חסידישע ישוב אין קאסא גראנדע, אריזאנע

[אלע צוזאמען]

► Show Spoiler

א פרייליכן שיבסר פון קאסא גראנדע אריזאנע!

א הערליכע דערהויבענער יום טוב פורים איז אריבער אויף תושבי קאסא גראנדע, בשמחה וששון ויקר האט מען פארברענגט אינאיינעם און מקיים געווען די מצוות היום בהידור, זיך געפרייט צוזאמען און געטאנצן אויף דעם ליהודים היתה אורה.

לאמיר פרובירן מיט אביסעלע ווערטער איבערגעבן די סדר הדברים פון וויאזוי מיר האבן געפראוועט דעם הייליגן יום טוב, און ווי פארשטייטזעך איז דאס אפס קצהו און עס איז אוממעגליך אראפצושרייבן א הייליגער יום טוב אין א היימישער ישוב (האט נישט דווקא מיט קאסא גראנדע), איך שרייב עס אראפ פאר מיר צו געדענקן, עס קען זיין אז געוויסע פרטים איז נישט אינטרעסאנט פארן עולם אבער איך וועל עס לייגן אזוי ווי איך האב עס אפגעשריבן פאר מיר.

תענית אסתר

אום תענית אסתר זענען די תפילות פארגעקומען כרגיל אין בית מדרשינו (1775 נארט מקדאנעלד סטריט), און ארום איינס אזייגער מיטאג האבן זיך די ילדי תלמוד תורה עץ חיים ד'קאסא גראנדע אריזאנע צוזאמגענומען אין בית המדרש (געווען נאר א האלבע טאג חדר כרגיל) ווי מען האט געהערט דברי התעוררות פונעם מלמד הרב ישעי' שלעזינגער הי"ו און דערנאך האבן די קינדער אינאיינעם געזאגט תהלים קאפיטל כ"ב 'למנצח על אילת השחר'.

תפילת מנחה איז פארגעקומען ווי געווענדליך 5:45 (צו קענען דאווענען פארן שקיעה, היות עס זענען דא עטליכע וויזניצע יונגערלייט) און מען האט מקיים געווען מנהג מחצית השקל ווען די צדקה גייט פאר די מתנות לאביונים פאר עניי עירך.

מעריב האט מען געדאוונט 7:30 און תיכף דערנאך האט מען זיך געשטעלט ליינען די מגילה וואס איז פארגעליינט געווארן בבקיאות גדול דורכ'ן בעל קורא הרב ישעי' שלעזינגער הי"ו, נאך מגילה ליינען איז געווען צוגעשטעלט צו אויספאסטן דורך ר' נחמן לעפקאוויטש הי"ו לרגל די חדר פירן פון בנו הילד מענדל (וואס איז פארגעקומען תענית אסתר צופרי אין ת"ת עץ חיים).

חוץ פון די קריאת המגילה אין בית מדרשינו (1775 מקדאנעלד סטריט) ווי די עזרת נשים איז געווען אפן איז אויך געווען עקסטער קריאת המגילה לנשים (אז די מענער זאלן קענען אכטונג געבן אויף די קינדער) בבית משפחת פאכטמאן.

סעודת פורים ביינאכט האט יעדער איינער געפראוועט ביי זיך אינדערהיים, און טייל משפחות האבן זיך צוזאמגענומען צו עסן אינאיינעם.

פורים

שחרית פורים צופרי האט מען געדאוונט 7:45 און ארום 9 אזייגער האט מען געליינט די מגילה, נאכאמאל דורכ'ן בעל קורא מומחה הרב ישעי' שלעזינגער הי"ו, נאכן דאווענען איז געווען א שיינעם לחיים אין בית המדרש.

נאכן דאווענען איז געווען א הערליכע מחזה ווי דער ציבור האט זיך אוועקגעזעצט לערנען אין ישיבת מרדכי הצדיק, כל אחד במה שלבו חפץ, עלטערן מיט די קינדער, אינגערלייט מיט די חברותות, נישט אריבערצוגיין א טאג אן תורה.

עקסטער איז געווען נאכאמאל קריאת המגילה לנשים אין עטליכע שטובער.

סעודת פורים אינדערפרי האט יעדער איינער אנגעהויבן ביי זיך אין שטוב, ווען צו יעדע צייט נעמען זיך צוזאם עטליכע משפחות אין איטליכער הויז נאך וואס דער עולם גייט ארום טיילן משלוח מנות איש לרעהו.

ארום 2:30 האט זיך דער ציבור אנגעהויבן צוזאמנעמען אין בית מדרשינו אויף די משתה היין און צווייטע חלק פון די סעודת פורים.

דער משתה היין אין בית מדרשינו איז געווען גאר דערהויבן ווי די סעודה ושתיה און די ריקודים בתופים ובמחולות זענען אנגעגאנגען ביז ארום א שעה צום זמן הדלקת הנרות.

איידער הדלקת הנרות זענען עטליכע אינגערלייט אריבערגעקומען אין בית המדרש צוצוגרייטן צום שבת, און ביים זמן השקיעה איז שוין דער בית המדרש געווען צוזאמעגענומען און גערייניגט גרייט צו מקבל זיין דעם שבת קודש.

תפילת מנחה וקבלת שבת איז פארגעקומען אין די געווענדליכע צייט (ווען עטליכע אינגערלייט זענען נאך במצב עד דלא ידע) מיט עקסטערע ריקודים כנהוג בתפוצות ישראל.

- - -

(עס דארף ארויסגעברענגט ווערן לשבח פון די עסקני הקהילה וואס האבן מיט געטריישאפט געשאפט הערליכע סכומים פון מתנות לאביונים שע"י קופת הרב וואס האט באוויזן צוצושטעלן עטליכע הונדערט דאלער מתנות לאביונים בו ביום פאר די עניי עירך תושבי קאסא גראנדע, זכותם תעמוד בעדם - אויב ווילט איר נאך האבן א חלק אין די מעות חטים פאר תושבי קאסא גראנדע קענט איר זיך פארבינדן אין טישי).

- - -

שושן פורים

שחרית שבת קודש כרגיל.

נאך תפילת שחרית איז געפראוועט געווארן א גרויסע קידוש לכבוד היום (עס איז אלעמאל דא א קידוש אין בית המדרש היות א חלק עולם קומט פון א ווייטע וועג - קרוב צו א האלבע שעה) ווי דער עולם האט פארברענגט, געזינגען און זיך געפרייט פאר א לענגערע צייט.

מנחה ושלש סעודות כרגיל.

מוצאי שבת איז באשלאסן געווארן אז מען וועט ענדישער פראווענען א גרעסערע שושן פורים סעודה אויף זונטאג ווי צו אריינצוען א שפעטע מלוה ד'מלכה וואס קען צופירן צו די פארשפעטיגונג פון תפילת שחרית, און אזוי האט מען טאקע געטוהן.

שושן פורים המשולש

נאך תפילת שחרית האט מען געהערט די וועכנטליכע הלכה שיעור פונעם רב שליט"א (הרה"ג רבי אברהם ראבינוביץ שליט"א אב"ד קהל חסידים ד'קאסא גראנדע אריזאנע), צווישן אנדערע האט מען גערעדט איבער הלכות פון יין מגולה, איז פרשת פרה א דאורייתא? און נאך (עס איז כדאי אנצומערקן אז די סדר הפורים, די זמנים וואס יא צוטאן און וואס נישט צוטאן איז אלץ געווען ע"פ הדרכתו פונעם רב שליט"א וואס שטייט על משמר העיר בהדרכה בעצה ובתשועה אויף טריט און שריט).

3 אזייגער איז געפראוועט געווארן א גרויסע סעודת שושן פורים אין בית מדרשינו (אנשים, נשים - אין שטוב פון משפחת דאנציגער) ווי עס איז געווען צוגעשטעלט א ברייטע סעודה לכבוד היום (על הטוב יזכר ר' מנחם פאכטמאן הי"ו פון Salt N Pepper וואס האט צוגעשטעלט א גרעסערע חלק פונעם סעודה) פאר כל הקהל הקודש, מען האט געזינגען אינאיינעם און געהערט דברי בדחנות פון איינער פון די אינגערלייט, אזוי אויך איז געווען א הוק אפ פון דברי תורה פון איינער פון די חברים אין ניו יארק.

מען האט געבענטשט 5:45 און תיכף זיך געשטעלט צו תפילת מנחה.

ויום טוב היה עושים בצאתו בשלום מן הקודש.

(איך האף בעזר השם צו האבן צוזאמגענומען עטוואס בילדער ביי מארגן אדער שוין היינט נאכט, צו קענען ממחיש זיין דעם פורים בתמונה, אבער ווי אלעמאל, 'דאס איז נישט דער עיקר').

פורים תשפ"ה - קאסא גראנדע אריזאנע.

ישיבת מרדכי הצדיק אין בית המדרש קהל חסידים ד'קאסא גראנדע אריזאנע (1775 נארט מקדאנעלד סטריט) נאך תפילת שחרית וקריאת המגילה.

