מיליטערישע נייעס קאנאל - מיט מיליטערמאן

[מיליטערמאן]

נייעס:

BAE סיסטעמס (ענגלאנד) האט ארויסגעלייגט בילדער פון זייער פעקטארי ווי ס'ווערט געבוייעט די דעמאנסטרעיטאר פאר די GCAP פראגראם וואס איז די נעקסט זשענערעישן פייטער זשעט פון ענגלאנד איטאליע און יאפאן, דאס קומט בלויז א יאר נאך וואס זיי האבן ארויסגעשטעלט די ערשטע רענדערינג פון די פייטער זשעט.

DEMO-JET-BAE-SYSTEMS.jpg (161.13 KiB) געזען געווארן 188 מאל

UK-STEALTH-FIGHTER-DEMO.jpeg (74.57 KiB) געזען געווארן 188 מאל

[מיליטערמאן]

נייעס:

פראזשעקט Omega. דארפא האט באקומען 3.37 מיליאן דאלער צו פראדוצירן א בעטערי פאר דראונס און סעטעלייטס, וואס איז געמאכט פון נוקלעארע אפפאל, און וועט האלטן פאר איבער 30 יאר, א פראטאטייפ איז ערווארטעט אין 2027!

סייענס פיקשן ווערט ריעל...

860x394 (1).jpg (83.12 KiB) געזען געווארן 187 מאל

[מיליטערמאן]

נייעס:

א GARC קאמיקאזי שיף פון די אמעריקאנע נעווי האט געשאפן א ריזן לאך אין א מאסיווע אמפיביעס אסאלט העליקאפטער קעריער שיף, בשעת א עקסערסייז אין די פיליפינס.

Drone-Boat-Used-IN-RIMPAC-SINKEX.jpg (170.69 KiB) געזען געווארן 186 מאל

LHD-hit.jpeg (154.89 KiB) געזען געווארן 186 מאל

[מיליטערמאן]

נייעס:

Aerostar וואס מאכט לופט באלאנען פאר די מיליטער האט ארויסגעלייגט א פלאן אז די באלאנען זאלן גענוצט ווערן אלס מאדער שיף צו טראנספארטירן מערערע גרעסערע סארט דראונ’ס.

aerostar-lightning-balloon-apollo-r-drone.jpg (43.09 KiB) געזען געווארן 185 מאל

[מיליטערמאן]

נייעס:

סינגאפור האט געמאלדן אז זיי וועלן זיך אנשליסן אין די GCAP פראגראם פאר א 6'סטע זשענערעישן פייטער זשעט, דאס קומט נאך וואס קאנאדע האט אויך לעצטנס אנגעהויבן באטראכטן די שריט, און אזוי אויך נאך אייראפעישע לענדער.

פאר די וואס ווייסן נישט סינגאפור איז א קליין אבער רייכע און מאכטפולע לאנד ווואס זיצט אין דרום אזיע און איז אליאירט מיט די מערב וועלט, און קען מעגליך שפילן א גרויסע ראלע אין א צוקונפטיגע קאנפליקט צווישן אמעריקע און טשיינע, צוליב זייער סטראטעגישע פלאץ אויפן מאפע.

BAE-TEMPEST.jpg (89.53 KiB) געזען געווארן 185 מאל

[מיליטערמאן]

נייעס:

טשיינע האט אנגעהויבן ארויפצושטעלן זייער YJ-20 מיסילס אויף זייערע קלענערע טייפ 052 דעסטרויערס, וואס איז א מורא'דיגע דערגרייכונג צוליב וואס זיי האבן נאר 8 שטיק פון זייער גרויסע טייפ 055 דעסטרויערס, און פון די טייפ 52 האבן זיי 35 שטיק, די טייפ 052 האט 64 VLS צעלן, אבער ס'איז נישט קלאר אויב די YJ-20 פיט אריין אין אזא צעל, אדער זיי וועלן דארפן אראפנעמען אפאר קליינע צעלן פאר יעדע אזא מיסיל.

