סאטמאר (מהרי"י): נייעסן און שמועסן בתוככי הקהלה

[חכם עתיק]

מעמד קימו וקבלו
לקראת מגבית עַל אַף לטובת כוללינו בקרית יואל
ב' פרשת תצוה תשפ"ה לפ"ק

unnamed (3).jpg (236.15 KiB) געזען געווארן 1604 מאל

unnamed (4).jpg (177.15 KiB) געזען געווארן 1604 מאל

unnamed (5).jpg (327.79 KiB) געזען געווארן 1604 מאל

[חכם עתיק]

מעמד קימו וקבלו
לקראת מגבית עַל אַף לטובת כוללינו בקרית יואל
ב' פרשת תצוה תשפ"ה לפ"ק

unnamed (6).jpg (300.87 KiB) געזען געווארן 1605 מאל

unnamed (7).jpg (285.17 KiB) געזען געווארן 1605 מאל

[חכם עתיק]

מעמד קימו וקבלו
לקראת מגבית עַל אַף לטובת כוללינו בקרית יואל
ב' פרשת תצוה תשפ"ה לפ"ק

כ''ק מרן רבינו שליט''א
https://customer.teleground.com//media/ ... 439300.wav

הגה"צ אב"ד ור"מ שליט"א
https://customer.teleground.com//media/ ... 532300.wav

הגה"צ דומ"ץ וראה"כ שליט"א
https://customer.teleground.com//media/ ... 525000.wav

[גדי בן סוסי]

ער האט דאך נישט קיין אייגענע שוהל

אדער איז ער רב אין די ביהמ"ד....

[דעת קדשי]

וואס איז פשט פון די נאמען על אף?

[Azoi Tzi Zugen]

וואס איז פשט פון די נאמען על אף?

על אפך וחמתך... נאר א ווערטל. זיי שרייבן אז "על אף" די שווערע עקאנאמישע מצב גייט יעדער געבן שיין געלט.

[דעת קדשי]

וואס איז פשט פון די נאמען על אף?

על אפך וחמתך... נאר א ווערטל. זיי שרייבן אז "על אף" די שווערע עקאנאמישע מצב גייט יעדער געבן שיין געלט.

...what a name

[איש חשוב]

וואס איז פשט פון די נאמען על אף?

Screenshot 2025-03-06 163248.png (40.34 KiB) געזען געווארן 1461 מאל

[חכם עתיק]

וואס איז פשט פון די נאמען על אף?

Screenshot 2025-03-06 165653.png (193.39 KiB) געזען געווארן 1425 מאל

[שמח]

וואס איז פשט פון די נאמען על אף?

Screenshot 2025-03-06 165653.png

גראדע האט מען יעצט געצאלט די ערשטע מאל זייט אנהייב דעם זמן אין כולל ויואל משה, קוקט אויס מ'איז טאקע זייער געדרוקט.

[חכם עתיק]

unnamed (2).jpg (226.18 KiB) געזען געווארן 1366 מאל

[חכם עתיק]

בצל הקודש באריכט: תרומה - תצוה

► Show Spoiler

דינסטאג פרשת תרומה
ארום 2:30 איז רבינו שליט"א אריינגעקומען צו תפילת מנחה אין ביהמ"ד קהל חסידים
נאך מנחה איז די עולם אריבער און זיך געזעגענט.

פארנאכטס האט זיך דער רבי צוריקגעקערט למעונו נאכ'ן וויילן אויף אפרו אין נארט מיאמי.
תיכף נאכן אנקומען האט דער רבי געדאווענט מעריב אין עירפארט.

ביינאכט נאכן געזעגענען האט דער רבי באשיינט די יערליכע מסיבה לטובת מוסדות יטב לב אין שטוב פון הרבני הנגיד ר' משה יוסף הירש הי"ו, וועלכע ווערט פארופן יאר יערליך דורך די חברי הנהלה.

מיטוואך תרומה
רבינו שליט"א האט געדאווענט שחרית בהיכל בית מדרשינו הגדול.
פאר'ן דאווענען האט דער רבי געלייגט תפילין פאר הבחור בן מוה"ר שלמה מאשער הי"ו, הבחור בן מוה"ר יואל גאלדבערגער הי"ו, הבחור בן מוה"ר מנחם מענדל ראזנער הי"ו, הבחור בן מוה"ר הלל מייזעלס הי"ו, הבחור בן מוה"ר יוסף יוחנן לאנדא הי"ו, הבחור בן מוה"ר יצחק פריעד הי"ו, הבחור בן מוה"ר נתנאל פערלשטיין הי"ו, הבחור בן מוה"ר זלמן לייב טייטלבוים הי"ו, הבחור בן מוה"ר יוסף לעפקאוויטש הי"ו, הבחור בן מוה"ר שמואל שמעלקא ראפאפארט הי"ו, הבחור בן מוה"ר זלמן לייב פעלדמאן הי"ו.
נאכ'ן דאווענען האט דער רבי געגעבן א שמועס פאר די בחורים.
דער רבי האט ארויס געברענגט דאס וואס שטייט אין זוה"ק אז מצות תפילין האט א שייכות צום בנין המקדש, און ווי די אלשיך הקדוש זאגן אז די ועשו לי מקדש ושכנתי בתוכם מיינט בכל אחד ואחד, אז דורך מצות תפילין איז מען זוכה צו א השראת השכינה.

נאכמיטאג איז דער רבי אריבער אויף א באזוך אין שטוב פון הגה"צ אבד"ק זענטא שליט"א.

נאך די זמני כניסה איז דער רבי געפארן קיין קרית יואל וואו דער רבי האט באשיינט די שמחת התנאים פון בת הרה"ח ר' חיים אהרן פלאהר הי"ו משב"ק עב"ג החתן בן הרה"ח ר' יצחק הערש היימאן הי"ו וואו דער רבי האט געליינט די תנאים.

