Azoi Tzi Zugen האט געשריבן: ↑זונטאג יולי 21, 2024 6:38 pm
אנדערער האט געשריבן: ↑זונטאג יולי 21, 2024 5:50 pm
בן מנחם האט געשריבן: ↑זונטאג יולי 21, 2024 5:49 pm
ביטע צייכנט צו א מקור און ברסלב'ע ספרים צו דעם. איך האב נישט גערעדט צו אלע ברסלב'ער חסידים בכל קצבי תבל.
איך האב שוין געהערט פון א ברסלבער אזא סטעיטמענט
רוב היינטיגע ברסלב'ע משפיעים, אדער לכה"פ א גרויס טייל, וועלן קיינמאל נישט נאכזאגן עפעס אנדערש ווי "רבי נחמן". ס'איז דא ווער יא, אבער עפ"י רוב איז אין די היינטיגע ברסלב נישט דא קיין צדיקים וואס זענען ראוי לעלות על שולחם מלכים אויסער ברסלב. מען קען דאס נישט לייקענען ווייל דאס איז שמש בצהרים. און דאס צייגט א געוויסע פארקנאקטקייט און אנדערש ווי אלע אונזערע זיידעס און רביס האבן אונז געלערנט.
ווידער לגבי @בן מנחם וואס זאגט אז וועם עס געפעלט נישט ברסלב זאל עס איגנארירן, ביסטו אויך גערעכט. ברסלב שטעלט צו פאר די וועלט א מורא'דיגע סערוויס אז ווען איינער שפירט זיך נישט גענוג מחוזק - בלשון המעטה - גייט ער אהין און ער טרעפט זיין גליק אין לעבן. ברור כשמש. אפגעזעו פארוואס אבער עס איז דא אן אמת דערין. נאר, עס האט זייער אסאך מאל גרויסע סייד אפעקטס, סיי לגבי די קהלה פון וואו מען קומט, סיי לגבי די משפחה, און טייל מאל אפילו לגבי אידישקייט, אויב כאפט מען זיך אן אין א נישט גוטע משפיע וואס נוצט אויס די הפקירות אויפ'ן ווארט ברסלב.
אבער דאס וואלט נישט געווען קיין פראבלעם ווען ס'איז יענעמס אייגענע החלטה. היות אבער ברסלב האט א מאסיווע מארקעטינג, עס איז אנדערש ווי סיי וועלכע קהלה אדער חסידות מיט דעם אז עס איז א מצוה רבה אויפצוקלערן און אריינכאפן אנדערע, און כ"ש וכ"ש ווען עס קומט צו היכל הקודש וואס האט אן אפיציעלער מיסיאנערישע סיסטעם פון קירוב רחוקים... מיט א דרוקעריי, קונטרסים, האטליינס, ביזנעס קארטלעך, צעטלעך אין די סידורים, אא"וו, דאס ברענגט אז מצד שני ווערט דאס אויסטערליש פארפייננטעט - מיט רעכט - דורך פשוטע עלטערן וואס פארטראגן נישט די מיסיאנערישקייט. ביסט גליקליך? זיי גליקליך! ביי דיר. נישט ביי יענעם. לאז לעבן.
על ראשון ראשון ועל אחרון אחרון:
אין גור זאגט מען נאך דברי יואל?
אין סאטמאר זאגט מען נאך בית ישראל?
אין וויזניץ זאגט מען נאך פון איזביצא?
איו בעלזא זאגט מען נאך פון חב"ד?
און חב"ד זאגט מען נאך פון קאצק?
און סקווירא זאגט מען נאך פון ספינקא?
אין ספינקא זאגט מען נאך פון קאסאני?
אא"וו.
דאס איז נישט צוליב מחלוקת, נאר יעדערער האט זיין שניט, און אוודאי האט יעדער כלל א יוצא מן הכלל.
ווידעראום אייינער פון די גרעסטע ברסלב'ער משפיעים ה"ה כ"ק הגה"צ רבי יצחק מאיר מארגנשטרן שליט"א וואס האט שוין ארויסגעגעבן אהן א שיעור ספרים און געט יעדע וואך ארויס א גאנץ דיקער גליון מיטן נאמען 'דעה חכמה לנפשך', זאגט כסדר נאך פון אהן א שיעור צדיקים פון אלע שיכטן און קרייזן פון כלל ישראל פון צדיקי הדורות און פון היינטיגע צדיקים ווי אויך רעדט ער ארום כסדר ביי אלע יארצייטן פון סיפורי צדיקים און דברות קודש אהן קיין שום אונטערשייד פון ווער אדער וואו.
לגבי די סייד עפעקטס...
דאס איז נישט א 'ברסלב'ער פראבלעם, נאר פון די וויסטע שנאה פון די 'מתנגדים'.
לגבי פראבלעמען אין 'אידישקייט', ווייס איך נישט פון אזא זאך אז דאס זאל ח"ו האבן צו טוהן מיט ברסלב, נאר פארקערט, מענטשן וואס האבן ח"ו פראבלעמן אין אידישקייט, טרעפן זייער חיזוק אין ברסלב [און מיט רעכט!], אין נאכדעם דרייען די מתנגדים ארום די דאשיק כאילו 'ברסלב' האט זיי געמאכט פראבלעמען אין אידישקייט.
לגבי מארקעטינג...
יעדע וואך קומט ארויס די 'לינק' די 'וויו' די 'באלעבאסטע' וכו' וכו' וואס אלע זענען פול מיט מארקעטינג אויף גשמיות'דיגע זאכן. איך האב נאך קיינמאל נישט געהערט א טענה אז יענער טוט מארקעטן זיינע זאכן. אדרבה, אז ער האט א 'האט אייטעם' זאלן אנדערע אויך הנאה האבן [און אז דער אייטעם טויג נישט איז ער א פאפער און ער זאל עס טאקע ח"ו נישט מארקעטן. קיינער וויל נישט קויפן קיין פארדארבענע פלייש...].
דעריבער ווייס איך נישט פארוואס אז איינער האט א 'רוחניות'דיגער האט אייטעם' און ער פילט אז ער קען מהנה זיין אנדערע אידן [און איר דארפט ניטאמאל באצאלן דערפאר], פארוואס זאלט איר האבן טענות צו איהם אז ער מארקעט עס. אדרבה זייט איהם דאנקבאר.
