באריכטן און בילדער פון אלע חצרות הקודש

[סאטמערע שוויצער]

איינער קען ברענגען ביטע סאטמערע נייעס בילדער פון נעכטען זייער בילדער זענען מער פארפעשינאל און קלאר יישר

[דער פאטעטע מייסטער]

בצל הקודש
הגה"צ אב"ד קהלתינו לאנדאן שליט"א אויף א באזוך ביי רבינו שליט"א בעת די זמני כניסה.
~~

[דער תהלים איד]

איינער קען ברענגען ביטע סאטמערע נייעס בילדער פון נעכטען זייער בילדער זענען מער פארפעשינאל און קלאר יישר

קיינער דארף נישט מער פראפעשאנעל און קיינער דארף נישט מער קלאר.

גיב איבער פאר די סאטמארע בחורים, אז דער ציבור איז זאט (פון ביידע וואסטעפפ קאמפאניס).

איין בילד פון יעדע באזוך איז איבער גענוג.

[דער פאטעטע מייסטער]

איינער קען ברענגען ביטע סאטמערע נייעס בילדער פון נעכטען זייער בילדער זענען מער פארפעשינאל און קלאר יישר

זיי האבן נאכנישט! אזוי ווי געווענדליך, צוליב די שטארקע פארפעשינעליזעם

[סאטמערע שוויצער]

איינער קען ברענגען ביטע סאטמערע נייעס בילדער פון נעכטען זייער בילדער זענען מער פארפעשינאל און קלאר יישר

קיינער דארף נישט מער פראפעשאנעל און קיינער דארף נישט מער קלאר.

גיב איבער פאר די סאטמארע בחורים, אז דער ציבור איז זאט (פון ביידע וואסטעפפ קאמפאניס).

איין בילד פון יעדע באזוך איז איבער גענוג.

ווער עס איז נישט אינטערסירט און די בילדער קען גלייך אוועקפארן פון די בילדער פון סאטמער לענית דעתי זענען דא ספעציפיש אויףן טישל דא הונדערטער סאטמערע וואס דארפן די בילדער

[דער תהלים איד]

נו נו... מאך אן אנקעטע.

חלילה נישט אפצופאטשן, דער עולם איז זיכער דאנקבאר! אבער איינס איז גענוג, און ס'דארף נישט זיין "פראפעשאנעל".

[סאטמערע שוויצער]

נו נו... מאך אן אנקעטע.

חלילה נישט אפצופאטשן, דער עולם איז זיכער דאנקבאר! אבער איינס איז גענוג, און ס'דארף נישט זיין "פראפעשאנעל".

אזויווי לויט מיין אפשאצונג זענען רוב אידן דא אויףן טישל סאטמערע וואס ווילן האבן אלע און פראפעשאנעל בילדער ווער עס וויל נישט חלילה נכשל ווערן נערוועז ווערן מיט די סאטמערע בילדער איז דא אנדערע פלאטפארמעס ווי מען קען זען בילדער פון רביס

[פנים חדשות]

איך וויל אפעלירען צום הנהלה צו ביטע עפענען א עקסטרע אשכול פאר נייעס און בילדער בחצה"ק סאטמאר, און אזוי אויך יעדע אנדערע חצר וואס ברענגט גאר אסאך בילדער און באריכטען אין דער אשכול שלא לפי ערך (יעצט אויפן מינוט איז דאכט זיך נאר גור אין דער כלל, אבער טאמער וועט צוקומען נאך, זאל מען עפענען עקסטרע אשכולות אויך פאר זיי), אזוי וועט איינער וואס איז נישט אינטרעסירט צו זען אזויפיל נייעס און בילדער פון דער ספעציפישע חצר נישט אריינקומען כמעט אין יענע אשכול, ווי אויך וועט מען לכאו' פארדינען פון דעם אז רוב חצרות, וואס האבען נישט אזויפיל ניק'ס דאהי פון זייערע חצר (און ממילא קומט נישט אריין נאטורליך אזויפיל נייעס און בילדער, און ס'בלויז א פי אר ניק וואס טוט דאס), וועלן נישט האבען א(זא גרויסע) נגיעה צו עפענען א ניק בלויז אויף צו האלטען אין איין ברענגן נייעס און בילדער פון יענע חצר, ווייל דורכדעם וועלן זיי אריינגעלייגט ווערן אין א נייע אשכול, ווי כמעט קיינער וועט אריינטרעטן (היות זיי האבען נישט צופיל אנהענגער דאהי, און זיי פראבירען בעיקר אריינצושטופען די בילדער פאר אזעלכע וואס באלאנגען נישט צו יענע חצר, און זענען נישט אינטרעסירט אין אזויפיל בילדער וכו', און דאס איז די חילוק פון חצה"ק סאטמאר וואס האט יא גאר אסאך אנהענגער דאהי, און די פילע בילדער וכו' קומען בעיקר אויף צו שטילען די דארשט פון די אנהענגער פון סאטמערע חסידות, און אין זייערע עקסטרע אשכול וועלן אריינגיין אלע סאטמערע ניק'ס).

