מיליטערישע נייעס קאנאל - מיט מיליטערמאן

[מיליטערמאן]

נייעס:

באואינג האט באקומען א 220 מיליאן דאלער’דיגע קאנטראקט צו אנהייבן פראדוצירן די ערשטע 14 T-7A רעד-הוק פליגער, א נייע פארגעשריטענע טרענירונג פליגער, וואס וועט ריפלעיסן די אלטע 60 יעריגע T-38 טעלאן פון נארטראפ גראמאן.

T-7A_Red_Hawk_over_Edwards_Air_Force_Base (1).jpg (161.3 KiB) געזען געווארן 501 מאל

T38-Bank (1) (1).JPEG (47.35 KiB) געזען געווארן 501 מאל

[מיליטערמאן]

א F-15 געפעינט אין קאמופלאזש אפצוצייכענען 40 יאר פון אפעראציע Eldorado Canyon, א באמבאדירונג קאמפיין אויף ליביע אין 1986 וואס איז געקומען נאכדעם וואס פרעזידענט רעיגן האט באשולדיגט קאדאפי אין א טעראר אטאקע אין בערלין וואס האט געהרגעט 3 אמעריקאנע זעלנער.

F15E-Strike-Eagle-El-Dorado-Canyon-Mach-Loop.jpg (169.57 KiB) געזען געווארן 465 מאל

[מיליטערמאן]

נייעס: אטענטשן מיליטערישע אוויאציע ליבהאבער!

א ביל וואס האלט אינמיטן דורכמאכן די וועג אין קאנגרעס וועט ערלויבן די נעווי צו אוועקגעבן 3 F-14D טאמקעטס פאר די U.S. Space & Rocket Center museum אין האנטעסוויל אלבאמא, און אויב גייט עס דורך וועט עס מעגליך צוריקברענגען די לעגענדארע פייטער זשעט צו די אמעריקאנע הימלען.

אין די סענאט ווערט די ביל געספאנסערט דורך די מאנטאנע סענאטאר טים שיהי וואס איז א געוועזענע נעווי סיעל, און די ביל הייסט די מעווריק געזעץ, פאר ווער ס'האט שוין אמאל געהערט פון די טאפ גאן מאווי.

F-14D.jpg (120.32 KiB) געזען געווארן 437 מאל

אפאר שטיק אין boneyard.

f-14-bone-yard-satellite.jpg (153.11 KiB) געזען געווארן 437 מאל

[יאנטשי]

וואס הייסט צוריקברענגען צו די אמעריקאנע הימלען אויב ווערט עס פארקויפט פאר א מוזעום?

[מיליטערמאן]

וואס הייסט צוריקברענגען צו די אמעריקאנע הימלען אויב ווערט עס פארקויפט פאר א מוזעום?

צוריקברענגען צו די הימלען מיינט נישט אין סערוויס נאר פאר דיספלעי, די פאטענטשל טרענספער פון די 3 טאמקעטס וועט אויך קומען מיט ספער פארטס פאר איין זשעט עס צו קענען מאכן flyable פאר שאו, און ס'איז קלאר ארויסגעשריבן אין די ביל אז ס'וועט נישט קענען טראגן קיין אמוניציע.
(א פשוטע קענסטו זען אויפן אינטרעפיד, אבער אויב דו ווילסט זען איינס פליען וועסטו מוזן גיין קיין אלבאמא.)

די פונקטליכע טעקסט פונעם ביל קענסטו זען דא ס'איז ביל נאמבער 4161.

[מיליטערמאן]

נייעס:

טערקיי האט ארויסגעשטעלט בילדער פון א נייע מיסיל, זייער ערשטע ICBM, מיטן נאמען Yildirimhan וואס מיינט אין ענגליש lightning.

GettyImages-2274146858.jpg (223.27 KiB) געזען געווארן 319 מאל

[מיליטערמאן]

נייעס:

די גארוועמענט האט ארויסגעגעבן 162 פרישע ווידיאוס פיקטשערס און דאקומענטן פון UFO's און UAP's פון צווישן די יארן פון 1940 ביז 2020.

new-pentagon-ufo-archive.jpg (138.45 KiB) געזען געווארן 317 מאל

[מיליטערמאן]

נייעס:

אין פרישע בילדער ארויסגעקומען זעט מען א רוסישע פאטראל שיף מיט א נעץ אנטקעגן דראונס.

