז מבואר אין פרקי דרבי אליעזר פרק ב' אז דער אייבערשטער האט באשאפן אזא זאך ווי תשובה, און דער פרקי דר"א רופט עס אן מיט א משל פון אריינקריצן, [אזוי זאגט ער און גראדע אפילו דאס שטייט נישט, וזה"ל: הקדוש ברוך הוא החריט לפניו 'את העולם' ולא היה עומד עד שברא את התשובה], נו קומט דאך אויס אז תשובה איז א ענין פון א ספר, כאפסט?, והנה, ס'איז דאך מבואר אין ויוא"מ אז פאר משיח וועט קומען מוז דאך זיין א גרויסע תשובה, ממילא איז געדרינגען אז ספר זכרון מיינט די גרויסע תשובה, וואס צו דעם דארף מען זוכה זיין דווקא אין עקבתא דמשיחא [פארשטייט זיך נאר דורך אים, דאס איז דאך פשוט, פארשטייסט?].
איי אין ויוא"מ און אין אלע תורות פון רבי'ן איז מבואר אז די תשובה גדולה דאס וועט זיין ערשט נאך אליהו הנביא'ס קומען, און ס'איז נישט מעגליך פאר אונז אליין, דאס לאז איך פאר אנדערע צו פארענטפערן אויב ס'איז דא.
יעצט אויב איינער זאגט, איך האב גארנישט מיט סאטמאר רב זי"ע, איך זאג אייגנס, נו, זאג וואס דו ווילסט, אבער אונטערן שלייער פון סאטמארער רב צו פארדרייען זיינע קלארע שיטות און ווערטער, דאס איז שוין א....
איך האב נישט נאכגעשריבן פונקליך זיינע תורות לאקשן ווייל ס'איז מיר סייווי נישט נוגע, נאר צו פארשטיין אין וואספארא טיפשות זיי לעבן.
איז פארענטפערט דיין קשיא וועגן פרומער פון די עלטערן, טאקע דאס איז לב טהור אז אין עיקבתא דמשיחא קען מען זיין אסאך העכער פון די פריערדיגע. איך מיין אז מ'מעג זאגן עפרא לפומייהו פאר ווער וואס זאגט אזוי, נאר איך זאג עס נישט, ווייל מ'קען זיך פארענטפערן ער האט געמיינט אהער און געמיינט אהין.
אזוי ווי די פלאץ דא איז נישט געאייגנט פאר לאנגע תורות מוז איך מקצר זיין פון ברענגן נאך דוגמאות אין וואספארא דעות זיי האבן דארט געלעבט, נאר ידוע תדע אז מ'קען נעמען אלע אלע אלע שמועסן פון לב טהור און עס צומאלן אויף פיץ פיצלעך, דורכדעם וואס מ'וועט נאכקוקן אליינס יעדע זאך, ס'איז האר אויפשטעלנד וויאזוי מ'האט פארנארט אזא חשוב'ע ציבור מיט גילוי פנים בתורה. איך רעדט שוין נישט פון די אנדערע פרעדיגערס דארט וואס האבן אויסגעטייטשט מעשיות פון תנ"ך לפי זייערע אגענדעס אן קיין שום געהעריגע מקור. ממש א פחד.
[ומכאן הקריאה יוצאת, עס איז דא אסאך בעלי דרשנים וואס זאגן נאך פון ספרים הקדושים, און זיי ציטירן עס אויף א אופן אז דארט איז מבואר וואס זיי וואלטן ווען געוואלט אז ס'זאל דארט שטיין, און מ'דארף טאקע געווארנט זיין און מאכן זיכער אז די עצם השקפה פון דעם בעל דרשן איז אויסגעהאלטן, און זיך נישט פארלאזן אויף דעם ווייל ער זאגט נאך פון ספרים ודו"ק כי קצרתי במקום שאמרו להאריך].
די מעשה מיט די שפיגל גלאז איז געווען אין קרית יואל.
שרה אמנו איז נישט געגאנגן קיין שווארצע קליידער! פינטל.
[אפילו דער מלאך וואס האט זיך פארשטעלט ווי אן אראבער איז אויך נישט קלאר צו ער איז געגאנגן שווארץ אדער גאר געפארבטע בגדים, עס ווענדט זיך וויאזוי מען קאלירט עס].