זלמעלע האט געשריבן: ↑זונטאג מאי 31, 2026 4:57 am
טו פוינטס באופן כללי:
א. סבכלל 'זייער שווער צו אפשאצן אנטיק זאכן. אפילו לו יהי אז די גרעסטע מבין און מומחה זאל עס אפשאצן.
באופן כללי חז"ל זאגן אז יעדן מטלטלין איז מיטב וייל "אי לא מזדבן הכא מזדבן במתא אחריתי", אבער באופן כללי ס'דא "מארק", דהיינו לאמיר זאגן אז איך וויל פארקויפן א סעלפאון, און ס'דא איינער וואס וויל דווקא אזא מין סעלפאון, דאך קען איך נישט הייבן צו פיל די פרייז, וייל דעמאלטס וועט ער עס קויפן פון אנדערע.
און פונקט אזוי איז פארקערט, די קונה קען נישט זאגן "כוועל נישט קויפן פון דיר ביז דו וועסט אראפ נעמען די פרייז", ווייל דעמאלס וועל איך עס פארקויפן פאר אנדערע.
וועגן די דעם סאיז דא א באקאנטע "מארקעט פרייז" מיט דעם קען מען אפשאצן די ווערד פון ייעדן חפץ, מער וייניגער.
בנוגע אנטיק איז אנדערע מהלך אינגאנצן, פון איין זייט ד קונה קען קיינמאל נישט זאגן פאר די מוכר "אז וועסט מיך נישט געבן אגוטע פרייז וועל איך גייען פאר אנדערער" וייל נישטא קיין אנדערע "מכתב כי"ק פון דעם צדיק", און מ'קען שויין נישט שאפן אזא מין זאך וייל דעם צדיק איז שוין בגנזי מרום און ער שריבט שויין נישט קיין בריוון דאהי בעולם הגשמי (אוייסער פון שיטת ה"נ נח"
).
פון צווייטע זייט אנטיק איז א זאך וואס קיינער "דארף" עס נישט, און מענטשן ווילן עס קויפן נאר מחמת פריוואטע אג'ענדעס וכדומה, למשל ס'דא איינער וואס ביי עם נועם אלימלך דפו"ר איז א סאך וויכטיגער ווי כי"ק פון זיין רבי'ן, אדער אנדערער וואס וויל דווקא זילבערווערג, וכו' וכו' פארשידנס.
און בתוכם ס'דא אויך חילוקים: דהיינו ס'דא צווי וואס האבן ליב ספרים, אבער ביי איינער אי די חשיבות דווקא ספרים מיט אחתימה כי"ק, און אנדערע נאר גענוצטע ספרים וואס דער רבי האט געלערנט אין זיי, אא"ו אהן א שיעור חילוקים יעדער לפי דעתו אדער שטותו.
און כדי צו פארקויפן א אנטיק בסכום הגון, דארף איך א. אז יענעם זאל האבן די אג'ענדע צו קויפן דעם זאך, ב. זאל ער האבן גענוג געלט אויף דעם, ג. זאל ער האבן פונקט יעצט די חשק צו קויפן (למשל, טאמער ער האט יעצט ממש געקויפט אנאנדערע אנטיק און מיט דעם געענדיגט זיינע "אנטיק באדזשעט" פון די יאר).
און מ'הני טעמי ס'דא א סאך מאל גרויסע סופרייזן און חילוק צווישן די אפשאצונג וואס זאגן די גרעסטע מומחים, און די פרייז וואס מ'האט עס תכלית פארקויפט.
און דאס איז די סיבה פארוואס פארקויפט מען עס רוב מאל אויף "אוקשען", וייל נאר אזוי קענסט וויסן אז די באקומסט די מערסטע געלט וואס האסט געקענט באקומען אויף די מינוט. (שטייטזיך אז מיט ווארטן נאך א אפאר חדשים/יארן האסט יא געקענט שאפן מער, אדער גאר וייניגער...)
ב. די גשמיותדיגע ווערד,דהיינו וויפל דאלער האט מען געקענט פארדינען ווען וואלט מען פארקויפט די חפצים אויף עפעס א אוקשן, און די רוחניתדיגע ווערד, דהיינו וויפל ווערד עס פאר א קינד פון ברך משה, און גאר ממשיך דרכו בהנהגה, זענען אינגאנצען אנדערע צווי ווערד'ס.
אין צוואה שטייט "שווה בשווה", שווער צו פארשטיין צו מיינט ער די גשמיותדיגע ווערד אדער די רוחניותדגיע, אבער נראה בעיקר כוונתו אז אלע זאלן זיין גלייך וויזוי עס צוצוטיילן. (בפרט אז זיי זענען די עכטע בעלים אלס יורשים, וויל די צוואה איז נישט געווען מחיים און נישט חל ע"פ דיני ממונות, ווי האט מען געמושסט אין די צוויטע טעמע).
מהני תרי טעמי איז זייער שווער צו דינגען און זאגן טענות אויף די חלוקה, והבן.
