בצל התומרסאטמאר מהר״יי
זונטאג פרשת בהעלותך בצל הקודש
► Show Spoiler
זונטאג פרשת בהעלותך
פארן דאווענען האט דער רבי געלייגט תפילין פאר הבחור הבר מצוה,
בן הרה״ח ר׳ יואל טייטלבוים הי״ו.
אום 9:15 איז דער רבי אריינגעקומען צו תפילת שחרית אין ביהמ״ד הגדול,
בעל תפילה: הרה״ח ר׳ ברוך הערש גראס הי״ו.
נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.
ארום 1:20 איז רבינו שליט׳א אנגעקומען קיין בארא פארק צו באשיינען די חומש סעודה פון די תלמידי מוסדותינו הק' פון בארא פארק אין ביהמ"ד הגדול, ווי עס זענען אנוועזנד געווען די הונדערטער עלטערן און זיידעס פון די קינדער צווישן זיי פילע אדמורי"ם רבני ודייני העיר,
דער רבי האט זיך באגריסט מיט די אדמורי״ם ורבנים אויפן אויבנאן און איז ענטפאנגען געווארן דורך די ילדי התשב"ר מיט עטליכע ניגונים לכבוד המאורע, דער רבי האט פארטיילט א סידור פאר אלע קינדער, און דערנאך אויפגעטרעטן מיט קורצע דברות קודש און צוגעענדיגט מיט ברכת קדשו פארן גאנצן ציבור,
דער רבי האט געטרינקען לחיים, און אנגעוואונטשן פאר די קינדער און זייערע עלטערן, און דער ציבור איז אדורך וואונטשען לחיים,
מען האט געענדיגט ארום 2:30.
פון ביהמ״ד איז דער רבי צוגעפארן צום בנין האדיר בית רחל החדש פון מוסדותינו הק׳, וואס האלט שוין אין אירע לעצטע פאזעס, דער רבי אינאיינעם מיט די חברי הנהלת המוסדות איז ארומגעגאנגען אויף אלע זעקס שטאק פונעם געביידע און אויסגעדריקט התפעלות איבער דעם שנעלן בוי ארבעט,
אויפן וועג ארויס האט דער רבי אנגעוואונטשען ברכת קדשו פאר די עוסקים במלאכת הקודש,
פון דארט איז דער רבי אנגעקומען אויף א באזיך און שטוב פון הרה״ח הישיש ר׳ חיים שטערן הי״ו מזקני קהילתינו הק׳ וחתנו הרה״ח ר׳ שאול גאנץ הי״ו לרפו״ש, עס איז אויך אנוועזנט געווען הגה״צ אב״ד סיגוט שליט״א און הגה״צ אב״ד סלאנים -ב״פ שליט״א,
עס האט זיך פארצויגן א שיינע שמועס סיפורים ועובדות פונעם הייליגען קדושת יו״ט זי״ע, דער רבי האט זיך נאכגעפרעגט אויפן מצב הבריות און ווארעם אנגעוואונטשען ברכת קדשו.
אום 3:10 איז דער רבי אהיים לביתו נאוה קודש.
אום 6:30 איז דער רבי אריינגעקומען צו תפילת מנחה בביתו נאוה קודש, בעל תפילה איז געווען הב׳ יעקב כ״ץ ני״ו.
נאך מנחה האט דער רבי מסדר קידושין געווען ביים חופה פון החתן בן הרה״ח ר׳ שמואל ברוך בערקאוויטש הי״ו עב״ג הכלה בת הרה״ח ר׳ יחזקאל שרגא פריעדמאן הי״ו אין די קאנטינענטאל זאל.
און ביי די חופה פון החתן בן הרה״ח ר׳ שמעון פישער הי״ו עב״ג הכלה בת הרה״ח ר׳ יקותיאל וואלף ברוין הי״ו אין די פרדס צבי זאל.
זמני כניסה איז געווען פון 7:15 ביז 9:30 אויפדערנאכט.
בעת די זמני כניסה איז פארגעקומען א חתימת שטרות ווי הרה״ח ר׳ חיים הערש גאלדבערגער הי״ו פון קרית יואל האט אפגעקויפט א זכות אינעם בנין הת״ת פון מוסדותינו הק׳ אין בני ברק,
עס איז אנוועזנט געווען הגה״צ ר׳ ליפא שליט״א און די חברי הנהלת המוסדות, דער רבי האט ארומגערעדט איבער די חשיבות פון די מוסדות אין בני ברק, דערנאך אינטערגעשריבן די שטר מיט׳ן נדבן און ווארעם אנגעוואונטשען ברכת קדשו.
נאך די זמני כניסה איז רבינו שליט״א ארויסגעפארן קיין מאנסי צום רייכן באנקעט לטובת דעם גמר המקח פאר׳ן ביהמ״ד החדש דקהילתינו הק׳ שכונת יוניאן, וואס איז פארגעקומען אין שטוב פון הרה״ח ר׳ וואלף פאללאק הי״ו,
עס האט אויפגעטרעטן דער יו״ר הרה״ח ר׳ מאיר מרדכי בערקאוויטש הי״ו,
דער רבי האט משמיע געווען קורצע דברות קודש ארומרעדנדיג איבער די חשיבות פון אויפבויען אזא מקום תורה ותפילה און אויסגעפירט מיט ברכות לרוב פאר אלע משתתפים,
דערנאך האט אויפגעטרעטן הגה״צ גאב״ד מאנסי שליט״א, און דער גאנצער ציבור איז אדורך ווי דער רבי האט אינטערגעשריבן די שטרות און געוואונטשען ברכת קדשו,
נאכ׳ן מסיבה האט דער רבי געדאווענט מעריב, בעל תפילה איז געווען הרה״ח ר׳ בעריש ווייס הי״ו,
און דערנאך זענען פאר א לענגערע צייט אריין בקו״פ פילע נדיבים בעם וואס האבן זיך אנגעשלאסן מיט גרעסערע סכומים לטובת הביהמ״ד, וואס האט דערגרייכט צום פאנטאסטישן סומע פון איבער א מיליאן דאללער, אויפן וועג ארויס האט זיך דער רבי באדאנקט פאר׳ן בעל אכסניא הרה״ח ר׳ וואלף הי״ו און די עסקני הביהמ״ד און געוואונטשען מען זאל שוין בקרוב זוכה זיין צום חנוכת הבית,
אום 12:45 איז דער רבי אהיים לביתו נאוה קודש אין וויליאמסבורג.
~
~
