*חסדי ה'! - נאך גוטע בשורות - ברעכנדע נייעס!* *פרעזידענט טראמפ געבט באגנאדונג — באפרייט הר"ר יעקב חיים דייטש הי"ו*
מיט גרויס עקסטאז נעמט כלל ישראל אויף די פריידיגע בשורה אז פרעזידענט יר"ה האט יעצט באגנאדיגט מיט א קלעמענסי פאר הר"ר יעקב חיים דייטש הי"ו פון וויליאמסבורג!
*די נייעס איז געקומען אז ר' יעקב חיים וועט שוין באפרייט ווערן בשעטו"מ!*
ר' יעקב חיים, וועלכער איז פאר'משפט געווארן צו 62 חדשים דורך א ריכטער אין קאנעקטיקעט (כאטש דער פראסעקיוטער האט רעקאמענדירט בלויז ביז מערסטנס 18 חדשים), איז איצט אויף זיין וועג אהיים נאכדעם וואס ער איז שוין ליידער אפגעזעצן באלד 23 חדשים אין תפיסה — און פאראייניגט זיך יעצט מיט זיין משפחה און נאנטע פריינד!
די שטארקע געווינס איז דערגרייכט געווארן דורך די איבערמידליכע און איבערגעגעבנע השתדלות פון די צדק ארגאנעזאציע, און מיט די שטענדיגע סייעתא דשמיא וואס טוט זיי באגלייטן— און ברענגט אריין אן אמת'ע שמחה פאר גאנץ כלל ישראל.
*כלל ישראל לויבן צום באשעפער פאר אלע חסדים, מיט א תפילה אז אלע אסירי ישראל זאלן שוין באפרייט ווערן, מיט א גאנצע גאולה מיט משיח צדקינו בקרוב.*