די YJ-20 איז א הייפערסאניק אנטי שיף גלייד וויהקל, וואס מיינט אז די שפיץ ווערט ארויסגעשאסן דורך א באליסטישע מיסיל, אבער פון ווען ס'קומט אן אין ספעיס ביז ס'קומט צוריק אן אונטן, קען עס שטארק מאנואווערן, און אוועקפליען פון די טרעזשעקטערי. די מיסיל קען פליען צווישן מאך 6 און מאך 10, האט א רעינדזש פון 620 ביז 1,240 מייל, און די גאנצע וואורהעד וועגט צווישן 500 און טויזנט פונט וואס נאר א חלק פון די וואורהעד איז אויפרייס מאטריאל, וויבאלד ביי מאך 10 וועט די קינעטיק ענערגיע אליין אנמאכן א חורבן.

YJ-20-LAUNCH-copy (1).jpg (65.82 KiB) געזען געווארן 183 מאל

GettyImages-2233491982.jpg (163.18 KiB) געזען געווארן 183 מאל

[מיליטערמאן]

נייעס:

א יאפאנעזע F-2 פייטער זשעט איז געזען געווארן מיט צוויי סטעלטי קרוז מיסילס אינטער די פליגלען, די מיסילס זענען ווארשיינליך די נייע יאפאנעזע לאנג רעינדש אנטי שיף מיסילס, בשעת יאפאן ארבעט העפטיג אויסצוברייטערן זייערע אנטי שיף מעגליכקייטן, צוליב די וואקסנדע געפאר פון טשיינע.

F-2-NEW-MISSILE-copy.jpg (115.55 KiB) געזען געווארן 182 מאל

[מיליטערמאן]

נייעס:

אין אנדערע יאפאנעזע אנטי שיף מיסיל נייעס, האט יאפאן עפישעלי געזשויענט די טאמאהאק קרוז מיסיל קלאב, מיטן ארויסשיסן זייער ערשטע טאמאהאק פון א מאסיווע גיידעד מיסיל דעסטרויער, מיט דעם זענען זיי געווארן די 3'טע לאנד נאך אויסטראליע און האלאנד, צו פארמאגן די טאמאהאק מיסילס אויף א שיף

Tomahawk-Japan-copy.jpg (132.67 KiB) געזען געווארן 182 מאל

[מיליטערמאן]

די אמעריקאנע נעיווי האט באשטעטיגט אז זיי האלטן אינמיטן טעסטן א נייע לאנג רעינטש לופט צו לופט מיסיל גערופן AIM-424 Malice, די מיסיל האט א רעינדזש פון קנאפע 300 מייל. טו בי עקזעקט 250 נארטיקאל מייל וואס איז 287.5 מייל.

AIM-424-Missile (1).jpg (174.56 KiB) געזען געווארן 179 מאל

[מיליטערמאן]

נייעס:

אינדאנעיזיע איז ערווארטעט צו באקומען זייער ערשטע עירקרעפט קעריער שיף אין די קומענדיגע 2 וואכן.

אינדאנעיזיע האט אפגעקויפט די עירקרעפט קעריער פון איטאליע און איז יעצט אויפן וועג פון איטאליע קיין אינדאנעיזיע, די שיף דינט שוין אין איטאליענישע פלאטע זייט 1985, און קען טראגן העליקאפטער און העריער זשאמפ זשעט'ס. מיט דעם ווערט אינדאנעיזיע די צווייטע לאנד אין די ראיאן נאך טיילאנד, צו פארמאגן א עירקרעפט קעריער שיף. אינדאנעיזיע איז וואס געפינט זיך אין דרום מזרח אזיע איז אפציעל נייטראל, אבער זיי פירן דורך יערליכע עקסערסייזעס צוזאמען מיט אמעריקע, יאפאן, דרום קארעא, אוסטראליע, סינגאפור, און קאנאדע. אבער אין די זעלבע צייט פירן זיי אויך אדורך פאטראל אויפן וואסער קאארדינירט מיט די טשייניזע נעווי.

Giuseppe-Garibaldi-1 (2).jpg (244.55 KiB) געזען געווארן 58 מאל

[מיליטערמאן]

נייעס:

אין פרישע סעטעלייט בילדער ארויסגעקומען פון די 'לופ נאר' לופט באזע אין טשיינע (טשיינע'ס 'עריע 51') זעט מען פרישע מאסיווע קאנסטרוקשן וואס נעמט אריין פרישע טעקסי וועגן פאר עירקרעפט, צענדליגער סופארט פאסיליטיס, און 3 פרישע הענגערס וואס זענען 262 ביי 31 פיס גרויס, און וּויזט אן אז טשיינע גרייט זיך צו טעסטן עירקרעפט מיט גאר ברייטע פליגלען.

