באריכטן און בילדער פון אלע חצרות הקודש

[Joel]

ילדי תלמוד תורה קדושת התורה בירושלים שבנשיאות המשפיע הרה”צ רבי צבי מאיר זילברברג שליט”א בביקור חיזוק אצל מרן פוסק הדור גאב"ד ירושלים מרא דארעא קדישא שליט”א

[מיילעך פריילעך]

מעלבוירן - נאך די מסע הקודש אין אמעריקע און קאנאדע און אין די יעצטיגע צייט וואס די גדולי הדור שליט"א וואס שטייען אין שפיץ פון די 'קרן עולם התורה' געפינען זיך אין ענגלאנד אויף א מסע הקודש פון 48 שעה, האבן זיי אפגעשיקט א בריוו צו די אידן אין די ווייטע אוסטראליע וואס האבן אויף די אייגענע האנט אנגעהויבן צו אויפטרייבן געלט פאר דער ניי געגרינדעטע קרן.

די בריוו דעקט אויף די גענויע ציפערן וואס די רעגירונג האט געשניטן פון די ישיבות און כוללים, פאר בחורים איז דאס $127 א חודש וואס איז $1524 א יאר, און פאר כולל אינגערלייט איז דאס $228 א חודש וואס קומט אויס צו $2736 א יאר, די טאטאלע סכום פון אלע אינגערלייט און בחורים אינאיינעם קומט אהן צו 107 מיליאן דאלאר וואס פון דעם געפונט זיך שוין 94 מיליאן דאלאר אין די קאסע.

די גדולי הדור וואס האבן אונטערגעשריבן די בריוו געבן א פערזענליכע דאנק פאר די אוסטראליער אידן וואס האבן נישט געווארט אז מען זאל זיין בעטן נאר אליינס אריינגעטאנצן צו ארויסהעלפן די לומדי תורה מתוך הדחק אין ארץ ישראל.

[שאינו יודע לשאול]

אן אינטערסאנטע אנעקדאט האט זיך אפגעשפילט פארלאפענע וואך ביי כ"ק אדמו"ר מבעלזא שליט"א, ווען דער רב שליט"א האט באמערקט א סמארטפאון ביי א אינגערמאן וואס איז אריינגעקומען מיט א קוויטל. דער רב האט געפרעגט דעם אינגערמאן אויב ער האט א פילטער און יענער האט נישט געוואלט ענטפערן. דער רב האט אים ווידער געפרעגט אויב ער האט א פילטער און יענער האט מודה געווען אז ניין, ער האט נישט קיין פילטער. אויפן פלאץ האט דער רב גענומען דעם קוויטל און עס צעריסן.
​​​​​​​
דער אינגערמאן איז ארויס פון רב'ס שטוב און געזאגט פאר די גבאים אז ער נעמט זיך אונטער צו לייגן א פילטער, דער גבאי האט אים געשריבן א נייעם קוויטל און דער רב האט עס געליינט און אים געבענטשט בברכת קדשו.

קניידל נייעס

[שאינו יודע לשאול]

חומש סעודה אין תלמוד תורה תולדות אברהם יצחק אין הר יונה.

unnamed - 2024-07-31T092612.065.jpg (83.68 KiB) געזען געווארן 1237 מאל

האדמו"ר מתולדות אברהם יצחק אויף אפרוה אין הר יונה.

unnamed - 2024-07-31T092429.552.jpg (108.42 KiB) געזען געווארן 1237 מאל

[שאינו יודע לשאול]

מסיבת אדני הקודש אין מירון לטובת ביהמ"ד הגדול תולדות אברהם יצחק אין ירושלים.

unnamed - 2024-07-31T092619.131.jpg (89.03 KiB) געזען געווארן 1236 מאל

unnamed - 2024-07-31T092624.669.jpg (101.18 KiB) געזען געווארן 1236 מאל

[מיילעך פריילעך]

אידישע נייעס | הוא הודה הוא זיוה הוא הדרה:

כ"ק אדמו"ר מסאטמאר שליט"א לאזט זיך היינט ארויס אויף א מסע הקודש צו די מקומות הקדושים אין אייראפע, לרגל די יומא דהילולא קדישא פונעם ראש השלשלת הרה"ק בעל ישמח משה זי"ע, דער רבי וועט אנקומען מארגן אינדערפרי קיין אנטווערפן, אויף א קורצע באזוך בקרב חסידיו תושבי העיר, שפעטער נאכמיטאג וועט דער רבי פארזעצן די נסיעה קיין סיגוט אין ראמעניע, וואו עס וועט געפראוועט ווערן א געהויבענע שבת בצל הקודש אין די היסטארישע שוהל הויף אין סיגוט.

כ"ק אדמו"ר מסקווירא שליט"א וועלכער האט געוויילט די לעצטע דריי וואכן אין מאליבו קאליפארניע אויף אפרוה, קערט זיך היינט צוריק למעון קדשו אין שיכון סקווירא. היינט פארנאכטס ביים רבינ'ס אנקומען וועט פארקומען די שמחת הברית פון א אור אייניקל ביים רבי'ן, בן הנולד ביי הרב צבי אלימלך טווערסקי שליט"א, איידעם ביי כ"ק אדמו"ר מראחמיסטריווקא מאנסי שליט"א, נאכגעפאלגט מיט די מסיבת לחיים און מעמד קבלת פנים אין די גרויסע שאטער אין סקווירא שטעטל.

מעמדי קודש:
היינט קומט פאר אין מאנסי די יערליכע דינער קשר אחד זכרון קדוש לטובת איחוד מוסדות באבוב 45, עס קומט פאר אין די קראון באללרום אין שפיץ פון כ"ק אדמו"ר מבאבוב 45 שליט"א.

היינט קומט פאר אן ערשטמאליגע דינער אין קרית וויזניץ קייאמישע לעיק לטובת מוסדות וויזניץ אין בית שמש, עס קומט פאר אין ביהמ"ד הגדול אין שטעטל, אין שפיץ פון די ברידער כ"ק האדמורי"ם מוויזניץ שליט"א, דער אורח הכבוד כ"ק אדמו"ר מוויזניץ שליט"א פון בית שמש וועלכער איז צוגאסט די טעג אין שטעטל.