PATROL-BOAT-COPE-CAGE.jpg (180.65 KiB) געזען געווארן 264 מאל

[מיליטערמאן]

נייעס:

די עירפארס האט געמאלדן די סוקסעספולע טעסט פון א MQ-9 ריפער דראון מיט די פארגעשריטענע לעיזער גיידעד ראקעטס די APKWS, און די טעסט איז אדורך געפירט געווארן סיי קעגן ערד און סיי קעגן לופט טארגעט'ס.

אמעריקע האט שוין אסאך פלאטפארמעס וואס באנוצן זיך מיט די ראקעטס אריינגערעכנט F-15 פייטער זשעטס און אפאטשי העליקאפטער.

MQ9-ROCKETS.jpg (147.44 KiB) געזען געווארן 263 מאל

[מיליטערמאן]

באריכט:

שפעקולאציעס איבער א מעגליכע ספעשל פארסעס מיסיע ארויסצוטראגן די בארייכערטע אוראניום פון איראן זענען ארויף א שטאפל, נאך די דורכגעפאלענע געשפרעכן און נאך די 60 מינוט אינטערוויו פון נתניהו.

MH47-Iran.jpg (154.09 KiB) געזען געווארן 262 מאל

[מיליטערמאן]

נייעס:

די עירפארס האט געמאלדן אז זיי פלאנען צו האלטן אין דינסט די C-5 סופער גאלאקסי קארגא פליגער כאטש ביז 2050 און עס הערשט דעמאלטס ריפלעיסן מיט א נעקסט זשענערעישן קארגא עירקרעפט, בשעת וואס אין די 2027 בודזשעט האט די עירפארס ריקוועסטעד כמעט 9 מיליאן דאלאר פאר די נעקסט זשענערעישן עירלופט פראגראם (NGAL).

אמעריקע האט יעצט 37 סי 5 פליגער רעדי פאר אפאראציעס און ארום 222 סי 17 פליגער וואס איז אין פלאן צו בלייבן אין סערוויס כאטש ביז 2075, באואינג און לאקהיד האבן שוין ארויסגעשטעלט מערערע געדאנקען פאר די נעקסט זשענערעישן קארגא פליגער, אריינגערעכנט א ווינט-טונעל דיזיין ווי געזען אין די אונטערשטע בילד, און א בלענדעד-ווינג דיזיין וואס וועט ווערן אויסגעשמועסט און א קומענדיגע ארטיקל בעז"ה.

וואספארא בייכל...

XXKQLJ2HSVE2VPW6GOTKNHB2KA.jpg (91.24 KiB) געזען געווארן 261 מאל

די גרויסע שוועסטער ביים וואטשן די קליינע בעיבי ...

c2pq9ax5q9dc1.jpeg (127.52 KiB) געזען געווארן 261 מאל

speed-agile-wind-tunnel-model.jpg (105.85 KiB) געזען געווארן 261 מאל

[מיליטערמאן]

נייעס:

די קאנאדישע אויסערן מיניסטער האט געמאלדן ביי א עקספו אין טערקיי פריער דעם חודש, אז זיי זוכן צו פארשטערקערן מיליטערישע פארטנערשיפ מיט טערקיי, ווייל זיי זוכן לויעל פארטנערס...

נאר געבליבן צו ווינטשן גוד לאק...

ROKETSAN-NINJA-MISSILE.jpg (130.19 KiB) געזען געווארן 234 מאל

[מיליטערמאן]

נייעס:

העגסעט האט געמאלדן די גרינדונג פון 'ד(ס)יעל טים 6' וואס וועט באשטיין פון א גרופע פריוואטע ביזנעסלייט וואס וועלן אריינקוקן און זיכן צו קאטן ספענדינג דורך טרעפן בעסערע און ביליגע אפציעס פאר צוקונפטיגע קאנטראקטס ווי אויך איבערצוקוקן עקזיסטירנדע קאנטראקטס און אווער-הולס.

[מיליטערמאן]

נייעס:

אין די יערליכע שיפ-בילדינג פלאן וואס די נעיווי האט ארויסגעשטעלט היינט צופרי, שטייט דארט אז די פלאן פון די צוקונפטיגע טראמפ קלאס בעטטלשיף וועט זיין אז ס'וועט ארבעטן מיט נוקלעארע פראפולשן וואס וועט ווארשיינליך ארויפטרייבן די קאמפליצירטקייט און די קאסטן פון בויען די שיף, דאס קומט בלויז געציילטע וואכן נאכדעם וואס די געוועזענע ( געפלויגענע) סעקרעטאר פון די נעווי האט געמאלדן אז אזא פלאן איז נישט ווארשיינליך.

