וואס מאכט דיר וויינען?

[בערנשטיין]

לאמיר הערן

[להגדיל הטראסק]

שניידן צוויבל
רייבן די מרור

[פופציגער]

א פיצי ציפ אונטערן ארעם

[פופציגער]

לב לילד

[בערנשטיין]

א פריקן פיצי ציפ אונטערן ארעם

[בערנשטיין]

די שטילקייט אויף די סייט

[הדסים]

שניידן צוויבל
רייבן די מרור

דאס מאכט דיר רינען טרערן, נישט וויינען..

דערמאנט מיר פון מיין חתן רבי ווען כ'האב אים געפרעגט איבער וויינען יום החופה האט ער מיר דערציילט אז א חתן רופט אים אמאל אן יום החופה און זאגט אז ער ליינט שרעקעדיגע מעשיות פון דער צווייטער וועלט קריג ווייל ער וויל וויינען.. האט ער אים געענטפערט אז ס'איז דא סאך א פשוט'ערע עצה, נעם צוויבל און לייג עס ביי די אויגן, בדוק ומנוסה...

וויינען איז נישט די פיזישע פעולה פון וואסער אין די אויגן, וויינען איז אן אויסדרוק פון געפילן וואס זענען דא אין הארץ, אויפקומען מיט א טריק ארויסצונעמען א טרער איז גוט פאר די פלעיס.


_______
צ/ק

ס'איז אפשר מאדנע אבער כ'האב עס באמערקט עטליכע חדשים צוריק, א הכנסת ספר תורה. כ'בין געזעצן אין אפיס אויפ'ן ערשטן שטאק ווען כ'האב געהערט מוזיק פון גאס, כ'האב עס פרובירט צו איגנארירן אבער ווי א ווינט וואלט געטריבן בין איך אויפגעשפרינגען און זיך געלאזט צום טיר, כ'האב אנגעהויבן נאכגיין ווען עפעס שטורעמט אין מיר, נישט לאנג גענומען כ'זאל זוכן וואו צו באהאלטן די טרערן.

כ'ווייס נישט צי ס'איז אלס אזוי אדער ס'האט פאסירט נאר עטליכע מאל.

[פופציגער]

הכנסת ספר תורה איז ביי מיר אויך. כהייב עס נישט אן צו פארשטיין.

[להגדיל הטראסק]

א גוטן נאטורליכן גריס (נישט א פלעסטיק באשטעלטע) אויף מיין קינד - דאס קען ארויסברענגען א טרערעלע...

א שמחה ביי א נאנטער חבר קען באווייזן ארויסצוברענגען טרערן...

ענק זאגן און כ'טראכט איבער - ביי מיר אויך הכנסת ספר תורה...

און אמאל ווען מען באווייזט בס"ד ארויפצוברענגען ספאנטאנע ריזיגע שמייכלען אויף אידישע פענימער, קען עס שטילערהייט אויך קאסטן א טרערעלע - כ'האף קיינער באמערקט נישט...

[להגדיל הטראסק]

די שטילקייט אויף די סייט

ווען דאס ווערט ווען געשריבן דורך אן אנאנימער ניק וואלט איך אים געזאגט אז ער איז א בחור...
ער האט נישט קיין השגה וואס לעבן מיינט...!!!

[גראדער מעכל]

טיף אטעמען... ח"ו כ'בין נישט געווען און כ'האף נישט צו גיין, אבער ס'איז א נייער טרענד...

[להגדיל הטראסק]

ווילסט וויסן וואס נאך? ווען איך לערן דורך נך, איך גיי אדורך ווער דוד המלך איז געווען!, ווער שאול בחיר ה' איז געווען! חזקיהו המלך!! יאשיהו המלך! אא"וו
זייערע דראמאטישע לעבנס געשיכטעס, די געוואלדיגע קדושה, די געוואלדיגע קעגנזייטיגע מדות, דורכפאלן און תשובה טון, טון זייערע פליכטן אלס העלדן! זייערע מאכטפולע פאזיציעס אבער דאך זייערע מדת הענוה און הכנעה פארן אייבערשטן,דאס קעניגרייך און רייכטום פון אייין זייט, און ערליכקייט און טריישאפט מיט מסירות נפש צום באשעפער פון די אנדערע זייט, דאס קען איבערנעמען ביז טרערן...