נאך די תנאים איז דער רבי געפארן קיין קרית ייטב לב, ווי דער רבי האט מעריך געווען שלחנו הטהור לרגל די הילולא קדישא פון מרן בעל קדושת יום טוב זי"ע, וועלכע איז אפגעראכטן געווארן אינאיינעם מיטן דינער לטובת די מוסדות הקדושים, דער רבי האט זיך געוואשן צו די סעודה, און געמאכט די סיום הש"ס, דערנאך געווינטשן לחיים אז מען זאל זוכה זיין ממשיך צו זיין צו גיין אויף דעם דרך וואס די בעל הילולא האט אוועק געשטעלט.
עס האבן אויפגעטרעטן הרה"ח ר' יצחק אייזיק דאסקאל הי"ו, הר"ר משה קאהן הי"ו, די מנכ"ל המוסדות וראש העיר מוה"ר עוזיאל פליישמאן הי"ו.
דערנאך האט דער רבי משמיע דברות קודש, נאכזאגענדיג דעם ישמח משה אז די בתי מקדשות איז געווען כדי צוצוגרייטן די וועלט צו קענען האלטן די קדושה וואס וועט זיין מיטן בית השלישי, האט דער רבי געזאגט אזוי אויך יעדע מוסדות וואס איז מחנך ערליכע אידישע דורות האט אויך די חלק פון אראפ ברענגן די קדושה וואס וועט זיין לעתיד לבא, און ווי מען זעט ביי די גזירות המן, אז ער האט געזעהן ווי מרדכי הצדיק לערנט מיט די קינדער האט ער געזאגט אז אתא מלי קומצי קמחא דידכו ודחי עשרה אלפי ככרי כספא דידי. זעט מען אז לערנען מיט תשב"ר דאס ברענגט די גאולה.
דער רבי האט פארציילט עטליכע עובדות וסיפורים המקובל מבית אביו, מתובל בדברי הדרכה, ווי דער רבי האט מקדים געווען אז ווען מען פארציילט א מעשה דארף מען וויסן אז לא המדרש עיקר אלא המעש"ה.

נאָכ'ן דינער איז פאָרגעקומען אַ מעמד קביעת מזוזה אויף דעם נייעם פּרעכטיגן צענטראַלן אָפיס פון מוסדותינו הק'.
דער רבי האָט זיך אומגעקוקט אויף די אָפיסעס און דער רבי האָט שטאַרק באַוואונדערט די הערליכע אָפיסעס וואָס וועלן שטיין צום באנוץ פון די מוסדות אָנגעשטעלטע.
נאָכ'ן טרינקען לחיים האָט דער רבי שליט"א משמיע געווען דברות קודש און דערביי האָט דער רבי אַרומגערעדט במשנתו של בעל ההילולא דער הייליגער קדושת יום טוב זי"ע, דערנאָך האָט מען געקלאַפּט די מזוזות.
די ערשטע מזוזה האָט דער רבי שליט"א געקלאַפּט, דערנאָך האָט הרה"צ רבי אהרן שליט"א געקלאַפּט אַ מזוזה, נאָכגעפאָלגט מיט'ן משב"ק הרב ר' שמואל טייטלבוים שליט"א, הרב ר' נחמן זיגעלמאַן שליט"א מנהל בית רחל, הרה"ח ר' עוזיאל פליישמאַן הי"ו מנכ"ל, הרה"ח ר' יואל פאָלקאָוויטש הי"ו חבר הנהלת המוסדות, הרה"ח ר' סענדר קאָהן הי"ו חבר הנהלת המוסדות, הרה"ח ר' אליעזר ברוך אייזנבערג הי"ו, הרה"ח ר' משה גאַנץ הי"ו און הרב ר' אלטר ראָזענבערגער שליט"א.

דאנערשטאג תרומה
דער רבי האט געדאווענט שחרית בהיכל בית המדרש הגדול.
דער רבי האט געצינדן פינף ליכט און יורד געווען לפני התיבה צו שחרית לרגל יומא דהילולא פון מרן הגה"ק בעל קדושת יום טוב.
ביים ליינען האבן עולה געווען כהן מוה"ר שמעלקא כ''ץ הי"ו, לוי מוה"ר יעקב פריעדמאן הי"ו שלישי רבינו שליט"א, הגבה הרב שמעון מייזליש שליט"א נכד רבינו, גלילה מוה"ר אלעזר ברייער הי"ו.

אינמיטן טאג איז פארגעקומען אן אסיפה בביתו נאוה קודש מיט די ועד השחיטה דקהלתינו הק' צו דן זיין איבער פארשידענע ענינים העומדים על הפרק בכשרות הבשר.
ביי די אסיפה האבן זיך באטייליגט די רבני ועד השחיטה הגה"צ דומ"ץ קהלתינו הק' בארא פארק שליט"א, הגה"צ דומ"ץ קהלתינו הק' קרית יואל שליט"א, הגה"צ דומ"ץ ביהמ"ד הגדול דקהלתינו הק' שליט"א, הרה"ג רבי אלעזר טייטלבוים שליט"א חדב"ן ויושב ראש ועד הכשרות דקהלתינו, הר"ר אלטר ווייס שליט"א ראש המשגיחים פון די ועד השחיטה.
ביי די אסיפה איז דער רבי דורכגעגאנגען מיט די רבני ועד השחיטה פארשידענע פראיעקטן צו אויסברייטערן די מאסיווע סאטמארע פלייש אפאראט, צו קענען נאכקומען די אומגעהויערע פארלאנג פון קהל עדתינו פאר גוטע און צוגענגליכע פלייש, און אין די זעלבע צייט זיכער מאכן אז די סאטמארע פלייש בלייבט טאקע אויף די העכסטע סטאנדארט פון כשרות.
ביי די אסיפה וועלכע האט זיך פארצויגן צו נאנט צו דריי שטונדן, האט הר"ר אלטר ווייס שליט"א פארגעלייגט די מציאות הדברים פאר רבינו שליט"א און די רבנים הגאונים שליט"א, וועלכע האבן דן געווען אויף יעדע נקודה ועל כל צד ושעל, און גע'פסק'נט את המעשה אשר יעשון, וויאזוי מען זאל זיך פירן.
רבינו שליט"א האט אויסגעדריקט גרויס קורת רוח פון די כשרות סטאנדארט, וועלכע איז פאקטיש אויפן העכסטן שטאפל וואס עס קען נאר זיין, און עס איז ממש נישט דא אירס גלייכן אין אמעריקע.