ישיבת מרדכי הצדיק.jpg (260.01 KiB) געזען געווארן 1822 מאל

ישיבת מרדכי הצדיק 1.jpg (213.13 KiB) געזען געווארן 1822 מאל

ישיבת מרדכי הצדיק 2.jpg (271.75 KiB) געזען געווארן 1281 מאל

[222555]

אקעי איך האב נישט געהאט געזען די נאמען. זייער גוט.

די זיידע פון בנש"ק ר' יושע רובין מייסד העיר האט ארויסגעגעבן א ספר כנסת יהושע און נאך אים הייסט די מוסד פון אלע יארן

[וכן נוהגין]

א שיינע צוזאמגעשטעלטע רעדקארדינג פון "פורים אין קאסא גראנדע" תשפ"ה.

א פורים אין קאסא גראנדע איז א שמחה און רואיגקייט, פון דער ערשטע נאכט מגילה ליינען ביז אין די נאכט שעות פון שושן פורים.


For bookings; arizonakosherresorts.com

Kehilah;
khalchasidimcg.com

Join us,
https://chat.whatsapp.com/KZ8stgYHVYIGynAlOYSKtL

IMG-20250315-WA0014.jpg (186.08 KiB) געזען געווארן 1778 מאל

[וכן נוהגין]

קאסא גראנדע אריזאנע איינוואוינער זענען גרייט ענק צו מקבל זיין דעם קומענדיגן פסח.

און די זעלבער צייט ווילן מיר מודיע זיין בשער בת רבים איבער פיר נייע משפחות ברוכות ילדים, וואס קומען אויף פסח צו מאכן קאסא גראנדע זייער נייע וואוינארט בס"ד.

דו ליינער, קענסט אויך זיין איינע פון די גליקליכע נייע תושבים און נחשונים פון כלל ישראל, קויפט שוין א הערליכע הויז אינעם הערליכע קאסא גראנדע, רופט שוין אן דעם "ועד הישוב" און ווערט באגלייטן מיט די בעסטע הילף און אדווייז צו מאכן אייער מופן וואס געשמאקער און גרינגער מעגליך.

די נומער צו רופן איז אויף די עד דא אינטן אדער שיקט א אימעיל צו info@khalchasidimcg.com
פאר מער אינפארמאציע קענט איר מיר אויך שיקן אין אישי

[Azoi Tzi Zugen]

פיר נייע משפחות ברוכות ילדים, וואס קומען אויף פסח צו מאכן קאסא גראנדע זייער נייע וואוינארט בס"ד

וואף. ערנסט? דאס איז מיר שוין א סורפרייז. די זאך וואקסט געהעריג. איך האב שטארק הנאה.

[הדסים]

פיר נייע משפחות ברוכות ילדים, וואס קומען אויף פסח צו מאכן קאסא גראנדע זייער נייע וואוינארט בס"ד

וואף. ערנסט? דאס איז מיר שוין א סורפרייז. די זאך וואקסט געהעריג. איך האב שטארק הנאה.

וויפיל משפחות וועלן זיין מיט די פיר נייע?

[וכן נוהגין]

שושן פורים משולש נאכמיטאג איז פארגעקומען א הערליכע סעודה און פארברענגן צווישן תושבי קאסא גראנדע לכבוד היום.

דער בעל תפילה נפלא הרב משה אברהם ברוין שליט"א האט פארגעזינגן הערליכע ניגונים וועלעכע איז פארוואנדעלט געווארן און א חסיד'שע פארברענגן וואס האט זיך אויסגעלאזט מיט פריערדיגע ריקודים.

ביים סוף סעודה איז דער מרא דאתרא האדמו"ר מדינוב שליט"א אנגעקומען זיך באטייליגן ביי די סעודה

פארן בענטשן האט הרב משה אברהם ברוין געהאלטן א פורים דרשה און משמח געווען די מסובים כידוע פאר די וועלעכע קענען הרב ברוין.

IMG-20250316-WA0138.jpg (265.12 KiB) געזען געווארן 1711 מאל

IMG-20250316-WA0140.jpg (209.08 KiB) געזען געווארן 1711 מאל

IMG-20250316-WA0134.jpg (299.82 KiB) געזען געווארן 1711 מאל

[שאינו יודע לשאול]

א שיינע צוזאמגעשטעלטע רעדקארדינג פון "פורים אין קאסא גראנדע" תשפ"ה.

א פורים אין קאסא גראנדע איז א שמחה און רואיגקייט, פון דער ערשטע נאכט מגילה ליינען ביז אין די נאכט שעות פון שושן פורים.


For bookings; arizonakosherresorts.com

Kehilah;
khalchasidimcg.com

Join us,
https://chat.whatsapp.com/KZ8stgYHVYIGynAlOYSKtL
IMG-20250315-WA0014.jpg

ייש"כ פאר די באריכטן.

פאר קומענדיגע מאל, בילדער וואס דרייען זיך/רוקן זיך ווילד, איז שווער פאר די אויגן.

[ווער זאגט?!]

א גוטן חשובע אידן תושבי קאסא גראנדע!

ס'איז זייער עקסייטינג די נייעס וואס נאך פיר נייע משפחות מופען ב"ה קיין קאסא גראנדע לכבוד יום טוב. שוין א לאנגע צייט וואס איך פאלאו אביסל די דעוועלאפמענט פון דעם שטעטל מיטן באהאלטענע מחשבות צו אהין מופן (אולי, אפשר). אזוי א דורך קוקן אלע פעידשעס דא אויף דעם אשכול בין איך געווארן זייער קאמפיוזעד אז איך ווייס שוין אפילו נישט וואס צו פרעגן. צו פול צומישטע אינפארמאציע. איך האב געטרייט אפאר מאל איבער צוגיין. איינער זאל טוהן א טובה און מיר העלפן מאכן סדר אין דעם מעס. די בילדער, די נעמען, די אינפארמיישן, זייער קאמפיוזינג. אין בין געווארן ממש דיזי.

ביטע! קורץ און שארף! א לאנגע ענטפער וועט מיר מאכן נאך מער דיזי און צומישט.

וויפל משפחות וואוינען שוין דארט?
וויפל קהילות איז דארט דא?
איז דא א מקוה.... לאוקעל?
וועלכער רעבע וואוינט דארט?
וועלכער רב וואוינט דארט?
וועלכער דיין וואוינט דארט?
ווער איז רב פון קהל חסידים?
וועלעכע מוסדות שטייט שוין דארט?
וויפל קלאסן?
וויפל קינדער?
גראסעארי? עסן? געשעפטן ? קליידונג? וכו'.

פליז !! קורץ און שארף!!

א ריזיגען יישר כח.

[איד]

א גוטן חשובע אידן תושבי קאסא גראנדע!

ס'איז זייער עקסייטינג די נייעס וואס נאך פיר נייע משפחות מופען ב"ה קיין קאסא גראנדע לכבוד יום טוב. שוין א לאנגע צייט וואס איך פאלאו אביסל די דעוועלאפמענט פון דעם שטעטל מיטן באהאלטענע מחשבות צו אהין מופן (אולי, אפשר). אזוי א דורך קוקן אלע פעידשעס דא אויף דעם אשכול בין איך געווארן זייער קאמפיוזעד אז איך ווייס שוין אפילו נישט וואס צו פרעגן. צו פול צומישטע אינפארמאציע. איך האב געטרייט אפאר מאל איבער צוגיין. איינער זאל טוהן א טובה און מיר העלפן מאכן סדר אין דעם מעס. די בילדער, די נעמען, די אינפארמיישן, זייער קאמפיוזינג. אין בין געווארן ממש דיזי.

ביטע! קורץ און שארף! א לאנגע ענטפער וועט מיר מאכן נאך מער דיזי צומישט.

וויפל משפחות וואוינען שוין דארט?

אהן די נייע 4
וואוינען די שוין דארט בערך 25 גאנץ יעריגע תושבים

וויפל קהילות איז דארט דא?

2

וועלכער רעבע וואוינט דארט?

האדמו''ר מ'דינוב שליט''א - וואס איז אויך דארט די מרא דאתרא

וועלכער רב וואוינט דארט?

הגה''צ ר' חיים שלמה בערגער שליט''א - אבד''ק קהל חסידים ד'קאסא גראנדע

וועלכער דיין וואוינט דארט?

זיין זוהן הרה''ג ר' יצחק אייזיק בערגער שליט''א

ווער איז רב פון קהל חסידים?

ביידע קהילות הייסן קהל חסידים

קהילה א' (די ארגינעלע קהילה) איז בנשיאות די מרא דאתרא כ''ק אדמו''ר מ'דינוב שליט''א און בראשות די אבד''ק הגה''צ ר' חיים שלמה בערגער שליט''א

קהילה ב' איז בנשיאות הגה''צ ר' אברהם ראבינאוויץ שליט''א

וועלעכע מוסדות שטייט שוין דארט?

ת''ת כנסת יהושע - פון קהילה א'
ת''ת עץ חיים - פון קהילה ב'

וויפל קלאסן?
וויפל קינדער?
גראסעארי? עסן? געשעפטן ? קליידונג? וכו'.

פליז !! קורץ און שארף!!

א ריזיגען יישר כח.