ובפרט דוד המלך, די רדיפות די ערשטע 36 פראצענט פון זיין לעבן אפגעהאקט און אויסגעשפיגן פון די וועלט, זיין געזאלבט ווערן דורך שמואל הנביא און גארנישט שפירן גרעסער ביי זיך כאילו ער איז נאך אלס דער פראסטער פשוטער פאסטוך, זיינע העלדישע מלחמות זיך פארזיכערנדיג מיט תמימות ווי א בעיבי בלויז אינעם אייבערשטן, די געשיכטע פון אהבת דוד ויהונתן - עס באנעמט די גאנצע נפש... - די רדיפות פון זיין שווער, אבער ער פארלירט זיך נישט און האלט זיך איין פון אים שעדיגן, זיין העלדישע גבורה און עזות מצח קעגן די גוים, זיין מדת הכרת הטוב, זיין פירן דאס לאנד מיט א פעסטקייט, דעם קאפ אויפן פלאץ ווי עס פאסט פאר א מנהיג זיך נישט לאזנדיג פון געפילן,

זיין גאנצע שטורמישע לעבנסגעשיכטע ווען פון איין זייט קומט ער ארויס אלס גענעראל און מאסנמערדער אלס אייפער'דיגער כיטרער קעמפער נישט פארשוינענדיג קיינעם, אין די זעלבע צייט גענוי איז ער אבער אויך אזא מין הארציגער מענטש, מיט אזא לויטערע תמימות און ערליכקייט צום אייבערשטן,

א תלמוד חכם, א רב, מנהיג, נביא! און העכסטער אטאריטעט פון איין זייט, און א פשוטער תלמוד ענוותן ושפל ברך, א מיטגעמאכטער איד פון די אנדערע זייט.

ווען מען פארטיפט זיך דערין צולאזט עס די געפילן, און טרערעלעך גליטשן זיך ארויס גאנץ באקוועם...

[יאנטשי]

הכנסת ספר תורה איז ביי מיר אויך. כהייב עס נישט אן צו פארשטיין.

ביסטו דורך טראמא ביי א הכנסת ספר תורה אלס קינד? צוגעכאפטע פעקל אדער פאן, צוטרעטן געווארן אונטער די שורה וואס איז געטאנצן אהין און צוריק?

[להגדיל הטראסק]

הכנסת ספר תורה איז ביי מיר אויך. כהייב עס נישט אן צו פארשטיין.

ביסטו דורך טראמא ביי א הכנסת ספר תורה אלס קינד? צוגעכאפטע פעקל אדער פאן, צוטרעטן געווארן אונטער די שורה וואס איז געטאנצן אהין און צוריק?

האסט מיר נישט געפרעגט, אבער עס איז עפעס א העכערע התרגשות... אידן טאנצן מיט די תורה, אידן זענען איינס מיט די תורה, אידן פרייען זיך מיט די תורה! ווי נישט ווי איז עס די איינציגסטע און הייליגסטע חפץ וואס מען קען בגשמיות קאנעקטן צום אייבערשטן כביכול, עס איז א טייערע מצוה, און ביים בעל שמחה איז עס ווי אן אייגן קינד... אן אייגן קינד קען מען נישט ארומנעמען און האלזן און זיך אויסגעבן די רגשי הלב פארן אייבערשטן, דא האט מען א הייליגע חפץ ווי זיך אנצוכאפן און זיך אויסצוגעבן...

ר' ישראל בער שטיין האט אויסגעשמועסט לגבי שמחת תורה אז דער ספר תורה איז ווי כביכול אונז כאפן זיך אן און אונז טאנצן מיטן אייבערשטן, קוב"ה אורייתא וישראל חד הוא.

עס איז א העכערע סארט נשמה'דיגע טיפע שמחה...

ובפרט אויב מען געבט עס אריין לע"נ איינעם דאן דערמאנט עס ווי יענער איז דא לעבעדיג...