פארנאכטס איז אריין בקודש פנימה האדמו"ר מישעות יעקב סקולען שליט"א וואו עס איז פארצויגן געווארן א שיינע שמועס.

ביינאכט איז פארגעקומען א סעודת ראש חודש וואס דער רבי האט פארופן פאר אלע יתומים פון קהלתינו הק' פון גרעיטער ניו יארק וואס איז פארגעקומען אין די זאלן פון ויואל משה.
דער רבי האט זיך געוואשן צו די סעודה לכבוד ראש חודש.
דער יושב ראש איז געווען דער בארימטער משמח אלקים ואנשים, מוה״ר יוסף חיים ראטענשטרייך הי״ו, וועלכער האָט מיט זיין שפּרודלדיגע שמחה געברענגט א ליכטיגן שמייכל אויף די יונגע הערצער, און מוה"ר יואל הערש פוקס הי"ו.
עס האט אויפגעטרעטן הגה"צ אבד"ק סיגוט שליט"א, וואס האט ארויס געברענגט די שווערע יארן פון רבינו הק' הברך משה זי"ע וואס איז געוען א יתום מאב ואם און דער רבי זי"ע האט אים אריין גענומען און אויפגעהאדעוועט ווי אן אייגן קינד, און מיט די אלע שוועריקייטן איז ער אויפגעוואקן דער רבן של כל בני הגולה, און אזוי האט ער אנגעהויבן די הספד אויפן רבין זי"ע יתומים היינו ואין אב,
האט ער געזאגט אז אונז קומען זיך דא צוזאם צו וויסן אז עס איז טאקע יתומים היינו, אבער יש לנו אב, ענק האבן א טאטע, דער רבי שטייט גרייט ווי א טאטע און איז אייביג גרייט פאר ענק סיי וואס ענק דארפן קען יעדע אינגל אדער בחור גיין בעטן.

דערנאך האט דער רבי משמיע געווען דברות קודש, ווי דער רבי האט ארום גערעדט איבער די כוח התחזקות וואס מיר נעמען ארויס פון די לבנה, אז ווען עס קומט סוף חודש שיינט עס שוין נישט, אבער דעמאלס ווען עס איז אין די נידריגסטע מדריגה הייבט ער אן די מולד פון פריש, דעריבער זענען אידן מונה ללבנה, אז און סיי וועלכע מצב מען איז נאר קען מען זיך מתחזק זיין און פון פריש אנהייבן,
דער רבי האט געטייטש אז המן האט געזאגט יעשו עץ גבוה חמישים אמה, וואס עפעס דייקא פופציג, ווייל ער האט געוואלט מרמז זיין אויפן אות נ', וואס איז מרמז אויף פסוק נפלה לא תוסיף, ער האט מכוון געווען אז אידן זאל נישט האבן קיין תקומה, אבער ער האט נישט מכוון געווען צום סוף פונעם פסוק, נפלה לא תוסיף קום בתולת ישראל אז אידן וועלן שוין מער נישט פאלן, נאר זיך קענען אויפהייבן.
אזוי אויך ביי גאולת מצרים האט מען געזעהן אז משה רבינו האט געזאגט ומאז באתי אל פרעה לדבר בשמך הרע לעם הזה, אז עס איז געווען שוין אין די נידריגסטע מדריגה וואס איז נאך שייך, האט דער אייבישטער געזאגט, עתה תראה, טאקע יעצט ווען מען איז די נידריגסטע, פון דא וועט ארויס קומען די ישועה.

ביי דעם מעמד איז געמאלדן געווארן פאר די יתומים איבער די גרינדונג פון א נייער ארגאניזאציע ״יעודד״, שע״י ק״ק ומוסדות סאטמאר, וואס וועט זיין מיוחד צונויפצונעמען מיט ספּעציעלע פּעולות סיי פאַר אלמנות, סיי פאר יתומים, סיי פאר יתומות.
די נייע ארגאניזאציע שטייט אונטער די פּערזענליכע באגלייטונג פון הגה״צ אבד״ק סיגוט שליט״א, בשליחות הקודש פון כ״ק מרן רבינו שליט״א מיט א ספּעציעלער ועד בעלי בתים פון עטליכע געקליבענע נגידים ואנשי מעשה, זיך אומצוקוקן אויף די נשברי לב פון אונזער קהלה, להחיותם ולשמחם ולהחזיקם בכל זמן ועידן.

נאכ'ן בענטשן איז דער רבי אריין אין א חדר מיוחד, וואו אלע יתומים זענען אריין פּריוואט צו רבינו שליט״א.
נאכ׳ן שמועס האָט דער רבי שליט״א יעדן עקסטער געשאנקען א גאר טייערער ״אנטיק-לעדערנער סידור״, אריינגעקריצט דעם נאמען - נתנדב געווארן דורך הרבני הנגיד מוה״ר אברהם בנימין קרויס הי״ו.
ביים ארויסגיין האט רבינו שליט״א זיך פערזענליך באדאנקט פאר העסקן הנמרץ מוה״ר יצחק אייזיק וואלטער הי״ו, יו״ר ועד קרן הבנין ״להקים” קרית יואל, ועומד בראש פון ״יעודד״ וועלכער האט אנגעפירט דעם גאנצן מעמד מיט גרויס געטריישאפט.