China-Area-51-new-hangars-high-res (1).jpg (270.99 KiB) געזען געווארן 57 מאל

Lop-Nur-Flight-Test-Airbase-Graphic-by-TWZ-August-28-2026-2 (1).jpeg (159.93 KiB) געזען געווארן 57 מאל

Lop-Nur-Airbase-in-Northwest-China (1).jpeg (237.76 KiB) געזען געווארן 57 מאל

[מיליטערמאן]

נייעס:

אמעריקע גרייט זיך צו פארברייטערן די מאראן לופט באזע אין שפאניע, אז ס'זאל קענען אקאמאנדירן פרישע 9 בי 52 באמבארדיר פליגער, דאס קומט טראץ וואס שפאניע האט נישט געלאזט אמעריקע נוצן זייערע באזעס פאר דיירעקטע אטאקעס אויף איראן ביי די פארגאנגענע מלחמה, און טראץ טראמפס סטראשערייען איבער ארויסנעמען טויזענטער טרופן פון אייראפע.

גיי פארשטיי...

B52-Spain (1).jpg (63.62 KiB) געזען געווארן 56 מאל

[מיליטערמאן]

נייעס:

אין א פרישע דערגרייכונג פאר די אמעריקאנע הייפערסאניק מיסיל אינדוסטריע, האט די נעיווי האט דורכגעפירט א טעסט אויף די לופט צו ערד ווערסיע פון די נייע בלעקביערד הייפערסאניק מיסילס, וואס איז ערווארטעט אריינצוקומען אין דינסט ביז 2028.

blackbeard-missile-testing-super-hornet-us-navy (1).jpg (202.91 KiB) געזען געווארן 56 מאל

[מיליטערמאן]

נייעס:

פאר די וואס זארגן זיך אז אמעריקע אדאפטירט נישט צו די נייע דראון עפאכע, דורכאויס א פארגאנגענע עקסערסייז איז באמערקט געווארן א אמעריקאנע ברעדלי טאנק מיט ראבאטס ביי די זייטן.

[מיליטערמאן]

נייעס:

די 'פייער מוריטשקע' דראון (Fire ant) פראדוצירט דורך Swarmbotics AI איז א טרעקל ראבאט (UGV), וואס איז זייער קליין און שווער צו באמערקן, ס'וועגט 60 פונט און איז בלויז 3 פיס לאנג, ס'קען ווערן צוגעפאסט פאר אלע סארטן מיסיעס, סיי פאר ISR און סיי פאר EW ווי אויך קען מען ארויפלייגן אויף דעם א באמבע ספעציעלע דיזיינט צו אדורכלעכערן דיקע פאנצערס, ווי אויך איז עס דיזיינט צו קענען אויסהאלטן שווערע וועטער און פארן אין שווערע קאנדישנס.

די פונקטליכע פרייז ווייס איך נישט אבער די קאמפאני זאגט אז די ציל איז צו האלטן די פרייז אונטער 50,000 דאלער א שטיקל. קען זיין אז 50 אלפים קוקט אויס אסאך אנטקעגן א 1000 דאלער'דיגע אוקראינישע פליענדיגע קאמיקאזי דראון, אבער נעמענדיג אין באטראכט אז ער קען אויך ווערן איבערגענוצט ווען ער ווערט גענוצט פאר שפיאנאזש מיסיעס, און אז א פשוט'ע אמעריקאנע גיידעד טאנק שעל קאסט ארום 100,000 דאלער, איז 50k גאנץ ריזענעבל.

Screenshot_20260902_200609_Chrome.jpg (154.04 KiB) געזען געווארן 53 מאל

[מיליטערמאן]

נייעס:

'אמעריקען רעינמעטאל' האט דערליווערט די ערשטע Lynx XM30 פראטאטייפ צו ריפלעיסן די ברעדלי טאנקן, די Lynx XM30 איז ספעציעל געבויעט געווארן פאר די היינטיגע דראון מלחמה עפאכע, און פארמאגט א ערשטמאליגע הייבריד עלעקטעריק ענזשין.