א דאנק פון פאראויס.

דער וואס האלט פון דער הצעה, קען גיבען א לייק.

[Headquarters]

Screenshot 2023-08-08 142241.jpg (28 KiB) געזען געווארן 913 מאל

[עדיטאריעל]

אדמורי"ם אויף מנוחת הנפש

[דער גערער]

הרבי בנופש בצפת.jpg (244.27 KiB) געזען געווארן 839 מאל

[ווילסאן]

Screenshot 2023-08-08 142241.jpg

וועלכע איז דאס?

[קטןודל]

Screenshot 2023-08-08 180931.jpg

א יישר כח, אבער דאס קומט ביי 'מודעות' פון חצרות הקודש, דא איז פאר בילדער. (אויסער אויב מ'וועט באשליסן צאמצושמעלצן ביידע אשכולות).

[קטןודל]

שמחת הברית לנכד כ"ק האדמו"ר מטשארנאביל שליט"א (אשדוד) בן לבנו הרב יעקב טווערסקי חתן כ"ק האדמו"ר מלעלוב ב"ש שליט"א

[קטןודל]

האדמורי"ם מתולדות אהרן ומודזיץ בסעודת הילולא דהרה"ק מהר"א מבעלזא זי"ע במקום הנופש אין עסטרייך

[קטןודל]

האדמורי"ם מסאדיגורה-ירושלים וסאדיגורה-לאנדאן בסעודת הילולא לרגל יא"צ אביהם כ"ק האדמו"ר מסאדיגורה זצ"ל

[קטןודל]

האדמו"ר מסאדיגורה ביים יארצייט סעודה פון אביו זצ"ל

[דער פאטעטע מייסטער]

בצל הקודש סאטמאר מהר"א
רבינו שליט"א ביים שמחת התנאים פון נכדו החתן הרב יואל טייטלבוים שליט"א בן הגה"צ אב"ד סיגוט שליט"א, עב''ג בת הרה''ג רבי שלום האלבערשטאם שליט''א, חתן הרה"צ רבי יודא חיים האלבערשטאם שליט"א - אב"ד נאסויד, פארגעקומען אין די סקווירא זאלן אין ב"פ.
~~

[דער פאטעטע מייסטער]

בצל הקודש סאטמאר מהר"א
רבינו שליט"א ביים שמחת התנאים פון נכדו החתן הרב יואל טייטלבוים שליט"א בן הגה"צ אב"ד סיגוט שליט"א, עב''ג בת הרה''ג רבי שלום האלבערשטאם שליט''א, חתן הרה"צ רבי יודא חיים האלבערשטאם שליט"א - אב"ד נאסויד, פארגעקומען אין די סקווירא זאלן אין ב"פ.
~~

[דער פאטעטע מייסטער]

בצל הקודש סאטמאר מהר"א
רבינו שליט"א ביים שמחת התנאים פון נכדו החתן הרב יואל טייטלבוים שליט"א בן הגה"צ אב"ד סיגוט שליט"א, עב''ג בת הרה''ג רבי שלום האלבערשטאם שליט''א, חתן הרה"צ רבי יודא חיים האלבערשטאם שליט"א - אב"ד נאסויד, פארגעקומען אין די סקווירא זאלן אין ב"פ.
~~

[דער פאטעטע מייסטער]

בצל הקודש סאטמאר מהר"א
רבינו שליט"א ביי תפילת מעריב בהיכל בית מדרשינו הגדול אין ב"פ.
~~

[דער פאטעטע מייסטער]

בצל הקודש סאטמאר מהר"א
רבינו שליט"א ביי ניחום אבילים ביי משפחת הרבנית מרגליות ע"ה נכדת רביה"ק בעל עצי חיים זי"ע אין ב"פ.
~~

