ווער קען מאכן א ליסטע פון אלע מיטפארערס חוה"מ צו האלטן
איך גלייב שווער אז די אלע וואס מ'זעט אויף די פליגערס קומען אן צום פרעזידענט, ס'איז דא וואס זענען געפארן בלויז פאר די רייד (אדער פאר די בילדער)
דאנערשטאג נצו''י 12:59 די פריוואטע פליגער פון כ''ק רבינו הגה''ק שליט''א האט אין די יעצטיגע מינוטן געלאנדעט אין די DCA עירפארט אין וואשינגטאן די. סי., פון ווי דער רבי וועט צופארן א קורצע וועג פון 10 מינוט צום היסטארישן באזוך מיטן פרעזידענט יר"ה.
בכבוד מלכים זענען די גדולי האדמו"רים שליט"א נארוואס אריינגעגאנגען אין בנין הבית הלבן לקראת די היסטארישע אסיפה מיט פרעזידענט טראמפ, ווען אין די יעצטיגע מינוטן שטייט אויך כ"ק אדמו"ר מסאטמאר מהר"א שליט"א גרייט אריינצוגיין אינעם ווייסן הויז צו אנטיילנעמען ביי די באגעגעניש.
— איך פארשטיי אז ממש אין די מינוטן קומען נאך א חלק אן: דער סאטמארער רבי פון וויליאמסבורג שליט״א, דער באבאווער רב שליט״א, און דער וויזשניצער רבי פון מאנסי שליט״א.
אצינד, נאכדעם וואס די גדולי האדמורי״ם זענען אנגעקומען צום ווייסן הויז צום היסטארישן פרעזידענטליכן זיצונג, האבן מיר דעם ווייסן־הויז קארעספאנדענט, הרב אברהם יעקב טערקלטויב.
א גוטן טאג.
יא, א גוטן טאג.
קענסטו כאפן א פרישע פוסטעך פאר יעדן באריכט?
זייער שיין. אקעי. אלע זענען שוין דא, חוץ וויזשניץ.
וויאזוי קען זיין אז מען ווארט נאך אלץ אויף וויזשניץ?
יא, יא. זיי האבן אלע געמאכט דעם זעלבן וויץ, אז וויזשניץ איז דער גרעסטער רבי פון אלע, ווייל ער קומט אן דער לעצטער. דאס זענען זיכער נאר וויצן.
וויאזוי האט דער פליגער פון וויזשניץ געקענט זיין אזוי פארשפעטיגט?
איך ווייס נישט. לויט ווי איך האב פארשטאנען, זענען זיי ארויסגעפארן בערך אין דער זעלבער צייט מיט באבוב און סאטמאר, אבער איך ווייס נישט.
וועלכע רבנים זענען שוין דארט, און וואס האסטו שוין באמערקט?
לויט דעם לעצטן באריכט איז אנגעקומען דער סאטמארער רבי, און ער איז געקומען צוזאמען מיטן באבובער רב. אביסל שפעטער איז אנגעקומען דער סאטמארער רבי פון קרית יואל.
איך האב געפרעגט די זעלבע שאלה ביי אלע פון זיי.
איך האב געפרעגט דעם באבובער רב צי ער פלאנט צו מאכן די ברכה „שנתן מכבודו לבשר ודם“.
מען דארף דא אריינלייגן אז עס זענען פאראן צוויי ברכות. מען זאגט „שחלק מכבודו“ אויף א מלך פון די אומות העולם, און „שנתן מכבודו“ אויף א מלך פון ישראל.
די נפקא מינה איז, אז ווען עס איז א מלך וואס איז א צדיק זאגט מען „שחלק“, און ווען עס איז א מלך וואס איז נישט פון אונזערע, זאגט מען „שנתן“, אויב ער טרעפט די ריכטיגע קריטעריעס.
דער באבובער רב האט געזאגט, אז ווען זיין טאטע איז געווען ביים פרעזידענט דזשימי קארטער, האט ער געזאגט די ברכה אן שם ומלכות. דעריבער וועט ער מסתמא טון ווי זיין טאטע האט געטון.
א סך זאכן האבן זיך אבער געטוישט. די מאכט פון א פרעזידענט האט זיך געטוישט, און היינט האט א פרעזידענט מער מאכט ווי אמאל. אבער ער האט געזאגט אז ער וועט טון ווי זיין טאטע האט געטון.
דער סאטמארער רבי האט געזאגט אז ער פלאנט אויך צו זאגן די ברכה, אבער אן שם ומלכות.
דער סאטמארער רבי פון קרית יואל האט נישט געוואלט ענטפערן.
ער איז געווען דער צווייטער וואס איז אנגעקומען. ער האט געזאגט אז ער האט געפרעגט פוסקים, און זיי האבן אים געזאגט אז נישט. אבער ער האט שוין פריער גערעדט דערוועגן.
סא, וואס איז למעשה?
אויב איינער ווערט אמאל פארבעטן צו א זיצונג מיטן פרעזידענט, זאל ער זיך פון פאראויס גוט נאכפרעגן צי מען דארף זאגן די ברכה אדער נישט.
מען דארף זיך יעדעס מאל נאכפרעגן? למשל, יעדעס מאל ווען מען זעט א מלך דארף מען מאכן די ברכה?
ניין. ביי דער אינאוגוראציע, ווען ער ווערט איינגעשוואוירן, זאג איך איין מאל אן שם ומלכות, און איך האב אינזינען אז עס זאל גיין אויף די גאנצע פיר יאר.
און אויב דער פרעזידענט ווערט אינמיטן אימפיטשט?
ביזדערווייל דארף מען זיך נישט פארנעמען דערמיט.
איינער פון די גבאים פונעם סאטמארער רבי האט געזאגט אז אזוי ארבעט עס מיט רעפארטערס — זיי שרייען שאלות.
האב איך געזאגט אז דער מנהג אין אונזער בית המדרש איז אז מען שרייט שאלות. ביי אייך פירט מען זיך אפשר נישט אזוי, אבער דאס ווייסע הויז איז ממש א בית המדרש, און דא איז דער מנהג אז מען שרייט יא שאלות.
דאס איז געווען דער אויסטויש.
האסטו שוין אמאל געהאט אן ערפארונג מיטן פרעזידענט טראמפ, אז ער זאל דיר אליין ענטפערן?
סאטמארע נייעס 