Screenshot_20260902_133554_Chrome.jpg (103.47 KiB) געזען געווארן 53 מאל

[מיליטערמאן]

נייעס:

אלס חלק פון די 9 ביליאן דאלער קאמיטמענט פון לאקהיד מארטין צו פארשנעלערן מיסיל פראדוקציע, האבן זיי אנגעהויבן בויען א ריזיגע נייע בילדונג ביי זייער פאבריק אין אלאבאמע, וואס וועט גענוצט ווערן צו פראדוצירן טאד מיסילס.

THAAD-lead (1) (1).jpg (155.2 KiB) געזען געווארן 51 מאל

[מיליטערמאן]

נייעס:

די דייטשע נעווי האט דורכגעפירט א טעסט אויף די איזרעילי LORA באליסטישע מיסיל, ארויסגעשאסן פון א פריגיט.

די לארע מיסיל איז א איזרעילי פראדוצירטע שארט רעינדזש באליסטישע מיסיל וואס קען פליען בערך 250 מייל ווייט ביי א שנעלקייט פון מאך 5, ס'טראגט א באמבע פון 1250 פונט היי עקספלאסיווס, און קען צילן ביז א פונקטליכקייט פון ביז 10 מעטער. אזא מיסיל קאסט א מיליאן טאלער.

LORA-LAUNCH-AT-SEA (1).jpg (96.76 KiB) געזען געווארן 51 מאל

[מיליטערמאן]

נייעס:

לויט א פרישע דאקומענט וואס די נעווי האט ארויסגעלייגט פאר קאנטראקטארס, מיט די רעקווייערמענטס וואס זייער CCA דראון דארף נאכקומען, קוקט אויס אז די נעוויס צוגאנג איז אינגאנצן אנדערש ווי ביי די עירפארס.

לויט די נעווי וועט די דראון דארפן קענען אפערירן זעלבסטשטענדיג אן קיין פייטער זשעט וואס זאל איר באגלייטן, ס'וועט דארפן קענען טראגן ביז 10,000 פונט וואפן, (פאר קאנטעקסט, די נעוויס עף 18 סופער הארנעט האט א מאקסימום פון 17 טויזנט פונט וואפן) און ס'וועט דארפן קענען אדורכפירן פון שפיאנאזש מיסיעס ביז אטאקע מיסיעס, און חוץ פון דעם וועט די נעווי פארמאגן קלענערע CCA דראונס צו באגלייטן זייערע פייטער זשעטס. בקיצור זיי זוכן א פולשטענדיגע דראון פייטער זשעט אזוי ווי די X-47 און חוץ פון דעם וועלן זיי האבן קלענערע CCA דראונס.

די X-47, און א רענדערינג פון די נעווי פון די עף 18 סופער הארנעט, ארומגענומען מיט דראונס.

X47B-Carrier-based-drone-plans-us-navy (2) (1).jpg (149.7 KiB) געזען געווארן 49 מאל

Navy-CCA (1).jpeg (54.78 KiB) געזען געווארן 49 מאל

[מיליטערמאן]

נייעס:

א פרישע באריכט ווייסט אנצוגעבן אז יאפאניש נייע ASM-3 Kai סופערסאניק קרוז מיסיל וועט אויך קענען גענוצט ווערן פאר א לופט צו לופט מיסיל.

F2-Supersonic-cruise-missile (1) (1).jpg (80.33 KiB) געזען געווארן 48 מאל

[מיליטערמאן]

נייעס:

אין פרישע בילדער ארויס פון יאפאן זעט מען זייער נייע מעכטיגע דעסטרויערס אנהייבן באקומען א צורה, און ס'קוקט אויס מאסיוו.

די שיף וועט זייט אויסשטאפירט מיט די מאכטפולע SPY 7 ראדאר, און מיט די Aegis מיסיל דעפענס סיסטעם מיט די SM-3 און SM-6 מיסילס, ס'וועט האבן 128 VLS צעלן און וועגן 12,000 טאן.

japan-huge-missile-defense-cruiser-taking-shape-new-mast-installed (1).jpg (297.32 KiB) געזען געווארן 46 מאל

asev-nagasaki-august-2026 (1).jpg (147.26 KiB) געזען געווארן 46 מאל

asev-spy-7-array (1).jpg (138.12 KiB) געזען געווארן 46 מאל

[מיליטערמאן]

נייעס:

ענגלאנד האט געמאלדן אז זיי וועלן אנהייבן נוצן די באאם ריפיולינג סיסטעם אין זייערע צוקונפטיגע ריפיולינג פליגער, אין א טויש פון ביז יעצט וואס זיי באנוצן זיך נאר מיט די פראב און דרעג סיסטעם, די טויש קומט הויפטזעכליך צוליב זייער נייע אפקאמינג 6'טע זשענערעישן פייטער זשעט וואס ווערט דעוועלאפט אונטער די GCAP פראגראם.

