נייע סעריע! ביזנעס ענטיטיס - מיט א קלארקייט

[יענץ מבין]

@יענץ מבין, לויט אייער מבינות, איז שייך אזא זאך צו עפענען א קארפ. אין נ"י אויף צוריקצווועגס?

דהיינו, איך האב געפירט א קליינע ביזנעס אין יארע '25, יעצט קומט צו פיילן טעקסעס האב איך נישט קיין קארפ. און איך וויל עס נישט פיילן אלץ סעלף-אימפלויד.

איז דא אזא זאך ווי עפענען יעצט און זאגן עס זאל זיין אפפעקטיוו פון א יאר אדער עטליכע חדשים צוריק?

יישר כחכם.

ליידער איז די פשוטע ענטפער, אז ניין, עס איז נישט שייך צו עפענען א ענטיטי אויף צירוק צו-וועגס.

אבער היות איך בין נישט קיין אקאונטענט, וואלט איך אייך געראטן זיך אדורך צו רעדן מיט אן אקאונטענט צו זעהן צו עס איז דא א וועג ארויס.

הגם אויב אייער אינטערעסע עס צו םיילן אלץ א קארפ איז כדי עס זאל נישט רעפלעקטן אייער פריוואטע אינקאם, איז לכאורה נישט דא קיין געהעריגע וועג ארויס דערפון, אבער נאכאמאל איך בין נישט קיין אקאונטענט.

[יענץ מבין]

Keystone filings Ad-01 (1).png (663.2 KiB) געזען געווארן 1199 מאל

[יענץ מבין]

חלק ב: די הויפט ביזנעס סטרוקטורן

סטרוקטור 8: TRUSTS

וואס איז א Trust?

א טראסט איז נישט קיין 'ביזנעס' וואס פארקויפט סחורה. נאר עס איז ליבערשט א סעיף (Safe) וואו מען קען אריין לייגן דערין אנדערע קאמפאניס, אדער פראפערטיעס.

עס זענען דא צוויי הויפט סארטן טראסטס:

1. Revocable Trust:
דאס איז די מערסט פארשפרייטסטע טראסט.

• וויאזוי ארבעט עס: מען לייגט אריין די LLC אין דעם טראסט. די בעה"ב פון די LLC ווערט דער Trustee און ער האט פולע קאנטראל פון די ביזנעס און פון די טראסט. ווען מען וויל קען מען טוישן ווער זאל זיין די יורש פון דעם טראסט אזוי אויך קען מען פארמאכן די טראסט ווען מען וויל.

• די מעלה (Probate Avoidance): דאס איז די עיקור אויפטוה פון די טראסט. בדרך כלל ווען איינער ווערט נפטר, ווערן זיינע נכסים פארפרוירן דורך דעם געריכט (Probate Court). משא"כ נכסים וואס ליגן אין א טראסט גייען גלייך אריבער צו די קינדער, אן קיין געריכט, אן קיין לויערס, און אן קיין פובליסיטי. [וויבאלד אין די טראסט דאקומענטן שטייט קלאר ארויסגעשריבען ווער זאל איבערנעמען אין פאל דער Trustee שטארבט].

• Tax Specifics: עס איז א Disregarded Entity. מען דארף נישט פיילן קיין באזונדערע טעקס רעטוירן. מען ניצט די אייגענע Social Security Number, און מען פיילט עס אלץ א חלק פון די פערזענליכע 1040.

• Asset Protection: די סארט טראסט באשיצט נישט די assets פון קיין בעלי חובות. היות עס ווערט קאנטראלירט דורך די בעה"ב, קענען זיינע בעלי חובות עס אוועק נעמען.

2. Irrevocable Trust
דאס איז שוין פאר די העכערע ליגע, פאר די וואס ווילן האבן סיי Asset Protection און סיי Estate Tax Planning.

• וויאזוי ארבעט עס: מען לייגט אריין די ביזנעס אין די טראסט, און די בעה"ב גיבט אויף די קאנטראל פון די ביזנעס. ער קען עס מער קיינמאל נישט צירוק נעמען פאר זיך. און ער קען אויך נישט זיין דער Trustee פון דער טראסט (עס דארף זיין אן אנדערער מענטש).

