מיט גרויס עקסטאז ווערט אויפגענומען די בשורה מרנינה ביי חסידי סאטמאר אלוועלטליך, *אַז לקראת דער צוואָנציגסטער יומא דהילולא קדישא פון רבינו הגה״ק בעל ברך משה זי״ע*, איז מען געקומען ב״ה לעמק השוה צו צעטיילן די ירושה, מורשת צדיק, פון רבי׳ן זצ״ל, בסדר יפה אף נעים, צווישן די בני משפּחת המלוכה.
די ירושת הצדיק נעמט אריין אין זיך פילע *צענדליגער גאָר טייערע חפצי קודש, כתבי קודש, און ספרי קודש, פון די שלשלת הקודש צדיקי בית סיגוט וסאטמאר אַרויף ביז צום ראש השושילתא קדישא מרן הגה"ק בעל ישמח משה זי"ע*, און איז אריבערגעגאנגען דור אחר דור ביז רבינו הברך משה זי”ע.
די צעטיילונג פון די ירושה קומט צושטאַנד *תחת פּיקוחו — און נאך די אומערמידליכע כוחות — פונעם לעגענדאַרן סאטמארער משב״ק, איש אמונו וסודו פון רבי׳ן הברך משה זי״ע, הרבני החסיד המרומם רבי משה פריעדמאן שליט״א*, וועלכער איז אָנפאַרטרויעט געוואָרן דורכ׳ן רבי׳ן בכבודו ובעצמו זיך אפּצוגעבן בעזבונו לאחר אריכות ימיו ושנותיו, אינאיינעם מיט החסיד המרומם רבי *אליעזר קעסטענבוים* שליט״א, רב ונשיא ״דמשק אליעזר״.
די ירושה, וואָס ווערט געשאצט אין די ווערד פון פילע מיליאנען, *ווערט געהאלטן בקדושה יתירה שוין אזויפיל דורות, ביי רבותינו הצדיקים הקדושים דור אחר דור, און אונטער די אויפזיכט פונעם משב״ק רבי משה שליט״א* האָבן חשוב׳ע מבינים און ת"ח דאס מסדר געווען דבר דבר על אופנו, לויט׳ן רצון פון רבי׳ן און עפ"י דת תוה"ק והיושר.
אין די זעלבע צייט איז ארויסגעקומען א *היסטאָרישער מכתב "בקשה ואזהרה" אונטערגעשריבן דורך אלע קינדער און איידעמער פון רבינו הברך משה זי״ע*, ובראשם כ״ק מרן רבינו שליט״א, אנבאלאנגט די ירושה!
אין דעם מכתב ווערט אַרויסגעברענגט, אַז היות במשך פון די יארן איז פארלוירן געווארן פארשידענע טייערע חפצים און ספרים פון די ירושה, וואס מען ווייסט נישט וואו זיי געפינען זיך, על כן *ליגט א פליכט מדין תורה דאס צוריק צוגעבן פאר די יורשי דאורייתא*, און נישט נכשל צו ווערן באיסור גזל ח"ו.
דער מכתב טוט אונטערשטרייכן אַז כמובן א חפץ וואס מען האלט בגניבה האט נישט קיין שום חשיבות, אדרבא דאס איז א צער פאר די צדיקים אז מען האלט אפ פון צעטיילן זייער ירושה.
זיי ברענגען אויך צו די ווערטער וואס מרן הברך משה זצ"ל האט געשריבן נאך די פטירה פון זיין גרויסן פעטער מרן רביה"ק מסאטמאר זי"ע - אלס איינציגסטער יורש דאורייתא - ווי ער איז מגלה דעת אז על כתבי ידות און חפצים וכדו' וואס געפינט זיך ברשות אחרים, איז ער נישט מוותר דערויף, און געפינט זיך "ברשות המחזיק בתורת גזל”.
די יורשים זענען דא אויך מגלה דעת, אז *אפילו אויב איינער האט אין פלאן דאס צוריקגעבן פריוואט נאר פאר איינע פון די יורשים*, וועלן זיי דאס נישט מקבל זיין נאר באופן אז *דאס ווערט צעטיילט צווישן אלע יורשים צוגלייך!*
אינעם מכתב ווערט אָנגעגעבן אַז דער זמן צוריקצוברענגן די חפצים איז *ביז קומענדיגן 'ל"ג בעומר*', כדי מען זאל קענען תיכף דערנאך מסדר זיין די חלוקת הירושה על צד היותר טוב!
