ער איז מעורר אויף א נקודה אז מ'צוטיילט קינדער פון עלטערן, און מ'דרייט זיך אין די קישקעס פון א קהילה, און דאס טאר מען נישט טוען [איך האלט ס'האט אן אויסנאם ווען ס'איז בהוראת גדולי ישראל, אין ביי מיר איז הגאון חיד"ו פונקט גענוג פארדעם, אויב האלט ער אז מ'דארף פאר דעם די הסכמה פון גאנץ כלל ישראל, קיין פראבלעם, אבער איך עס מצות וויין און פלייש וואס האט נאר איין הכשר, איך פארלאנג נישט ס'זאל זיין א מושב בית דין אויף מיינע אתרוגים און ד' מינים, איך גיי צו איין דיין איך בין מסודר].
למען הויכוח וועלן מיר אנעמען די פאקט אז מ'טאר נישט צוטיילן עלטערן פון קינדער אין קיין שום פאל, יעצט וויל איך מאכן אן הקדמה, יעדע מענטש קען מחליט זיין וועלכע מעסטער ער וויל ניצן, אבער מ'קען נישט ארומטוישן, און איך וועל עס מקדים זיין מיט א משל, מיין שכן וויל בויען פיתום ורעמסס און אויך אריין בויען ס'זאל שטערן ביי מיר, איך האב אים אריבערגעריפן איבערצושמועסן די נושא כדבר איש אל רעהו, בעטן ער זאל טוישן עטליכע קלייניקייטן אז ס'זאל זיין מער לקורת רוחי, האט ער אנגעהויבן שרייען איך ווייס נישט וואס די ווילסט איך מען עס טוען לעגאל ס'איז מיין פראפערטי, מיש דיר נישט ביי מיר וכו', איז ביי די פאבליק הירונג בין איך געגאנגען אין פארגעשלאגן מיינע הערות, שרייט ער אין בית המדרש מ'קען זיך נישט אויסקומען ווי צוויי גוטע שכנים, מ'דארף גיין צום גוי וכו', איך גיי נישט אריין אין די הלכה'דיגע חלק [ווייל די מעשה האט נאכנישט פאסירט], אבער אין מציאות איז די שכן א היפאקריט, די ווילסט זיין א גוטע שכן וואס גייט אויף די עק פון די ליגאלע חלקים, אבער ווען איך ניץ די חלק לאמיר בלייבן גוטע שכנים ניצטו די געזעץ, און ווען איך ניץ די געזעץ שרייסטו לאמיר זיין גוטע שכנים.
לענינו, מ'טאר נישט אפטיילן קינדער פון עלטערן, און ווער ס'טוט עס שפילט זיך מיט פייער, לאמיר נעמען די ליסטעס אויף וואס מ'איז דן און לאמיר זען ווער שפילט זיך מיט קינדער און מיט פייער:
סענס אף יומער האט געשריבן: ↑מיטוואך מערץ 26, 2025 9:59 pm מער דעטאלן איבער די גאר פאזיטיווע נייעס היינט, איבערגעגעבן דורך די עסקנים אויפן ארט אין גוואטעמאלא.
א חתונה געהאטע טאכטער פון מאיר יששכר ראזנער וועלכע איז נארוואס געווארן 16 יאר אלט, צוזאמען מיט איר מאן און זיבן חדשים'דיג קינד, קומען היינט אן קיין ניו יארק בעז''ה.
איר מאן הייסט ר' יצחק עליאס, אויך 16 יאר אלט, און איז שוין אינדרויסן פאר א שטיק צייט זיך אויפהאלטנדיג אין כנישתא חדא.
זיי קומען ארויס מיט די קאסטעדי פון א ראזנער פעטער פון מאנסי.
דאס איז דאס ערשטע מאל וואס מ'נעמט ארויס קינדער פון זייער אייגענע ווילן און 'אנטקעגן די ווילן פון זייערע עלטערן'. און דאס וועט אי''ה נאכפאלגן מיט נאך א רייע קינדער וואס וועלן נאכגיין אין זייערע פיס טריט און טוהן די זעלבע, אנדערש ווי ביז היינט ווען מ'האט נאר געקענט ארויסנעמען קינדער צוזאמען אדער מיט די באשטעטיגונג פון די עלטערן.
נאך פאזיטיווע אנטוויקלונגען אויפן פראנט:
איבער די יונגע קינדער פון משה יוסף ראזנער, האט א ריכטער היינט אומצוויידייטיג קלארגעשטעלט אז אויב ביז די קומענדיגע הירינג וואס איז געסקעדזשולט פארצוקומען תיכף נאך פסח וועלן די עלטערן זיך נישט ברעכן און איינגיין איבערצולאזן לב טהור, וועט מען אוועקנעמען זייערע צוויי קינדער אונטער 18 יאר און זיי איבערגעבן פאר דרויסנדיגע פאמיליע מיטגלידער אין ניו יארק.