די באאם ריפיולינג סיסטעם קען ריפיולן 4 מאל שנעלער.

Voyager-refuels-F-35Bs (1).jpg (95.9 KiB) געזען געווארן 45 מאל

7704869 (1).jpg (63.83 KiB) געזען געווארן 45 מאל

[מיליטערמאן]

נייעס:

Leonardo DRS איז ארויסגעקומען מיט א פרישע סארט ראדאר, ספעציעל געמאכט אויפצוכאפן קליינע שנעלע דראונס. די סיסטעם איז קליין און קאמפעקט און פיט ארויף אויף א פיקאפ טראק, וואס מיינט אז ס'איז זייער גינג און עקסעסעבל, און קען ווערן ארומגעפירט איבעראל גרינגערהייט.

RADA_ESS_Ukit91_Front-View (1).jpg (180.75 KiB) געזען געווארן 44 מאל

Leo-DRS-lead (1).jpg (182.41 KiB) געזען געווארן 44 מאל

[מיליטערמאן]

נייעס:

די ערשטע אמעריקאנע F-15EX פייטער זשעט וואס וועט זיין סטאנציאנירט אין יאפאן, איז נארוואס ארויס פון די באואינג פעקטערי, און איז ערווארטעט אנצוקומען קיין יאפאן אנהייב 2027. אלעס צוזאמען וועט אמעריקע אהינשיקן 36 פון די פייטער זשעטס, וואס וועלן זיין דארט סטאנציאנירט פערמאנענט, אלס חלק פון די אמעריקאנע פארשטערקערטע כוחות אין די אינדא-פאסיפיק ראיאן.

F-15EX-for-Kadena (1).jpg (73.66 KiB) געזען געווארן 44 מאל

[מיליטערמאן]

נייעס:

לויט א פרישע באריכט קוקט די נעווי אריין אין 3 אויסלענדישע פריגיטס, וואס זיי קענען מעגליך אנהייבן בויען אלס חלק פון טראמפס גאלדענע פלאטע פלאן. טראמפ האט שוין כמה פעמים קלאר געמאכט אז ער וויל אדאפטירן אויסלענדישע דיזיינס, און בשעת מעשה ארויפריקן אמעריקע מעגליכקייט צו פראדוצירן שיפן.



די ערשטע איז די איסטאנבול קלאס פון טערקיי וואס איז טערקייס נייעסטע און גרעסטע מלחמה שיף, וויבאלד טערקיי פארמאגט נישט קיין דעסטרויערס.

- ס'האט א דיספלעיסמענט פון 3,000 טאן, ס'איז 371 פיס לאנג, און 47 פיס ברייט.
- ס'איז א מולטי ראל שיף מיט אנטי שיף, עיר, סובמארין, און עלעקטראנישע מלחמה מעגליכקייטן.
-ס'האט א AESA ראדאר פון אויבן, נאר אנשטאט אויף אלע 4 זייטן איז דא איין וואס דרייט זיך, און צוגאב צו אדישענעל ראדארן און סענסארס ביי די זייטן.
- ס'פארמאגט אויך 16 מיסיל צעלן, א 5 אינטש גאן, א CIWS סיסטעם, מיט נאך אפאר 25 ממ גאנס, מיט איין העליפעד.
- ס'פארמאגט א קאמביינד דיזעל געז פראפאפולשן, און קאסט 500 מיליאן דאלער פער שיף.


די צווייטע איז די טשאנגנעם קלאס פריגיט פון דרום קארעא, וואס איז די נייעסטע פריגיט פון דרום קארעא.