מען זעהט רבינו שליט"א (יו נעים איט) מיט זיין אייגענע ספר תורה, אן אייגן קינד!!! מען האלזט עס מען נעמט עס ארום מיט א ווארעמקייט "אונז וועלן זיך קיינמאל נישט שיידן!!!"

עס איז עפעס גאר טיף און העכערס...

[יושע זאב]

נו טאנץ שמח''ת אדער שבועות. הכנסת ס''ת וואלט מיר בייגעפאלן דאס לעצטע אז איינער קען ווערן עמאשענעל. ס'דאך געווענליך אזוי פאלש און האט מיט ריאליטי גארנישט איינגעלייט צווישן דעם ספר און דער וואס געט דאס אריין .. וד''ל

[פופציגער]

נו טאנץ שמח''ת אדער שבועות. הכנסת ס''ת וואלט מיר בייגעפאלן דאס לעצטע אז איינער קען ווערן עמאשענעל. ס'דאך געווענליך אזוי פאלש און האט מיט ריאליטי גארנישט איינגעלייט צווישן דעם ספר און דער וואס געט דאס אריין .. וד''ל

אויפגענייט א גיגאנטישן ליילעך, עס גע'טובל'ט אין טייך, און געלאפן אויסשפרייטן דעם נאסן ליילעך אויף כלל ישראל.

פּלאַטש!... דער ליילעך האט געלאנדעט!

[צבי וחמיד]

הכנסת ספר תורה/סיום הש''ס

[מלך בייוואז]

ווען א אקטיווע פאסטער ווערט שטיל

[שכל הישר]

זייענדיג ביי א חתונה פון מיינס א באקאנטע, אן אלטע בחור פון א ג'גט'ע שטוב...ל"ע
בשעת ער איז אריינגעקומען אין זאל און זיינע חברים האבן אים אויפגענומען, און ער האט אנגעהויבן טאנצן מיט זיין טאטע...

איך האף אז קיינער האט נישט באמערקט מיינע טרערן...

[בעסער פון גוט]

ווען מיין ווייב האט ווייטאג צער און יסורים און איך קען גארנישט טון איר צי העלפן
אדער ווען איך האלט שוין נאכן טון אלעס און מיין יכולת

[בעסער פון גוט]

די זעלבע ווען איך זע א מענטש גייט נאך געלט און ער שלעפט זיך פאר נאך א דאלער און נאך א דאלער
און איך טראכט צי מיר ריבונו של עולם הלוואי איך קען אים געבן מער פון וויפיל איך געב כאטש איך געב אסאך מאל מער פון וויפיל איך קען און יענע צייט
א שיינע פאר מאל געב איך אפילו עס איז נישט מעשר נאר מיינס,
ווייל מיין געפילן מאכן מיר טראכטן ווי קען איך זאגן ניין איך האב נישט ווען איך ווייס איך גיי באלד גיין קויפן א גוטע סענדוויטש ?!!

[צבי וחמיד]

זייענדיג ביי א חתונה פון מיינס א באקאנטע, אן אלטע בחור פון א ג'גט'ע שטוב...ל"ע
בשעת ער איז אריינגעקומען אין זאל און זיינע חברים האבן אים אויפגענומען, און ער האט אנגעהויבן טאנצן מיט זיין טאטע...

איך האף אז קיינער האט נישט באמערקט מיינע טרערן...

קיינער האט נישט באמערקט.
יעדער איז געווען ביזי מיט די אייגענע טרערן

[דעת קדשי]

ווען א 48 יעריגער איד האט מיר געזאגט אז ער קען נאכנישט די קרבנות(וואס מ'זאגט צוויי מאל א טאג)אויסענווייניג

[שטאטסמאן]

ווען געוויסע מיט שלעכטע מדות זענען גורם מזאל פארשפארן אדער גאר פארמעקן אשכולות

[יאנטשי]

ווען געוויסע מיט שלעכטע מדות זענען גורם מזאל פארשפארן אדער גאר פארמעקן אשכולות

אוי לעינים שכך רואות.