עס דארף אונטערגעשטראכן ווערן, אז ביז היינט איז געווען די שטערקסטע חיזוק מיט וואס די קולט פירער האבן מחזק געווען און געמוטיגט זייערע מיטגלידער נישט אויפצוגעבן דעם קאמף און פארבלייבן אין לב טהור, אז דערווייל האט נאכנישט פאסירט אזא זאך אז א ריכטער זאל ערלויבן צו באפרייען די קינדער אן דעם וואס זייערע עלטערן זענען אויך ארויסגעקומען צוזאמען מיט די קינדער, אדער אז מען זאל ערלויבן איבערצוגעבן די קינדער פאר דרויסנדיגע פאמיליע מיטגלידער אן די צושטימונג פון די עלטערן, אםילו אויב דער קרוב האט געפיילט קאסטעדי. און דאס איז געווען די שטערקסטע חיזוק און שטופ פאר די פארבליבענע לב טהור מיטגלידער אז ביים ענדע וועלן זיי געווינען און צוריקבאקומען אלע זייערע קינדער אן דארפן איבערלאזן דעם קולט.
ממילא איז די יעצטיגע אורטייל בנוגע די יונגע ראזנער טאכטער און אזוי אויך די קלארשטעלונג פונעם ריכטער בנוגע משה יוסף'ס יונגערע קינדער, גאר א שטאקע טויט קלאפ פאר די גאנצע כת און איר עקזיסטענץ, און גלייכצייטיג א שטארקע געווינס פאר די עסקנים און גאנץ כלל ישראל, שפרייזנדיג א גרויסן טריט פאראויס אין דעם קריטישן קאמף גענצליך אויסצוראטן דעם שמוציגן קליפה ביזן גרונד.
ובשם השם נעשה ונצליח.
מ'קען דן זיין ווען מ'ווערט אויס קינד אז מ'טאר אים נישט אפטיילן פון זיינע עלטערן, אין די וועלט איז אנגענומען אז די יארגאנג איז 18, אבער דאס קומט פון די גוים [און לויט לב טהור רח"ל], אבער אויב מ'האט איינעם חתונה געמאכט ביי די 13 און ער איז אויפגעצויגן געווארן אזוי א גאנץ לעבן צו האבן א קינד ביי די 14, קענסטו נישט שרייען איין מינוט ער איז נאך א קינד ער דארף זיין מאמע, אויב דארף ער אדער זי דארף איר מאמע דאן מאך איר נאכנישט חתונה, און אויב האסטו איר חתונה געמאכט און נאך געהאט א קינד, און ער בעט הילף פון א פעטער צו פארלאזן זיין מאמעס לאנד, ווייל מ'לעבט דארט אין ארומקייט, פארוואס זאל איך אנעמען די טענה ער איז נאך א קינד???סענס אף יומער האט געשריבן: ↑דאנערשטאג מערץ 27, 2025 10:56 am סך הכל פון משפחת מאיר יששכר ראזנער וואס געפינען זיך שוין אינדרויסן פון לב טהור:
זוהן - שנור:
חיים יעקב ראזנער וב"ב - 1 קינד (איידעם ביי מרת טעללער, געוועזענע ווייבּ פון אהרן ארי' און טאכטער פון שלמה העלבראנץ, אויך אינדרויסן)
לוי יצחק ראזנער (איידעם ביי מיכאל יודא גאלדמאן, 4 חדשים צוריק האט מען אים ארויס געווארפן און אוועקגעכאפט זיין ווייב)
טעכטער - איידעמער:
משפחת ישראל יודא אפרים גאלדמאן - 6 קינדער
משפחת יחזקאל ראָזנער - 3 קינדער (די דריטע געבוירן דא אין ניו יארק)
משפחת יואל גאלדמאן - 2 קינדער
משפחת יצחק עליאס - 1 קינד
סך הכל:
2 זוהן - 1 שנור
4 טעכטער - 4 איידעמער
13 אייניקלעך
24 נפשות אינדרויסן.
בליע"ה.
אין קורצן: ממה נפשך: אויב איז ער אדער זי א קינד היתכן די האסט אים חתונה געמאכט, און אויב איז ער אן אדאלט וואס מעג חתונה האבן, מעג ער אויך מחליט זיין אויב ער וויל פארלאזן די מקום.
די אכזריות איז דייקא די וואס האבן צוגענומען די ווייב פון לוי יצחק ראזנער, היתכן די פארכאפסט א פרוי פון איר מאן, ובנוסף לזה ניצטו די געזעץ אז זי איז נאך א קינד אז מ'זאל נישט קענען ארויסנעמען פון לאנד, און בנוסף לזה שווערצט מען גרעניצן צו פארכאפן די פרויען לחלוטין, דאס דארף ווען זיין די וויי געשריי פון די היימישן ציבור [און ס'איז].