Trump-class-battleship-nuclear-power.jpg (165.74 KiB) געזען געווארן 232 מאל

[מיליטערמאן]

נייעס:

DARPA זוכט יעצט פארשלאגן פאר העכסט-סאפיסטיקירטע דראונס און סיסטעמס וואס קומען אין קאנטעינערס און ווערן אפערירט פון דערווייטנס, וואס זאלן קענען ארויסשיקן די דראונס פון טראקס אדער שיפן, די הויפט אינטערעסע פון DARPA איז צו האבן א פארגעשריטענע נעטווארק וואס זאל קענען קאנטראלירן גאנצעטע "שווארמעס" פון ביז 500 דראונס אויפאמאל וואס זענען אלע פארבינדן איינס מיט די אנדערע.


ווי שטארק אזא סטראטעגיע קען זיין, האט מען שוין געזען ביי די געהיימע "אפעראציע שפין-וועב" דורך אוקריינא, ווען זיי האבן אטאקירט עטליכע רוסישע לופט-באזעס פאריגעס יאר. אזוי אויך האט מען עס געזען ביי די איזרעילי אטאקעס פון אינערהאלב איראן ביים אנהויב פון די 12-טאגיגע מלחמה.

uvision-container-drone-launchers-ship (1).jpg (117.26 KiB) געזען געווארן 178 מאל

darpa-autonomous-constellation-drone-swarms-container-launchers (1).jpg (211.35 KiB) געזען געווארן 178 מאל

[מיליטערמאן]

באריכט:

ספעקטער (Spectre) איז א מעכטיגע 170 פוסיגע דראון שיף וואס איז אויסגעשטעלט ספעציעל צו באקעמפן סובמארינען און קען פארן מיט א שנעלקייט פון כמעט 35 מייל א שעה. די שיף איז א פראדוקט פון א צוזאמענארבעט צווישן די פירמע "סעיל-דראון" (Saildrone), וואס איז א רעלאטיוו נייע פירמע אין די וועלט פון מיליטערישע קאנטראקטן, אינאיינעם מיט די באקאנטע מיליטערישע ריזן "לאקהיד מארטין" און "פינקאנטיערי".

די "ספעקטער" שיף איז אויך זייער פלעקסיבל און געבויט צו קענען דורכפירן פארשידענע סארט מיסיעס. עס האט פלאץ פאר צוויי "Mk 70" ווערטיקאלע לאנטשינג סיסטעמען (VLS) פון לאקהיד מארטין, וואס קענען ארויסשיסן אלעס פון "טאמאהאק" קרוז מיסילס ביז לאנגע-שטרעקע "SM-6" לופט-שוץ און אטאקע מיסילס. פירמע באאמטע ביי "סעיל-דראון" געבן אן אז מען קען אויך ארויפשטעלן אנדערע סארט לאסט, למשל ספעציעלע "סאונאר" (sonar) סיסטעמען צו אויפכאפן סובמארינען אונטערן וואסער, אדער לאקהיד'ס "JQL" מיסיל לאנטשער וואס ווערט שוין יעצט אריינגעשטעלט אין זייערע קלענערע שיפן. די מאקסימום פעילאוד וואס די "ספעקטער" קען טראגן איז אדער צוויי 40 פוסיגע קאנטעינערס, אדער פינף 20 פוסיגע קאנטעינערס, אדער א קאמבינאציע פון ביידע לויט'ן געברויך.

די אמעריקאנער נעיווי ארבעט שוין מיט די קלענערע שיפן פון "סעיל-דראון" זייט 2021. אינעם מיטל מזרח, ווערט די 33-פוס "וויאדזשער" (Voyager) שיף (אין די אונטערשטע בילד), וואס איז געמאכט פאר כסדר'דיגע שפיאנאזש, גענוצט אלס א צענטראלע טייל פון די עקספערימענטן פון די נעיווי'ס "טעסק פארס 59", וואס איז קאנצעטרירט אויף ראבאטישע טעכנאלאגיע און טעכנישע צוזאמענארבעט.אזוי אויך אין די געגענטער אונטער די פערטע פלאטע פון די נעיווי – וואס נעמט אריין די קאריביען אינזלען און צענטראל און דרום אמעריקע – זענען די "וויאדזשער" שיפן וואס ארבעטן אויף סאלאר פענעלס די הויפט סורוועילענס שיף פאר "אפעראציע ווינדווארד סטעק". דאס איז טראמפס קאמפיין וואס צילט צו באקעמפן דראג שמוגלעריי.