[דער פאטעטע מייסטער]

בצל הקודש סאטמאר מהר"א
=דינסטאג ראה=

פארן דאווענען איז פארגעקומען די ברית לבן הנולד אצל ר' משה יודא בר"י עקשטיין הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף עצי חיים - שיעור ג'.
פארן דאווענען האט דער רבי געלייגט תפילין פאר די בר מצוה בחור ב"ר יחזקאל שרגא האניג הי"ו.
נאכן דאווענען האט דער רבי פארגעלערנט א תהילים שיעור אויף קאפיטל י"ח פסוק א'.
דערנאך איז פארגעקומען א לחיים מיט די בר מצוה בחור בחדרו הפרטי.

ארום 6:20 האט דער רבי געדאווענט מנחה בביתו נאוה קודש אויף צאנז קט.
נאך מנחה איז דער רבי אריבער לביתו נאוה קודש אויף איהעל קט. ווי עס איז פארגעקומען אן אסיפה אינאיינעם מיט הגאון האדיר הדומ"ץ שליט"א און די פארקויפערינס און אייגנטומערינס פון די כיסוי הראש געשעפטן אינעם שטאט ווי מען האט דן געווען דברים העומדים על הפרק,
דער רבי האט משמיע געווען דב"ק ודברי הדרכה פאר א לענגערע צייט, און אוועקגעשטעלט תקנות און אויפגעפאדערט שטארקע גדרים וסייגים צווישן די געשעפטן.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' שמואל מרדכי שטיין הי"ו און הרה"ח ר' אלי' שפיטצער הי"ו אין די זאלן פון בית רחל פאראדייס.

"קול רינה וישועה באהלי צדיקים"
ארום 8:30 האט זיך דער רבי ארויסגעלאזט אויפן וועג קיין ב"פ צום שמחת התנאים פון נכדו החתן הרב יואל טייטלבוים שליט"א בן הגה"צ אב"ד סיגוט שליט"א, עב''ג בת הרה''ג רבי שלום האלבערשטאם שליט''א, חתן הרה"צ רבי יודא חיים האלבערשטאם שליט"א - אב"ד נאסויד, וואס איז פארגעקומען אין די סקווירא זאל אין ב"פ,
דער רבי איז אנגעקומען ארום 10:15 און זיך באגריסט מיט די חשובע זיידעס און רבנים אויפן אויבנאן,
עס האבן אויפגעטרעטן די מחותנים הגה"צ אב"ד סיגוט שליט"א און הרה"ג ר' שלום האלבערשטאם שליט"א,
דער רבי האט מסדר געווען די תנאים, אלץ עדות האבן געדינט הרה"ח ר' משה גלאנצער הי"ו און הרה"ח ר' חיים יושע געלבשטיין הי"ו - ראה"ק דקהילת עצי חיים סיגוט וומ"ס,

דער רבי האט משמיע געווען דב"ק בעניני שמחת חתן וכלה, און מסיים געווען מיט ברכות לרוב פארן חתן, מחותנים, זיידעס, און פארן גאנצן ציבור,
דער רבי האט מכבד געווען די זיידע הגה"צ אב"ד נאסויד שליט"א צו ליינען די תנאים,
דערנאך האט דער רבי געמאכט א לחיים און אנגעוואונטשן פארן גאנצן ציבור,
מען האט געזינגען ניגוני שמחה און דער גאנצער ציבור איז אריבער וואונטשן מזל טוב פאר רבינו שליט"א און די חשובע זיידעס און מחותנים,
מען האט פארענדיגט ארום 11:00 אזייגער, אויפן וועג ארויס האט דער רבי אנגעוואונטשן פאר די כלה.

פון דארט איז דער רבי צוגעפארן צו בית מדרשינו הגדול ווי דער רבי האט געדאווענט תפילת מעריב בהיכל הביהמ"ד,
פאר מעריב האט זיך דער רבי באגריסט מיט הרה"ג המשפיע ר' שמעון שפיטצער שליט"א פון ארה"ק וועלכע האט היינט אויפגעטרעטן מיט א דרשה אין בית מדרשינו הגדול.