• Asset Protection: היות די ביזנעס געהערט לעגאל מער נישט צו איהם, קענען זיינע פערזענליכע בעלי-חובות נישט צונעמען די בעלות אויף די / פארמעגען פון די טראסט.

• Tax Specifics: דא ווערט עס מער קאמפליצירט. דער טראסט דארף אן אייגענעם EIN און פיילט אן אייגענעם טעקס רעטורן (Form 1041).

ווער צאלט די טעקס:

בעצם איז די טראסט אן אייגענער קערפערשאפט, און עס דארף אליינס באצאלן די טעקסעס. די פראבלעם איז אז די טעקס ראטע פון א טראסט איז גאר הויעך (אזויפיל ווי 37% אויב עס פארדינט מער ווי $15,200).

כדי זיך צו שפארן טעקסעס איז דא א מהלך פון אריינשרייבן געוויסע סעיפים און די טראסט-קאנטראקט וואס צוברעכען די טעקס רול"ס, אבער לאזן נאך אלץ די ליגאלע באשיצונג אין פלאץ. וואס דאס ברענגט צו אז די IRS זאל עס - פאר שטייער צוועקן (tax purposes) - אנקוקן ווי א Grantor Trust און נישט ווי א זעלבסטֹ-ֹשטענדיגע ענטיטי.
דער מערסט-באקאנטער וועג איז דורך אריינשרייבן אין די קאנטראקט אז מען האט Power of Substitution, וואס דאס גיבט רעכט פארן Grantor אויפצוטוישן נכסים מיט'ן טראסט פאר די זעלבע ווערט. וויבאלד איר האט דעם כח, זאגט די IRS אז די grantor איז נאך אלץ דער בעל הבית פון די טראסט לגבי טעקס צוועקן, און מען צאלט עס אויף די ביליגערע פערזענליכע ראטעס.

S-Corporations:

אויב אייער ביזנעס איז א S-Corp, טארט איר עס נישט אריין לייגן אין סתם א טראסט. אן S-Corp מעג נאר באלאנגען צו זייער ספעציפישע סארט טראסטס:

• QSST: עס מעג נאר האבן איין יורש, און מען דארף אויסצאלן אלע פראפיטס צום יורש א יעדעס יאר.

• ESBT: מעג האבן עטליכע יורשים, אבער די טעקס ווערט גלייך גערעכנט לויט די העכסטע טעקס בראקעט (37%), אפגעזען וויפיל עס פארדינט.
  אויב איר טראנספערט S-Corp שעירס צו א פשוטן טראסט, פארלירט איר די S-Corp סטאטוס אויפן פלאץ, און איר וועט צאלן C-Corp טעקסעס.

[יענץ מבין]

איך וויל דא אויסשמועסן א נקודה וואס איך בין לעצטנס אפאר מאל געפרעגט געווארן דערוועגן.

ווי באקאנט, ווען מין וויל אוועקשטעלן א נייע נאן-פראפיט אדער קאנגריגעישן דארף מען געווענליך האבן 3 באורד מעמבער'ס / טראסטי"ס.

און היות אז אין אסאך פעלער איז באמת דא נאר איינער אדער צוויי וואס פירן עס בפועל, זוכט מען סתם עמך יודן צו חתמנ'ן אלץ א טראסטי 'נאר אויף פאפיר'.

איז ווילן מענטשן וויסן וואס באדייט דאס צו זיין א טראסט.

בעפאר איך גיי וויטער וויל איך קודם מאכן צוויי דיסקלעימערס.

• 1. איך קום נישט דא זאגן וואס יא צו טון אדער נישט צו טון. דאס איז א פערזענליכע החלטה און אויב עס איז נוגע זאל מען פרעגן א פראפעסיאנאל. איך וויל נאר אראפלייגן די פשועט פאקטן וואס דאס געזעץ זאגט איבער די פליכטן און ריזיקעס פון זיין א טראסטי.

• 2. אלעס וואס איך שרייב דא איז נאר בככלוית, אבער בפרטיות האט יעדע סטעיט און יעדע סטרוקטור איר אייגענע געזעצן, וואס קען אביסל טוישן די בילד אויך איין וועג אדער א צווייטע.

וואס מיינט דאס א טראסטי?

