כ"ו אב אין סאטמאר - תשפ"ד

[Azoi Tzi Zugen]

טעכנאלאגיע, רבים חללים הפילה! די סמארטפאון'ס, קאמפיוטערס. מ'דארף האבן גרויס זהירות.

[Azoi Tzi Zugen]

דער פעטער האט זיך געשפיגלט מיט קרית יואל! יעדע נייע הויז איז אים געווען א שמחה! ער האט געזען א פרי ברכה בעמלו!

רצון קדשו איז געווען מזאלך זיך דא פירן לויט זיינע הוראות, אין התנהגות, אין חינוך, צניעות, און מיט השקפה כלפי ציונות. מ'זאל זיין חסידיש, קביעת עתים לתורה.

ב"ה, קרית יואל האט זיך אויסגעברייטערט מיט טויזנטער משפחות. ס'האט זיך אויסגעשפרייט ארום און ארום מזרח מערב צפון דרום. כל המחובר לטהור טהור! די קדושה שוועבט אויך אין די גלילות! די גלילות איז א חלק פון קרית יואל! "אן א חילוק!!".

ס'ליגט א חוב אויף די תושבי הגלילות זיי זאלן דאס וויסן. ס'זייער פליכט זיך צו פירן ווי די רצון פון פעטער אין אלעם. און דאס איז סיי פאר א יחיד און סיי פאר א ציבור, אויב האבן זי אנדערע דיעות ווי די יסודות פון פעטער, איז נישט קיין בושה זיי צו זאגן: זיי באלאנגען נישט אין קרית יואל, און אפילו נישט אין די גלילות!

ניו יארק איז גרויס! מען קען בויען איבעראל לויט זייער השקפה! אבער נישט דא אין שטאט אדער גלילות. דאס איז נאר פאר די וואס גייען אין זיין השקפה לגמרי!

[Azoi Tzi Zugen]

אונז דארפן ממשיך זיין די מלחמה קעגן ציונות, נישט נאר די גזירות, נאר די עצם רעיון הציוני איז כפירה בה'!

יעצט הערשט א גזירה פון גיוס בני ישיבות. דאס פארשטייט 'יעדער' אז ס'איז א הירוס פון לימוד התורה. אבער מ'ווייסט אויך אז ווער ס'קומט אן אין מיליטער גייט אראפ פון וועג ר"ל. אזוי האט די עבר געוויזן!

ב"ה, ס'דא א גרויסע התעוררות קעגן די גזירה אין די גאנצע אידישע וועלט! מ'דארף מתפלל זיין ס'זאל זיך נישט אויסקילן!

מריחוק מקום זאגן מיר פאר זיי: חזקו ואמצו!!! ה' עמכם אין די גרויסע מלחמה! און חלילה צו מאכן פשרות בנוגע דעם!!

איז דאס פלאץ מעורר צו זיין דאס יהדות החרדית דאהי, מ'זאל קומען צוהילף תושבי ארה"ק. אין כוחינו עאלא בפה, צו מאכן א עצרת תפילה און מחאה, פאר יעדן וואס האט א קשר מיט תורה און א אחריות אויף כלל ישראל!

מ'זאל קומען ברוב עם הדרת מלך! מען בעט אלע מנהיגים זיך צצושטעלן! א' נצבים וילך ברוב עם.

[Azoi Tzi Zugen]

די ישיבה אין קרית יואל, אויסערן שטאט, מער ווי 1000 בחורים לערנען בהתמדה רבה! בעיון ובעמקות, מען פארהערט זיך צענדליגער פרקים און מסכתות. אלע כוללים זעען די פירות. אינגעלייט מצויינים.

די וואס שיקן אועק מיינען זיי טוען א חכמה, יענע ישיבה האט עפעס א נאמען, באמת איז עס א דמיון. ווען די בחור ווערט עלטער און מ'איז זיי משלח, קומען זיי אן קיין אר"י. יעדער ווייסט די הפקירות וואס פאסירט רח"ל.