נ.ב.
איך בין נישט קיין תושב (דערווייל) און איך האב נישט קיין באקאנטע דארט
אלע אינפארמאציע נעם איך פון דעם אשכול,

אויף די איבעריגע האב איך שוין נישט געהאט קיין כח נאכצוזוכן דא די ענטפערס
אבער צווישן די אלע בלעטער איז דא תירוצים אויף דעם אויכט

[אלע צוזאמען]

א גוטן חשובע אידן תושבי קאסא גראנדע!

ס'איז זייער עקסייטינג די נייעס וואס נאך פיר נייע משפחות מופען ב"ה קיין קאסא גראנדע לכבוד יום טוב. שוין א לאנגע צייט וואס איך פאלאו אביסל די דעוועלאפמענט פון דעם שטעטל מיטן באהאלטענע מחשבות צו אהין מופן (אולי, אפשר). אזוי א דורך קוקן אלע פעידשעס דא אויף דעם אשכול בין איך געווארן זייער קאמפיוזעד אז איך ווייס שוין אפילו נישט וואס צו פרעגן. צו פול צומישטע אינפארמאציע. איך האב געטרייט אפאר מאל איבער צוגיין. איינער זאל טוהן א טובה און מיר העלפן מאכן סדר אין דעם מעס. די בילדער, די נעמען, די אינפארמיישן, זייער קאמפיוזינג. אין בין געווארן ממש דיזי.

ביטע! קורץ און שארף! א לאנגע ענטפער וועט מיר מאכן נאך מער דיזי און צומישט.

וויפל משפחות וואוינען שוין דארט?
וויפל קהילות איז דארט דא?
איז דא א מקוה.... לאוקעל?
וועלכער רעבע וואוינט דארט?
וועלכער רב וואוינט דארט?
וועלכער דיין וואוינט דארט?
ווער איז רב פון קהל חסידים?

געענטפערט געווארן ארום א חודש צוריק דורך א '@איד'

און אויב קען איינער אויסקלארן ווער איז רב ווער איז מרא דאתרא און וויאזוי ווערן די טיטלען איינגעטיילט

ס'איז דא צוויי קהילות
א) קהל חסידים ד'קאסא גראנדע אריזאנא, בראשות האדמו''ר מ'דינוב שליט''א
ב) קהל חסידים ד'קאסא גראנדע אריזאנא, בראשות הרב אברהם ראבינאוויץ שליט''א

האדמו''ר מ'דינוב שליט''א איז די מרא דאתרא אין קהילה א'
זיין זוהן הרב יהושע רובין שליט''א איז די מייסוד היישוב אין קהילה א'
הרב חיים שלמה בערגער שליט''א איז אבד''ק אין קהילה א'
זיין זוהן הרב יצחק אייזיק שליט''א איז דומ''ץ אין קהל א'

הרב אברהם ראבינאוויץ שליט''א איז אבד''ק אין קהילה ב'

וועלעכע מוסדות שטייט שוין דארט?
וויפל קלאסן?
וויפל קינדער?

עס איז דא צוויי מוסדות אין קאסא גראנדע:

מוסדות עץ חיים ד'קאסא גראנדע אריזאנע, בראשות הרה"ג ר' אברהם ראבינוביץ שליט"א , פארמאגט א תלמוד תורה און א מיידל שולע
מוסדות קאסא גראנדע בראשות הרב חיים שלמה בערגער, פארמאגט א תלמוד תורה (כנסת יהושע) און א מיידל שולע

גראסערי? עסן? געשעפטן ? קליידונג? וכו'.

צוויי גראסערי'ס.

אלגעמיינע געשעפטן איז דא ווי יעדע גרויסע שטאט אין אמעריקע: וואלמארט, פריי'ס, סעיפוועי און נאך
קליידער געשעפטן איז דא אין ריזיגע געשעפטן גלייך נעבן קאסא גראנדע

פליז !! קורץ און שארף!!

א ריזיגען יישר כח.

- - -

האקט

[באמצע]

ס'איז דא צוויי קהילות
א) קהל חסידים ד'קאסא גראנדע אריזאנא, בראשות האדמו''ר מ'דינוב שליט''א
ב) קהל חסידים ד'קאסא גראנדע אריזאנא, בראשות הרב אברהם ראבינאוויץ שליט''א

האדמו''ר מ'דינוב שליט''א איז די מרא דאתרא אין קהילה א'
זיין זוהן הרב יהושע רובין שליט''א איז די מייסוד היישוב אין קהילה א'
הרב חיים שלמה בערגער שליט''א איז אבד''ק אין קהילה א'
זיין זוהן הרב יצחק אייזיק שליט''א איז דומ''ץ אין קהל א'

הרב אברהם ראבינאוויץ שליט''א איז אבד''ק אין קהילה ב'

הרב יושע רובין איז נאר מייסד הישוב אין קהילה א'? איך בין 99.9% זיכער (אויב נישט הונדערט) אז ווען נישט עם וואלסטו נישט געוואוינט היינט אין קאסא גראנדע, איז פארוואס שרייבסטו אין קהילה א'?

[אלע צוזאמען]

ס'איז דא צוויי קהילות
א) קהל חסידים ד'קאסא גראנדע אריזאנא, בראשות האדמו''ר מ'דינוב שליט''א
ב) קהל חסידים ד'קאסא גראנדע אריזאנא, בראשות הרב אברהם ראבינאוויץ שליט''א

האדמו''ר מ'דינוב שליט''א איז די מרא דאתרא אין קהילה א'
זיין זוהן הרב יהושע רובין שליט''א איז די מייסוד היישוב אין קהילה א'
הרב חיים שלמה בערגער שליט''א איז אבד''ק אין קהילה א'
זיין זוהן הרב יצחק אייזיק שליט''א איז דומ''ץ אין קהל א'

הרב אברהם ראבינאוויץ שליט''א איז אבד''ק אין קהילה ב'

הרב יושע רובין איז נאר מייסד הישוב אין קהילה א'? איך בין 99.9% זיכער (אויב נישט הונדערט) אז ווען נישט עם וואלסטו נישט געוואוינט היינט אין קאסא גראנדע, איז פארוואס שרייבסטו אין קהילה א'?

איך וויל אייך שטארק ענטפערן, אבער איך קען דאס נאר טוהן ווען איר קומט מיט אייער געהעריגע ניק...

[Azoi Tzi Zugen]

ס'איז דא צוויי קהילות
א) קהל חסידים ד'קאסא גראנדע אריזאנא, בראשות האדמו''ר מ'דינוב שליט''א
ב) קהל חסידים ד'קאסא גראנדע אריזאנא, בראשות הרב אברהם ראבינאוויץ שליט''א

האדמו''ר מ'דינוב שליט''א איז די מרא דאתרא אין קהילה א'
זיין זוהן הרב יהושע רובין שליט''א איז די מייסוד היישוב אין קהילה א'
הרב חיים שלמה בערגער שליט''א איז אבד''ק אין קהילה א'
זיין זוהן הרב יצחק אייזיק שליט''א איז דומ''ץ אין קהל א'

הרב אברהם ראבינאוויץ שליט''א איז אבד''ק אין קהילה ב'

הרב יושע רובין איז נאר מייסד הישוב אין קהילה א'? איך בין 99.9% זיכער (אויב נישט הונדערט) אז ווען נישט עם וואלסטו נישט געוואוינט היינט אין קאסא גראנדע, איז פארוואס שרייבסטו אין קהילה א'?

ער האט נישט געזאגט אז ער איז נאר מייסד קהלה א'. ער שרייבט אז ער איז קהלה א', און ער איז דער מייסד פונעם יישוב.

[וכן נוהגין]

פורים אין קאסא גראנדע אויף א בליק וועבזייטל

פורים
https://ahblicklive.com/post.php?u_id=v ... tegories=1
שושן פורים משולש
https://ahblicklive.com/post.php?u_id=M ... tegories=1

[ווער זאגט?!]

א ריזיגען יישר כח פאר די קלארע אינפארמאציע וואס מ'האט קורץ און שארף געענטפערס אויף וואס איך האב געוואלט באקומען קלארקייט. איך האב נאך אפאר זאכן וואס איז מיר זייער וויכטיג צו וויסן. ווייל מאכן זיכער אז מיינע קינדער זענען מסודר איז די מאוסט קרושל פארט פאר מיר.

וויפל קלאסן זענען דא אין תלמוד תורה?
וויפל קלאסן זענען דא אין שולע?
וויפל קינדער אין א קלאס?
וויפל קינער איז דא אין יעדע מוסד?
איז דא א מנהל?
איז דא א פרינצעפל?
דיטיילס פליז....
איך האב נאך וויכטיגע פוינטס אריין צו גיין אבער לאמיר פאוקעסן איינס ביי איינס.

און אנטשולדיגט פארן בעטן נאך איין זאך. איך זעה אז ס'הערשט דא א צומישעניש. דעפאר, טאמער עס קען ענטפערן נאר איינער וואס וואוינט אין שטעטל און ווייסט און קען דעם מציאות פון דער נאנט. פליז!

יישר כח.