נאך מעריב האט דער רבי מנחם אבל געווען משפחת הרבנית מרגליות ע"ה נכדת רביה"ק בעל עצי חיים זי"ע, צווישן אנדערע אחיה הרה"צ ר' אברהם חיים האלבערשטאם שליט"א - אבד"ק רודניק לאס אנדזשעלעס,
עס האט זיך פארצויגן א לאנגע שמועס בסיפורי בית סיגוט, און דער רבי האט געוואונטשן ברכת תנחומין.
דערנאך איז דער רבי אהיימגעפארן לביתו נאוה קודש אין ק"י.

[Headquarters]

מעמד אדיר ונשגב "הנחת אבן הפּינה" פאר בית מדרשו של חו"פּ הרה"צ רבי מרדכי שטיינער שליט"א אָפּגעראָכטן במעמד קהל ועדה פאַרלאָפענעם זונטאָג אוונט



מאָנסי. – מיט אַ דערהויבנקייט און התרגשות דקדושה איז דעם פארלאפענעם זונטאָג פּ' ראה אָפּגעראָכטן געוואָרן דער הייליגער מעמד אדיר ונשגב "הנחת אבן הפּינה" אין שטאָט מאָנסי, צו גיסן די יסודות אויפ'ן שטח הבנוי' אויפצובויען אַ בית המדרש מפואר מקום רחבת ידים, בית רם ונשא, פאר "קהל בית מרדכי" דער ק"ק פון האי גאון וצדיק חו"פּ הרה"צ רבי מרדכי שטיינער שליט"א מגדולי הרבנים אין שטאָט מאָנסי.

דער מעמד אדיר ונשגב "הנחת אבן הפּינה" האָט באַדייט גאָר היסטאָריש פאַר דער גאַנצער שטאָט מאָנסי, און האָט אַקאָמאַדירט דעם ריזן ציבור תושבי העיר התורה און פון אַלע געגנטער אַרום, וועלכע זענען געקומען מיטהאַלטן און נישט געוואָלט פאַרפּאַסן אַזאַ זעלטענער מעמד נשגב, צו זען ווי ס'בויעט זיך אויף אַזאַ הייליגער מקום מקדש מעט, און מקום קדוש פאר אַ זעלטענער דמות בדורינו אלה.

ס'האָבן זיך אָנגעזען פילע גדולי ומאורי העיר רבתי, וועלכע זענען געקומען באַשיינען און אָפּגעבן דעם ריכטיגן כבוד בית אלוקינו. אַ הערליכער אויבנאָן בראש המסובין אין שפּיץ פון חשובי רבני העיר, ראשי ישיבות, וגדולי האדמורי"ם, וחשובי פּני העדה פון שטאָט מאָנסי.

צום באַשטימטן צייט אין די אָוונט שעה'ן האָט זיך אָנגעפילט דער ספּעציעלן אויפגעשטעלטן שאַטער ע"פ שטח הבנוי', וואָס די עסקני המעמד האָבן באַוויזן אַהערצושטעלן, מיט'ן פולסטן כבוד הציבור כראוי וכיאות. ספעציעלע פּאַרקינג ערטער נעבן דער שטח איז געווען צוגעשטעלט פאר די וואס מאַכן זייער וועג מיט די אויטאָס, און אַ באַזונדערע פּאַרקינג אָרט גלייך נעבן דער שטח הבנוי', ספּעציעל פאר די בוני הבית ונדיבי בית הרב שליט"א.

אנגעפילטער סדר המעמד נשגב

דער מעמד איז געוואָרן אָנגעפירט דורכ'ן מייסטער-רעדנער, דער באַקאַנטער טשעירמאן הרה"ח ר' מאיר מרדכי בערקאָוויטש שליט"א, מחשובי תושבי העיר מאָנסי, וועלכער האָט די זכי' צו זיין נאָענט מיט'ן רב שליט"א וקהלתו הקדושה. דער בעל דרשן האָט געהאַלטן געשפּאַנט דעם חשוב'ן ציבור המשתתפים אין משך אַלע שעות פונעם מעמד, און מיט זיין לשון לימודים און געבענטשטע שפּראַך, האָט ער אַראָפּגעברענגט מפּי ספרים וסופרים פּאַסיגע פייערדיגע שטיקלעך פּאַסיג פאַר'ן האי מעמד דקגרים, און אַרויסגעברענגט במיטב לשונו וואָס אַזאַ מעמד באַדייט פאַר'ן גאַנצן שטאט ווען מ'בויעט אויף אַזאַ הייליגער פעסטונג, אשר משם תצא תורה, עבודה, תפלה, און הייליגער השפּעה פאר אַזויפיל לעכטיגע אידישע קינדער.