פרייטאג תרומה
רבינו שליט"א האט געדאווענט שחרית בהיכל בית מדרשינו הגדול.
בעל תפילה איז געווען הרה''ח ר' ישעי' קרויס הי"ו.
ביים ליינען האט עולה געווען כהן הרה''ח ר' יחזקאל גליק הי"ו, לוי הרה''ח ר' ישעי קרויס הי"ו, שלישי מוה"ר יואל היימאן הי"ו, רביעי רבינו שליט"א, הגבה הרה''ג ר' יואל פאשקעס שליט"א מו''ץ, גלילה מוה"ר יעקב חיים היללער הי"ו.


שבת קודש פרשת תרומה
בשעה 6:15 איז דער רבי אריינגעקומען בהיכל בית המדרש הגדול ווי דער רבי האט יורד געווען לפני התיבה צו תפילת מנחה.
קבלת שבת האט געדאווענט הרה"ח ר' זלמן הערש הירש הירש הי"ו.
בשעה 10:30 איז דער רבי אריינגעקומען צום שלחן הטהור בהיכל בית המדרש הגדול.
מיט אשת חיל האט דער רבי מכבד געווען נכדו הב' חנוך העניך גלאנץ ני"ו.
מיט כל מקדש האט דער רבי מכבד געווען הרה"ג ר' זושא בר"י כ"ץ שליט"א מו"ץ, מנוחה ושמחה הרב מאיר זעגלבוים שליט"א.
ביים תורה האט דער רבי ארומגערעדט אז די בוכ"ע האט געוויזן פאר משה רבינו הראה לו מטבע של אש מתחת כסא הכבוד, וואס די מחצית השקל ווייזט אויף נשמת ישראל, ווי די אלשיך הק' ברענגט אז מען האט געגעבן נאר א מחצית צו ווייזן אז יעדע איד איז נאר גאנץ ווען מען איז מיט נאך אידן אינאיינעם, און דער בוכ"ע האט געוואלט מרמז זיין אז יעדע שקל - יעדע נשמה פון יעדע איד - איז א מטבע של אש מתחת כסא הכבוד, יעדע איד איז א חלק אלקי ממעל, וואס די בוכ"ע שעפט תענוג פון יעדע עבודה וואס ער טוט איז חשוב בשמים.

מיט קה אכסוף האט דער רבי מכבד געווען הרב יעקב יצחק ראלניצקי מגי"ש בישיבה גדולה, לקל אשר שבת הרב שלום יושע יאראסלאוויטש מגי"ש בישיבה קטנה אין קרית יואל.
מיט בענטשן האט דער רבי מכבד געווען הרה"צ רבי אלטר גלאנץ שליט"א חדב"ן.

פסוקי דזמרה האט געדאווענט פארן עמוד הרה"ח ר' יוסף יוחנן וואלנער הי"ו מזכיר קהלתינו קרית יטב לב.
רבינו שליט"א האט יורד געווען לפני התיבה צו עד הנה, יוצרות און הלל.

ביים ליינען זענען מכובד געווארן מיט פתיחה הרה"ח ר' בנימין פערלשטיין הי"ו, הרה"ח ר' משה פעקעטע הי"ו, הרה"ח ר' יואל כץ הי"ו.
כהן הבה"ח ב"ר יואל כ"ץ הי"ו, לוי הרה"ח ר' שלום יוסף שטערן הי"ו, שלישי הבה"ח העסקן אלימלך דוד ב"ר שלמה צבי ראטה הי"ו, רביעי הבה"ח משה קלמן ב"ר יואל פריעדמאן הי"ו, חמישי הבה"ח ב"ר בנימין פערלשטיין הי"ו, שישי הרבני הנגיד ר' ישראל גאלדבערגער הי"ו, שביעי הרה"ח ר' אברהם מאיר פאלמאן הי"ו.
הוספות הרה"ח ר' גדלי' טייטלבוים הי"ו, מוה"ר יואל היימאן הי"ו לרגל הולדת בתו, הרה"ח ר' חיים הערש וואלנער הי"ו, הרה"ח ר' ארי ראטה הי"ו, הרה"ח ר' חיים ערענטאל הי"ו, החתן מוה"ר יצחק וואלנער הי"ו, הרה"ח ר' מאיר פריעדמאן הי"ו, הרה"ח ר' יודל פרנס הי"ו, הרה"ח ר' משה פריעדמאן הי"ו משב"ק.
הגבה הרה"ח ר' בנציון וויינבערגער הי"ו, גלילה הרה"ח ר' משה אלי פאלמאן הי"ו.
אחרון ר"ח הרה"ח ר' שאול פערלשטיין הי"ו ראה"ק, הגבה הרה"ח ר' מאיר זאב כ"ץ שליט"א, גלילה הרה"ח ר' יואל ב"ר מאיר פריעדמאן הי"ו.
מפטיר - שקלים רבינו שליט"א, הגבה הרה"ח ר' נטע ערענטאל הי"ו.
רבינו שליט"א האט יורד געווען לפני התיבה צו תפילת מוסף אור פניך.
נאכ'ן דאווענען האט דער רבי קידוש געמאכט און אנגעווינטשן די חתנים החתן בן מוה"ר בנימין פערלשטיין הי"ו עב"ג בת מוה"ר משה אלי פאלמאן הי"ו, החתן בן מוה"ר שלמה צבי ראטה הי"ו עב"ג בת מוה"ר משה פעקעטע הי"ו, החתן בן מוה"ר יואל פריעדמאן הי"ו עב"ג בת מוה"ר שלמה זלמן וויינבערגער הי"ו, החתן בן מוה"ר יואל כ"ץ הי"ו עב"ג בת מוה"ר נטע ערענטאל הי"ו.

מנחה האט געדאווענט פארן עמוד הרה"ח ר' הערשל גאלדבערגער הי"ו
ביים ליינען האט עולה געווען הרב שמואל מאיר גלאנץ שליט"א נכד רבינו, לוי הרה"ח ר' ליפא קרויס הי"ו, גלילה מוה"ר יצחק מיכאל ענגלענדער הי"ו.