[באמצע]

ס'איז דא צוויי קהילות
א) קהל חסידים ד'קאסא גראנדע אריזאנא, בראשות האדמו''ר מ'דינוב שליט''א
ב) קהל חסידים ד'קאסא גראנדע אריזאנא, בראשות הרב אברהם ראבינאוויץ שליט''א

האדמו''ר מ'דינוב שליט''א איז די מרא דאתרא אין קהילה א'
זיין זוהן הרב יהושע רובין שליט''א איז די מייסוד היישוב אין קהילה א'
הרב חיים שלמה בערגער שליט''א איז אבד''ק אין קהילה א'
זיין זוהן הרב יצחק אייזיק שליט''א איז דומ''ץ אין קהל א'

הרב אברהם ראבינאוויץ שליט''א איז אבד''ק אין קהילה ב'

הרב יושע רובין איז נאר מייסד הישוב אין קהילה א'? איך בין 99.9% זיכער (אויב נישט הונדערט) אז ווען נישט עם וואלסטו נישט געוואוינט היינט אין קאסא גראנדע, איז פארוואס שרייבסטו אין קהילה א'?

איך וויל אייך שטארק ענטפערן, אבער איך קען דאס נאר טוהן ווען איר קומט מיט אייער געהעריגע ניק...

אנטשולדיגט, אבער איך האב נאר דעם ניק.

[וכן נוהגין]

א ריזיגען יישר כח פאר די קלארע אינפארמאציע וואס מ'האט קורץ און שארף געענטפערס אויף וואס איך האב געוואלט באקומען קלארקייט. איך האב נאך אפאר זאכן וואס איז מיר זייער וויכטיג צו וויסן. ווייל מאכן זיכער אז מיינע קינדער זענען מסודר איז די מאוסט קרושל פארט פאר מיר.

וויפל קלאסן זענען דא אין תלמוד תורה?
וויפל קלאסן זענען דא אין שולע?
וויפל קינדער אין א קלאס?
וויפל קינער איז דא אין יעדע מוסד?
איז דא א מנהל?
איז דא א פרינצעפל?
דיטיילס פליז....
איך האב נאך וויכטיגע פוינטס אריין צו גיין אבער לאמיר פאוקעסן איינס ביי איינס.

און אנטשולדיגט פארן בעטן נאך איין זאך. איך זעה אז ס'הערשט דא א צומישעניש. דעפאר, טאמער עס קען ענטפערן נאר איינער וואס וואוינט אין שטעטל און ווייסט און קען דעם מציאות פון דער נאנט. פליז!

יישר כח.

אפשר זאל די הנהלה איינפירן אז יעדע קהילה זאל ענטפערן פאר זיך. איך מיין אז דאס וועט זיין א דבר טוב פאר יעדעם איינעם. ביטע פון די הנהלה צו אדווייז'ן ווייל אויב נישט וועל איך יעצט אנהייבן ענטפערן פאר יענעם און יענער וועט זיין אפסעט און זאגן אז ער דארף נישט מען זאל אים העלפן. און די צייט וואס אונזער קהלה טראכט די זעלבע ווען @אלע צוזאמען רעדט פאר אונז. אפשר זאל דאס ווערן א תקנה?

[גראדער מעכל]

איינער קען אויסקלארען ווער סאיז די רב אין קאסא גראנדע?

הרב יהושע רובין דער ערפינדער און פיאנעיר און אינוועסטירער פון די ישוב, ער האט געעפענט קהל חסידים ד'קאסא גראנדע.

ער האט זיך אהינגעצויגן פסח תש"פ אינאיינעם מיט זיין טאטע האדמו"ר מדינוב שליט"א וועלעכע איז מרא דאתרא פון קאסא גראנדע.

זיי האבן געעפענט די ביהמ"ד און תלמוד תורה און בית חינוך לבנות, מקווה און גראסערי ביים קאמיוניטי צענטער https://maps.app.goo.gl/o2iidf8uqbr5Kz357 און די שבת מקווה און שבת שוהל ביי https://maps.app.goo.gl/KTNNgbUwcRZ88G1J9.

סיוון תשפ"ב האט די גאנצע עולם זיך צוזאמגענומען און כדת וכדין אויפגענומען טובי העיר. לויט די שטימען זענען אויפגענומען געווארן הרב יהושע רובין, הרב משה אברהם ברוין און הרב יצחק גרין שליט"א צו משמש זיין בכוח טובי העיר.

תשפ"ב האט האדמו"ר מדינוב און הרב יהושע רובין אהינגעברענגט הרב יחיאל שטיינמץ פון מאנסי צו פסק'ן שאלות, אבער נאך א שטיק צייט וואס זיין רביצין איז נישט געווען צופרידן צו זיין אזוי ווייט פון די קינדער, און אים געמאכט שווער דאס זיצן אין קאסא גראנדע האט עס מער נישט געקענט אזוי אנגיין און ער איז צוריקגעפארן וואוינען אין מאנסי, נאכן מילא זיצן אין ניו יורק מער פון זיין אין קאסא גראנדע. לאזענדיג א גרויסע חלל פאר די אינגעלייט וועלעכע דארפן תמידין כסדרן, איינער זאל זיי מורה זיין דרך ה' אשר ילכו בה.

אין יענע תקופה, האט א חשוב'ע אינגערמאן אין שטעטל הרה"ג רבי יצחק אייזיק בערגער שליט"א באקומען שימוש פון הרה"ג רבי יוסף ישראל אייזענבערגער דומ"ץ סקווירא און הרה"ג רבי אברהם הירש וואזנער אב"ד סאטמאר מאנסי און נאך, און דער הרב בערגער איז געווארן אויפגענומען דורך די תושבי הישוב אלץ דומ"ץ הקהילה.

דאן, היות די טיטול רב איז געווען ליידיג און מען האט געדארפט איינער וואס זאל טראגן די אחריות פון אלע רוחניות'דיגע אנגעלעגענהייטן אין שטאט ווי די מקווה, כשרות, עירוב, חינוך, וכו', דעמאלט האט הרב רובין מיט די גוטהייסונג פון גדולי דורינו אויפגענומען הרב רבי חיים שלמה בערגער שליט"א צו ממלא זיין די פאזיציע.

אגב דער רב הרב בערגער איז די טאטע פונעם דומ"ץ הרב בערגער

לכבוד הרב @וכן נוהגין אז די ברענגסט אזוי שיין אראפ די היסטאריע פון די רבנות, אדער אנדערע חשוב'ע ניקים וואס ווייסן,

ווען איז הרה"צ ר' מענדל גאלדבערגער אב"ד רימנוב געקומען קיין קאסא גראנדע? און פארוואס און ווען איז ער אוועק געפארן?

[גראדער מעכל]

לעצטערע נייעס פון קאסא גראנדע.
פון ביהמ"ד קהל חסידים אין די וויילדוואוד געגענט קומט די נייעס איבער א גניבה ווי איינער האט באגנב'ט די בימה און עמודים פון ביהמ"ד. עסקקני הקהילה האלטן אינמיטן איבערקוקן די קעמערע'ס צו כאפן דעם גנב און זיינע מאטיוו'ן. צו מאכן זיכער צו עס איז געווען א אנטיסעמיטישע אינצידענט.
IMG_4060.jpg

די פאליציי האבן שוין אויסגעפיגערט פון די קעמערע'ס אז די חפצים זענען געגעב'ט געווארן דורך א שכן פון די געגענט,

די גנב איז אריין אין שוהל דורך די הויז וועלעכע איז נעבן די שוהל (וואס איז געווען ליידיג) פון דארט איז דער גנב אריין אין ביהמ"ד פון ווי ער האט ארויסגעגנב'ט די בימה מיט די צוויי עמודים,

דער שכן האט פלאצירט די חפצים אין זיין אייגענע קאר גאראזש. פון ווי די פאליציי האבן עס שוין אפגענומען און צוריקגעגעבן צום ביהמ"ד, יעצט גייען די פאליציי פראבירן אויסצוגעפינען די סיבה פארוואס יענער האט דאס געטוהן.

דערווייל האט קהל חסידים געפיילט א קלעים קעגן דעם גנב און אים ריסטרעינט פון קומען אויף אלע שטחים פון די קהילה.

ווייסט מען שוין פארוואס יענער שכן האט גענומען די בימה מיט די 2 עמודים?

[אלע צוזאמען]

שושן פורים המשולש תשפ"ה - קאסא גראנדע אריזאנע.

עטליכע בילדער פונעם הערליכן סעודת שושן פורים המשולש אין בית המדרש קהל חסידים ד'קאסא גראנדע אריזאנע (1775 נארט מקדאנעלד סטריט).

DSC_9173.jpg (175.78 KiB) געזען געווארן 416 מאל

DSC_9180.jpg (180 KiB) געזען געווארן 416 מאל

[אלע צוזאמען]

שושן פורים המשולש - קאסא גראנדע אריזאנע.

נאך בילדער פונעם סעודת שושן פורים.

DSC_9187.jpg (164.79 KiB) געזען געווארן 440 מאל

DSC_9196.jpg (182.16 KiB) געזען געווארן 440 מאל

[ווער זאגט?!]

א ריזיגען יישר כח פאר די קלארע אינפארמאציע וואס מ'האט קורץ און שארף געענטפערס אויף וואס איך האב געוואלט באקומען קלארקייט. איך האב נאך אפאר זאכן וואס איז מיר זייער וויכטיג צו וויסן. ווייל מאכן זיכער אז מיינע קינדער זענען מסודר איז די מאוסט קרושל פארט פאר מיר.