היינט קומט פאר א אסיפה אין ראחמיסטריווקא בית המדרש אין לעיקוואד, לאור קריאת הקודש פון כ"ק האדמורי"ם לבית ראחמיסטריווקא שליט"א זיך אנצושליסן אלס חברים אין די חברה קדישא דקהילה קדושה ראחמיסטריווקא, און קויפן א חלקה בארץ החיים, סמוך ונראה צום ציון הק' פון הרה"ק מראחמיסטריווקא זי"ע, די מעמד קומט פאר אין שפיץ פון די ברידער האדמורי"ם מראחמיסטריווקא שליט"א פון לעיקוואד און אוקענוויין.

שמחות בחצרות הקודש:
היינט קומט פאר די שמחת הבר מצוה פון א אייניקל ביי כ"ק אדמו"ר מתולדות אברהם יצחק שליט"א, א זון פון זיין איידעם הגה"צ ר' אפרים אהרן לעמבערגער שליט"א, זון פון הגה"צ אבד"ק מאקאווא ב"ב זצ"ל. - די שמחה קומט פאר אין זאל בנות ירושלים אויף רחוב בהר"ן אין ירושלים.

היינט קומט פאר די שמחת הברית פון א אייניקל ביי כ"ק אדמו"ר מנדבורנא ירושלים שליט"א, בן הנולד ביי זיין זון הרב ארון לייב ראזענבוים שליט"א, איידעם ביי כ"ק אדמו"ר מזוטשקא ירושלים שליט"א. - די שמחה קומט פאר אין נדבורנא ביהמ"ד אויף רחוב עזרא אין ירושלים.

[מיילעך פריילעך]

אידישע נייעס | בוני ביהמ"ד החדש פשעווארסק אין מאנסי וועלן מיטלעבן זעלטענעם "שבת מיט'ן רבי'ן" אין פראנקרייך:

אין א זעלטענעם ערשטמאליגן שריט וועט כ"ק אדמו"ר מפשעווארסק שליט"א ארויסקומען צווישן ציבור אויף א שבת וויילנדיג אויף אפרו אין פראנקרייך, מאכנדיג דערמיט אן אויסנאם לכבודם פון די נדיבים בעם וועלכע לאזן זיך קאסטן פאר'ן נייעם ביהמ"ד פשעווארסק אין שטאט מאנסי.
דער נייער פשעווארסקער ביהמ"ד אין מאנסי וועט שטיין בראשות דעם רבי'נס זון הרה"צ רבי יוסף צבי לייזער שליט"א אב"ד פשעווארסק מאנסי, און ווערט דינען אלס תל תלפיות לתורה ותפלה וחסידות פאר חסידי פשעווארסק תושבי מאנסי.
אצינד בעת דער רבי שליט"א וויילט אויף מנוחת הנפש אינעם קור-שטאט ניס, אין פראנקרייך, האט דער רבי שליט"א אויסגעדרוקט רצון קדשו און איינגעוויליגט צו מעריך זיין א שבת אינאיינעם מיט די נגידים בעם וואס לאזן זיך קאסטן מיט די פאנטאסטישע סומע פון 200 טויזנט דאלאר און העכער פאר'ן נייעם ביהמ"ד.

[מיילעך פריילעך]

אידישע נייעס | מיט דערלייכטערונג ווערט אויפגענומען די בשורה אז האדמו"ר מקרעטשניף רחובות איז ב"ה באפרייט געווארן פון שפיטאל,
ווי באריכטעט איז דער רבי געווען שטארק אפגעשוואכט די לעצטערע וואכן, און נאך וואס מען האט אנדעקט א לונגען אנטצינדונג איז דער רבי אריבער מעדעצינישע באהאנדלונגן אין שפיטאל. כלל ישראל איז ווייטער מתפלל פאר די גענצליכע ערהוילונג פון מרן מנחם אליעזר זאב בן אסתר רחל לרפו"ש.

[מיילעך פריילעך]

אידישע נייעס | נייע קרן הצלת עולם התורה אויפגעשטעלט
געווארן אין חצה"ק גור:

אין א מודעה ארויסגעשטעלט  מטעם חצה"ק גור איז געמאלדן געווארן די פלענער פון די  נייע געגרינדעטע קרן הצלת עולם התורה צו שטיצן די ישיבות און כולל אינגערלייט מיט די סומעס וואס די רעגירונג האט געשניטן. דער קרן איז אויפגעשטעלט געווארן דורך עטליכע פילאנטראפן פון ק"ק גור, הרבני הנגיד רבי שלמה ווערדיגער, די שפירא פאמיליע, און די קליין פאמיליע, וואס וועלן אינאיינעם מיט אנדערע נגידים אנפילן די לאך פון די 2,000 כולל אינגערלייט און טויזנטער בחורי הישיבות מיט ריזיגע סכומים פון צענדליגע מיליאנען שקלים א חודש.

[מיינע פאעזיעס]

אידישע נייעס | האדמו"ר מבעלזא אנגעפרעגט אינגערמאן אויב זיין טעלעפאון האט א פילטער:

אן אינטערסאנטע אנעקדאט האט זיך אפגעשפילט פארלאפענע וואך ביי כ"ק אדמו"ר מבעלזא שליט"א, ווען דער רב שליט"א האט באמערקט א סמארטפאון ביי א אינגערמאן וואס איז אריינגעקומען מיט א קוויטל. דער רב האט געפרעגט דעם אינגערמאן אויב ער האט א פילטער און יענער האט נישט געוואלט ענטפערן. דער רב האט אים ווידער געפרעגט אויב ער האט א פילטער און יענער האט מודה געווען אז ניין, ער האט נישט קיין פילטער. אויפן פלאץ האט דער רב גענומען דעם קוויטל און עס צעריסן.
דער אינגערמאן איז ארויס פון רב'ס שטוב און געזאגט פאר די גבאים אז ער נעמט זיך אונטער צו לייגן א פילטער, דער גבאי האט אים געשריבן א נייעם קוויטל און דער רב האט עס געליינט און אים געבענטשט בברכת קדשו.