א Trustee איז א Fiduciary דאס מיינט אז מען האט דיר געגעבן 'צוטרוי (Trust)' צו היטן אויף די אינטערעסן פון די ארגאניזאציע און אירע געלטער.

לויט דעם געזעץ איז נישטא אזא באגריף פון א Silent Trustee. אויב דיין נאמען שטייט אויף די Bylaws אדער אויף די IRS פארמען, ביסטו לעגאל פאראנטווארטליך פונקט ווי דער וואס פירט די ארגאניזאציע טאָג-טעגלעך.


די דריי הויפט אויפגאבעס פון א טראסטי:

די קאורטס קוקן אויף דריי זאכן ווען זיי באטראכטן א טראסטי.

• Duty of Care: איר דארפט זיין גענוג אינפארמירט איבער וואס די ארגאניזאציע טוט. מען קען נישט זאגן איך האב נישט געוויסט אז עפעס אומלעגאל פאסירט.

• Duty of Loyalty: איר טארט נישט נוצן דעם מוסד פאר אייער אייגענער טובה.

• Duty of Obedience: איר מוזט זיכער מאכן אז די ארגאניזאציע פאלגט נאך אירע אייגענע תקנות (Bylaws) און אזוי אויך די סטעיט געזעצן.

די ריזיקעס פון זיין א טראסטי

אפילו אויב איר זענט נישט אקטיוו, קענען פאסירן עטליכע זאכן וואו אייער נאמען קען ווערן פארמישט:

• Lawsuits: אויב דער מוסד ווערט געקלאגט (למשל פאר אן עקסידענט אדער א קאנטראקט), קענען די Trustees אויך ווערן גערופן אין קאורט, וואס דאס באדייט באצאלן פאר אדוואקאטן אא"וו.

• IRS Penalties: אויב די ארגאניזאציע פיילט נישט די "Form 990" (די יערליכע אינפארמאציע רעטורן), קען די IRS ארויפלייגן גרויסע געלט שטראפן אויף די ארגאניזאציע, און אין געוויסע פעלער קענען זיי אויך מאכן פראבלעמן פאר די באורד מעמבערס. [ביי קאנגרעגעישען'ס איז נישט דא די פראבלעם, היות זיי דארפן נישט פיילן קיין 990'ס].

זיין א Signer אויפן באנק אקאונט

זיין א סיינער אויפן באנק איז א שטאפל העכער ווי סתם א באורד מעמבער. ווען איר זענט א סיינער, באשטעטיגט איר פארן באנק אז איר האט די כח צו פירן די געלטער. דאס מאכט עס פיל שווערער צו טענה'ן שפעטער אז איר האט נישט געוויסט וואס מען טוט מיט דעם געלט.

אזוי אויך קען עס צו ברענגען נאך א ריזיקע:

• Payroll Taxes: אויב די ארגאניזאציע האט ארבעטער אבער באצאלט נישט די געהעריגע Payroll Taxes צום IRS, קען דער IRS גיין נאך יעדן "Responsible Person" פערזענליך. וואס דאס קען אריין נעמען איינער וואס איז א סיינער אויפן באנק אקאונט.

וואס קען מען טון זיך צו באשיצן?

אויב איר טוט דעם חסד און איר זענט א Trustee, זענען דא צוויי וויכטיגע זאכן צו טוען כדאי זיך צו באשיצן.

• 1D&O Insurance: מאכט זיכער אז די ארגאניזאציע האט Directors and Officers Insurance דאס איז א פאליסי וואס באשיצט די באורד מעמבערס פערזענליך אויב מען קלאגט די ארגאניזאציע.

• יערליכע רעפארטס: פארלאנגט צו זען א קאפי פונעם יערליכן שטייער רעטוירן (990) כדי צו וויסן אז אלעס ווערט געפירט געהעריג.

[ChatGPT]

ועלקאם בעק!!!

dguugbkhl איז פאר געווענליך?

[יענץ מבין]

אוטש נישט געכאפט אז עס איך האב גענוצט די ענגליש קיבאורד.

איך האב בעצם געפלאנט צו גיין ווייטער מיט די סעריע, אריין צו גיין מער אין סטראטעגיעס, אבער דערווייל האב איך פשוט נישט די צייט דערצו, האב איך קודם ארויס געלייגט וואס איך האב יא.

