רבותי מיר וועלן בענטשן האט געשריבן: ↑דאנערשטאג דעצעמבער 21, 2023 4:40 pm
וויפל איז די שיעור צו סירקלען, אלע תגובות וואס שטייען דא זענען שוין אדרעסירט געווארן, תושבי שכונת בלומינגראוו ווילן 1 זאך און בלויז דאס:
רובא דרובא איינוואוינער זענען געקומען וואוינען דא צו לעבן מיט הרחבת הדעת, זיי האבן דא געטראפן גוטע הייזקעלע, רובא דרובא איינוואוינער ביים אהערקומען האבן נישט אריינגעגעבן רעזיגנאציע צו זייערע אריגינאלע קהילות אין קרית יואל און צו זייערע מוסדות התורה אין קרית יואל, זיי זענען געקומען דא אלעס ממשיך צו זיין, און בלויז געניסן פון די טעכנישע הרחבה וואס אונזער הערליכע געגנט פארקויפט.
רובא דרובא איינאווינער פון "אלע" שיכטן און קרייזן ווילן האבן פארטרעטערשאפט אין א ווילעזש פאר בלויז "טעכנישע" עניינים, ערלעדיגן סוער, וואסער, פערמיטן, כפי רצון הציבור, מען האט קיינמאל נישט געבעטן אונזער ווילעזש זאל אונז ריפלעיסן אונזערע קהילות און נעמען שטעלונגען אז ס'זאל זיין אן עקסטערע "רוחניות'דיגע" שטאט מיט אייגענע נייע מנהיגים.
דער ציבור דארף נישט קיין נייע פארטרעטערשאפט און אדרבה גייט ארום אין די בתי מדרשים פון געגנט, רובא דרובא איינוואוינער זענען געטריי צו זייערע אריגינאלע קהילות און זיכן נישט זיך צו אפהאקן דערפון.
למעשה די וואס ווילן יא אריינדרייען דעם עולם אין א דמיון אז מען מוז ציקומען צו נייע פארטרעטערשאפט, פראבירן אריינברענגען נייע זייער ילדות'דיגע מושגים אינעם ציבור, פון כלומרשטע ריזיגע דערגרייכונגען וואס דאס קענען בלויז זיי צישטעלן און אזוי ארום אריינברענגען דעם עולם אין א באבל אז זיי פעלן בכלל אויס,
למשל פאר קליינע נאטורליכע טעגליכע ווילעזש סערוויסעס וואס איז נישט מער ווי נארמאל אז א ווילעזש זאל צישטעלן, וועט מען מאכן בילדער און באשרייבונגען כאילו מען האט דיר דא געראטעוועט א וועלט, פון א שיינע חנוכה פארטי פון פרענדס וועט מען מאכן א גאנצע מצב מיט בילדער ווי כאילו מען ראטעוועט דערמיט די שטאט מיט איר עתיד ציזאם,
ס'איז דא אסאך צו רעדן דערפון, מיט משלים בארייבונגען און דאקומענטן, ועוד חזון למועד ואכמ"ל.
סך הכל:
קיינעם באדערט נישט אז די ווילעזש נעמט קרעדיט אויך פאר עפעס וואס זיי טוען נישט, די פראבלעם איז ווען אט דאס אלעס איז געווידמעט צו בויען א נייע קאמפעני וואס פראבירט צו ריפלעיסן און טוהן אנדערש ווי די אריגינאלע קהילות ווילן די געגנט זאל זיך פירן, און אנדערש פון רובא דרובא פונ'ם ציבור וואס זענען נאך געבליבן נארמאלע מענטשן און דארפן נישט משיח פון ווארשא.
דאס אלעס איז א פראבלעם פאר אלע סאטמארע קהילות, ווי ביידע קהילות האבן שוין בעבר זיך קלאר געלאזט הערן זייער מיינונג איבער אט די הנהגה , און דערפאר קומט נישט אריין צו רעדן דא פון ווילעזש אף קרית יואל וויבאלד די קהלה וואס איז נישט אונטער די ווילעזש אף קרית יואל האט די זעלבע פראבלעם מיט אט די היגע ווערטשאפט.
אויב איר האט סיי וועלכע פראבלעם מיט די ווילעזש אף קרית יואל, קיין פראבלעם איר קענט עס דעבאטירן, אבער נישט אלס א ספין אוועקצונעמען די אטענשאן פון א פראבלעם וואס שאדט פאר די איינוואוינער פון אלע שיכטן.