ביי תורה האט דער רבי ארום גערעדט אז מען זעט ביי בריאת העולם אז עס איז געווען בורא עולמות ומחריבן, און פון יעדע איינס איז געבליבן א שטיקל קדושה און פון דעם האט מען באשאפן די וועלט, ווי בראשית איז די אותיות בשארית, און מיט דעם זאגט דער קדושת יום טוב אז דערפאר האט דער אייבישטער נישט גלייך אויפגעבויט די בית המקדש השלישי, כדאי די ערשטע צוויי זאלן איבער לאזן א שארית דקדושה און פון דעם זאל זיך בויען די בית השלישי, כדי א יעדע זאל זאל ארויס נעמען פון עס חיזוק און סיי וועלכע מצב ער איז בלייבט אלס איבער ביים אים א שארית פון די כוח הקדושה אין פון דארט קען ער זיך מחזק זיין אין זיך צוריק בויען,
צום סוף האט דער רבי מעורר געווען אז עס ליגט אויף אונז א פליכט צו שטיין צוהילף פאר אחינו בני ישראל יושבי ארה"ק וואס הויערט אויף זיי די ביטערע גזירות הגיוס, וואס כו"ע איז שוין יעצט מודה אז דאס איז א געהעריגע גזירה, און עס ליגט אויף אונז די פליכט צו טון וואס אסתר המלכה האט אונז אוועק געשטעלט, לך כנוס את כל היהודים, זיך צו מצער זיין מיט זייער צער און זען אז יעדע איד זאל קענען ווייטער דינען דעם אייבערשטען, און נאר אזוי איז כלל ישראל א קומה שלימה.

נאכ'ן בענטשן האט דער רבי געזאגט שבע ברכות פאר החתן בן הרה"ח ר' יוסף יוחנן וואלנער הי"ו עב"ג בת הרה"ח ר' גדלי' טייטלבוים הי"ו.

זונטאג תצוה
דער רבי האט געדאווענט שחרית בהיכל בית מדרשינו הגדול.
פארן דאווענען האט דער רבי געלייגט תפילין פאר הבחור בן מוה"ר אברהם משה פרץ גרין הי"ו און הבחור בן מוה"ר יואל פאזען הי"ו.

פארנאכטס האט דער רבי האט מסדר קידושין געווען ביי די חופה פון נאמן ביתו החתן משה קלמן בן מוה"ר יואל פריעדמאן הי"ו עב"ג הכלה בת מוה"ר שלמה זלמן וויינבערגער הי"ו אין די זאל פון פרדס פיגא.

ביינאכט האט דער רבי באשיינט די שמחת השבע ברכות פון החתן בן הרה"ח ר' יוסף יוחנן וואלנער הי"ו עב"ג בת הרה"ח ר' גדלי' טייטלבוים הי"ו. אין זאל פון נזר יהודה.

דערנאך איז פארגעקומען די שמחת קישור החיתן פון נכדת רבינו שליט"א בת הרה"צ רבי יואל שליט"א מיט החתן בן האדמו"ר מאלעסק שליט"א חתן האדמו"ר מחוסט שליט"א וואס איז פארגעקומען אין בית המדרש ברך משה.
מען האט געזינגען ניגוני שמחה און פארפירט געווארן א שיינע שמועס מיט די זיידעס.

מאנטאג תצוה
דער רבי האט געדאווענט שחרית בהיכל ישיבה גדולה.
פארן דאווענען האט דער רבי געלייגט תפילין פאר הבחור בן מוה"ר אפרים יואל זופניק הי"ו
בעל תפילה איז געווען ה''ב מאיר ב''ר יואל מאנדעל ני"ו
ביים ליינען האט עולה געווען כהן הבחור שלום אליעזר בן הרה''ג ר' חיים דוד כ''ץ שליט"א דומ''ץ דקהילתינו ב''פ, לוי הבחור אשר זעליג ב''ר ישראל חיים קרויס הי"ו, שלישי רבינו שליט"א.
הגבה. הרב יואל גליק שליט"א ר''מ בישיבה, גלילה הבחור זושא ב''ר אליעזר פריעד ני"ו.

פארמיטאג האט דער רבי פארגעלערנט א שיעור פאר תלמידי הישיבה חלק א' אין די סוגיא פון תקפו כהן, מסכת בבא מציעא, פארן שיעור האט דער רבי געזאגט אז מען זעט אז מבטלין תלמוד תורה לשמוע מקרא מגילה, וואס די אחרונים זענען מסביר אז עס מיינט לימוד העיון, אז פון דא קען מען ארויס לערנען אז פאר פורים זאל מען זיך מתאמץ זיין בלימוד העיון ארויס צו האבן די סוגיא על בוריו.

נאכמיטאג איז דער רבי געפארן קיין קרית יואל וואו דער רבי האט משמיע געווען דברות קודש בהיכל בית מדרשינו הגדול פאר די אברכי כוללינו.
דער רבי האט גערעדט אויפן פסוק להעלות נר תמיד, אז עס איז דא אידן וואס תמיד מיינט בבוקר בבוקר וואס ווייסט אויף אידן וואס זענען קובע עתים לתורה בייטאג און ביינאכט, נאכדעם איז דא תמיד וואס מיינט אייביג אזוי ווי די נר המערבי, אז מען לערנט א גאנצן טאג, און די לימוד התורה איז משפיע פרנסה פאר יעדעם איינעם.
און דעריבער קומט אז א כולל אינגערמאן וואס איז עוסק בתורה יומם ולילה, צו בעטן געלט פון די בעלי בתים, ווייל ער האט זיי משפיע געווען אז זיי זאלן האבן די געלט,
דער רבי האט ארויס געברענט אז די יארן נאך די חתונה וואס מען איז זיך מייגע אויף לימוד התורה אין כולל דאס דארף באגלייטן די מענטש אויפצושטעלן א ערליך אידיש שטוב און וועט אים באגלייטן פאר איבייג,
און דער רבי האט ארויס געברעגן די זכי' וואס מען האט צו קענען ארויס העלפן מיט החזקת התורה דורך גיין נאך געלט אויפצוהאלטן די כולל. ווי מען זעט אין פסוק ליהודים היתה אורה ושמחה וששון ויקר, די ערשטע זאך דארף זיין אורה זו תורה, אז עס איז דא תורה איז דא ששון ושמחה, די זעלבע זאך איז געווען בזמן מרדכי ואסתר אז עס איז געווען הדור קבלוה בימי אחשורוש האט געקענט אראפ קומען די ישועה
דערנאך האט אויפגעטרעטן הגה"צ אב"ד קהלתינו הק' קרית יואל שליט"א וואס האט ארויסגעברענגט אז ביים בנין המשכן זאגט די פסוק דבר אל בני ישראל ויקחו לי תרומה, בני ישראל גייט ארויף אויף די בני עלי', ווייל די ערשטע דארף מען אנווארעמען די בני עלי', די בני הכולל, און אז זיי וועלן זיין ווארעם וועט עס שוין משפיע זיין פאר יעדעם איינעם ארום.