[יענץ מבין]

די Series LLC: איין קאמפאני מיט אסאך באזונדערע אפטיילונגען
ערשטע טייל

אין איינער פון אונזער פריערדיגע ארטיקלן האבן מיר מסביר געווען וואס א נארמאלע LLC מיינט.

דער יסוד פון א LLC איז גאנץ פשוט:
מען עפנט א באזונדערע לעגאלע ענטיטי, די ביזנעס האט איר אייגענע נאמען, אייגענע נכסים, אייגענע חובות, און אן אייגענע לעגאלע עקזיסטענץ.
דאס מיינט, אז אויב די ביזנעס ווערט געקלאגט אין קאורט, קענען די בעלי חובות נאר גיין נאך די נכסים פון די ביזנעס, און נישט נאך די פריוואטע פארמעגן פונעם בעל הבית, ווי זיין הויז, זיין קאר, אדער זיין פריוואטע באנק אקאונט.
דאס איז די שוץ וואס א נארמאלע LLC גיט אונז.

אבער יעצט לאמיר גיין א טריט טיפער.

וואס פאסירט ווען איין מענטש האט עטליכע באזונדערע נכסים?
למשל, א לענדלארד וואס פארמאגט פינף רענטל פראפערטיס.

ער קען אריינלייגן אלע פינף פראפערטיס אונטער איין איינציגע LLC, און דאס וועט טאקע געבן א שוץ צווישן אים פערזענליך און זיין ביזנעס.
אבער, עס וועט נישט אפטיילן די פראפערטיס איינס פונעם צווייטן.
אויב ביי פראפערטי #1 גיבט איינער אריין א לאו-סוט, זענען אלע נכסים וואס זענען אונטער יענע זעלבע LLC אונטער די ריזיקע פון ווערן צוגענומן.

דעריבער איז דא 2 עצות.
די ערשטע עצה איז צו עפענען פינף באזונדערע LLC’s. איין LLC פאר יעדע פראפערטי.
אבער דאס מיינט אויך פינף מאל זיך רעגיסטרירן, פינף מאל צאלן סטעיט פיעס, פינף יערליכע באריכטן (annual reports), פינף באנק אקאונטס, פינף סעטס פון ביכער, און פינף מאל אזוי פיל קאפ-וויי מיט קאמפלייענס.

דא קומט אריין די זאך וואס הייסט א Series LLC.

וואס איז א Series LLC?

א סעריס LLC איז א ספעציעלע סארט LLC וואס ערלויבט איין הויפט LLC צו עפענען באזונדערע אינערליכע "סעריס" אונטער זיך.
אנשטאט צו עפענען 5 באזונדערע LLC'ס, איינס פער פראפערטי, קען מען עפענען איין הויפט LLC און אונטער דעם עפענען 5 באזונדערע סעריעס.

[עס וועט אויסזעהן אזוי:
Greenfield Holdings LLC — Series 1
Greenfield Holdings LLC — Series 2
Greenfield Holdings LLC — Series 3
Greenfield Holdings LLC — Series 4
Greenfield Holdings LLC — Series 5]

יעדע "סעריעס" קען האבן אירע אייגענע נכסים, אירע אייגענע חובות, איר אייגענע ביזנעס ציל, און אמאל אפילו אירע אייגענע מעמבערס אדער מענעדזשערס.
די כוונה איז אז יעדע סעריעס זאל באטראכט ווערן ווי א באזונדערע אפטיילונג.

אויב סעריעס 2 פארמאגט פראפערטי #2, און א טענאנט קלאגט צוליב עפעס וואס האט פאסירט אין יענע פראפערטי, זאלן די תביעות נאר קענען גיין נאך די נכסים פון סעריעס 2, און נישט נאך סעריעס 1, סעריעס 3, אדער די הויפט LLC.

און אנדערע ווערטער:
א נארמאלע LLC מאכט א מחיצה צווישן דעם בעל הבית און די ביזנעס.
א סעריס LLC פרובירט צו מאכן נאך מחיצות אינעווייניג אין די ביזנעס אליין.

