משה זרח האט געשריבן: ↑מאנטאג דעצעמבער 18, 2023 2:46 pm
קישטא קאי האט געשריבן: ↑מאנטאג דעצעמבער 18, 2023 2:14 pm
משה זרח האט געשריבן: ↑מאנטאג דעצעמבער 18, 2023 2:07 pm
שטייט נישט אינעם באריכט אז די ווילעדזש האט גערייניגט די 208, ס'שטייט בלויז אז ס'איז געווען פארמאכט.
ליין איבער
viewtopic.php?p=49414#p49414
גוט געספינט, ליין איבער, שטייט נישט אז די ווילעדזש האט גערייניגט די 208
יא דאס איז אייביג די מהלך, חיש'ן מיט'ן ציבור, אדער סתם פארקויפן ליגנט אדער זאגן לישנא דמישתמע לתרי אנפין מיט די מערסט פאזיטיווע משמעות, אז אויב מען ליינט עס נישט איבער גוט און גרינטליך קען מען באקומען א פאלשע בילד ווי גלייך דא איז געטוהן געווארן עפעס מעיזשאר לטובת הציבור בו בזמן וואס ס'איז לפעמים ממש גארנישט געטוהן געווארן און לפעמים נאך אפי' אוועקגענימען.
די פראבלעם איז אבער מיט דעם מהלך, די נאטור איז אז מענטשן פילן ווען מען איז נישט אויפריכטיג מיט זיי, און ווערן זייער אפסעט, מען פארלירט טראסט, דערנאך וואונדערן זיך די אפישעל"ס, מיר האבן נישט אזויפיל שלעכט געטוהן אז דער ציבור זאל זיין אזוי נעגאטיוו צו אונז, פארוואס איז עס אזוי.
אבער דאס איז די עכטע אמת רעדנדיג אסאך מענטשן, דער עולם פילט מיר ווערן באליס פון אזעלכע וואס ווילן אונז ניצן פאר זייער אינטערעס אנשטאט עכט ארבעטן פאר אונזער אינטערעס, פאר טובת הציבור.
און די אבסורד דערפון איז מען רעדט נישט דא פון אידן וואס זענען שוין אויפ'ן בענקל 50 יאר מיט גראנדיעזע לייסטונגען לטובת הציבור, וואס אלע תושבים וואוינען אין זייערע דעוועלאפמענטס וואס זיי האבן צישטאנד געברענגט און אויפגעבויט, דאן קען מען עס אביסל בעסער פארשטיין, און אויב במשך השנים הייבט מען אן צו פירן א שטיקעלע ווערטשאפט קען מען עס כאטש דן זיין לכף זכות, אבער ווען מען רעדט פון אן איבערגענימענע געגנט פון קארגע 350-400 משפחות, ווי יעדער איינוואוינער האט שווער געארבעט פאר זיין הייזקעלע וואס ער האט געקויפט פון א גוי און ס"ה געגעבן זיין תמימות'דיגע וואוט, צו ווערן פארטרעטן און רעפרעזענטירט און דאן ניצן עס געוויסע פאר זייערע וויזיעס און לאנג טערמיניגע אגענדאס וד"ל, ווערט די תביעה פיל גרעסער, פארוואס ניצסטו מיר אנשטאט מיר צו אמת'דיג פארטרעטן.
ואילמלי וואלט זיך עס דא געענדיגט, החרשתי, די גרעסערע פראבלעם איז ווען ס'איז באשלאסן געווארן אז מען מוז אונז אפהאקן פון קרית יואל, ריפלעיסן די אריגינאלע קרית יואל קהילות מיט נייע "מעיד אין בלומינגראוו קהילות", און דאס ווי אלעס האט מען אפגעמאכט פאר אונז און געחישט מיט'ן ציבור ווייניג האבן געכאפט די וויזיע און אגענדא, מען האט געניצט לישנא דמישתמע לתרי אנפי, גערעדט פון אחדות און פון ווארשא, געטוישט לאגא'ס, ממילא לאמיר זיין קלאר די רצון הציבור איז צו ווערן פארטרעטן פון די ווילעז"ש אויף ווילעז"ש געברויכן און מען זאל זיך ביטע אפלאזן פון יעדע סארט פריוו פון ארויפשטעלן אויף אונז נייע קהילות מיט נייע שטעט, פאספארט סערויס, סוישעל סערוויס און טעקס אישוס קען מען אונז צישטעלן, אבער געבן עני מעסיזש וואס זאל אועקשטעלן די נייע אגענדא איבער די רוחניות'דיגע עתיד פון אונזער געגנט נישט פאר דעם האט מען אייך געוואוט!