מענדי קעניג האט געשריבן: ↑זונטאג נאוועמבער 02, 2025 6:30 pm
מיינע קשיות וואס איך האב געהאט לגבי די חתונה נאך ווען כבין גיווען אין לב טהור איז אזוי:
1- פאר וואס האט מען נישט פראבירט קודם אויף די נארמאלע וועג פון געבן א גט? מרת טעלער האט דאך זיך נישט קעגן גישטעלט.
2- אפילו אויב מרת טעלער וואלט זיך יא קעגן גישטעלט וואלט מען כאטש גידארפט משלשל זיין א גט.
3- וואס איז גיווען די יאגעניש צו די חתונה? אהרן טעלער האט דאך שוין גיהאט קינדער פארדעם, און זיין נייע ווייב איז מער נישט גיווען אין די עלטער פון האבן נאך קינדער.
דעיע פאקטן שפילן א שטארקע ראלע לגבי די הלכות ווען מאיז דן אין היתר חתונה האבן מיט 2 ווייבער.
4- נחמן העלבראנץ וואס איז נישט קיין מורה הוראה האט שוין מחליט גיווען אז די חתונה דארף זיין יענע נאכט, נאך פאר די בי"ד האבן זיך בכלל אראפ גיזעצן דן זיין אין די הלכה.
5- א קוירצע צייט פארדעם ווען ס'איז געווען די פרשה פון איסור המאכלים האט אהרן טעלער זיך קעגן גישטעלט קעגן געוויסע איסורים פון נחמן און ער איז באשטראפט גיווארן כולל צוגענימען זיינע פאסטן פון פסקנען שאלות (אויזער הלכות טהרה) וואס דאס איז גיווען די אנהייב קייטל וואס האט עהם צו גיברענגט צו פארלירן זיין ווייב און קינדער.
פון יענע סעקאנדע און ווייטער זענען אין אנדערע דיינים און לב טהור גיווארן לכאורה פסול צו פסקענען שאלות בנוגע נחמנ'ס אינטערעסן וועגן זיי זענען פערסנאל נוגע בדבר און האבן מורא פון אויס שטיין שווערע שטראפן.
6- די בי"ד וואס האבן מתיר גיווען אזא שווערן איסור זענען גיווען צוזאם גישטעלט פון 1 דיין מיט 2 הדיוטות. די סיבה פאר וואס זיי האבן נישט גענימען אלעזר רומפלער צו זיין א חלק פון די בי"ד איז גיווען ווייל יעקב נחום האט געווויסט אז ער וועט עס נישט מתיר זיין.
ווען סאיז דא א אופציאלע בי"ד אין שטאט ווי איז גיהערט גיווארן אז מען פיקט אויף הדיוטות אנשטאט ווייל מווייסט אז איינע פון די דיינים וועלן נישט געבן קיין היתר?
7- איך בין גיווען ביי די ישיבת בי"ד, סהאט גענימען ווייניגער פון 10 מיניט, מהאט בכלל נישט דן גיווען אין הלכות און די צדדים. משה יוסף האט זיך אנגעריפן אז היות מרת טעלער האט גערופן פאליציי שבת חנוכה אז די קינדער זענען נישט דא האט זי א דין פון א מוסר און א משומדת און ער האט אראפ גיברענגט א מאמר פון פאריגע פוסק אז די חרם דרבינו גרשון גייט נישט אן אויב די פרוי איז א יוצא מכלל ישראל.
אין מיין אויגן האט דאס אויסגיזעהן א ביטערע ליצנות ווי באלט נחמן האט גירעדט פארדעם מיט משה יוסף און עהם אנגיזאגט ווי אזוי צו פירן די ישיבת בי"ד און עס מאכן קוירץ און שארף אבי צו יוצא זיין.
8- נחמן איז גיווען די גרעסטע נוגע בדבר, ווי באלט סאיז דעמאלטס גיהייסן אז אהרן טעלער וועט דארפן פארן קיין ניו יורק עדות זאגן אין קורט לטובת לב טהור, און נחמן האט מורא געהאט אז אהרן טעלער וועט זיך מיישב זיין אין בלייבן אין ניו יורק מיט זיין ווייב און קינדער און ער וועט פארלירן זיין וויכטיגסטע עדות, ממילא האט מען עהם שנעל חתונה גימאכט כדי ער וועט מער נישט ווילן בלייבן וואוינען אין ניו יורק.
סדא נאך פרטים וואס כהאב שוין פארגעסן האפענטליך וועל איך זיך דערמאנען און אראפ שרייבן.
רוב מענטשן אין לב טהור האבן נישט ארויס אלע פרטים ווי באלט זיי האבן נישט מיט גיהאלטן די חתונה און די ישיבת בי"ד וועגן דעם גלייבן זיי אז זייערע בי"ד האט דאס מתיר גיווען מיט גירעכט לצורך העניין