עס אוועקשטעלן ריכטיג:

אבער כדי די קאורט זאל עס טאקע אנקוקן ווי 5 באזונדערע ענטיטיס, דארף מען זיכער מאכן אז מען סטרוקטירט עס ריכטיג.
1. יעדע סעריע מוז פירן באזונדערע רעקארדס.
2. יעדע סעריע דארף האבן באזונדערע בוק-קיפינג.
3. עס איז כדאי אז יעדע סעריע זאל האבן אן אייגענע באנק אקאונט.
4. קאנטראקטן דארפן קלאר ארויסשרייבן וועלכע סעריע עס איז אונטער געשריבן אויף.
5. די נכסים דארפן זיין קלאר צוגעטיילט צו די ריכטיגע סעריעס.
6. מען טאר נישט אויסמישן געלט (commingling) צווישן איין סעריע און די צווייטע.
(דאס איז די זעלבע יסוד פון piercing the corporate veil, נאר דא איז די סכנה נישט נאר צווישן דעם בעל הבית און די LLC, נאר אויך אז די מחיצה צווישן איין סעריע און די אנדערע זאל צופאלן.)

[לאקאלער רב]

קודם א לייק, יעצט גיי מיר ליינען.

[ChatGPT]

@יענץ מבין יישר כח!

וואס איז א חילוק צווישן די 5 סטענדערט LLC און א סעריעס LLC. ביי בייידע זאגסטו אז מ'דארף עקסטערע ביכער און באזינדערע רעקארדס - בענק אקאונט.

[יענץ מבין]

@יענץ מבין יישר כח!

וואס איז א חילוק צווישן די 5 סטענדערט LLC און א סעריעס LLC. ביי בייידע זאגסטו אז מ'דארף עקסטערע ביכער און באזינדערע רעקארדס - בענק אקאונט.

די עיקר מעלות פון די סעריעס LLC איז:
1. אז מען דארף נישט צאלן באזונדערע סטעיט פי'ס פאר א יעדע LLC.
2. עס איז גענוג איין registered agent פאר די גאנצע סעריעס
3. בדרך כלל קען מען פיילן איין טעקס ריטורן פאר די גאנצע סעריעס
4. מען קען זייער גרינג צולייגן פרישע סעריעס, בלויז דורך אפדעיטן די operating agreement

[יענץ מבין]

די Parent LLC: איין LLC וואס פארמאגט די אנדערע LLC'ס

וואס איז א Parent LLC?

א פערענט LLC איז פשוט א LLC וואס איר אייגנטימער (member) איז נישט קיין מענטש, נאר אן אנדערע LLC.

דהיינו, מען עפנט איין 'אויבערשטע' LLC, און די LLC פארמאגט אונטער זיך די אנדערע LLC'ס - איינס פאר יעדע ביזנעס אדער פראפערטי. די אויבערשטע הייסט די Parent, און די אונטערשטע הייסן Subsidiaries (אין קורצן: subs).

צום ביישפיל איינער האט צוויי רענטל בילדינגס, א בעקערי און א קליינע קעיטערינג ביזנעס. אלעס ליגט אונטער איין LLC: 'שמואל'ס בעיקערי LLC'.

שטעלט מען עס אוועק אזוי:

Shmuel Holdings LLC (Parent)
Shmuel's Bakery LLC (Sub)
Shmuel Catering LLC (Sub)
Lee Ave LLC (Sub)
Ross St LLC (Sub)

שמואל פערזענליך פארמאגט נאר די האלדינג LLC, און די האלדינג LLC פארמאגט 100% פון יעדע איינע פון די פיר subs.

פארוואס טוט מען עס?

• אפטיילן די ריזיקע: יעדע ביזנעס און יעדע פראפערטי האט איר אייגענע מחיצה. אויב איין טענאנט געט אריין א קלאגע קען מען נאר נעמען פארמעגן פון די sub וואס ער קלאגט.
• איין שטאפל פאר'ן בעל הבית: ווען שמואל וויל אריינברענגען א שותף אין אלעס אינאיינעם, אדער אריינלייגן אלעס אין א טראסט פאר די קינדער, דארף ער נאר אריבערגעבן די פערענט, און נישט יעדע LLC באזונדער.
• פריוואטקייט (Privacy): אויף די דיעד און אויף די קאנטראקטן שטייט דער נאמען פון די sub, נישט שמואל. (ביי געוויסע פיילינגס, ווי ביים קויפן א 1-4 פאמיליע הויז אין ניו יארק, דארף מען סייווי אויסשרייבן ווער עס שטייט אונטער די LLC.)