געלויבט השי"ת דא איז פאראן א גוטע מסגרת פאר "אלע" אין יעדן יארגאנג. קיינער ווערט נישט געפסלט אלס יארגאנג, צום פרייד פון בחורים און עלטערן.

[Azoi Tzi Zugen]

קרית יואל איז ב"ה אויסגעוואקסן פון א "שטעטל" צו א גרויסע שטאט! היינט וואוינען אין ק"י העכער 8000 משפחות כ"י! רובם ככולם פירן זיך ווי ס'דארף צו זיין. דאס איז א כבוד פארן מייסד וואס די שטאט טראגט זיין נאמען.

אבער דער יצה"ר האט נישט פארגעסן פון אונזער שטאט. יעדע שטיק צייט קומט ער מיט אנדערע וועגן. חבלים נפלו לי בנעימים צו היטן די שטאט אין סור מרע פון די ירידת הדורות פון די מדינה, און אין עשה טוב צו הרמת קרן התורה, די מוסדות, די ישיבות, בנים ובנות, צניעות, כשרות.

זה לי כארבעים שנה צו טון די עבודה קשה שבמקדש. אז מ'קוקט צוריק, איז ב"ה געווארן עליות אין יעדע דבר שבקדושה. ס'דא בעלי בתים און אינגעלייט שאין דוגמתם בכל העולם! זייער התנהגות איז עלית על כולנה. כ'בין זיכער (דער רבי רעדט בקול בכי!!!) אז דער פעטער וועט מיר מחזיק טובה זיין אויף די שווערע ארבעט.

עכ"ז איז דא ווער עס וויל אפשוואכן דא זאל זיין א עיר פרוצה רח"ל. שלוחים פונעם שטן חרוב צו מאכן די קדושה פונעם שטאט. כ'וויל זיי זאגן, דער פעטער איז מגין אויף די שטאט, און מען וועט נישט מצליח זיין עס צו צוברעכן.

[Azoi Tzi Zugen]

א חלק פון די הצלחה פונעם שטאט איז דירות!

דער פעטער האט געהאט א געוואלדיגע הקפדה, יחידים זאלן נישט קויפן קרקעות ארום קרית יואל. ס'פשוט אז ס'איז ווייל ער האט פארשטאנען אז ס'וועט ווערן א ביזנעס מיט קרקעות, וועט שטייגן די פרייז פון די קרקע, און ס'וועט הייבן די פרייז פון די דירות. ס'טוט וויי, ס'דא יחידים מיט קרקעות וואס האבן געהויבן די פרייז פון די קרקע גאר שטארק! און ס'איז צוגעקומען די וואס בויען די הייזער, איז געווען וואס האבן געהויבן כפי רצונם, אין די לעצטע 3 יאר איז געשטיגן מוראדיג! און אז ס'שטייט די קויפן, שטייגט דאס דינגען.

דאס איז בניגוד לרצון פונעם מייסד! ס'איז א עולה גדולה פאר די תושבים!

[Azoi Tzi Zugen]

נעכטן נאכט האט מיר גערופן א איד פון וומסב"ג, ער וויל שדינגען א דירה, 5 שלאף שטובער, 7.5 טויזנט א חודש!

די וואס הייבן דא די פרייזן ווילן דא זאל אויך אזוי אנקומען! וואו מען מען אנקומען. אין די לעצטע חדשים האב איך זיך אריינגעלייגט וויפיל ס'קאסט צו בויען. גערעדט מיט די בויערס, זיי האבן געזאגט דעם אמת און איך ווייס. היינט שעמט מען זיך נישט צו בעטן דאהי $600 א ס"פ! איך ווייס שוין דעם אמת, די פרייזן פון בויען, ווען מען פארקויפט פאר $300 א סקווער פיס מאכט מען אסאך געלט! און מ'איז בארעכטיגט! מלייגט אריין געלט, כח, ארבעט. אבער א גבול מוז זיין. מ'טאר נישט מייקר זיין די שער. נישט פון קרקע נישט פון דירות.

