באריכט:
לעצטנס זענען דא מער און מער זארגן צוליב דראנס וואס פליען אריין איבער אמעריקאנער מיליטערישע באזעס וואו עס געפינען זיך וויכטיגע סטראטעגישע כוחות. שוין יארן לאנג וואס ס’ווערט באריכטעט איבער די סארט דראון אקטיוויטעטן העכער די פלעצער, און די סארט אינצידענטן ברענגן מיט זיך פאר א סכנה פאר די לאקאלע און נאציאנאלע זיכערהייט.
איין אזא פאל האט פאסירט אנהויב חודש העכער די Barksdale עיר פארס באזע אין לואיזיאנע, וואו עס געפינען זיך די באקאנטע B-52 באמבארדיר פליגערס און אויך געפונען זיך דארטן נוקלעארע וואפן סטארידזשעס, וואס איז א הויפט טייל פון אמעריקע'ס נוקלעארע כוחות אין די לופטן, און יענע אינצידענט האט געברענגט א Shelter in place פארארדענוג.
נאך א מעשה האט פאסירט פאריגע חודש ביי א אנדערע באזע,
ווי דער קאמאנדיר פון נארטקאם האט איבערגעגעבן אין א געשריבענע עדות'שאפט פאר די סענאט ארמד סערוויסעס קאמיטע.
די ביידע אינצידענטן האבן פאסירט נאכדעם וואס אמעריקע האט אנגעהויבן די מלחמה מיט איראן וואו מ'האט גענוצט די B-52, B-1, און B-2 באמבארדיר פליגערס. מ'ווייסט דערווייל נישט אויב עס איז דא א שייכות צווישן די זאכן, אבער די מיליטער זייער באזארגט איבער דעם וואס דראנס אפערירן כמעט אן קיין שום שטער העכער זייערע באזעס.
חוץ פון דעם וואס עס קען שטערן די פליגערס און מ'קען עס ניצן אלס א וואפן, קענען די דראנס אויך נאכקוקן און אויפכאפן עלעקטראנישע סיגנאלן העכער א באזע, כדי צו טרעפן שוואכע פלעצער. זיי קענען אויך כאפן בילדער פון וויכטיגע פלעצער און אפעראציעס, וואס קען גיבן ווערדפולע שפיאנאזש פאר יעדן שונא.
איינע פון די אינצידענטן האט געפירט דערצו אז נארטקאם זאל ארויסשיקן זייער נייע פארטיידיגונג סיסטעם די Counter-Small Unmanned Aerial System , וואס איז ספעציעל געמאכט צו באשיצן באזעס קעגן קליינע דראנס.
לויט א באריכט פון ABC News, האט א ’געהיימע דאקומענט’ פון מערץ 15 אנגעוויזן אז די "דראונס זענען געקומען אין כוואליעס און זענען אריין און ארויס פון די באזע אויף אן אופן וואס קען צייגן אז זיי האבן פרובירן זיך ארויסצודרייען פון ווערן באמערקט דורך די אפערעיטערס.
ווי אויך האבן זיי געוויסט אנצוגעבן אז די לעקטערס אויף די דראונס האבן אנגעצייגט אז די אפערעיטערס פרובירן מעגליך אויסצוטעסטן די זיכערהייט רעאקציעס" ביי די באזע.
צווישן מערץ 9 און מערץ 15, 2026, האבן די זיכערהייט קרעפטן אין די Barksdale (BAFB) עירפארס באזע באמערקט עטליכע כוואליעס פון צווישן 12 ביז 15 דראונס וואס פליען איבער סענסיטיווע געגענטער פון די באזע, אריינגערעכנט העכער די ראנוועיס. די דראונס האבן געוויזן סיגנאלן וואס זענען נישט פון קיין געווענליכע קאמערציעלע דראונס, זיי האבן פארמאגט לאנג-שטרעקיגע קאנטראל סיסטעמען, און ס’איז געווען שווער זיי אפצושטעלן דורך די מיטלען מיט וואס מ’האט פרובירט ווי זשעמינג, וכדומה.
אינעם דאקומענט שטייט אויך אז נאכדעם וואס זיי זענען אנגעקומען צו פארשידענע פונקטן איבער די גאנצע באזע, האבן זיך די דראונס צושפרייט איבער סענסיטיווע פלעצער אויפ'ן באזע. דער דאקומענט לייגט צו אז מ'קען ערווארטן נאך אזעלכע דראון אינוואזיעס, און אז זיי שטעלן פאר אן ערנסטע סכנה פאר די זיכערהייט פון די עפנטליכקייט און פאר די נאציאנאלע זיכערהייט, היות עס צווינגט צו פארמאכן די ראנוועי, און עס שטעלט אויך אין א סכנה די עראפלאנען וואס פליען שוין אין יענעם געגנט.
- 251026-F-TH920-1093.jpg (107.34 KiB) געזען געווארן 426 מאל
די Counter-Small Unmanned Aerial Sysem אין איינע פון די עירפארס באזעס
