כבוד מלכים האט געשריבן: ↑דינסטאג אפריל 29, 2025 11:00 pm
גוואטעמאלא.mp3
זי וויינט נעבעך איבער איר קינד וואס איז געווען אין שפיטאל פאר א וואך נאכ'ן נישט וועלן עסן טריפות. רביצין, די קינדער האבן צו עסן לשובע ולא לרזון, כשר'ס למהדרין מן המהדרין, ערלעדיגט דורך דעם 'רשע ורוצח' הרה"צ ר' יואל יהושע העשיל שליט"א און זיינע שותפים. זיי קומען נישט אן אין שפיטאל צוליב נישט עסן טריפות, נאר ווייל די רשעות'דיגע מאמעס רעדן זיי איין אז די הייליגע תורה פארלאנגגט מען זאל פייניגן קליינע קינדער און זיי נישט לאזן זיך דערהאלטן דאס חיות עפ"ל. (ווי א יוצא פון לב טהור האט זיך אויסגעדרוקט, "איך האב געטראכט אז דער אויבערשטער איז א שלעכטער (רח"ל) און מ'קען גארנישט טון, מען מוז לעבן דערמיט.")
גראדע מאכט זי מיר טראכטן אז זי איז גאר די מאמע איבער וואס ר' יושע העכט האט דערציילט ווי זי האט אונטערגערוקט איר טאכטער א זאק מיט עסן און אזוי האבנדיג וואס צו עסן באהאלטענערהייט האט דאס מיידל כסדר געהעצט און מחזק געווען די קינדער נישט צו עסן פון די 'טריפה'נע' עסן זאגנדיג אז זיי זאלן זיך אפלערנען פון איר ווי זי עסט נישט פון די ערב רב עסן, און ווען איר זאק מיט עסן האט זיך אויסגענוצט האט איר די מאמע געראטן זי זאל זיך מאכן קראנק, אזוי וועט מען איר טראגן אין שפיטאל און דארט קען די מאמע צוקומען און ריפילן די זאק. דאס שטימט שטארק מיט די פאקט אז זי איז די פרוי פון יעקב נחום וויינגארטן וואס ארבעט דאך שוין יארן מיט די מהלך פון זיצן באהאלטערנערהייט על סיר הבשר און דערנאך ווייזן פאר די ל"ט מיטגלידער ווי הייליג ער איז.
אויב איז מיין השערה ריכטיג איז זי נישט נאר די אביוזער פון אירע אייגענע קינדער, נאר זי האט נאך נאך די רעיד געהאט א דירעקטע יד אין פייניגן און רצח'ענען אומשולדיגע קינדערלעך פון אנדערע אידישע מאמעס.