ליגט אויף מיר א פליכט צו טון דערין.

[Azoi Tzi Zugen]

כוויל זאגן ברבים. די הנהלה גשמי פון קרית יואל, וואס פון זיי דארף מען א פערמיט צו בויען, זיי וועלן נישט געבן א פערמיט פאר ווער עס נעמט נישט אן די תקנה, נישט צו בעטן מער ווי 300 דאלאר!

ס'שוין דא ווער ס'האט עס אנגענומען. כ'וויל זיי דא זאגן ברבים: יישר חילכם! ענק וועלן האבןהצלחה, און אויך מאכן געלט.

פאר די אנדערע זאג איך, ענק וועלן עס אננעמען בעתיד! וד"ל.

[לא ימושו מפיך]

די דירות מארקעט טרייסעלט !!!

ברוך שמסר עולמו לשומרים!!!

[טראפקעלע]

WOW
צו באקומען פאר 300 דאלער א סק,פיס אין שכונת ויו"מ איז בתנאי אז די אייגענע דירה וואס מ'פארקויפט גייט אויך אויף דעם פרייז!!!!

אייזן!!!

[Azoi Tzi Zugen]

ס'דא שכונת ויואל משה, הנגיד הנכבד ר' עקיבא הערש קליין נ"י האט עס געקויפט, אויפגעבויט א הערליכע שכונה! פאר א פרייז שוה לכל נפש!

ער איז געווען א עומד בדיבורו, און ווען ס'איז געקומען צו גמר האט ער נישט צוגעבעטן א הוספה, טראץ וואס אנדערע טוען יא אזוי, כאטש ס'אז שלא ביושר.

היינט צוטאג וואוינען דארט קרוב צו 1000 חשובע משפחות. ר' עקיבא הערש האט שוין אלע פערמיטס צו בויען נאך 1000 דירות, און ער האט שוין אנגעהויבן עס צו בויען. אזוי אז מ'קען אים נישט צווינגען.

אבער כ'האב גערעדט צו אים, כ'האב אים געבעטן, און מרצונו הטוב האט ער מסכים געווען צו פארקויפן "פאר יעדם תושב קרית יואל" פאר בלויז $300 א סקווער פיס!!!!!!!

בתנאי, ס'זאל זיין צום וואוינען! נישט פאר מסחר! און אויך נאר פאר ווער עס האט נאכנישט א דירה. אויב ער האט שוין, ער האט א קליינע און ער וויל קויפןו א גרויסע, איז עס מיט א תנאי אז ער זאל פארקויפן זיין קליינע דירה אויך נאר פאר די פרייז. ס'זאל זיין יושר!

ווער ס'ווייסט די פרייזן אויפן מארק, קען אנהייבן טראכטן וואס שאדן דאס איז פאר אים. אסאך מיליאנען! במספר גדול! אויף 1000 דירות! אבער וויבאלד ס'איז די טובה פון ק"י, און פון די תשובים, בין איך זיכער דער פעטער ז"ל וועט אים באצאלן בעולם העליון כמעשהו הטוב! ער וועט מרויח זיין ביי אנדערע פלעצער בכפליים!!!!


מיין הוספה: WOWOWOW

אומגלויבליך!!!!!!!!!!!!!!!!!!!!!!!!!!!!

[Azoi Tzi Zugen]

אויף קארלסבורג האט ועד הקרי' א לאט, דארט קען מען אויך בויען 1000 דירות. איך האב גערעדט מיט רבי מאיר הירש, ער גייט פארקויפן די שטח פאר גאר ביליג!! פאר א דעוועלאפער וואס וועט בויען פאר ביליג פאר בלויז $300 א סקווער פיס!

מיין הוספה:

דאס איז א פרישע באמבע!!!! איך קען ממש נישט גלייבן. WOW.

[צווייזייטיג]

א חלק פון די הצלחה פונעם שטאט איז דירות!