אינטערעסאנט!

[שאינו יודע לשאול]

האדמו"ר מוויזניץ בית שמש אנגעקומען קיין ניו יארק – וועט פראווענען שבת אין בלומינגראוו קרית יואל.

unnamed - 2024-07-31T201953.193.jpg (63.86 KiB) געזען געווארן 1054 מאל

[שאינו יודע לשאול]

הגה"צ אב"ד קרית צאנז נתניה באזוכט ביים פוסק הדור מרא דארעא קדישא לקראת די שמחת הבר מצוה פון בנו.

unnamed - 2024-08-01T094937.601.jpg (65.94 KiB) געזען געווארן 954 מאל

[שאינו יודע לשאול]

קינדער פון כתה ח' אין תלמוד תורה תולדות אהרן ירושלים באזוכן ביים פוסק הדור מרן גאבד ירושלים שליטא.

unnamed - 2024-08-01T095016.913.jpg (86.43 KiB) געזען געווארן 952 מאל

קינדער פון תלמוד תורה קדושת התורה ירושלים באזוכן ביים פוסק הדור מרן גאבד ירושלים שליטא.

unnamed - 2024-08-01T095050.704.jpg (86.3 KiB) געזען געווארן 949 מאל

[וואלף]

אידישע נייעס | נייע קרן הצלת עולם התורה אויפגעשטעלט
געווארן אין חצה"ק גור:

אין א מודעה ארויסגעשטעלט  מטעם חצה"ק גור איז געמאלדן געווארן די פלענער פון די  נייע געגרינדעטע קרן הצלת עולם התורה צו שטיצן די ישיבות און כולל אינגערלייט מיט די סומעס וואס די רעגירונג האט געשניטן. דער קרן איז אויפגעשטעלט געווארן דורך עטליכע פילאנטראפן פון ק"ק גור, הרבני הנגיד רבי שלמה ווערדיגער, די שפירא פאמיליע, און די קליין פאמיליע, וואס וועלן אינאיינעם מיט אנדערע נגידים אנפילן די לאך פון די 2,000 כולל אינגערלייט און טויזנטער בחורי הישיבות מיט ריזיגע סכומים פון צענדליגע מיליאנען שקלים א חודש.

א חודש? מסתם א יאר

[מיילעך פריילעך]

אידישע נייעס | הוא הודה הוא זיוה הוא הדרה:

כ"ק אדמו"ר מסאטמאר שליט"א קומט היינט אן אויף א בליץ באזוך בקרב חסידיו אין אנטווערפן, דער רבי וועט דאווענען שחרית אין גרויסן סאטמארע ביהמ"ד אינאיינעם מיט די תלמידי המוסדות און בחורי הישיבות, דערנאך וועט פארקומען א גרויסארטיגע מעמד קבלת פנים און זמני קבלת קהל בקודש פנימה. שפעטער נאכמיטאג וועט דער רבי פארזעצן די נסיעה קיין ראמעניע, וואו דער רבי וועט פראווענען א געהויבענע שבת בעיר האבות סיגעט.

כ"ק אדמו"ר מוויזניץ שליט"א וועלכער וויילט די טעג אין מאלויע שווייץ אויף אפרוה, לאזט זיך היינט ארויס אויף א בליץ באזוך קיין ניו יארק, צו מיטהאלטן א שבת בצל הקודש פונעם שוואגער כ"ק אדמו"ר מסקווירא שליט"א.

הילולא קדישא:
היינט נאכט ז"ך תמוז געפאלט די יומא דהילולא קדישא פון כ"ק אדמו"ר מצאנז זוועהיל זצ"ל, זיין שוואגער און ממלא מקום כ"ק אדמו"ר מצאנז זוועהיל שליט"א וועט אפרעכטן די יארצייט טיש היינט אויפדערנאכט אין ביהמ"ד אהל שלמה אין מחנה דברי חיים צאנז זוועהיל אין קאניאנגא לעיק אין די קעטסקילס. זיין פלומעניק און ממלא מקום כ"ק אדמו"ר מזוועהיל ארה"ב שליט"א וועט אפרעכטן די יארצייט טיש בבית מדרשו אין די רמת שלמה געגנט אין ירושלים.

היינט נאכט ז"ך תמוז געפאלט די יומא דהילולא קדישא פון כ"ק אדמו"ר מסקווירא פלעטבוש זצ"ל, בנו הגדול כ"ק אדמו"ר מסקווירא מאנסי שליט"א וועט אפרעכטן די יארצייט טיש היינט אויפדערנאכט בבית מדרשו אין מאנסי, און מארגן פארמיטאג ארויפגיין צום ציון הק' אויפן בית החיים אין מאנסי.

שמחות בחצרות הקודש:
היינט קומט פאר די שמחת הבר מצוה פון צווילינג אייניקלעך ביי כ"ק אדמו"ר מפרימישלאן שליט"א, קינדער ביי זיין איידעם הרב יואל קאהן שליט"א, זון פון הגה"צ ר' משה קאהן שליט"א ראש ישיבת תולדות אהרן. - די שמחה קומט פאר אין זאל פון בית חב"ד אין צפת.

היינט קומט פאר די שמחת התנאים פונעם חתן א זון פון הגה"צ ר' נתן נטע זאב ליבערמאן שליט"א, זון פון הגה"צ אבד"ק בעסערמין זצ"ל, און איידעם ביי הגה"צ ר' מאיר אברהם ליבערמאן שליט"א אב"ד האליין, מיט די כלה א טאכטער פון כ"ק אדמו"ר מזאבליטוב שליט"א, זון פון כ"ק אדמו"ר מספינקא זצ"ל, און איידעם ביי כ"ק אדמו"ר מחוסט וומס"ב שליט"א. - די שמחה קומט פאר אין זאל גינת קליין אין קרית יואל.