וויפל קלאסן זענען דא אין תלמוד תורה?
וויפל קלאסן זענען דא אין שולע?
וויפל קינדער אין א קלאס?
וויפל קינער איז דא אין יעדע מוסד?
איז דא א מנהל?
איז דא א פרינצעפל?
דיטיילס פליז....
איך האב נאך וויכטיגע פוינטס אריין צו גיין אבער לאמיר פאוקעסן איינס ביי איינס.

און אנטשולדיגט פארן בעטן נאך איין זאך. איך זעה אז ס'הערשט דא א צומישעניש. דעפאר, טאמער עס קען ענטפערן נאר איינער וואס וואוינט אין שטעטל און ווייסט און קען דעם מציאות פון דער נאנט. פליז!

יישר כח.

אפשר זאל די הנהלה איינפירן אז יעדע קהילה זאל ענטפערן פאר זיך. איך מיין אז דאס וועט זיין א דבר טוב פאר יעדעם איינעם. ביטע פון די הנהלה צו אדווייז'ן ווייל אויב נישט וועל איך יעצט אנהייבן ענטפערן פאר יענעם און יענער וועט זיין אפסעט און זאגן אז ער דארף נישט מען זאל אים העלפן. און די צייט וואס אונזער קהלה טראכט די זעלבע ווען @אלע צוזאמען רעדט פאר אונז. אפשר זאל דאס ווערן א תקנה?

א גוטע וואך אידן תושבי קאסא גראנדע און אויך דעי וואס זענען נישט קיין תושבים נאר האלטן מיט.... איך ווייס נישט ווי אזוי זיך ארויס צושרייבן קלאר אבער איך גיי טרייען.
אזוי ווי איך מיט מיין בני בית האבן לעצטנס גענומען די מחשבות פון מופען גאנץ ערנסט. מוז איך זאגן פאר די אלע וואס שרייבן דא און בפרט פאר די וואס וואוינען דארט. עס איז נישט קיין דז'אוקס... מ'שפילט זיך מיט לייף דעסידשענס פון מענטשן... וואס עס גייט פאר דא אין דעם אשכול האט מיין ווייב זייער דערשראקען און געגעבן קאלטע פיס און א נעגעטיווע בליק. איך האב זעכער געמאכט א מעסטייק מיט איר ווייזן. איך האב געהאפט אז זי וועט מיך העלפן מאכן סדר אין קאפ ווייל עס איז זייער קאנפיוזינג.
איך ווייס נישט וואס וועט עווענטשעלי ארויס קומען פון מיינע פלענער אבער פאר אנדערע צוקופדיגע מענטשן זאלט איר נעמען אין באטראכט מיין עקספעריענס. איך בין זייער ערנסט ס'טוהט מיך וויי מיין פערסאנעל עקספערינעס אבער לפחות טרייט צו אוואוידען פון אנדערע. איך האב נישט קיין סאלאשען אבער עפעס דארף ווערן געטוהן... 2 אשכולות אדער עפעס אן אנדער איידיע.. ס'איז ממש א שאד.

אנטשולדיגט און א גוטע וואך.

נ.ב. 3 נקודות
1. צו וויינג משפחות / קינדער מיט דאבעל מוסדות ?! עפעס מאכט נישט קיין סענס דא.
2. פון די קהילה פון רובין האט מען מיך געטרייעד צו קאנטאקטען אין פרטי. ס'האט שטארק אויס געמאכט.
3. די פאקט אז די קהילה פון רבינאוויטש האט נישט קיין רב און דיין וואס וואוינט אין שטאט איז פאר אונז געווען א שטארקע דאון סייד.

[וכן נוהגין]

איינער קען אויסקלארען ווער סאיז די רב אין קאסא גראנדע?

הרב יהושע רובין דער ערפינדער און פיאנעיר און אינוועסטירער פון די ישוב, ער האט געעפענט קהל חסידים ד'קאסא גראנדע.

ער האט זיך אהינגעצויגן פסח תש"פ אינאיינעם מיט זיין טאטע האדמו"ר מדינוב שליט"א וועלעכע איז מרא דאתרא פון קאסא גראנדע.

זיי האבן געעפענט די ביהמ"ד און תלמוד תורה און בית חינוך לבנות, מקווה און גראסערי ביים קאמיוניטי צענטער https://maps.app.goo.gl/o2iidf8uqbr5Kz357 און די שבת מקווה און שבת שוהל ביי https://maps.app.goo.gl/KTNNgbUwcRZ88G1J9.

סיוון תשפ"ב האט די גאנצע עולם זיך צוזאמגענומען און כדת וכדין אויפגענומען טובי העיר. לויט די שטימען זענען אויפגענומען געווארן הרב יהושע רובין, הרב משה אברהם ברוין און הרב יצחק גרין שליט"א צו משמש זיין בכוח טובי העיר.

תשפ"ב האט האדמו"ר מדינוב און הרב יהושע רובין אהינגעברענגט הרב יחיאל שטיינמץ פון מאנסי צו פסק'ן שאלות, אבער נאך א שטיק צייט וואס זיין רביצין איז נישט געווען צופרידן צו זיין אזוי ווייט פון די קינדער, און אים געמאכט שווער דאס זיצן אין קאסא גראנדע האט עס מער נישט געקענט אזוי אנגיין און ער איז צוריקגעפארן וואוינען אין מאנסי, נאכן מילא זיצן אין ניו יורק מער פון זיין אין קאסא גראנדע. לאזענדיג א גרויסע חלל פאר די אינגעלייט וועלעכע דארפן תמידין כסדרן, איינער זאל זיי מורה זיין דרך ה' אשר ילכו בה.

אין יענע תקופה, האט א חשוב'ע אינגערמאן אין שטעטל הרה"ג רבי יצחק אייזיק בערגער שליט"א באקומען שימוש פון הרה"ג רבי יוסף ישראל אייזענבערגער דומ"ץ סקווירא און הרה"ג רבי אברהם הירש וואזנער אב"ד סאטמאר מאנסי און נאך, און דער הרב בערגער איז געווארן אויפגענומען דורך די תושבי הישוב אלץ דומ"ץ הקהילה.

דאן, היות די טיטול רב איז געווען ליידיג און מען האט געדארפט איינער וואס זאל טראגן די אחריות פון אלע רוחניות'דיגע אנגעלעגענהייטן אין שטאט ווי די מקווה, כשרות, עירוב, חינוך, וכו', דעמאלט האט הרב רובין מיט די גוטהייסונג פון גדולי דורינו אויפגענומען הרב רבי חיים שלמה בערגער שליט"א צו ממלא זיין די פאזיציע.

אגב דער רב הרב בערגער איז די טאטע פונעם דומ"ץ הרב בערגער

לכבוד הרב @וכן נוהגין אז די ברענגסט אזוי שיין אראפ די היסטאריע פון די רבנות, אדער אנדערע חשוב'ע ניקים וואס ווייסן,

ווען איז הרה"צ ר' מענדל גאלדבערגער אב"ד רימנוב געקומען קיין קאסא גראנדע? און פארוואס און ווען איז ער אוועק געפארן?

בנוגע די היסטאריע פונעם יישוב, וואלט געווען אינטערסאנט צו איבערגעבן פרטי ההתייסדות, אדרבה ואדרבה.

זומער תשע''ט האט הרב יהושע רובין ארויסגעלייגט אן עד אז ווער עס וויל מיטקומען אנהייבן א יישוב אין אריזאנע זאל אים רופן.

עטליכע האבן גערופן, דריי זענען געווען ערנסט דערביי און ר' יהושע האט זיך געטראפן מיט זיי, אינאיינעם. די דריי זענען געווען הרב מענדיל גאלדבערגער וואס האט עס געוואלט פארן געזונט, רבי חיים מאיר פרייליך, און נאך א דריטער איד. זיי האבן געקלערט דעמאלס פון פיניקס אריזאנע, הרב ג''ב און רובין זענען טאקע געפארן קיין אריזאנע דינגען וואקאציע הייזער ווי ווייטער באשריבן.

שפעטער האט ר' יהושע אנגעהויבן קוקן אויף אנדערע געגנטער אין די סביבה, ער איז קודם געגאנגען קיין טשענדלער, און דאן אביסל ווייטער קיין קאסא גראנדא.

לאמיך גיין קלארער. די היינטיגע וואך פינף יאר צוריק סוף אדר תש"פ, ווען קאוויד 19 האט אויסגעבראכן, האט הרב רובין צאמגעפאקט זיין משפחה און זיך ארויסגעלאזט מיט א ווען קיין אריזאנע שפירנדיג אז יעצט ווען מוסדות זענען פארשלאסן איז די מערסטע פאסיגע צייט זיך אריבערציען צו א נייע מקום ישוב.

צוערשט איז ער מיט די משפחה אנגעקומען אויף פסח קיין סקאטסדעיל וואו ס'איז שוין פארהאן א אידישע קהילה. אויף פסח זענען איינגעשטענען ביי אים זיין טאטע דער דינוב'ער רבי שליט''א, מיט עטליכע חתונה געהאטע געשוויסטער.