דער פעטער האט געהאט א געוואלדיגע הקפדה, יחידים זאלן נישט קויפן קרקעות ארום קרית יואל. ס'פשוט אז ס'איז ווייל ער האט פארשטאנען אז ס'וועט ווערן א ביזנעס מיט קרקעות, וועט שטייגן די פרייז פון די קרקע, און ס'וועט הייבן די פרייז פון די דירות. ס'טוט וויי, ס'דא יחידים מיט קרקעות וואס האבן געהויבן די פרייז פון די קרקע גאר שטארק! און ס'איז צוגעקומען די וואס בויען די הייזער, איז געווען וואס האבן געהויבן כפי רצונם, אין די לעצטע 3 יאר איז געשטיגן מוראדיג! און אז ס'שטייט די קויפן, שטייגט דאס דינגען.

דאס איז בניגוד לרצון פונעם מייסד! ס'איז א עולה גדולה פאר די תושבים!

דער רבי האט געגרינדעט די ועד הקריה?

כ'פרעג ווייל כ'ווייס נישט...

[נייעס ליבהאבער]

אויף קארלסבורג האט ועד הקרי' א לאט, דארט קען מען אויך בויען 1000 דירות. איך האב גערעדט מיט רבי מאיר הירש, ער גייט פארקויפן די שטח פאר גאר ביליג!! פאר א דעוועלאפער וואס וועט בויען פאר ביליג פאר בלויז $300 א סקווער פיס!

מיין הוספה:

דאס איז א פרישע באמבע!!!! איך קען ממש נישט גלייבן. WOW.

אה.. דו בוסט דער וואס איז געזיצן אין חדר יצחק מארקאוויטש בשעתן רבינ'ס דרשה אין געטייפט אויף א לעפטאפ....

[יאנטשי]

אויף קארלסבורג האט ועד הקרי' א לאט, דארט קען מען אויך בויען 1000 דירות. איך האב גערעדט מיט רבי מאיר הירש, ער גייט פארקויפן די שטח פאר גאר ביליג!! פאר א דעוועלאפער וואס וועט בויען פאר ביליג פאר בלויז $300 א סקווער פיס!

מיין הוספה:

דאס איז א פרישע באמבע!!!! איך קען ממש נישט גלייבן. WOW.

איז דאס די זעלבע לאט פון דעם רבינס דירות?

[שמח]

אויף קארלסבורג האט ועד הקרי' א לאט, דארט קען מען אויך בויען 1000 דירות. איך האב גערעדט מיט רבי מאיר הירש, ער גייט פארקויפן די שטח פאר גאר ביליג!! פאר א דעוועלאפער וואס וועט בויען פאר ביליג פאר בלויז $300 א סקווער פיס!

מיין הוספה:

דאס איז א פרישע באמבע!!!! איך קען ממש נישט גלייבן. WOW.

אה.. דו בוסט דער וואס איז געזיצן אין חדר יצחק מארקאוויטש בשעתן רבינ'ס דרשה אין געטייפט אויף א לעפטאפ....

נעה, ער האט אנפאנג געשריבן אז ער זיצט אין קאר...

[למדן וחסיד]

איז דא רעקארדינג פונעם דרשה?

[חצקל משמש]

טייערע אידן פאליטיק איז נישט דא די פלאץ אויסצושמועסן.

[קונטסל]

א חלק פון די הצלחה פונעם שטאט איז דירות!

דער פעטער האט געהאט א געוואלדיגע הקפדה, יחידים זאלן נישט קויפן קרקעות ארום קרית יואל. ס'פשוט אז ס'איז ווייל ער האט פארשטאנען אז ס'וועט ווערן א ביזנעס מיט קרקעות, וועט שטייגן די פרייז פון די קרקע, און ס'וועט הייבן די פרייז פון די דירות. ס'טוט וויי, ס'דא יחידים מיט קרקעות וואס האבן געהויבן די פרייז פון די קרקע גאר שטארק! און ס'איז צוגעקומען די וואס בויען די הייזער, איז געווען וואס האבן געהויבן כפי רצונם, אין די לעצטע 3 יאר איז געשטיגן מוראדיג! און אז ס'שטייט די קויפן, שטייגט דאס דינגען.