עס איז געווען מערקווירדיג ווי ר' מאיר מרדכי האט - וועלנדיג ארויסברענגען דאס דערהויבענע שאיפה און השגה פון מרן דער מרא דאתרא שליט"א - בלויז נאכגעזאגט די דברות קודש וואס מען האט געהערט ביים פארגאנגענעם שלש סעודות פ' עקב, ווי דער רב האט זייער טרעפליך פארטייטשט דעם ענין וואס די תורה זאגט צו שכר אויף "עקב-אדם דש בעקביו" , וואס לכאורה איז דאך שכר מצוה בהאי עלמא ליכא, נאר וואס דען, אויף שמחה של מצוה איז דאך יא דא שכר אויף דער וועלט, במילא זאגט די תורה אז מען וועט באקומען שכר אויף דעם שמחה של מצוה בשעת'ן דאווענען וכדומה, "שאדם דש בעקביו", ווען א מענטש כאפט א טענצל אינמיטן עוסק זיין אין די מצוות...

פון די הויכפּונקטן ביים מעמד איז געווען דער נואם בחסד עליון, ווען מ'האָט געהאַט די געלגנהייט צו הערן פּאַסיגע דברים כדרבונות דער דבר העיר דורך הגה"צ רבי חיים פייוול שנעבאלג שליט’’א אב"ד קהל אברכים, וועלכער האָט מיט זיין פה מפּיק מרגליות אַרויסגעהויבן וואָס אַזאַ צוזאַמקום מיינט פאַר כלל ישראל, שטייענדיג אינעם זמן נאָכ'ן קלאָגן אויפ'ן חורבן הבית, און אַרויסגעהויבן דער עצם החשיבות און זעלטענער זכי' וואָס מ'האָט אַצינד ווען מ'שטעלט די הייליגע יסודות וואָס גייט אָנהאַלטן אזויפיל יראי השם זיך צו האַלטן הייליג און אָפּגעהיטן לעבוד את בוראו בדחילו ורחימו.

דער סאַמע הויכפּונקט און הייליגסטע מאָמענט ביים מעמד אדיר, איז געוויס געווען דער הייליגער מעמד "בוקע רקיעים" ווען איידער'ן צוטרעטן צום קלימאַקס צו גיסן די גרונד-שטיין פאַר'ן בית גדול לאלוקים על המקום אשר הכינותי, האָט מען אָפּגעראָכטן די מעמד בקשת רחמים ווען שטייענדיג ביי אַזאַ הייליג מעמד נשגב ווען מ'בויעט אןיף אַ בית המקדש מעט, נאָכדערצו זיך געפינענדיג אין די טעג וואָס מ'גרייט זיך אַריינצוטרעטן בימי הרחמים והרצון, האָט מען געזאָגט פּאַסיגע און מסוגל'דיגע תפלות און פּסוקי תהילים צו מעורר זיין רחמים וחסדים ביים מלך קל רם ונשא, אין אַזאַ זמן ושעה מסוגל צו מתפּלל זיין פאַר'ן כלל ופרט.

נאָכ'ן אָפּרעכטן דער פאָרכטיגער מעמד, דער סאַמע הויכפּונקט און הייליגסטע מאָמענט ביים מעמד אדיר ווען מען האָט מען געהאַט די זכי' צו מקבל פּנים זיין כ"ק אדמו"ר מסאַטמאַר שליט"אַ וועלכער האָט בטירחא דגופא זיך געקומען באַטייליגן ביים מעמד, און געבן ברכת קדשו פאַר'ן רב שליט"א.

אַ מאָמענט פון התרגשות האָט איבערגעריסן די פאַרזאַמלטע ווען בהאי שעתא וואָס דער סאַטמאַרער רבי שליט"אַ האָט באַשיינט אין שפּיץ, האָט מען אַרויפגערופן האי טפסר ונדיב בית ישראל, הרבני הנכבד הרה"ח ר' ישראל דוב גאָלדבערגער שליט"א אב"י קרית יואל, בונה ומקים עלמות של תורה וטהרה, וועלכער האָט אויפ'ן פּלאַץ מיטהאַלטנדיג אַזאַ מעמד של רגש ושמחה, געגעבן אַ פאַנטאַסטישע נדבה פון אַ האַלב מיליאָן דאָלאַר צו אָפּקויפן דעם שם המקוה פונעם נייעם בית המדרש, להרבות קדושה וטהרה בתוך ישרא"ל.