- ס'האט א דיספלעיסמענט פון 4,300 טאן, ס'איז 423 פיס לאנג, און 49 פיס ברייט.
- ס'האט אויך א מיקס פון אנטי עיר, אנטי שיף, און אנטי סובמארין מעגליכקייטן, ווי אויך איז עס אויסגעשטאט מיט עלעקטראנישע מלחמה סיסטעמס.
- ס'פארמאגט א AESA ראדאר פון אויבן מיט נאך אדישענעל ראדארן און סענסארס ביי די זייטן.
- די שיף פארמאגט 16 VLS צעלן, אפאר טארפידא לאנטש טובס, א 5 אינטש מעין גאן און נאך אפאר געטלינג גאנס, מיט איין העליפעד.
- די שיף ארבעט מיט דיזעל עלעקטעריק פראפולשן, און איז ביליג אין מעינטענענס, און קאסט בערך 325 מיליאן דאלער פער שיף.


די דריטע און גרעסטע איז די יאפאנעזע מאגאמי קלאס וואס איז יאפאנס מערסט פארגעשריטענע פריגיט, און איז דיזיינט צו זיין סטעלט.

- די שיף פארמאגט א דיספלעיסמענט פון 5,500 טאן, ס'איז 436 פיס לאנג, און 53 פיס ברייט.
- חוץ פון זיינע אנטי עיר, שיף, סובמארין, און עלעקטראנישע מעגליכקייטן, קען ער אויך סיי לייגן מינעס און סיי אויפרייניגן מינעס.
- חוץ זיין AESA ראדאר, פארמאגט ער די מאכטפולע NORA-50 אנטענע, מיט נאך אסאך פארגעשריטענע סענסארס.
- די שיף איז סטעלטי און פארמאגט גאר א פארגעשריטענע קאמפיוטער סיסטעם פאר קאמענד און קאנטראל.
- ווי אויך איז ער באוואפנט ביז איבער די ציין, ער האט 8 קרוז מיסיל לאנטשערס, א סי-רעם סיסטעם מיט א ראלינג עירפרעים מיסיל סיסטעם, מיט נאך אפאר אטאמאטישע 50 קאליבער מאשין גאנס, ס'האט 16 מארק 41 צעלן, וואו ס'גייט אריין א גאנצע רייע פון אלע סארטן מיסילס פון טאמאהאקס ביז סעמ מיסילס ווי אויך פיט אריין 4 ספעראו מיסילס אין יעדע אזא צעל. די שיף פארמאגט א העליפעד, און קען לאנטשן ראבאט שיפן, אדער געהעריגע קליינע שנעל שיפלעך.
- די שיף ארבעט מיט א קאמביינד דיזעל און געז פראפאפולשן סיסטעם, ס'קאסט ארום 450 מיליאן דאלער פער שיף און א גרעסערע ווערסיע דערפון מיט אפגרעיטעד ראדארן און מיט 32 מארק 41 צעלן קאסט ארום א ביליאן דאלער. יענע איז 6,200 טאן און 466 ביי 56 פיס גרויס.

פרעגסט מיך? מיין פעוועריט איז יאפאן, און נישט נאר ווייל ס'איז די גרעסטע, נאר ווייל די יאפאנעזע טעכנאלאגיע איז גאר גוט, ס'איז סטעלטי, און קען לאנטשן דראונס, און בעיקר ווייל יאפאן האט די קאפעסעטי און די מעגליכקייט מיט ארויסהעלפן בויען, וויבאלד זיי זענען די שטערקסטע נעווי מיט די מערסטע שיפן און שיפיארד'ס, בכלל איז גוט צו וויסן אז יאפאן ווערט פאררעכנט אלס די 4'טע שטערקסטע נעווי אין די וועלט נאך אמעריקע טשיינע און רוסלאנד, אבער מיט די טעכנאלאגיע אויף זייערע שיפן זענען זיי קעיפעבל אפי' צוגיין 1 קעגן 1 מיט טשיינע.

די ערשטע בילד איז פון טערקיי, די צווייטע פון דרום קארעא, און אין די נעקסטע תגובה 3 בילדער פון די מאגאמי קלאס פון יאפאן.

Foreign-Frigates-US-could-buy (1).jpg (220.68 KiB) געזען געווארן 42 מאל

Screenshot_20260904_135009_Photo Editor.jpg (173.99 KiB) געזען געווארן 42 מאל

ROKS-Chungnam (1).jpg (162.21 KiB) געזען געווארן 42 מאל