בעפאר ל"ג בעומר ווען די געדינגענע דירה איז שוין נישט געווען עוועילעבעל האט ער זיך געצויגן צו א דירה נענטער צו קאסא גראנדע אין די שטאט טשענדלער, אריזאנע. עטליכע טעג בעפאר ל"ג בעומר האט רבי יהושע גערופן די דריי אויבענדערמאנטע אפליקעישן'ס פארציילענדיג זיין פארשריט אז ער איז שוין ב"ה אין אריזאנע און גרייט אן די באדן אין א פרישע געגנט, קאסא גראנדע! און ער האפט נאך שבועות (תש"פ) זיך אריבערצוציען.

הרב מענדיל גאלדבערגער האט זיך גלייך צוגעכאפט און זיך אינטרעסירט ביי ר' יהושע'ן איבער וויאזוי מען קען קומען צו אריזאנע נישט מיט א פליגער, און וואו מען קען איינשטיין ביז מען טשעקט טאקע אויס די פלאץ און מען טרעפט א הויז. ר' יהושע האט אים געהאלפן, נישט בלויז געהאלפן פראקטיש נאר זעהנדיג אז רבי מענדיל האט נישט דאס געלט וואס אזא שפיל קאסט, האט ער אים באצאלט סיי די טרעין צו קומען און סיי א דירה ביי ברונער'ס ישוב אין טוסאן וואו איינצושטיין.

רבי חיים מאיר פרייליך וועלעכע איז אויך געווען איינע פון די דריי האט געענטפערט אז אינדערצווישן האט ער שוין געקויפט א דירה אין מאנטיסעלא. ווידער דער דריטער האט געוואלט צו ווארטן און זעהן וואס ס'ווערט מיט רובין'ס חלומות...

אין אריזאנע איז דעמאלטס אויך געווען רבי הערשי גאטדינער און רבי מענדיל קלאגסברוין און נאך. זיענדיג אינעם סטעיט האבן זיי אלע אויך באקומען א רוף פון ר' יהושע צו קומען באזוכן קאסא גראנדע.

די ערשטע תושב צו פאקטיש וואוינען אין קאסא גראנדע, איז געווען דער מרא דאתרא האדמו"ר מדינוב שליט"א וועלעכע האט זיך אריבערגעצויגן צו א געדינגענע דירה גלייך נאך שבועות תש"פ.

ט"ו סיון תש"פ איז הרב יחיאל שטיינמעץ שליט"א פון מאנסי, דעמאלס געווען דומ"ץ ניקלשבורג, געקומען באזוכן דעם מרא דאתרא שליט"א בדירתו החדשה אין קאסא גראנדע

Screenshot_20250323-025327~2.png (545.36 KiB) געזען געווארן 431 מאל

https://ahblicklive.com/post.php?u_id=B ... lnlp9e2aWK


די ערשטע "קלאוזינג" אויף א דירה אין קאסא גראנדא איז געווען ר' יהושע רובין, כ"ה סיון תש"פ.

(עטעטשט די קאנטראקט

RAAZ Residential Purchase Contract (022020)(1).pdf

(551.59 KiB) דאונלאודעד 40 מאל

.

ווי מען זעט דא האט ער געקלאוזט אויף איינעם'ס נאמען, און עס דערנאך אריבערגעפירט צו די אייגענע נאמען, אידישע ביזנעס...

ר' יהושע האט זיך "בו ביום" אריבערגעצויגן פון טשענדלער צו די נייע געגנט וואס ער האט ערפינדן, קאסא גראנדא, וואו ער האט געהאפט צו קענען פיינעלי מאכן א אידישע יישוב מיט ביליגע דירות און אלע אנדערע מעלות וואס ער האט געזען אינעם פלאץ.

זיין הויז איז טאקע פון יענעם טאג אן געווען די גאסט-הויז פאר צענדליגער באזוכער דורכאויס די לעצטע פאר יאר.

ביי זיין חנוכת הבית איז געקומען זיך באטייליגן צווישן אנדערע, הרב מענדיל גאלדבערגער, וואס האט דעמאלס זיך אויפגעהאלטן אין טוסאן.

Screenshot_20250323-024156~3.png (2.37 MiB) געזען געווארן 426 מאל

ס'איז געווען כ"ה סיון, רבי משה אברהם ברוין - וואס האט אסאך ארויסגעהאלפן פאר'ן פלאן פונעם יישוב - האט דעמאלס ארומגעפירט ר' מענדיל מיט זיין קאר צו קוקן הייזער פאר זיך צו קויפן, און רבי מענדיל איז טאקע באותו יום אריין אין קאנטראקט און האט געקלאוזט אויף א דירה אין קאסא גראנדע. דאס איז געווען י' תמוז תש"פ. נישט ווייל רבי מענדיל איז אזוי פארמעגליך נאר ס'איז געווען מיט הלואות וואס ר' יהושע רובין האט אים געשאפט. רבי יהושע האט אים אויך אויסגערישט בחנם די גאנצע הויז, פון אפלייענסעס ביז בעטן (בעט געוואנט האט געשיקט במתנה הרב שבתי ברונער הי"ו).

קורץ דערויף איז געווען א שמחה אין משפחת רובין, ר' מענדיל רובין (ברודער פונעם מייסד ר' יהושע) האט געהאט א מיידעל בעיבי, און צום קידוש, ד' אב, האט רבי יהושע מיט זיין טאטע דער מרא דאתרא געטראכט וואו צו מאכן די קידוש און קריאת השם, קיין שבת'דיגע ביהמ''ד איז דאך נאכנישט דא.

היות דינוב'ע רבי האט נאכנישט געהאט א אייגענע דירה נאר א געדינגענע, האט מען מציע געווען פאר הרב מענדיל ג''ב אז אפשר זאל מען מאכן די ערשטע שבת ביהמ"ד ביי אים אין גאראדזש, און אזוי ארום מאכן יעצט דארט די קידוש, ברענגען מנין און א ספר תורה וכו'. רבי מענדיל האט זיך געפריידט דערצו און רבי יהושע האט שנעל אויסגערישט די גאראדזש אלץ ביהמ''ד.

אלול תש''פ האט דינוב'ע רבי געמאכט א נסיעה קיין נו יארק מיט'ן פלאן צו צאמפאקן אלע זיינע פעקלעך אפיציעל און פארלאזן ניו יארק. אבער זייענדיג אין ניו יארק האט ער באקומען קאוויד זייער שווער, און געבליבן אין שפיטאל פאר עטליכע וואכן. ערשטע טאג סליחות איז רבי יהושע רובין געפארן קיין ניו יארק צו צאמפאקן זיינע פעקלעך און עס ארויסשיקן קיין אריזאנע, ווען אינדערצווישן וועט ער וויילן ביי זיין טאטן אין שפיטאל פאר ראש השנה תשפ''א.

צום גדלי' בייטאג האט די מאווינג טראק צאמגעפאקט רבי יהושע רובין'ס הויז און נאך יענע נאכט איז משפחת רובין געווען צוריק אין קאסא גראנדע, מיט אלע פעק און זעק.

גלייך נאך שמחת תורה, יענע ערשטע יאר תשפ"א, האט רבי מענדיל גאלדבערגער פארלאזט די פלאץ צוריק קיין ניו יארק, און מודיע געווען אז זיין רביצין ווייל נישט זיין אויף אזא שטילע פלאץ.

אפגערעדט אז די רבנות דארט האט רבי מענדיל קיינמאל נישט געפלאנט, כאטש ער האט א זון וואס וויל עס כהיום, (רבי מענדיל איז אפילו מיטגעקומען מיט ר' יהושע רובין סוף זומער תש"פ בעטן רבי יחיאל שטיינמעץ צו אננעמען די רבנות).

שפעטער ווען רבי יחיאל איז שוין טאקע געקומען האבן די קינדער פון רבי מענדל שוין טאקע געוואלט אנדערש, אבער דאס איז שוין נישט נוגע פאר דא.

קומענדיגע מאל הרב מענדיל איז געווען אין אריזאנע איז געווען ווינטער תשפ"ב ווען ער איז נאכאמאל דארט געווען פאר ארום צוויי חדשים פונעם ווינטער, און איז דערנאך צוריקגעפארן סוף ווינטער (צוליב די מיינונג פון די זון איבער די אויפנאמע פון הרב שטיינמעץ ואכמ''ל).

רבי מענדל איז א חשוב'ער איד און ער פארדינט זיין פריוואטקייט, נאר אז מען האט געפרעגט האב איך געשריבן דעם סיפור ההתייסדות.


==
נ.ב. די פרטי הדברים פרט ופרט האב איך מברר געווען רעדענדיג סיי מיט די ערשטע תושבים וואס זיי האבן עס אליינס מיטגעלעבט ה"ה הרב רובין ומשפחתו און ר' משה אברהם ברוין, און סיי האב איך אלעס עקסטער קאנפירמד מיט הרב אריאל שושן אבד"ק אהבת תורה סקאטסדעיל, הרב גבריאל גץ ראש ישיבה דפיניקס, רבי מרדכי ווייס א מארגעזש בראוקער וועלעכע האט דארט געמאכט די ערשטע שבת התוודעות שבת שמות תש"פ און האט באגלייט ר' יהושע'ן פון זומער תש"פ, רבי ישראל טעסער מלמד אין פיניקס, און נאך לאקאלע פיניקס אידן.