פארנאכטס האט דער רבי מסדר קידושין געווען ביים חופה פון החתן בן הרה"ח ר' משה אהרן קארפען הי"ו חבר הנהלת מוסדות יטב לב בני ברק עב"ג בת הרה"ח ר' נחמי' הערשקאוויטש הי"ו אין זאל פון ויואל משה.
און ביים חופה פון החתן בן הרה"ח ר' בנימין פערלשטיין הי"ו עב"ג בת הרה"ח ר' משה אלי' פאללמאן הי"ו אין זאל פון קאנטינענטאל,
נאך די זמני כניסה איז דער רבי צוריק געגאנגען צו די חתונה וואו דער רבי האט געטרינקען לחיים און אנגעווינטשן די חתן און מחותנים און זיך אויפגעשטעלט טאנצען.

דינסטאג תצוה
דער רבי האט געדאווענט שחרית בהיכל ישיבה גדולה.
פארמיטאג האט דער רבי פארגעלערנט סוגיא.

פארנאכטס האט דער רבי מסדר קידושין געווען ביים חתונה פון החתן בן מוה"ר שלמה צבי ראטה הי"ו עב"ג בת מוה"ר משה פעקעטע הי"ו אין זאל פון ויואל משה, און ביים חופה פון החתן בן מוה"ר שלמה קוביטשעק הי"ו עב"ג בת מוה"ר יואל קאהן הי"ו אין זאל פון אימפעריאל.
בשעת קבלת קהל איז אריין בקודש הפנימה האדמו"ר מזידיטשוב פרעמיסלע שליט"א.
ביינאכט האט דער רבי באשיינט דעם שמחת השבע ברכות פון החתן בן מוה"ר אברהם שלמה אברהאם הי"ו עב"ג בת מוה"ר חיים מרדכי מייזעלס הי"ו אין זאל פון נזר.

מיטוואך תצוה

רבינו שליט"א האט געדאווענט שחרית אין ישיבה גדולה.
פארן דאווענען האט דער רבי געלייגט תפילין פאר הבחור בן מוה"ר יואל ברש"ה גליק הי"ו און הבחור בן מוה"ר בנציון משה פאאלקאָוויטש הי"ו.
פארמיטאג האט דער רבי פארגעלערנט סוגיא.

פארנאכטס האט דער רבי מסדר קידושין געווען ביים חופה פון החתן בן מוה"ר יואל ברי"א לאנדא הי"ו עב"ג בת מוה"ר שמעון קלמן סאלאף הי"ו אין זאל פון ויואל משה. און ביים חופה פון החתן בן הרה"ח ר' מענדל קרויס הי"ו חתן הרבני הנגיד הרב אליעזר קעסטענבוים שליט"א נשיא דמשק אליעזר עב"ג בת הרה"ח ר' יוסף יודא ערעהנפעלד הי"ו אין זאל פון פרדס פיגא.
נאך די זמני כניסה איז דער רבי צוריק געגאנגען צו די חתונה וואו דער רבי האט געטרינקען לחיים און אנגעווינטשן די חתן און מחותנים און זיך אויפגעשטעלט טאנצען.

ביינאכט האט דער רבי באשיינט דעם שמחת השבע ברכות פון החתן בן הרה"ח ר' משה אהרן קארפען הי"ו חבר הנהלת מוסדות יטב לב בני ברק עב"ג בת הרה"ח ר' נחמי' הערשקאוויטש הי"ו, צוגעשטעלט דורך הנהלת המוסדות פון בני ברק לכבודו פון הרה"ח ר' משה אהרן הי"ו וואס איז פארגעקומען אין שטוב פון הרה"צ רבי ליפא שליט"א בן כ"ק מרן רבינו שליט"א.
עס האט אויפגעטרעטן הרה"ח ר' נ שליט"א משב"ק און דער רבי האט געזאגט די שבע ברכות.
דערנאך האט דער רבי באשיינט די שמחת השבע ברכות פון נאמן ביתו החתן משה קלמן בן מוה"ר יואל פריעדמאן הי"ו עב"ג הכלה בת מוה"ר שלמה זלמן וויינבערגער הי"ו אין די זאל פון אפעל גארדענס.