לעצטענס געהאט באריכטעט איבער אזעלכע קליינע סאלאר פענעל שפיאנאזש שיפן פון אוסטראליע.

20260410-Saildrone-Spectre-Rendering_18-1 (1).jpg (131.5 KiB) געזען געווארן 178 מאל

20260410-Saildrone-Spectre-Rendering_21 (1).jpg (126.53 KiB) געזען געווארן 178 מאל

656818a2693ce48c10b8b599_Voyager First USV to Earn Formal Marine Classification hero (1).jpg (158.46 KiB) געזען געווארן 178 מאל

[מיליטערמאן]

נייעס:

די נעווי האט געמאלדן אז זיי פלאנען ווייטער צו קויפן די AGM-88G Advanced Anti-Radiation Guided Missile-Extended Range (AARGM-ER) מיסילס פון נארטראפ גראמאן, נאכדעם וואס אין די 2027 בודזשעט איז נישט דא קיין שום פאנדינג פאר די סארט מיסילס וואס האבן א עקסטענדעד רעינדזש פון 300 קילאמעטער, דאס קומט נאך דילעיס און טעכנישע פראבלעמען מיט די מיסיל, די מיסיל גייט יעצט דורך ערנסטע אפגרעידס און טעסטינג און איז אין פלאן צוריק אריינצוקומען אין באנוץ אין פיסקאל יאר 2028, און ס'איז געפלאנט צו הייבן די פראדוקציע צו קענען נאכקומען א 150 מיסיל בעקלאק.

אויך ארבעט יעצט נארטראפ גראמאן אויף די SiAW מיסיל וואס וועט זיין געבויעט אויף די AARGM-ER מאדעל, נאר וועט זיין געמאכט פאר אטאקעס אויף היי וועליאו טארגעטס ווי ראקעט לאנטשערס, זשעמערס, אנטי סעטעלייט סיסטעמס אד"ג, אנשטאט ספעציפיש אנטקעגן ראדארן.

00-Super-Hornet-AARGM-ER-copy (1).jpg (111.86 KiB) געזען געווארן 173 מאל

siaw-test-article (1).jpg (138.82 KiB) געזען געווארן 173 מאל

f-16-siaw-release (1).jpg (70.07 KiB) געזען געווארן 173 מאל

[מיליטערמאן]

נייעס:

די קאפנהעגן פאוסט באריכטעט אז אמעריקע איז אין די ווייטע שטאפלען פון א אפמאך מיט דענמארק צו עפענען 3 פרישע מיליטערישע באזעס אין גרינלאנד.

thumbs_b_c_268986315c6b61608766847104efdb3b (1).jpg (134.88 KiB) געזען געווארן 173 מאל

[מיליטערמאן]

נייעס:

עסטרייך האט געמאלדן אז צום צווייטן טאג אין א רייע האבן זיי ארויסגעשיקט יוראפייטער טייפון פייטער זשעטס צו אינטערסעפטן אמעריקאנע U-28 פליגער, די U-28 ווערט גענוצט דורך די עירפארס ספעציעלע אפעראציע קאמאנד בעיקר פאר ISR.

maxresdefault (1).jpg (96.79 KiB) געזען געווארן 173 מאל

[מיליטערמאן]

נייעס:

די עירפארס האט געבעטן כמעט 300 מיליאן דאלאר אין די 2027 בודזשעט פאר א נייע ווערסיע פון די AGM-183 ARRW הייפערסאניק מיסיל, די Increment 2 ARRW וועט האבן א אנדערע סארט זיכער דיווייס ספעציעל פאר פארעדיגע טארגעטס וואס וועט עס מאכן פאר א אנטי שיף מיסיל, און די ציל איז עס צו דעפלויען אין די אינדא-פאסיפיק ראיאן צו זיין גרייט אין פאל פון א קאנפליקט אין די ראיאן.