עס איז געשלאסן געווארן די שידוך פון חתן כלה אור אייניקלעך פון כ"ק אדמו"ר הרה"ק מבאבוב זצ"ל, די חתן א אייניקל פון זיין איידעם הגה"צ ר' ברוך אברהם הורוויץ שליט"א ראש ישיבת באבוב, א זון פון זיין איידעם הרב ברוך יוסף וואקסמאן שליט"א, מיט די כלה א אייניקל פון זיין איידעם הגה"צ ר' בנציון בלום שליט"א דומ"ץ באבוב לאנדאן, א טאכטער פון זיין איידעם הרב אלעזר אייכענשטיין שליט"א, זון פון הגה"צ ר' יוסף מרדכי אייכענשטיין שליט"א מקיוויאשד.

עס איז געשלאסן געווארן די שידוך פונעם חתן א זון פון הרב שלום פסח סעקולא שליט"א, זון פון הגה"צ ר' מנחם סעקולא שליט"א אבד"ק נחלת ישראל סאדאוונא, און איידעם ביי הגה"צ אבד"ק פאפא ירושלים שליט"א, מיט די כלה א טאכטער פון כ"ק אדמו"ר מזידטשויב ב"פ שליט"א.

[מיילעך פריילעך]

אידישע נייעס | כ"ק אדמו"ר מבאיאן שליט"א וועלכע וויילט דעי טעג אין חולדודנא אויף אפרו איז היינט אנגעקומען אויף א באזוך ביי מרן אדמו"ר מוויזניץ שליט"א בבית האכסניה אין חולדודנא.

[מיילעך פריילעך]

אידישע נייעס | בחורי ישיבת גור פון חצור וועלן אריבערגיין קיין ירושלים צוליב אנגעצויגענע מצב אין ארץ ישראל:

אין ליכט פון די די אנגעצויגענע מצב מיט די מלחמה צושטאנד אין ארצינו הק' איז געמאלדן געווארן מטעם חצה"ק גור אז דעם נאכמיטאג וועט פארמאכט ווערן די היכלי הישיבות קטנה און גדולה אין שטאט חצור אין די צפון געגענט אויס זארג אז עס וועט זיך פארערגערן די מלחמה צושטאנד, די בחורים וועלן אריבערפארן קיין ירושלים ווי עס וועלן פארזעצן די לימודים ביז צו א קומענדיגע מעלדונג.

[בית ישראל]

אידישע נייעס | האחים האדמור"ים מוויזניץ וועלן מהיום והלאה אננעמען סנדקאות און עפענען בתי מדרשים אין אנדערע שטעט:

אין א דראמאטישע שריט פון שלום ושלוה ווערט היינט באקאנט בחצרות הקודש וויז'ניץ, אז כ"ק אדמו"ר מוויזניץ מאנסי שליט"א האט געמאלדן פאר זיינע ברידער האדמורי"ם שליט"א לבית וויז'ניץ, אז פון היינט אן קענען זיי אננעמען סנדקאות פון די חסידים פון אנדערע שטעט, און אזוי אויך עפענען שטיבלעך פאר די חסידים וואס וואוינען אין א אנדערע שטאט.
דאס קומט נאך זעקס א האלב יאר זינט די הסתלקות פון הרה"ק בעל תורת מרדכי מוויזניץ זי"ע, ווען די ברידער כ"ק האדמורי"ם לבית וויזניץ פלעגן נישט אננעמען קיין סנדקאות פון חסידים וואס וואוינען אין אנדערע שטעט, מפני כבודו פונעם עלטערן ברודער, און אזוי אויך איז דערווייל נישט געעפנט געווארן קיין שטיבלעך פאר חסידים פון אנדערע רבי'ס, אין די שטעט וואס עס וואוינט דארט א אנדערע וויזניצע רבי.
פארלאפענע וואך ווען כ"ק אדמו"ר מוויזניץ מאנסי שליט"א איז געווען צוגאסט אין די קאנטרי בערג, האט ער אפגעהאלטן א זיצונג מיט די ברידער כ"ק האדמורי"ם, און דערביי געמאלדן אז פון היינט אן קען מען טראגן ברית'ן פון איין שטאט צום צווייטן, און אזוי אויך זאל מען עפענען שטיבלעך פאר די חסידים אין אנדערע שטעט, און באזונדערע כוללים ומוסדות התורה.

וואס איז די סיבה פון אזא היסטריאשע טויש?

דאס מיינט אז עס גייט האבן נעמען פון 3 שטעט לדוגמא ווען וומ''ס גייט עפענען אין ב''פ גייט עס 'וויניץ מאנסי וויאלמבסבורג בארא פארק'

אשאד געווען די אלע געלטער וואס וויזניץ וויליאמסבורג האט אריינגעלייגט אין בלומינגראוו

זיי קענען ווען דאס בויען אין מאנסי אדער די קעטסקילס

פארוואס עפעס?
מיט וואס איז מאנסי אדער קעטסקילס בעסער?
בלומינגראוו איז לכאורה זיין בעסטע אפציע, מאנסי טרעפט ער נישט אזא שטח, קעטסקילס איז שווערער ארויפצושלעפן דעם עולם.

[בצל התומר]

בצל התומר
סאטמאר מהר״יי

שב״ק פרשת פנחס בצל הקודש אין מחנה דברי יואל

► Show Spoiler

שב״ק פרשת פנחס

אום 8:50 איז דער רבי אריינגעקומען אין ביהמ''ד היכל דברי יואל צו תפילת מנחה און איז צוגעגאנגן צום עמוד,
קבלת שבת: מו״ה דוד שמואל טענענבוים הי״ו.

נאכן דאווענען איז מען אריבער גוט שבת זאגן און די געסט האבן שלום גענומען,
דערנאך איז דער רבי אריין בחדרי הפרטי שע''י הביהמ''ד און געזאגט די זוהר לליל שבת קודש,
נאך א קורצע הפסקה איז דער רבי אריינגעקומען אין גרויסן היכל אהל אלטא פיגא צום שלחן הטהור און סעודת שב''ק אינאיינעם מיט די תלמידי הישיבה און די געסט,

דער רבי האט אנגעהויבן שלום עליכם, מיט אשת חיל האט דער רבי מכבד געוועהן נכדו הבה״ח נתן נטע בן הגה״צ אב״ד ור״מ ירושלים - ק״י שליט״א.
הגבהת הכוס צו קידוש הרה״ח ר׳ ברוך יודא רייך הי״ו.
מיט די זמירות שבת האט דער רבי מכבד געווען די מנגנים,

ביי די תורה האט זיך דער רבי געשטעלט אויף די פסוקי הפרשה און ארומגערעדט בענין קנאות לשם שמים.