[חכם עתיק]

ווי ס'הייסט גייט די רבי פירן א טיש ר''ח שבט מיט די יתומים אנשטאט די שבע ברכות

למעשה ווי ס'הייסט גייט עס פארקומען קומענדיגן ר''ח אדר

ווי געשריבן גייט רבינו שליט''א פירן טיש היינט ביינאכט לכבוד ר''ח אדר צוזאמען מיט די יתומים דקהלתינו הק' אין א זאל אין וומס''ב (ווייס איך נישט צו מ'מעג זאגן ווי)

.........ביינאכט איז פארגעקומען א סעודת ראש חודש וואס דער רבי האט פארופן פאר אלע יתומים פון קהלתינו הק' פון גרעיטער ניו יארק וואס איז פארגעקומען אין די זאלן פון ויואל משה.
דער רבי האט זיך געוואשן צו די סעודה לכבוד ראש חודש.
דער יושב ראש איז געווען דער בארימטער משמח אלקים ואנשים, מוה״ר יוסף חיים ראטענשטרייך הי״ו, וועלכער האָט מיט זיין שפּרודלדיגע שמחה געברענגט א ליכטיגן שמייכל אויף די יונגע הערצער, און מוה"ר יואל הערש פוקס הי"ו.
עס האט אויפגעטרעטן הגה"צ אבד"ק סיגוט שליט"א, וואס האט ארויס געברענגט די שווערע יארן פון רבינו הק' הברך משה זי"ע וואס איז געוען א יתום מאב ואם און דער רבי זי"ע האט אים אריין גענומען און אויפגעהאדעוועט ווי אן אייגן קינד, און מיט די אלע שוועריקייטן איז ער אויפגעוואקן דער רבן של כל בני הגולה, און אזוי האט ער אנגעהויבן די הספד אויפן רבין זי"ע יתומים היינו ואין אב,
האט ער געזאגט אז אונז קומען זיך דא צוזאם צו וויסן אז עס איז טאקע יתומים היינו, אבער יש לנו אב, ענק האבן א טאטע, דער רבי שטייט גרייט ווי א טאטע און איז אייביג גרייט פאר ענק סיי וואס ענק דארפן קען יעדע אינגל אדער בחור גיין בעטן.

דערנאך האט דער רבי משמיע געווען דברות קודש, ווי דער רבי האט ארום גערעדט איבער די כוח התחזקות וואס מיר נעמען ארויס פון די לבנה, אז ווען עס קומט סוף חודש שיינט עס שוין נישט, אבער דעמאלס ווען עס איז אין די נידריגסטע מדריגה הייבט ער אן די מולד פון פריש, דעריבער זענען אידן מונה ללבנה, אז און סיי וועלכע מצב מען איז נאר קען מען זיך מתחזק זיין און פון פריש אנהייבן,
דער רבי האט געטייטש אז המן האט געזאגט יעשו עץ גבוה חמישים אמה, וואס עפעס דייקא פופציג, ווייל ער האט געוואלט מרמז זיין אויפן אות נ', וואס איז מרמז אויף פסוק נפלה לא תוסיף, ער האט מכוון געווען אז אידן זאל נישט האבן קיין תקומה, אבער ער האט נישט מכוון געווען צום סוף פונעם פסוק, נפלה לא תוסיף קום בתולת ישראל אז אידן וועלן שוין מער נישט פאלן, נאר זיך קענען אויפהייבן.
אזוי אויך ביי גאולת מצרים האט מען געזעהן אז משה רבינו האט געזאגט ומאז באתי אל פרעה לדבר בשמך הרע לעם הזה, אז עס איז געווען שוין אין די נידריגסטע מדריגה וואס איז נאך שייך, האט דער אייבישטער געזאגט, עתה תראה, טאקע יעצט ווען מען איז די נידריגסטע, פון דא וועט ארויס קומען די ישועה.

ביי דעם מעמד איז געמאלדן געווארן פאר די יתומים איבער די גרינדונג פון א נייער ארגאניזאציע ״יעודד״, שע״י ק״ק ומוסדות סאטמאר, וואס וועט זיין מיוחד צונויפצונעמען מיט ספּעציעלע פּעולות סיי פאַר אלמנות, סיי פאר יתומים, סיי פאר יתומות.
די נייע ארגאניזאציע שטייט אונטער די פּערזענליכע באגלייטונג פון הגה״צ אבד״ק סיגוט שליט״א, בשליחות הקודש פון כ״ק מרן רבינו שליט״א מיט א ספּעציעלער ועד בעלי בתים פון עטליכע געקליבענע נגידים ואנשי מעשה, זיך אומצוקוקן אויף די נשברי לב פון אונזער קהלה, להחיותם ולשמחם ולהחזיקם בכל זמן ועידן.

נאכ'ן בענטשן איז דער רבי אריין אין א חדר מיוחד, וואו אלע יתומים זענען אריין פּריוואט צו רבינו שליט״א.
נאכ׳ן שמועס האָט דער רבי שליט״א יעדן עקסטער געשאנקען א גאר טייערער ״אנטיק-לעדערנער סידור״, אריינגעקריצט דעם נאמען - נתנדב געווארן דורך הרבני הנגיד מוה״ר אברהם בנימין קרויס הי״ו.
ביים ארויסגיין האט רבינו שליט״א זיך פערזענליך באדאנקט פאר העסקן הנמרץ מוה״ר יצחק אייזיק וואלטער הי״ו, יו״ר ועד קרן הבנין ״להקים” קרית יואל, ועומד בראש פון ״יעודד״ וועלכער האט אנגעפירט דעם גאנצן מעמד מיט גרויס געטריישאפט.

[נפתלי]

כ"ק מרן רבינו שליט"א איז מנחם אבל ביי הרה"ח ר' אהרן גרשון ענגעל הי"ו, ע"פ אביו הרה"ח ר' יודא לייביש ע"ה:

סאטמאר נייעס און בילדער

[נפתלי]

סעודת ברית מילה בהיכל ישיבה קטנה ד'סאטמאר קרית יואל, ביי אן אור-אייניקל פון כ"ק מרן רבינו שליט"א אצל נכדו הרה"ג רבי משה חיים לאבין שליט"א רב ביהמ"ד בית כהנא, חתן הגה"צ אב"ד ור"מ סאטמאר ירושלים שליט"א בן כ"ק אדמו"ר מזידיטשוב שליט"א:

סאטמאר נייעס און בילדער

[חכם עתיק]

unnamed (5).jpg (272.51 KiB) געזען געווארן 1171 מאל

[לכל קהלא]

unnamed.jpgunnamed (1).jpg

שינוי מקום באולם ויואל משה

[נפתלי]

שמחת התנאים בחצרות קדשינו

[נפתלי]