מטעם די יורשים זענען געשטעלט געווארן שלוחים נכבדים, פאר וועם מען קען צוריקברענגן די אלע חפצים, ספרים וכו' - ה"ה די משמשים בקודש, *הרה"ח ר' משה פריעדמאן נ"י, הרה"ח ר' שמואל הכהן פריעדמאן נ"י, והרה"ח ר' חיים שלמה פישער נ"י* - מיט א פארזיכערונג אז דאס בלייבט אנאנים, קיין נברא בעולם וועט נישט וויסן דערפון, און עס וועט נישט געפרעגט ווערן קיין שום שאלות.
די יורשים זענען מגלה דעת אז *ווער עס וועט צוריקברענגן די חפצים ביזן קומענדיגן ל"ג בעומר*, זענען זיי מוחל במחילה גמורה על העבר.
די פריידיגע נייעס איבער די חלוקת הירושה וואס וועט פארקומען אין די גאר נאנטע טעג בעז"ה, איז *נארוואס צושפרייט געווארן ברוב שמחה וחדוה ביי אלע חסידי סאטמאר*, און איז אוודאי א נחת רוח און א כבוד לנשמת רביה"ק און נשמת אבותיו הק' שלשלת עצי התמרים נבג״מ.
מלכות'דיגער סדר טיש פון כ''ק רבינו הגה''ק שליט''א פראכטפול אנגעגרייט אינעם גרויסן זאל בביתו נאוה קודש, מיט די מאקסימום פלעצער צו קענען אקאמאדירן די קרוב צו 400 חתנים צווישן ביידע נעכט, מתלמידי הישיבה, הסמוכים על שולחן הטהור אין די הייליגע סדר נעכט בליל התקדש חג הפסח.
הרב יאסל האט געשריבן: ↑מאנטאג אפריל 06, 2026 3:05 pm
הרב בנימין ארי' גליק שליט"א מראשי מערכת הכשרות OU, בקו''פ אצל כ''ק רבינו הגה''ק שליט''א בביתו נאוה קודש.
איינער שרייבט אז דארט אויפן טיש איז 'דער איד' תורה אפטיילונג בהיכלא דמלכא ארטיקל
יושע זאב האט געשריבן: ↑מאנטאג אפריל 06, 2026 3:50 pm
הרב יאסל האט געשריבן: ↑מאנטאג אפריל 06, 2026 3:05 pm
הרב בנימין ארי' גליק שליט"א מראשי מערכת הכשרות OU, בקו''פ אצל כ''ק רבינו הגה''ק שליט''א בביתו נאוה קודש.
איינער שרייבט אז דארט אויפן טיש איז 'דער איד' תורה אפטיילונג בהיכלא דמלכא ארטיקל
עס איז נישט דער איד תורה אפטיילונג,
נאר די בהיכלא דמלכה מאמר - וואס איז אויך געדרוקט אין דער איד,
די רבי באקומט די מאמר פון די וואס מאכן עס דיירעקט.
הרב יאסל האט געשריבן: ↑מאנטאג אפריל 06, 2026 3:05 pm
הגה"צ רבי מנחם מאיר ווייסמאנדל שליט"א - אבד"ק נייטרא מאנסי אויף א ביקור חג ביי רבינו שליט"א היינט אין די נאכמיטאג שעות בביתו נאוה קודש.
כ'מיין אז מ'זאל אנהייבן מאכן זיין באזוך אין ביהמ"ד מיט פארענטשעס, ס'איז א הערליכע שמועס יעדע יאר.
הרב יאסל האט געשריבן: ↑מאנטאג אפריל 06, 2026 3:05 pm
הגה"צ רבי מנחם מאיר ווייסמאנדל שליט"א - אבד"ק נייטרא מאנסי אויף א ביקור חג ביי רבינו שליט"א היינט אין די נאכמיטאג שעות בביתו נאוה קודש.
כ'מיין אז מ'זאל אנהייבן מאכן זיין באזוך אין ביהמ"ד מיט פארענטשעס, ס'איז א הערליכע שמועס יעדע יאר.
ווי גוט די זאגסט. סווערט א גרעסערע עולם פון יאר צו יאר ....זיי נישט סופרייזט דעס גייט נאך איין טאג זיין...
ווען מען זאגט מיך 10 יאר צוריק אז ביי מצוה באקן גייט אזוי אויסזעהן וואלט איינער געגלייבט?
ווי גוט די זאגסט. סווערט א גרעסערע עולם פון יאר צו יאר ....זיי נישט סופרייזט דעס גייט נאך איין טאג זיין...