מיטן בענטשן האט די רבי מכבד געווען הגה״צ ר׳ יואל שליט״א.
נאכן טיש האט מען אהיים באגלייט דעם רבי'ן לביתו נאוה קודש, אויפן וועג האט דער רבי ארומגערעדט פארשידענע מנהגים פון דער הייליגער חתם סופר זי״ע

יום שבת קודש

אום 9:45 איז דער רבי אריינגעקומען צו תפילת שחרית
פסוקי דזמרה: הבה״ח מרדכי לאנדא ני״ו.
צו שחרית איז צוגעגאנגען הגה״צ ר׳ יואל שליט״א.

ביי קריאת התורה איז נתכבד געווארן
הוצאה והכנסה: מו״ה רפאל פישער הי״ו.
כהן: הרה״ג ר׳ יואל גראס שליט״א.
לוי: הרה״ג ר׳ וואלף מאנדל שליט״א.
שלישי: הגה״צ אב״ד ור״מ ירושלים - ק״י שליט״א.
רביעי: חדב״ן הגה״צ ר׳ אלחנן חיים פילאפף שליט״א.
חמישי: הרה״ג ר׳ אהרן אלי שפיטצער שליט״ ר״מ בישיבה.
דער רבי האט עולה געווען שישי
שביעי: הבה״ח יעקב מאיר ב״ר יודא הערש מאנדל הי״ו.
אחרון: הרב אהרן הוראוויץ שליט״א נכד רבינו.
מפטיר: הרה״ח ר׳ ברוך יודא רייך הי״ו.
הגבה: הרב חיים מאיר האלבערשטאם שליט״א נכד רבינו.
גלילה: הבה״ח ישעי ב״ר הערשל קויפמאן הי״ו.

דער רבי איז צוגעגאנגען צו תפילת מוסף לרגל די יארצייט פון אמו הרבנית ע״ה.
פתיחה לאנעים זמירות: מו״ה ישעי ווייס הי״ו.

מען האט פארענדיגט ארום 12:45, און מען איז אדורך גוט שבת זאגן.

נאכ׳ן דאווענען איז דער רבי אריין בחדרו הפרטי ווי עס איז פארגעקומען א קידוש אינאיינעם מיט בני וחתני רבינו שליט״א,
הגבהת הכוס: נכדו הבה״ח נתן נטע בן הגה״צ אב״ד ור״מ ירושלים - קרית יואל שליט״א,
דער רבי האט פארציילט סיפורי צדיקים פון די יארצייטן פון די וואך און ארומגערעדט עובדות וסיפורים פון זקינו הרה״ד הישמח משה זי״ע וואס די יארצייט געפאלט די וואך.

דערנאך איז רבינו שליט״א אריינגעקומען צום בייטאג טיש ווי דער רבי געפירט מיט די תלמידים פון חלק ב׳ אין ביהמ''ד כוונת התפלה,

ביי די תורה האט דער רבי ארום גערעדט איבער כח האמת וואס מען זעהט אין די מעשה פון פנחס.
מיט׳ן בענטשן איז מכובד געווארן הגה״צ ר׳ ליפא שליט״א.

מנחה ושל״ס

אום 8:45 איז דער רבי אריינגעקומען צו תפילת מנחה בעל תפילה איז געווען הרה״ג ר׳ ירוחם זאב דייטש שליט״א מנה״ר בישיבה.

ביי קריאת התורה איז נתכבד געווארן
כהן: הב׳ שמעון כ״ץ ני״ו
לוי: הבה״ח ברוך גרובער ני״ו.
שלישי: הרב אליעזר זוסיא פארטיגאל שליט״א בן האדמו״ר מסקולען מאנסי שליט״א
דער רבי איז געגאנגען הגבה
גלילה: הבה״ח אליעזר זוסיא שווארץ ני״ו.

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ משה שמואל זופניק הי״ו נדיב המחנה.
שיר המעלות: הרה״ג ר׳ סנדר פרענקל שליט״א ר״מ בישיבה.
דער רבי האט געזאגט תורה און געטייטשט אז די מ״ב מסעות פון כלל ישראל איז מרומז עקבתא דמשיחא און ווען א איד האט מסירות נפש איז ער זוכה צו א נס אפגעהיטן צו ווערן פונעם יצה״ר, און וועגן דעם איז געווען מעשרה נסים אז די כהן זאל נישט צוקומען למחשבות זרות.

ידיד נפש: הרה״ג ר׳ יעקב נחמן שטויבער שליט״א מנה״ר בישיבה.

נאך א קורצע הפסקה איז דער רבי אריינגעקומען צו תפילת מעריב און צוגעגאנגען צום עמוד לרגל די יארצייט פון אמו הרבנית ע״ה
נאך מעריב איז מען אדורך זאגן א גוטע וואך, דערנאך האט דער רבי געמאכט הבדלה און געזאגט ויתן לך.


~~

[בצל התומר]

בצל התומר
סאטמאר מהר״יי

זונטאג און מאנטאג פרשת מטו״מ בצל הקודש

► Show Spoiler

זונטאג פרשת מטו״מ בצל הקודש אין מחנה דברי יואל

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ יושע הערש פריעדמאן הי״ו.

אום 8:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ אברהם עיבר לעבאוויטש ני״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אין די פארמיטאג שעות האט באזוכט ביי רבינו שליט"א אין מחנה דברי יואל קאנגרעסמאן מאַרק מאלינארא וואס לויפט פאר רי-עלעקשאן אין קרית יטב לב,
ער איז געקומען מקבל זיין ברכת הקודש אינאיינעם מיט די עסקני "יחד" און די נייע וועד הקריה וואס איז נתמנה געווארן דורך רבינו שליט"א אין די לעצטערע תקופה,
עס האט אויפגעטרעטן הרה"ח העסקן ר' משה דוד נידערמאן הי"ו מען האט ארומגערעדט איבער די וואוקס פון קרית יטב לב און איבער די גזירת החינוך און נאך דברים העומדים על הפרק
די וועד הקריה האט באדאנקט דעם קאנגרעסמאן פארן ארויסהעלפן מיט די סוער סיסטעם אין קרית יטב לב און פאר זיינע פילע לייסטונגען לטובת הקריה און דער רבי האט ווארעם אנגעואונטשען ברכת קדשו.

