ווערטלעך

[דעת קדשי]

[חלום חלמתי]

Screenshot_20251012_205422_WhatsApp.jpg (134.6 KiB) געזען געווארן 1153 מאל

[מים און עפר]

זאגט מיר א בריסקער מחמיר אז ביז א וואך נאך שמחת תורה איז ער מקפיד נישט צו עסן פליישיגס אלס נישט צו מישן פיש מיט פלייש.....

[מים און עפר]

הער איך פון א בעל דרשן "וואס איז די ענין פון אונז ניו יארקע אידן צו גיין צום האדסאן ריווער זאגן תשליך און מכפר זיין די עוונות? פארוואס קען מען נישט טון אזוי ווי רוב קהילות אין ארץ ישראל אז מען נעמט אזא קליינטשיגע פיש טאנק און פארטיג?" זאגט ער "דאכט זיך מיר אז די וואסער פון די האדסן ריווער קומט אן ביז צו די וואסער ברעגעס פון פלארידע, נישט אזוי.....?"

[אני-הק']

שמחת תורה האב איך געהערט אזא תורה:

אדם הראשון האט דאך באקומען א קללה פון בזיעת אפיך תאכל לחם קומט אויס אז ס'איז א קללה צו ארבעטן,

אבער פון דער אנדערער זייט איז דא אזא זאך ווי נהמא דכיסופא, ממילא איז א ברכה צו ארבעטן אז מ'זאל נאכדעם קענען הנאה האבן פון די שווייס,

אויך איז שווער אז ווען משיח גייט קומען וועט דאך וואקסן זאכן פון די בוים, דעמאלטס וועט עס מער נישט הייסן נהמה דכיסופא

נאר זאגט יענער, אז מסתמא גייט בזיעת אפך אויך ארויף אויף די שווייס צו נהנה זיין פון סאושעל סערוויסעס, און ווער ס'ארבעט אין אמעריקע אויף די בוקס מעג זיך טאקע שעמען...

[להגדיל הטראסק]

מלמד כיתה ד': טייערע קינדער! וואס איז דאס גמרא? איך וועל ענק געבן א דוגמא ענק זאלן פארשטיין! ווען מען קוועטשט אויס אן עפל וואס פאסירט? עס קומט ארויס עפל דזשוס! ווען מען קוועטשט אויס א אראנדזש וואס פאסירט? עס קומט ארויס אראנדזש דזשוס! ווען מען קוועטשט אויס משניות וואס פאסירט?

יאנקעלע: מיין פלאץ ווערט נאס...

[דעת קדשי]

[שבת גוי]

אין היימישן וויאמסבורג ביינאכט, א אינגערמאן שפרייזט אדורך די טינקעלע גאס בראדוועי ביי די באנען,
ער קוקט רעכט לינקס מאכט זיכער אויף יעדן שארכץ אז מען מיינט נישט אים, בראדוועי איז כידוע נישט דאס בעסטן פלאץ זיך צו דרייען אין די ביינאכט שעות,

יאפ! קיין טעות האט ער נישט געהאט ווען פון אינטער אים רוקט זיך נענטער א גרויסע 7 פיסיגע ברייט ביינערדיגע גוי,!
מיט א דינערדיגע שטימע מאני אר לייף!! ווען דער איד טרעפט זיך אנגעליינט אויף א וואנט!

העלא! מאני אר לייף!! חזר' די גוי! תכלית!!!

די איד ענטפערט מיט א שטילע קול סיר!?! איי עם מעריד! איך בין חתונה געהאט!

סא וואט????
סינס איי מעריד! נאו מאני! נאו לייף!!

[עדיטאריעל]

.

[להגדיל הטראסק]

א פארקערטע וועלט: אמאל האט מען געהאט סחורה'נע תפילין בייטלעך און לעדערנע שיך, היינט גייט מען מיט לעדערנע תפילין בייטלעך און סחורה'נע שיך...
(אברהם אקער)

[להגדיל הטראסק]

מיין ווייב האלט מיר ממש ווי א מלך! זי געבט אכטונג אז איך זאל נישט נכשל ווערן אין דעם וכסף וזהב לא ירבה לו מאוד...

[חלום חלמתי]

אידן האבן זיך געזארגט וואס די פאנאוועזשע אדוואקאטן וועלן טון נאך דרייסיג יאר פרנסה, האט זיי עמיצער געגעבן די געדאנק זיך אריינצולייגן קעגן גיוס, וואס וועט זיי געבן פרנסה פאר די רעשטע פון זייער לעבן

[שטאטסמאן]

ווי אזוי טרינקט א גאליציאנער קאקע קאולע?
ער טרינקט סעלצער אין די טינקל!

[שטאטסמאן]

לכבוד פרשת ויצא!
רש''י זאגט ווען לבן האט געקושט יעקב ווייל אפשר האט ער אין מויל א מרגלית טובה,
פארוואס האט לבן געטראכט אז ער האלט שטיינער אין מויל? ווער האלט שטיינער אין מויל?
נאר ווען יעקב איז אנגעקומען האט מען ארויסגעלייגט גרויסע פלאקאטן, צדיק בא לעיר! בא ברוך ה'! הגה''צ פה מפיק מרגלית ר' יעקב שליט''א
און ווען עשב האט געזען שטיין פה מפיק מרגלית, האט ער שנעל געקישט, צו פילן צו ער האט יעצט עפעס א שטיין אין מויל,

[חלום חלמתי]

אנדערע זאגן

[שטאטסמאן]

היינט געבט מען פאר יעדע קינד א טיטעל
איינער ADHD איינער OCD
אמאל האט עס נישט אויסגעפעלט
איינמאל מ'האט געוויסט די משפחה נאמען האט מען אלעס געוויסט...

[שטאטסמאן]

א ראש ישיבה פארציילט
א עלטערע איד איז ארויפגעקומען אויף יענע וועלט און בי״ד של מעלה האט אנגעהויבן איבערגיין זיין לעבן,דער יוד איז געווען א שטילע ערליכע אידל וואס קיינער האט נישט געוואוסט פון אים, ער האט געענדיגט אפאר מאל ש״ס אבער קיינמאל געמאכט א סיום, געטיילט גרויסע געלטער פאר צדקה שטילערהייט, געטוהן אלע מצוות מיט א ערליכקייט אבער קיינמאל געמאכט קיין מצב פון זיך, נאכן אדורכגיין אלעס האבן זיי געזאגט אז דער איד האט זיך אויסגעצייכנט אין אלע ענינים, אבער ער האט קיינמאל נישט עוסק געווען אין ''סעלף קאנפידענס'' און מ׳גייט אים נאכאמאל דארפן אראפשיקן אויף די וועלט.

דער איד האט אנגעהויבן טענה׳ן אז מ׳האט קיינמאל געלערנט די מסכת אין ישיבה ביי זיי אין שטעטל און האט ניטאמאל געוואוסט פון אזא מצוה, און אויב גייט מען אים נאכאמאל אראפשיקן ווער ווייסט אויב ער גייט זיין אזוי ערליך, נאך א שטיקל דיסקוסיע צווישן די דיינים איז געבליבן אז מ׳גייט אים אראפשיקן אבער ער דארף נישט טוהן קיין שום מצוה, חוץ פון עוסק זיין אגאנץ לעבן אין סעלף קאנפידענס.

און דער בחור לערנט ביי מיר אין ישיבה.