ספּאָנטאַן נאָכן'ן הערן אַזאַ בשורה מרנינה, האָט דער גאַנצער עולם אַרויסגעגאַנגען אין אַ פייערדיגן ריקוד קודש אויף די ווערטער "אמר רבי עקיבא אשריכם ישראל לפני מי אתם מטהרין" אָפּגעבנדיג אַ שבח והודי' להקב"ה אַז מ'איז זוכה צו אַזאַ פריידיגן בשורה וואָס גייט בעז"ה געבן דעם ריכטיגן שטופּ צו קענען פאָראויסגיין מיט'ן אויפבוי פונעם גאַנצן בנין, און מרבה זיין טהרה וקדושה פאר אַזויפיל הונדערטער אידן וואָס גייען בעז"ה נהנה זיין פון די פילע לייסטונגען פונעם חשוב'ן נדבן הדגול. אשרי לו ואשרי חלקו!


היתה לראש פינה – דער מינוט פון גיסן די יסודות

איידער מ'האָט צוגעטרעטן צום קלימאַקס צו גיסן די הייליגע יסודות האיתנים פאַר'ן ביהמ"ד, האָט מען געהאַט די זכי' צו הערן פּאַסיגע קורצע דיבורי קודש פונעם רב שליט"א, וועלכער האָט מיט געמאָסטענע ווערטער אַרויסגערעדט מלבו הטהור וואָס דאָס באַדייט צו גיסן די יסודות פאר אַ בית המקדש מעט, און דערנאָך משפּיע געווען ברכות און השפּעות פאר אַלע נדיבי הבית, און משתתפי המעמד.

היסטאָריש און מלא התרגשות איז געווען דער מינוט ווען מ'האָט צוגעטרעטן צום זמן המסוגל, ווען מ'האָט אין אַ מזל'דיגער שעה געלייגט דער ערשטער גרונד-שטיין אויף דער מקום בית אלוקינו ומקור חיינו, און זיך גלייך דערנאָך אַרויסגעלאָזט אין פייערדיגע געהויבענע ריקודין, ליתן שבח והודי' להקב"ה אַז מ'האַלט שוין דאָ נאָכ'ן אַריבערגיין אַזויפיל שוועריקייטן, און מ'האָט די זכי' מיטצולעבן ווען מ'גיסט די יסודות אויפ'ן הייליג מקום אשר הכינותי, אשר משם תצא תורה ועבודה לכל בית ישראל!

וְיִסְדוּ הַבּנִים אֶת הֵיכַל ה'! ביים מעמד איז געווען אַ ספּעציעלן דעזיגנירטן אָרט, אַ מקום חשוב פאר די נדיבי בית הרב ובונים ומקימים בית מדרשו של רבי, די וועלכע לאָזן זיך קאָסטן מיט גרעסערע סכומים הגונים אַז מ'זאָל בעז"ה קענען אויפבויען דער הייליג מקום. מ'האָט אָפּגעגעבן דעם ריכטיגן כבוד און עהרע וואָס ס'פּאַסט פאר אזעלע נדיבם בעם, לרומם ולפאר בית אלוקינו.

דער מעמד אדיר ונשגב האָט איבערגעלאָזט הויפנעס השפּעות און רישומא קדישא אויף אַלע משתתפים, נאָכ'ן מיטלעבן אַזעלכע געהויבענע שעות, וואָס איז נישט מער ווי פּאַסיג שטייענדיג ווען כלל ישראל טרעט אַרויס פון די ימי האבל ובכי על בית אלוקינו, מיט אַ תפלה און וואונטש ס'זאָל שוין זיין בנה ביתך כבתחילה וכונן מקדשך על מכונו, ועתידין בתי כנסיות ובתי תפלה שיקבעו בארץ ישראל בב"א.

[Headquarters]

מעמד אדיר ונשגב "הנחת אבן הפּינה" פאר בית מדרשו של חו"פּ הרה"צ רבי מרדכי שטיינער שליט"א אָפּגעראָכטן במעמד קהל ועדה פאַרלאָפענעם זונטאָג אוונט