זמני כניסה איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א.

אום 9:45 איז דער רבי אריינגעקומען צו תפילת מנחה אין ביהמ״ד, געצינדען פינף לעכט און צוגעגאנגען צום עמוד לרגל די יארצייט פון אמו של מלכות הרבנית ע״ה מחברתו הטהורה פון רביה״ק הברך משה זי״ע,
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.


מאנטאג פרשת מטו״מ בצל הקודש אין מחנה דברי יואל

אינדערפרי ארום 8:00 אזייגער איז רבינו שליט״א אנגעקומען קיין קרית יואל ווי דער רבי האט פוקד געווען די ציון הק׳ לרגל די יארצייט פון אמו של מלכות הרבנית ע״ה מחברתו הטהורה פון רביה״ק הברך משה זי״ע,
ביים אנקומען אין בית החיים האט דער רבי געמאכט די ברכה,
דער רבי האט געצינדען לעכט ביי די ציון פון אמו הרבנית ע"ה, דערנאך האט דער רבי געזאגט די תפילה פונעם הייליגן ישמח משה זי"ע און געזאגט די קאפיטלעך פון ספר רביעי,
בעל תפילה: הרה״ח ר׳ חיים אהרן פלאהר הי״ו משב״ק.
נאך תהילים האט דער רבי פארגעלערנט משניות און געזאגט קדיש, דערנאך האט דער רבי געליינט קוויטלעך פאר א לענגערע צייט, און זיך משתטח געווען אויף די ציון פון אמו הרבנית ע"ה דערנאך האט דער רבי געצינדען די נר תמיד ביי די ציונים הק׳.

דער רבי האט געדאווענט תפילת שחרית אינאיינעם מיט תלמידי ישיבתינו הק׳ פון קרית יואל סניף הרה״ג ר׳ אברהם חיים ליפשיץ שליט״א,

פארן דאווענען האט דער רבי געלייגט תפילין פאר די בר מצוה בחורים,
בן הרה״ח ר׳ שמעון ראטה הי״ו.
בן הרה״ח ר׳ חיים שמואל רייך הי״ו.

אום 9:15 איז דער רבי אריינגעקומען צו תפילת שחרית, געצינדן פינף לעכט און צוגעגאנגען צום עמוד לרגל די יארצייט,
ביי קריאת התורה זענען נתכבד געווארן
פתיחה: הרה״ח ר׳ חיים שמואל רייך הי״ו.
כהן: הב׳ יודל שווארץ ני״ו.
לוי: הבחור הבר מצוה בן הרה״ח ר׳ שמעון ראטה הי״ו.
דער רבי האט עולה געווען שלישי.
הגבה: הב׳ נפתלי הערש לעבאוויטש ני״ו.
גלילה: הבחור הבר מצוה בן הרה״ח ר׳ חיים שמואל רייך הי״ו.

נאכן דאווענען איז פארגעקומען א מסיבת לחיים,
עס האט אויפגעטרעטן דער מנהל הרה״ג ר׳ אברהם חיים ליפשיץ שליט״א, דערנאך האט א׳ מתלמידי הישיבה געמאכט א סיום מסכת מכות וואס איז געלערנט געווארן דורך די בחורים, און דער רבי האט געזאגט קדיש,
דער רבי האט משמיע געווען דברת קודש ודברי הדרכה פאר די תלמידים, ארומרעדנדיג התחזקות בלימוד התורה ובפרט אין די זומער חדשים ווען מען חזר׳ט איבער די לימודי השנה, און מסיים געווען בברכות לרוב,
דער רבי האט געטרינקען לחיים, פארטיילט שריים פאר די תלמידים און אנגעוואונטשען ברכת קדשו.
מען האט געענדיגט ארום 11:15.

פון דארט האט רבינו שליט״א אפגעשטאט א באזוך בבית הרבני הנגיד ר׳ ישראל גאלדבערגער הי״ו ווי עס איז פארגעקומען א מסיבת לחיים, אויפן וועג ארויס האט דער רבי באטראכט די העפטיגע בוי ארבעט ביים ביהמ״ד הגדול - היכל אלטר יחזקאל און באגלייטונג פון די חברי הנהלת קהלתינו הק׳.
דערנאך איז רבינו שליט״א געווען אויף א באזוך בבנין הבית רחל - בנין גאלדבערגער אינאיינעם מיט די הנהלת המוסדות און הרבני הנגיד ר׳ ישראל דוב גאלדבערגער הי״ו נדבן הבנין,
צומערשט איז דער רבי אריין אין די עטרת מייזעלס זאלן ווי עס זענען געווען פארזאמעלט די הונדערטער תלמידות פון די העכערע קלאסן,
עס האט אויפגעטרעטן די מנהל הבית רחל הרה״ג ר׳ נחמן זיגעלמאן שליט״א און מקבל פנים געווען דעם רבין, דערנאך האט דער רבי משמיע געווען דברת קודש ודברי הדרכה פאר די תלמידות און מסיים געווען בברכת קדשו,
דערנאך איז דער רבי ארויס אויפן גאס און אריבער ווי עס זענען געווען פארזאמעלט די תלמידות פון די אינגערע קלאסן, דערביי האט דער רבי באטראכט די בנין הבית רחל החדש - בנין גאלדבערגער וואס האלט שוין אין אירע לעצטע פאזעס, און געהערט א באריכט פון הרה״ח ר׳ משה אלי עסטרייכער הי״ו מנכ״ל המוסדות און דער רבי האט געוואונטשען ברכת קדשו און עקסטער פאר העסקן הרה״ח ר׳ אייזיק וואלטער הי״ו יו״ר וועד להקים שע״י מוסדותינו הק׳.
ארום 1:15 האט זיך דער רבי ארויסגעלאזט אויפן וועג למעון קדשו אין מחנה דברי יואל.