כ"ק מרן רבינו שליט"א יעצט אויפדערנאכט ביים שרייבן א אות אינעם ספר תורה בביתו פון גיסו כ"ק גאב"ד סאטמאר מאנסי שליט"א

[נפתלי]

unnamed (44).jpg (524.76 KiB) געזען געווארן 675 מאל

[חכם עתיק]

unnamed (7).jpg (471.48 KiB) געזען געווארן 498 מאל

unnamed (6).jpg (523.37 KiB) געזען געווארן 498 מאל

unnamed (8).jpg (602.82 KiB) געזען געווארן 495 מאל

[Yankel]

וְהָעִיר קִרְיַת יוֹאֵל צָהֲלָה וְשָׂמֵחָה!!! היסטאָריע שפּילט זיך אפּ!*

היסטאָרישע ברעכנדע נייעס קומט יעצט אריין מביתו נאוה קודש של כ״ק מרן רבינו שליט״א, וואו עס איז יעצט פארגעקומען א מעמד ״מסיבת לחיים״ צו א זעלטענע פריידיגע אַנטוויקלונג בקורות ימי העיר רבתי עם קרית יואל יצ״ו, מיסודו של רבינו הקדוש זי״ע תחת דגלו והדרכתו של כ״ק מרן רבינו עט״ר שליט״א!

*ויהיו נקראים לפני המלך!*

עס זענען אריינגעקומען אל הקודש פּנימה די חשוב׳ע דעוועלאפּערס פון דער גיגאַנטישער *״פּראַספּעקט״ דעוועלאָפּמענט אין ״בלומינג גראָוו״,* וועלכע זענען אין ברען פון אויפבויען אַ *מעכטיגער מעגא-פּראיעקט פון העכער 2,000 דירות*, פון וועלכע 200 פּראכטפולע דירות *שטייען שוין גרייט, פארטיג צו ווערן גענצליך אין די קומענדיגע געציילטע חדשים בעזר ה׳!*

אינאיינעם מיט די *ראשי קהלתינו הק׳ פון וויליאמסבורג און קרית יואל, ובברכתו ובעידודו פון כ״ק מרן רבינו שליט״א איז בעזר ה׳ אויסגעאַרבעט געווארן, אז די ״גאנצע ערשטע פאַזע״ פון 200 דירות, וועט אי״ה איבערגעגעבן ווערן פאר אנשי שלומינו,* חברי קהלתינו הק׳, תלמידי וחסידי סאטמאר, און דערמיט ברענגען אַן אויסטערלישע הרווחה אינעם כראָנישן דירות מאַנגעל וואס פּלאגט יהדות ניו יארק!!!

ווי די חשוב׳ע דעוועלאפּערס האבן זיך פארפליכטעט וועט אי״ה דארט צוגעשטעלט ווערן אַ *הערליכער ביהמ״ד מפואר ונהדר פאר קהלתינו הקדושה, און אזוי אויך ווערט אויסגעארבעט פּלענער מיט הנהלת המוסדות קרית יואל צו קענען אַהערשטעלן פרישע כתות און בנינים נאָכצוקומען דעם צופלוס פון אַזויפיל פרישע הונדערטער קינדער* בלי עין הרע אין די הייליגע קרית יואל׳ער מוסדות אימפּעריע!

ביי דער מסיבת לחיים בביתו נאוה קודש של רבינו שליט״א, וואו די דראמאטישע געשעעניש איז ב״ה נגמר געוואָרן בשלימות, האבן זיך באטייליגט *הגה״צ אבד״ק סיגוט שליט״א, וואס דער רב שליט״א בשליחות פון רבינו שליט״א האט פּערזענליך באַגלייט די גאַנצע אונטערנעמונג אין די לעצטערע תקופה, אינאיינעם מיט ראשי קהלתינו הק׳ אין וויליאמסבורג, ראשי קהלתינו הק׳ אין קרית יואל, און די עסקנים פון ״דירה נאה*״ וואס געבן זיך אָפּ אהערצושטעלן דירות רחבות פאר אנשי שלומינו די בכל אתר ואתר
שטייענדיג ערב דעם פרייליכן ליכטיגן יום טוב פּורים, זענען אנשי שלומינו ששים ושמחים, צו די היסטאָרישע דורכברוך לטובת אנ״ש, להרחיב גבולי עירנו, קהלתינו, מוסדותינו, מיט א ווייטגרייכנדער פּועל יוצא פאר׳ן הייליגן עתיד פון עיר עוז לנו, קרתא קדישא, קרית מלך רב, חדוות ומשוש לבינו ״קרית יואל״!
לויט ווי עס ווערט געמאלדן וועט זיך דער *״דירות פארקויף שוואונג״* אנהייבן תיכף ומיד, וואו אנ״ש וועלן האבן די געלעגנהייט צוצוקומען צו ״מלכות׳דיגע רחבות׳דיגע דירות״ פאר די ״*אויסנאַמליכע ביליגע פּרייזן*״, שוים לכל נפש, ממחרת יום הפּורים הבעל״ט!

אפּליקאציעס פאר די דירות וועלן קענען איבערגעגעבן ווערן אין *די צענטראלע אפיסעס פון קהל יטב לב אין וויליאמסבורג דורך די ״דירה נאה״ קערפּערשאפט און אין די צענטראַלע אפיסעס פון קהל יטב לב אין קרית יואל

סאטמאר שטוינט! סאטמאר קוועלט! וְכָל מַעֲשֵׂה תָקְפוֹ וּגְבוּרָתוֹ!

בכוחו ובזכותו של אותו זקן! הם אמרו פּן ירבה, ורוח הקודש אומרת כן ירבה וכן יפרוץ

[עהעם]

unnamed (44).jpg

דאס האט א דירעקטע שייכות מיט די גזירת החינוך?

[טיפע טאשן]

unnamed (44).jpg

דאס האט א דירעקטע שייכות מיט די גזירת החינוך?

יא אין לאנדאן

[בן נביאים]

.