דאס איז בניגוד לרצון פונעם מייסד! ס'איז א עולה גדולה פאר די תושבים!

דער רבי האט געגרינדעט די ועד הקריה?

כ'פרעג ווייל כ'ווייס נישט...

נישט פארשטאנען דיין פראגע.
די תגובה וואס די ציטירסט רעדט אז די רבי ז"ל האט געהאט אן הקפדה אויף די וואס האבן געקויפט קרקעות ארום די שטעטל. סיי וועלכע פראגע אויף די נושא?
די וועד הקריה:
די רבי האט נישט געגרינדעט די יעצטיגע עסקנים, די רבי האט דאון אויך געהאט עסקנים, אבער די יעצטיגע הנהלה איז געשטעלט געווארן מיינעך א טייל דורך די רבי ז"ל הברך משה .

[אחת למעלה]

כ'מוז זאגן. איך האב ערענסט טראמא פון ארויפגיין צום ציון אין די טאג פון יארצייט נאך וואס אין מיינע בחור'ישע יארן פלעגט זיין אזא געדרענג ממש נישט אויסצוהאלטן. מענטשן פלעגן חלש'ן שטופן שרייען וכו'. סא כ'פלעג אפילו נישט וועלן גיין צום ציון נאכן האבן א פחד פון די גאנצע טראמא.

די לעצטע פאר יאר אבער איז ממש א מחי' מיט די שלאנג וועג. מען קען געהעריג אדורכגיין אן זיך שטופן מען קען לייגן א קוויטל. אנלאנען אויפן רבי'נס הייליגע מציבה פאר אפאר סעקונדען און זאגן תהלים בכוונה.

ממש מוראדיג פון די עסקנים

ויה"ר אז די רבבות אלפי ישראל און די פעסער טרערן פון אינג און אלט וואס גיסן אויס דאס הארץ ביים ציון הק' זאלן נתקבל ווערן בזכות דעם גרויסן הייליגן בעל הילולא זי"ע, מ'זאל האבן געפועלט און ווייטער פועל'ן אלעס גוטס.

[שמח]

איז דא רעקארדינג פונעם דרשה?

טעמע: סאטמאר (מהר"א): נייעסן און שמועסן בתוככי הקהלה

*דברות קודש מעניני דיומא*
ובענינים העומדים על הפרק
*מכ"ק רבינו הגה"ק שליט"א*
אצל סעודת הילולא קדישא של
*כ"ק רביה"ק בעל דברי יואל זיע"א*
כ"ו מנחם אב תשפ"ד לפ"ק
*בהיכלי ביהמ"ד הגדול דקרית יואל יצ"ו*

סאטמאר'ע נייעס

דרייוו לינק צו די דב''ק

[ווער]

unnamed - 2024-09-01T130625.872.jpg (363.53 KiB) געזען געווארן 1342 מאל

[שאינו יודע לשאול]

f50a57_0142a158115448d6accd9e19ff0dd1b2~mv2.jpeg (229.83 KiB) געזען געווארן 1543 מאל

f50a57_e81dac9d50a142cf9184f9eb9570b0aa~mv2.jpeg (264.21 KiB) געזען געווארן 1543 מאל

Screenshot (206).png (241.26 KiB) געזען געווארן 1543 מאל

[שאינו יודע לשאול]

אדמורים ורבנים ביים יארצייט.

Screenshot (210).png (1.09 MiB) געזען געווארן 734 מאל

Screenshot (211).png (940.9 KiB) געזען געווארן 734 מאל

Screenshot (212).png (1011.15 KiB) געזען געווארן 734 מאל

[אסמכתא בעלמא]

מיר ווילן בעטן נישט ארויפצולייגן דא 'קיין שום' מודעה וועלכע האבן שייכות מיט פאליטישע פאסירונגען, לכאן אדער לכאן, אפילו אפיציעלע צעטלעך אויך נישט.

יישר כח.