איך האב אויך גערעדט מיט עטליכע פון די ערשטע תושבים ווי הרב חיים וויגדער, ר' ברוך אברהם ברויער, דער היינטיגער דיין הרב יצחק אייזיק בערגער, ר' משה מייזעלס, הרב שבתי ברונער, רבי מענדיל קלאגסברוין און זיינע קינדער, הרב בנציון טויבער, און אויך רבי יחזקאל וויינגארטן און רבי אהרן בנציון בייגעל פון בארא פארק וואס זענען נאנטע שותפים אויף דעם פראיעקט מיט ר' יהושע'ן, און נאך.

[Coventry]

דעלעגאציע פון קאסא-גראנדע באזוכט ביי סאטמארער רבי שליט"א

ווי באקאנט טוט זיך כ"ק אדמו"ר מסאטמאר שליט"א אויפהאלטן אין די וואכן פון טבת-שבט, אין פאלם-ספרינגס קאליפארניע, וואו דער רבי שליט"א איז עוסק אין דער עבודת הקודש און קומט נאך זיינע שיעורים מיט זיין געהויבענער חברותא, אלע 'חובות' וואס מ'איז שולדיג פון במשך דעם יאר, ווען די הנהגת הקהילה והמוסדות ליגן אויפ'ן רבינ'ס פלייצעס און ס'איז כמעט נישטא קיין איבעריגע מינוט.

אין פאלם-ספרינגס שעפט דער רבי אן פרישע כוחות און פארברענגט פאר לאנגע שעות אונטער די הערליכע טייטלען ביימער, וואו מ'איז עוסק בתורה אינאיינעם מיט דער חברותא. נאכ'ן דאוונען גייט דער רבי אויף א שפאציר, צו וועלכע עס כאפן זיך מיט די חסידים ואנשי מעשה וועלכע וויילן פונקט אין שטאט. אין יענע געהויבענע מינוטן, כשהמלך בשדה, האבן די מקורבים א טשאנס צו נהנה זיין און זיך אנהערן מיט דברי תורה וחסידות, סיפורי צדיקים והנהגות קדושות פון רבותינו הקדושים, וואס דער רבי שמועסט אויס מיט די באגלייטערס.

במשך פון די וואכן זעט מען כסדר נייע פנימ'ער, וועלכע קומען אהין אויף אפרו צי פאר אנדערע צוועקן. אויך קומען צו פארן אידן פון די ארומיגע געגנטער, לחזות פני זיו און נהנה זיין בצילא דמהימנותא. פאריגע וואך האט זיך אנגעזען גאר א חשוב'ע מושלחת, וועלכע זענען געקומען צו פארן פונעם ווייטן קאסא-גראנדא, אריזאנע. דער משלחת איז באשטאנען פונעם מרא דאתרא דער דינובער רבי שליט"א; דער רב פון דער קהילה וואס ווערט גערופן "קהל חסידים", הגאון רבי חיים שלמה בערגער שליט"א; הרב יושע רובין שליט"א, דער מייסד און 'נחשון' פון דעם הערליכן אידישן ישוב; און עטליכע סאטמארער חסידים תושבי קאסא-גראנדע וועלכע זענען געקומען שלום געבן פאר מורם ורבם.

באלד ביים אנקומען צו שחרית האט זיך די משלחת באגעגנט מיט'ן רבי'ן שליט"א, און דער רבי האט זיי ענטפאנגען מיט א ווארעמע שלום-עליכם אינטערסירנדיג זיך פון וואו די משלחת איז יעצט געקומען און וואס זיי ווילן. דער רבי האט ארויסגעוויזן א שטארקע שמחה כלפי די חשוב'ע געסט, און ספעציעל האט זיך דערקענט די איבעראשונג ביים רבי'ן ווען ער האט געהערט אז אויך דער רב שליט"א הגאון רבי חיים שלמה בערגער שליט"א וועלכער איז שוין לאנגע יארן שטארק מקורב אין סאטמארער הויף האט זיך אריבערגעצויגן צו דעם נייע ישוב אין קאסא-גראנדע. די משלחת האט געזאגט פאר'ן רבי'ן אז זיי האבן מקיים געווען דעם 'וישכם', שוין פיר אזייגער פארטאגס, צו קענען מאכן דעם פיר-שעה'יגן וועג מיט א קאר, כדי צו קענען מיטדאוונען מיט'ן רבי'ן און אביסל מיטטיילן איבער דעם פראיעקט, זען אפשר קען מען עפעס צושטעלן פאר די סאטמארער קהילה לרצון פון רבי'ן און בעטן אז דער רבי זאל מחזק זיין די קהילה. דער רבי האט באלד ארויסגעוויזן גרייטקייט און געפרעגט מיט וואס מ'שפירט אז ער קען מחזק זיין דעם מקום. "אדרבה," האט דער רב שליט"א געזאגט, "דאס זענען מיר געקומען הערן. און מיר זענען גרייט ללמוד וללמד לשמור ולעשות..." דער רבי האט זיך צושמייכלט און געזאגט אז מ'וועט דאס איבערקלערן און ממשיך זיין נאכ'ן דאוונען.

נאך שחרית האט דער רבי שליט"א זיך נאכמער אינטערסירט איבער דעם אידישן ישוב, וועלנדיג הערן וואס מער איבער די אנטוויקלונגען און איבער איר בלי און וואוקס. דער ראש-הקהל הרבני הנגיד ר' דוד עקשטיין שליט"א, זייענדיג אליין פון די וואס האבן אויפגעבויעט איינע פון די גרעסטע און שענסטע קהילות בישראל, האט זיך צוגעשטעלט צום שמועס הערן מיט וואס מ'קען מחזק זיין דעם נייעם ישוב.

מיט התפעלות האט רבי דוד דערציילט פאר'ן רבי'ן איבער זיין באזוך אין קאסא-גראנדע מיט צוויי יאר צוריק און איבער אלעס וואס איז דארט צוגעשטעלט, ווי די בתי מדרשים, מקוואות, און גראסערי און אזוי ווייטער אויפ'ן בעסטן אופן, ווי ס'וואלט זיך גערעדט פון א גרויסע היימישע שטאט.

דער רבי שליט"א האט געוואלט הערן אביסל מער איבער איר גרינדונג, און דער עסקן הרב אהרן יוסף פריעדמאן שי' פון די מקורבים ביים רבי'ן האט באלד פארגעשטעלט דעם מייסד ר' יושע, זאגנדיג: "ביי קאראנא האט זיך אנגעהויבן דער ישוב אין קאסא-גראנדע, אריזאנע. ר' יושע רובין האט געזוכט א פלאץ פאר כלל ישראל, און ביי קאראנא איז געווען גרינג צו גיין אן קיין מוסדות, ווייל די קינדער זענען במילא געווען אינדערהיים."

"קאסא-גראנדע דארף דאך זיין גוט פאר מענטשן מיט הויט קאנדישענס," האט דער רבי געזאגט, און אנגעמערקט אז כסדר שיקט מען אהין אידן וועלכע פרעגן דערוועגן. "אסאך קומען און ווערן ממש אויסגעהיילט אויך פאר אסטמא, עלערגזשיס און אטרייטעס," האט דער רב צוגעלייגט און דער דינובער רבי שליט"א האט דערציילט וויאזוי ער פלעגט טאקע ליידן פון אטרייטעס און זייט ער וואוינט אין קאסא-גראנדע איז עס ממש פארשוואונדן בס"ד."

הגאון רבי חיים שלמה שליט"א האט דערציילט פאר'ן רבי'ן איבער דעם פאזיטיוון מצב ביי די לאקאלע באהערדע, אנדערש ווי אין ניו-יארק וואו מ'מוטשעט זיך מיט פערמיטן און ביוקראטיע ביי יעדע זאך וואס מ'וויל בויען און ס'קען דויערן יארן, טוען די אינסטאנצן אין אריזאנע קעגנקומען די עסקנים צו העלפן דעם בלי און וואוקס און צו צושטעלן אונזערע באדערפענישן. "א ביישפיל איז דער פראכטפולער מקוה וואס מיר האבן געבויעט," האט ער אנגעוויזן, "וואו דער אינספעקטאר איז געווען בייהילפיג מיט עצות, וויאזוי צו ווערן וואס שנעלער עפראווד."

דער רבי האט געוואלט הערן איבער דעם מצב הפרנסה, אויף וועלכע דער רב האט געענטפערט אז פיניקס איז איינס פון די פינף-גרעסטע ביזנעס-פלעצער אין אמעריקע. "די פאטענציעל וואס מ'קען דארט האבן אין ביזנעס איז גאר גרויס," האט ר' יושע צוגעלייגט שילדערנדיג וויאזוי יונגעלייטלעך קוים נאך דער חתונה האבן זיך אריינגעווארפן אין א געוויסע קאמפאני אדער ביזנעס, וואס איז געווארן ברייט פארצווייגט און היינט-צוטאג זענען זיי ב"ה פיינע פארדינער און זייער גוט פינאנציעל אוועקגעשטעלט, טאקע דארט אין קאסא-גראנדע.