זמני כניסה איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, געצינדן לעכט און צוגעגאנגען צום עמוד לרגל די יארצייט.

אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ מאיר ישראל ב״ר יואל פריעדמאן ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.

~~

[בצל התומר]

בצל התומר
סאטמאר מהר״יי

דינסטאג און מיטוואך פרשת מטו״מ בצל הקודש

► Show Spoiler

דינסטאג פרשת מטו״מ בצל הקודש אין מחנה דברי יואל

אינדערפרי ארום 8:30 איז דער רבי אנגעקומען אויף תפילת שחרית אין ביהמ״ד בנין יאקאבאוויטש דקהלתינו הק׳ אין קרית יואל בשכונת בלומינגראוו,
בעל תפילה: מו״ה משה קרויס הי״ו.

נאכן דאווענען איז דער ציבור אדורך שלום נעמען, אזוי אויך איז אריין בקו״פ הגה״צ ר׳ חיים מאיר האגער שליט״א אב״ד וויזניץ - בלומינגראוו בנו הגדול פון האדמו״ר מוויזניץ - וומס״ב שליט״א, מקבל זיין ברכת הקודש לרגל די בר מצוה פון בנו, עס האט זיך פארצויגן א שיינע שמועס איבער די הרחבת גבולי הקדושה אין בלומינגראוו און דער רבי האט ווארעם אנגעוואונטשען ברכת קדשו.

דערנאך איז פארגעקומען די ברית מילה לבן הנולד אצל הרה״ג ר׳ שמואל לייטנער שליט״א דומ״ץ הביהמ״ד, ווי דער רבי איז מכובד געווארן מיט סנדקאות וקריאת השם,
נאכן ברית האט דער רבי געטרינקען לחיים און אנגעוואונטשען פאר דער חשובע בעל שמחה און די זיידעס שליט״א.
אום 10:30 איז דער רבי צוריק אהיים למעון קדשו אין מחנה דברי יואל.

אין די פארמיטאג שעות איז רבינו שליט״א אריבער אין ביהמ״ד תורה ויראה און פארגעלערנט פאר תלמידי הישיבה ח״ד א שיעור במס׳ פסחים,
נאכ׳ן שיעור האבן זיך די תלמידים מפלפל געווען א לענגערע צייט.

זמני כניסה בביתו נאוה קודש איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.


אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ משה אהרן טייטלבוים ני״ו.
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.



מיטוואך פרשת מטו״מ בצל הקודש אין מחנה דברי יואל


אום 8:45 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ יצחק מייזעלס ני״ו.

אין די פארמיטאג שעות איז רבינו שליט״א אריבער אין ביהמ״ד תורה ויראה און פארגעלערנט פאר תלמידי הישיבה ח״ד די צווייטע שיעור במס׳ פסחים.

זמני כניסה בביתו נאוה קודש איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ ישראל איסר גרינפעלד ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 11:00 אזייגער אויפדערנאכט.

~~

[מיילעך פריילעך]

אידישע נייעס | הוא הודה הוא זיוה הוא הדרה:

כ"ק אדמו"ר מסאטמאר שליט"א איז צוגאסט אויף דעם שב"ק אין שטאט סיגעט אין ראמעניע, לרגל די שבת הילולא קדישא פונעם ראש השלשלת הרה"ק בעל ישמח משה זי"ע, דער רבי שליט"א וועט אפרעכטן די תפילות און טישן דורכאויס שבת אינעם הערליכן בית המדרש די שוהל הויף אין סיגעט, מיט די באטייליגונג פון הונדערטער חסידים פון איבער די גארער וועלט.

כ"ק אדמו"ר מתולדות אהרן שליט"א איז צוגאסט אויף דעם שב"ק אין שטאט ליזענסק אין פוילין, סמוך ונראה צום ציון הק' פונעם הייליגן רבי'ן ר' אלימלך זי"ע, אויף א ספעציעלע שבת מיט די נגידי ותומכי המוסדות, חברת המייסדים פאר די נייע בנין ביהמ"ד הגדול דחסידי תולדות אהרן אין ירושלים.

כ"ק אדמו"ר מוויזניץ שליט"א איז צוגאסט אויף דעם שב"ק אין סקווירא שטעטל, בצל הקודש פונעם שוואגער כ"ק אדמו"ר מסקווירא שליט"א, די אכסניא איז אין שטוב פון הגה"צ ר' אהרן מענדיל טווערסקי שליט"א בנו הגדול פון כ"ק אדמו"ר מסקווירא שליט"א.

כ"ק אדמו"ר מראחמיסטריווקא שליט"א איז צוגאסט אויף דעם שב"ק אין מחנה מכינה לישיבה קטנה ראחמיסטריווקא אין גרינפיעלד פארק.

כ"ק אדמו"ר מוויזניץ שליט"א פון בית שמש וועלכער איז צוגאסט די טעג אין ניו יארק, וועט פראווענען דעם שב"ק אין בלומינגראוו געגנט אין קרית יואל, בהיכל ישיבה גדולה תורת מרדכי וויזניץ, בנשיאות אחיו הגדול כ"ק אדמו"ר מוויזניץ שליט"א פון וויליאמסבורג.

כ"ק אדמו"ר מנדבורנא שליט"א איז צוגאסט אויף דעם שב"ק אין די סטעמפארד הילל געגנט אין לאנדאן, די אכסניא איז אין שטוב פון הנגיד החסיד ר' שמעון דאנקאוויטש הי"ו.

כ"ק אדמו"ר מלעלוב שליט"א וועלכער איז צוגאסט די טעג אין ארץ ישראל, וועט פראווענען דעם שב"ק אין אלטשטאט ירושלים סמוך ונראה צום כותל המערבי שריד בית מקדשינו, שטייענדיג אין די ימי בין המצרים.

כ"ק אדמו"ר מראחמיסטריווקא אוקענוויין שליט"א איז צוגאסט אויף דעם שב"ק אין בארא פארק, בבית אמו של מלכות הרבנית הצדיקת מראחמיסטריווקא תליט"א, און וועט אפרעכטן די תפילות און טישן אין ביהמ"ד הגדול ראחמיסטריווקא.