ווי אזוי ארבעט די טעקסעס?

פאר רוב מענטשן טוישט זיך כמעט גארנישט.

• די פערענט האט איין אייגנטימער: אויב שמואל אליין פארמאגט די פערענט, און די פערענט אליין פארמאגט יעדע sub, איז אלעס Disregarded. די IRS זעהט נישט קיין איינציגע פון די LLC'ס, און אלעס גייט גלייך אויף שמואל'ס 1040 (די ביזנעסער אויף Schedule C, די רענט אויף Schedule E).
• די פערענט האט שותפים: אויב שמואל און זיין שוואגער פארמאגן צוזאמען די פערענט, איז די פערענט א Partnership מיט א Form 1065 און K-1'ס. די subs זענען Disregarded אריין אין די פערענט, ממילא גייט אלעס אויף איין 1065, און נישט פיר באזונדערע.

[אויב א sub האט נאך אן אנדערן שותף, איז זי שוין נישט 100% אונטער די פערענט, ווערט עס אן אייגענע Partnership מיט אן אייגענע 1065.]

ווי אזוי שטעלט מען עס אוועק?

1. קודם עפנט מען די פערענט LLC.
2. דערנאך עפנט מען יעדע sub, ווען דער member אויף די פאפירן איז די פערענט - נישט איר פערזענליך.
3. יעדע sub וואס דארף א באנק אקאונט אדער האט ארבעטער, דארף אן אייגענע EIN.
4. אן Operating Agreement פאר יעדע LLC, סיי פאר די פערענט סיי פאר יעדע sub.
5. א באזונדערע באנק אקאונט, ביכער און אינשורענס פאר יעדע LLC.
6. די פערענט אליין טוט גארנישט - זי האלט נאר די אנדערע LLC'ס. פארוואס? ווייל אויב מען קלאגט די פערענט, איז אלעס וואס זי פארמאגט, דהיינו אלע subs, אונטער ריזיקע.

נישט מישן קיין געלטער

דאס איז די זעלבע כלל פון ערשטן יסוד, נאר דא איז עס נאך וויכטיגער. די רענט פון לי עוו. באצאלט נישט די ביל פון די בעיקערי. אויב איין sub דארף געלט, קען די פערענט געבן א הלואה אדער אן אינוועסטמענט (capital contribution), אבער מען זאל האבן קלארע פאפירן דערוועגן.

אויב מען מישט, קען א ריכטער זאגן "דאס איז בעצם איין ביזנעס", און די מחיצות פאלן אוועק (piercing the corporate veil).

די מעלה איבער א Series LLC?

א Series LLC פרובירט צו טון די זעלבע זאך מיט איין פיילינג. אבער ניו יארק און ניו דזשערזי האבן נישט קיין Series LLC געזעץ, און אסאך בענק און לענדערס אנערקענען נישט קיין Series LLC.

משא"כ ביי א פערענט מיט subs איז יעדע sub א נארמאלע LLC, וואס יעדע קאורט, באנק און טייטל קאמפאני קען. עס קאסט מער, אבער עס איז אסאך קלארער און גרינגער, נאכדערצו אויב מען טוט ביזנעס אין מערערע סטעיטס.

[Who knows]

@יענץ מבין לוינט זיך פאר א געווענליכע ביזנעס צו זיין א קארפארעישאן? אלס טעקס אויס קען מען עלעקטן א LLC זאל ווערן געטעקסט סיי ווי אן S-corp און סיי ווי א C-corp.

[יענץ מבין]

@יענץ מבין לוינט זיך פאר א געווענליכע ביזנעס צו זיין א קארפארעישאן? אלס טעקס אויס קען מען עלעקטן א LLC זאל ווערן געטעקסט סיי ווי אן S-corp און סיי ווי א C-corp.

אין הכי נמי.
א קארפארעישאן לוינט זיך בעיקר ווען מען פלאנט אריינצונעמען אינוועסטארס וואס ווילן stock, אדער געבן stock options פאר ארבעטער. (און איו נ.י. איז עס אביסל ביליגער צו עפענן און עס דארף נישט קיין publishing)