און דער ציבור, אין שפיץ פונעם רבי'ן, האבן זיך ארויסגעלאזט אויפ'ן שפאציר.

"א נייע געגנט איז שווער," האט דער רבי געזאגט. "איך זע דאך, גיבטס א קוק אין וויליאמסבורג, ס'זענען נישט דא קיינע דירות, ווען ס'איז יא דא קאסט עס מיליאנען, און מענטשן ווילן נאכאלס נישט אוועקגיין, און די אלטע היים איז מען געגאנגען וואוינען אין אלע שטעטלעך צושפרייט, היינטיגע צייטן רעדט מען זיך איין אז מ'מוז וואוינען אלע צוזאמען."
ווען ר' דוד האט אנגעמערקט אז "מ'וועט זיך ממילא מוזן אויסשפרייטן אין די קומענדיגע יארן," האט דער רבי צוגעשטימט: "אין קרית-יואל אליינס וועט מען אין די קומענדיגע צוואנציג יאר דארפן שווערע טויזענטער דירות," און ר' דוד איז אריינגעקומען מיט די פונקטליכע נומערן: "אין די קומענדיגע פערציג יאר וועט מען דארפן 160,000 דירות."

דער סאטמארער רבי שליט"א האט באטאנט, אז אין קרית-יואל זענען יעצט דא אריבער צען טויזנט תלמידות, וועלכע וועלן דארפן אנקומען צו צען טויזנט דירות. "אין קרית-יואל וואוינען שוין היינט אכט טויזנט משפחות," האט דער רבי געזאגט. נאכאביסל וועט מען מוזן אנהויבן זוכן אין אנדערע פלעצער. אויפ'ן רבינ'ס פראגע וויאזוי די הייזער זענען געבויעט אין קאסא-גראנדע, האט דער דינובער רבי שליט"א ערקלערט אז אלע הייזער טראגן אן ענליכע אויסשטעל, און אלע זענען זייער ברחבות.

"דער עולם מערט זיך בליעה"ר," האט דער דינובער רבי געזאגט פאר'ן רבי'ן, "מ'וועט זיך סייווי דארפן ארויסציען. ס'איז א שאד אז מ'זאל ווארטן אויף ווען מ'מוז גיין, און דעמאלטס קריגט מען שוין נישט די פארשלאגן וואס מ'קריגט יעצט און פאר די פרייז. אידישקייט בליעט און צעוואקסט זיך, און פרישע ישובים דארפן זיך בויען. אזא פלאץ ווי קאסא-גראנדע איז שווער צו טרעפן. א שיינע, רואיגע פלאץ, מיט שמירת עינים, האט צוגעשטעלט אלע צוגעהערן וואס א חסיד'ישער איד דארף, און לכאורה די פאסיגסטע פלאץ פאר א איד וואס וויל זיך היינט אוועקשטעלן אין א נייעם מקום."

דער רבי האט זיך איינגעהערט צו די דברים של טעם, און איינגעשטימט אז מ'דארף דאס ארויסברענגען פאר'ן ציבור. "אז עס בויעט זיך שיין אויף, וואלטן אונז אויך אהינגעשיקט פון אונזערע יונגעלייט," האט דער רבי געזאגט. פון צווישן די אנוועזנדע האט זיך ארויסגעשארט א בא'טעמ'טער יונגערמאן, ר' שמואל זאנוויל וויינגארטן שי'. "ער איז שוין איינע פון דעם רבינ'ס יונגעלייט," האט דער מייסד ר' יושע אנגעוויזן. ר' שמואל זאנוויל איז צוגעקומען און געזאגט פאר'ן רבי'ן: "איך האב גענומען דעם רבינ'ס ברכה איידער איך האב זיך געצויגן אהין, און ב"ה איך האב נישט קיין חרטה."

דער רבי האט באלד געוואלט הערן צי ער איז מצליח אין פרנסה, און וויאזוי די מוסדות זענען פאר זיינע קינדער. עס האט זיך דערקענט אויפ'ן רבינ'ס צורה א געוואלדיגע קורת רוח צו הערן איבער דעם פארשריט וואס דער נייער מקום מאכט. דער רבי האט זיך נאכגעפרעגט אויף דעם גראסערי, די מקוה און אלע אנדערע וויכטיגע נויטבאדערפענישן. דער שמועס האט זיך פארצויגן איבער אנדערע מקומות וואו ס'בויען זיך ישובים, א שטייגער ווי סקווירא וועלכע בויען יעצט אין סוואן-לעיק, אדער וויזשניץ וועלכע פארברייטערן זיך אין גיבערס, מ'האט גערעדט פון טשעסטער, און לינדען.

"אין לינדען קאסט נאכאלץ א דירה כאטש זעקס הונדערט טויזנט," האט הרב בערגער, דער רב פון קאסא-גראנדע געזאגט, "ביי אונז אין אריזאנע קען מען האבן פאר 250,000$ ביז 400,000$, וואס קומט אויס צו בערך הונדערט דאלער א סקווער-פוס." דער רבי איז נתפעל געווארן פון דעם ביליגן פרייז וואס מ'צאלט דארט, און דער רבי האט גערעדט איבער דעם טעות וואס מענטשן האבן אז מ'דארף וואוינען דווקא מיט אלעמען. "פלעטבוש ליידיגט זיך אויס און ס'גייט אריבער קיין לעיקוואוד, מאנסי ווידער שפרייט זיך זייער אויס, מ'וואוינט שוין אין אלע זייטן, די פראדזשעקטס איז געפערליך אויך אין וויליאמסבורג." ס'איז ממש א שאד, אז אידן בארגן זיך אן מיט שווערע חובות, צו קענען וואוינען צעקוועטשט אין א לעכל; ווען מ'קען אין דער זעלבער צייט וואוינען ברחבות, מיט הרחבת הדעת, פאר א פארמעגליכע פרייז.

ס'איז נישט קיין סוד אז ביים רבי'ן פארנעמט א גרויסע ארט דער נושא פון דירות, און טאקע דעם יאר האט דער רבי שליט"א געזאגט אין א שמועס פאר די חסידים אז ב"ה ס'איז געלונגען צו בויען דירות פאר גאר ביליגע פרייזן, אז דער ציבור זאל זיך עס קענען ערמעגליכן. ווען דער רבי הערט איבער א חסיד'ישע מקום, אן אפגעהיטענער ארט בקדושה וטהרה, וואס איז גוט ברוחניות און אויך בגשמיות, אז מ'קען דארט לעבן אויף א באקוועמען פארנעם און דאס געלט ווערט נישט ארויסגעריסן פון טאש, איז עס ביים רבי'ן זייער חשוב. אז ס'איז שוין דא א שטעטל, וויל דער רבי הערן איבער די קהילה און מוסדות און כשרות.

"מיר קלערן פון מאכן א קליינע בית השחיטה ביי אונז אין שטעטל," האט הגאון רבי חיים שלמה בערגער שליט"א געזאגט, "מיר ווילן הערן וואס דער רבי זאגט דערצו. מ'וויל אנהייבן לאקאל, פאר אונזער קהלה און פאר דער קהלה אין פיניקס." דער רב האט דערציילט פאר'ן רבי'ן אז די אידן אין פיניקס קויפן היינט אויך פלייש ביי זיי אין בוטשער, קען מען דאך שוין האבן אן אייגענעם בית-השחיטה."

דער רבי: "פיניקס איז א שיינע פלאץ, ס'איז דא דארט א תלמוד-תורה, אויף דעם אמעריקאנעם שטייגער, א שיינע אידישע ישוב. אין סקאטסדעיל איז אויך דא א אידישע ישוב."
אב"ד קאסא-גראנדע: דארט זענען דא פופציג משפחות און אין פיניקס זענען דא 300 משפחות, ריכטיגע שומרי תורה ומצות. דאן זענען דא הונדערטער בוכארישע, כאטש וואס זיי האלטן זייער ווייניג אידישקייט, עסן זיי אבער כשר'ע פלייש."

דער רבי האט געוואלט וויסן ווער עס איז דער אייגנטומער פונעם בוטשער, און מ'האט אנגעוויזן אויף ר' יושע, דער מייסד פונעם ישוב, האט דער רבי זיך אינטערעסירט וואספארא פלייש מ'פארקויפט דארט און צי ס'קומט געפאקט, ווער דער בעל מכשיר איז, און דער רב האט געזאגט פאר'ן רבי'ן אז "ס'איז דא א פארלאנג אז מען זאל פארקויפן נאר קרית יואל'ע."

דער שמועס האט זיך פארצויגן צו פערציג מינוט ביז מען איז אנגעקומען צום רבינ'ס אכסניא. דער רבי האט דאן געגעבן די האנט פאר'ן דינובער רבי'ן שליט"א און ווארעם אנגעוואונטשן: "איך וואונטש אייך הצלחה רבה, אז מען וועט קומען אהער איבער'ן יאר זאל מען הערן אז ס'איז דאפלט." און דער רבי האט ווידערהאלט, אז מ'וועט ממשיך זיין אריינצוקוקן דערין און זען וואס מ'קען און מ'וועט טון ווייטער, פאר די הצלחה פונעם מקום.