מענדי קעניג האט געשריבן: ↑זונטאג דעצעמבער 14, 2025 3:59 pm
לגבי יואל וויינגארטןס בכיות כשמוע עשיו את דברי אביו ויצעק צעקה גדולה ומרה עד מאוד וואס לכבוד דעם האט ער באקומען די ברכות וואס האט עהם גיגעבן די כוח צו חרוב מאכן די צווייטע בית המקדש...
פאר אלע וואס באקומען רחמנות געפילן פאר עהם...
ווער סהאט אמאל גיזעהן פיקטשערס פון דעם קליינעם בחור'ל די זוהן פון יואל מלכה
ער גייט פארן דעיע וואך קיין מאנטריאל ווייל זיין וויזה לויפט אויס. האפענטליך וועט ער האבן ווארמע יודן וואס וועלן קעיר נעמען פון עהם ווי אן אייגן זוהן.
דעיע בחורל האט אין זיין לעבן נישט גיהאט קיין טאטע און מאמע ווען ער איז גיווארן 2 יאר אלט האט יואל וויינגארטן מחליט גיווען עהם צו צינעמען פון זיינע עלטרען און עהם לייגן וואנדרען ביי פרעמדע משפחות, ביי וועם נישט, ער איז גיווען ביי כמעט יעדן משפחה אין לב טהור ביז יענער איז נמאס גיווארן און עהם געשיקט צו א צווייטן, ער פלעגט באקומען רשות פון יואל וויינגארטן און דערנאך פון יואל רוזנער 1 מאל אין 2 וואכן צו אהיים גיין זאגן גוט שבת פאר זיין מאמע פאר 4-5 מיניט. איך בין גיווען זיין מלמד פאר א שטיק צייט איך פלעג זיין די שליח עהם צו טראגן שבת ביינאכט אהיים צו זיין מאמע און מאכן זיכער ער קומט ארויס נאך 5 מיניט ער פלעגט ארויס קומען מיט געשטיקטע טרערן, אפשר לאז מיך נאך 5 מיניט? און מיין ענטפער האט גידארפט זיין ניין פאר דיין טובה ווייל אויב יא וועט יואל וויינגארטן דיר נישט לאזן גיין נעקסטע וואך פאר א שטראף...
מיינסטו סאיז גיווען נאר עהם, ניין. זיין אלע 7 געשוויסטער זענען צו גענימען גיווען פון זייער מאמע דוירך יואל וויינגארטן און מרת רוזנער ביי די עלטער פון 2 יאר אן קיין טאג אויף צוריק. אן ווארטן אויף א קורט דעיט, אן ווארטן אז דיין מאמע זאל טוישן קליידער, אן קיין תנאים. לנצח.
צו מיין ווייטאג דערווייל וועט ער ווייטער אויף וואקסן אן קיין עלטערן א דאנק יואל וויינגארטן וחבריו.
ווייניג מענטשן ווייסן וואס מיינט פאר א קליין קינד אויף וואקסן נאס מאכן זיין קישן יעדן נאכט מיט טרערן ווייל ער וויל פשוט זעהן זיין מאמע וויסענדיג אז זי געפונט זיך 2 3 הייזער ארויף אבער איך טאר נישט ווייל זיך איז נישט גוט מחנך... איך ווייס יא, ווייל דאס פלעג איך טוהן ביי 8 יאר אלט ווען יואל וויינגארטן האט געטוהן זי זעלבע מיט מיך און מיין געשוויסטער וויסענדיג אז סנישט דא קיינער אויף די וועלט וואס כקען וויינען צו עהם און זיך אנעמען אויזער מיין קישן.
מיינסטו אז יואל וויינגארטן האט דאס געטוהן נאך פאר דעיע משפחה, די זעלבע זאך מיט די לעוויס, א משפחה מיט 10 יתומים האט ער אלע פארשיקט פון דערהיים נאך זייער טאטע איז אוועק זאלן אויכעט נישט קענען זיין מיט זייער מאמע.
מיין יונגרע ברודער מתתיהו פרץ האט יואל וויינגארטן אופגעפוקט פון מיין מאמע אין א קעריטש ביי ווייניגער פון 2 יאר אלט און עהם גיהאלטן ביז די 13 וואס ער האט עהם דעמאלטס חתונה גימאכט וואס יואל וויינגארטן האט זיך גימאכט א גאנצע מחותן און עהם ווייטער גיהאלטן ביי זיין גיצעלט נאך די חתונה נאר פשוט אריין גיברענגט נאך א מיידל וואס איז יואל מלכהס טאכטער וואס ער האט אויכעט איר גיהאט צו גענימען פון אירע עלטערן און איר גיהאלטן ביי זיין שוועגרן אינדערהיים שוין לאנגע יארן.
איך קען מאריך זיין מיט די ליסט ביז מארגן אבער סאיז געניג פארן ארויס ברענגען די נקודה.
איך קום נישט פארציילן פון זיין רציחה מעשיות ווי ער פלעגט שלאגן מכות אכזריות קליינע קינדער אנטרעטן אויפן פלאר האקן מיט טישן און אפילו מיט שטיינער ביז גיסן בליט און דערנאך אויסשירן 20 קינדער זאלן שפייען אויף דעיע קינד, אראפ קאלרען קינדער 2 שטאק סטעפס, וכו מעשיות שאין לתאר ולשער. אבער כוויל נישט אריין גיין אין דעיע מעשיות וועגן כוויל פוינטן אויף מידה כנגד מידה ווען ער קען נישט זיין מיט זיין משפחה און ער האט מורא אז מגייט צו כאפן זיינע קינדערליך האב איך זייער ווייניג רחמנות.
די תורה זאגט אונז בית דין של מטה לא ימתו אבות על בנים אבער בית דין של מעלה באשטראפט יא.
ציון במשפט תפדה, יעדן טראפ בליט וואס ווערט פארגאסן פון דעיע מענטש ברענגט די וועלט נענטער צו די גאולה.