כ"ק אדמו"ר מתולדות יהודה סטוטשין שליט"א וועלכער איז צוגאסט אין ארץ ישראל אין לויף פון די זוממער וואכן, וועט פראווענען דעם שב"ק אין די גרויסע שאטער אויף רחוב מנחת יצחק אין ירושלים.

כ"ק אדמו"ר מספינקא שליט"א וועלכער איז צוגאסט די טעג בקרב חסידיו אין ארץ ישראל, וועט פראווענען דעם שב"ק די תפילות און טישן בבית מדרשו אויף רחוב ראשית חכמה אין ירושלים.

כ"ק אדמו"ר מלוצק שליט"א איז צוגאסט אויף דעם שב"ק אין שטאט ביתר בקרב חסידיו, די תפילות און טישן קומען פאר בבית מדרשו.

כ"ק אדמו"ר מסאסוב שליט"א איז צוגאסט אויף דעם שב"ק אין בני ברק, לרגל די שבת יארצייט פון זקינו הרה"ק בעל ישמח משה זי"ע, די תפילות און טישן קומען פאר בבית מדרשו.

כ"ק אדמו"ר מנדבורנא ביתר שליט"א איז צוגאסט אויף דעם שב"ק אין בני ברק, בבית אמו של מלכות הרבנית הצדיקת מנדבורנא תליט"א, די תפילות און טישן קומען פאר אויף א פריוואטע פארנעם בביתו נאוה קודש פונעם פאטער הרה"ק בעל באר יעקב מנדבורנא זצ"ל.

הגה"צ המשפיע ר' אלימלך בידערמאן שליט"א איז צוגאסט אויף דעם שב"ק אין קרית צאנז טבריה, אויף א שבת חיזוק בקרב הקהילה, בנשיאות מחותנו הגה"צ אב"ד קרית צאנז טבריה שליט"א.

הגה"צ המשפיע ר' יחזקאל ראפאפארט שליט"א רב ביהמ"ד נועם התורה וראש ישיבת תפארת ישראל אין לאנדאן, איז צוגאסט אויף דעם שב"ק בקרב חסידיו ומעריציו אין שטאט קרית יואל, די תפילות, באטע, און שלש סעודות, קומען פאר אין זאל כינור דוד.

[מיילעך פריילעך]

אידישע נייעס | כשהמלך בשדה:

כ"ק אדמו"ר מסאטמאר מהרי"י שליט"א וויילט דעם שב"ק אין מחנה דברי יואל אין סוואן לעיק אויף אפרוה.

כ"ק אדמו"ר מוויזניץ שליט"א וויילט דעם שב"ק אין חלדודנא ענגלאנד אויף אפרוה.

כ"ק אדמו"ר מבאבוב שליט"א וויילט דעם שב"ק אין ווייט לעיק אויף אפרוה.

כ"ק אדמו"ר מבאיאן שליט"א וויילט דעם שב"ק אין חלדודנא ענגלאנד אויף אפרוה.

כ"ק אדמו"ר מפשעווארסק שליט"א וויילט דעם שב"ק אין ניס פראנקרייך אויף אפרוה.

כ"ק אדמו"ר מבאבוב 45 שליט"א וויילט דעם שב"ק אין מחנה מתיבתא עץ חיים אין פארקסוויל אויף אפרוה.

כ"ק אדמו"ר מטאהש שליט"א וויילט דעם שב"ק אין די קאנטרי בערג אין קאנאדע.

כ"ק אדמו"ר מצאנז קלויזענבורג שליט"א וויילט דעם שב"ק אין טאמס ריווער געגנט אין לעיקוואד אויף אפרוה.

כ"ק אדמו"ר מתולדות אברהם יצחק שליט"א וויילט דעם שב"ק אין הר יונה אויף אפרוה.

כ"ק אדמו"ר מוויזניץ שליט"א פון מאנסי וויילט דעם שב"ק אין נייעק בקרב תלמידי ישיבתו הק' אמרי חיים וויזניץ.

כ"ק אדמו"ר מוויזניץ שליט"א פון וויליאמסבורג וויילט דעם שב"ק אין מחנה אהבת ישראל וויזניץ אין ליבערטי.

כ"ק אדמו"ר מוויזניץ שליט"א פון בארא פארק וויילט דעם שב"ק אין מחנה בנות ישראל וויזניץ אין סאוט פאולסבורג.

כ"ק אדמו"ר מתולדות צבי ספינקא שליט"א וויילט דעם שב"ק אין קרית יואל אויף אפרוה, די תפילות און טישן קומען פאר בבית מדרשו.

כ"ק אדמו"ר מקאסוב שליט"א וויילט אין רמת שלמה געגנט אין ירושלים אויף אפרוה.

כ"ק אדמו"ר מסערדאהעלי שליט"א וויילט דעם שב"ק אין מחנה ישיבת סערדאהעלי אין מאנטיסעלא אינאיינעם מיט די  תלמידי הישיבה.

כ"ק אדמו"ר מקאשוי שליט"א וויילט דעם שב"ק אין מחנה ברכת שמים קאשוי אין אלסטערהייטס אינאיינעם מיט די תלמידי הישיבה.

כ"ק גאב"ד יאוואזשנא שליט"א וויילט דעם שב"ק אין מחנה ישיבת תורת משה יאוואזשנא אין מאנטיסעלא.

כ"ק גאב"ד וויען שליט"א וויילט דעם שב"ק אין מחנה מתיבתא נחלת יעקב וויען אין לאק שעלדרעיק.

כ"ק אדמו"ר משענדישוב שליט"א וויילט דעם שב"ק אין מאנסי אויף אפרוה, די תפילות און טישן קומען פאר בבית מדרשו.

[מיילעך פריילעך]

אידישע נייעס | האדמו"ר מוויזניץ ביים אנקומען קיין ניו יארק צו וויילן אויף שב"ק בצל גיסו האדמו"ר מסקווירא.

[מיילעך פריילעך]

אידישע נייעס | האדמו''ר מסקווירא באזוכט ביי גיסו האדמו"ר מוויזניץ, בבית האכסניה אין מאנסי.