ARRW-increment-2-B-52-anti-ship.jpg (89.92 KiB) געזען געווארן 165 מאל

[מיליטערמאן]

נייעס:

פוילן האט געמאלדן אז זיי וועלן אויסשטאטן זייערע M28 Skytruck יוטיליטי פליגער פאר אנטי דראון מיסיעס, און אז עס וועט שפילן א ראלע אין נאטאס דעפענס, דאס קומט אין א צייט וואס די פליגער באווייזט גרויסע סוקסען אין אוקראינע און האט שוין אראפגעשאסן הונדערטער דראונס.

Polish-Air-Force-M28 (1).jpg (140.32 KiB) געזען געווארן 121 מאל

[מיליטערמאן]

נייעס:

רוסלאנד האט געמאלדן אז זיי פלאנירן צו אריינברענגען אין פולע דינסט די סארמאט ICBM מיסילס, שפעטער דעם יאר, דאס קומט נאך א סוקסעספולע טעסט היינט 11:15 AM לאקאלע צייט, און נאך א רייע דורכפעלער און דילעיס נאכדעם וואס אפציעל האט עס שוין געדארפט אריינגיין אין דינסט אין 2020.

די RS-28 סארמאט איז רוסלאנדס נייע זשענערעישן פון ICBM's, און איז געמאכט צו דערליווערן אסאך נוקלעארע שפיצן אויסגעשפרייט אויך א גרויסע שטח, נאטא'ס קאוד נאמען פאר די מיסיל איז די SS-29 שטן 2, נאכדעם וויבאלד ס'וועט ריפלעיסן די סאוויעט ערא R-36M2 system וואס פלעגט ווערן אנגערופן די SS-18 שטן.

SARMAT-LAUNCH-2026 (1).jpg (61.09 KiB) געזען געווארן 120 מאל

[מיליטערמאן]

נייעס:

אויסצוגן פון אדמיראל ברעד קופער היינט ביי א קאנגרעס פארהער:

- מיר האבן אויסגעהאקט זייער קאמאנד אין קאנטראל.
- מיר האט זיי אוועקגענומען די מעגליכקייט פון פראדוצירן פרישע מיסילס.
- אין די לעצטע איבער 100 טראנזיטס איבער די סטרעיט פלעגן מיר זען 20-30 שנעל שיפלעך, היינט האלט עס ביי 2-3.
- איך גיי נישט זאגן קיין פונקטליכע נאמבערס אבער די 70% נאמבער שטימט נישט מיט וואס איך האב געזען.
- אונז האבן געלאנטש 450 אטאקעס קעגן באליסטישע מיסיל סייטס און 800 קעגן דראון לאנטש סייטס.
- פאר די מלחמה האט איראנס עירפארס געפלויגן 30-100 מיסיעס א טאג, היינט איז עס זיראו.
- מיר האבן געזינקן 161 שיפן.
- אונז האבן עלימינירט 90% פון איראנס אינווענטארי פון 8,000 מינעס.
- מער ווי 2000 אטאקעס קעגן קאמאנד און קאנטראל צילן.
- איראן האט יעצט שוועריגקייטן צו שטיצן די טעראר גרופעס אין די ראיאן.
- איראן שטעלט יעצט א קלענערע סכנה פאר די ראיאן ווי פאר די מלחמה.
- אונז האבן געפליפט די סקריפט, אנשטאט אראפצושיסן זייערע ביליגע דראונס מיט טייערע מיסילס און אטאקירן זייערע באזעס מיט טייערע מיסילס, שיסן מיר אראפ זייערע דראונס מיט ביליגע מיטלען און אונז אטאקירן זייערע טייערע איינריכטונגען מיט אונזערע ביליגע דראונס, די געלט חשבון איז אויף אונזער זייט.

lucas-drones-tfss.jpg (119.06 KiB) געזען געווארן 13 מאל

[מיליטערמאן]

נייעס:

איזרעיל פלאנט ארויפצולייגן ספעציעלע ברענשטאף טאנקן אויף זייערע F-35 פייטער זשעטס, וואס זאל קומען אין א ספעציעלע שעיפ אז עס זאל נישט אוועקנעמען פון די סטעלט און אין די זעלבע צייט פארגרעסערן די רעינדזש פון די פליגער אן דארפן זיין אנגעוויזן אויף ריפיולינג פליגער.

F-35-tank-studies.jpeg (40.2 KiB) געזען געווארן 13 מאל

[מיליטערמאן]

נייעס:

איזרעיל האט אנגעהויבן פראדוצירן זייערע אייגענע קאמיקאזי דראונס.

IDF-drone-factory-1.jpg (122.27 KiB) געזען געווארן 13 מאל