באריכטן און בילדער פון אלע חצרות הקודש

[שאינו יודע לשאול]

האדמו"ר מטשערנאביל ביים גיסן די יסודות פון ביהמ"ד הגדול טשערנאביל אין בארא פארק

unnamed - 2024-08-27T172229.601.jpg (112.88 KiB) געזען געווארן 385 מאל

unnamed - 2024-08-27T172237.228.jpg (84.32 KiB) געזען געווארן 385 מאל

unnamed - 2024-08-27T172238.515.jpg (142.58 KiB) געזען געווארן 385 מאל

[שאינו יודע לשאול]

יארצייט פון בעל עטרת ישראל מסאדיגורה זצ"ל ביי בנו האדמו"ר מסאדיגורה

unnamed - 2024-08-27T172319.077.jpg (63.26 KiB) געזען געווארן 397 מאל

unnamed - 2024-08-27T172325.169.jpg (50.65 KiB) געזען געווארן 397 מאל

[דער פאטעטע מייסטער]

אידישע נייעס | בהתרגשות דקדושה גרייטן זיך רבבות תלמידי וחסידי סאטמאר צום פינף און פערציגסטע יומא דהילולא קדישא כ"ו אב פונעם רעיא מהימניה קדישא כ"ק אדמו"ר הרה"ק בעל דברי יואל מסאטמאר זצוק"ל וואס פאלט אויס דעם קומענדיגע פרייטאג:

איבער דער גארער וועלט וועלן חסידי סאטמאר פראווענען די יארצייט סעודות איש על מחנהו ואיש על דגלו און איבערחזר'ן משנתו הטהורה.
בעיר הצדק קרית יואל וועט געפראוועט ווערן די יומא דהילולא רבתי בצל קדשו פונעם מרא דאתרא ממלא מקומו וממשיך דרכו בקודש כ"ק אדמו"ר מסאטמאר שליט"א וואס וועט פראווענען דעם יארצייט בבית מדרשו של בעל ההילולא אינעם ביהמ"ד הגדול, די לייכטורעם פונעם שטאט קרית יואל, דאנערשטאג נאכט וועט בהתאסף ראשי עם יחד שבטי ישראל געפראוועט ווערן דעם צענטראלען סעודת הילולא אינאיינעם מיטן מגבית השנתי לטובת ”דעם רבינ’ס ישיבה” דער ישיבה על קברו דער מתיבתא מיט אירע איבער 1,200 תלמידים דער גאנצער 25,000 סקווער פיס היכל הביהמ"ד ווערט צוגעגרייט מיט טויזענטע זיץ פלעצער און אלע זייטיגע פליגלען וועלן געפענט ווערן צו קענען אקאמאדירן די ריזן ציבור המשתתפים תלמידים וחסידים,
פרייטאג צופרי וועט דער רבי דאווענען שחרית אין ישיבה גדולה סניף ”דברי יואל” סמוך ונראה צום ציון הקדוש פונעם בעל ההילולא און נאכן דאווענען וועט דער רבי אפרעכטן א מסיבת לחיים און אויפטרעטן בדברי הכנה לפני עלי’ לציון פאר די טויזענטע תלמידי הישיבות, און נאכן לחיים וועט דער רבי ארויפגיין פוקד זיין די ציון הק' בראש קהל חסידיו.
במשך דעם טאג זענען ערווארטעט אין קרית יואל א מאסיווע שטראם פון שווערע צענדליגע טויזענטע אידן וואס וועלן באלאגערן דעם שטאט פוקד צו זיין די ציון הק' להיפקד בדבר ישועה ורחמים, מטעם די חברה קדישא דקהל יטב לב ווערט אריין געלייגט די מאקסימום כח אז אלעס זאל אהער געשטעלט ווערן על צד היותר טוב צו קענען אקאמאדירן דעם ריזן ציבור הרבבה.

[שאינו יודע לשאול]

האדמור מסאדיגורא באזוכט ביי הרה"ג ר יוחנן וואזנער שליטא ראבד סקווירא דורכאויס בליץ באזוך אין מאנטריאל

unnamed - 2024-08-29T123433.189.jpg (240.56 KiB) געזען געווארן 1726 מאל

[שאינו יודע לשאול]

הגרא"י פינקל ר"י מיר באזוכט ביים פוסק הדור מרא דארעא קדישא גאבד ירושלים שליטא

unnamed - 2024-08-29T123757.173.jpg (50.37 KiB) געזען געווארן 1722 מאל

unnamed - 2024-08-29T123758.691.jpg (75.72 KiB) געזען געווארן 1722 מאל

[שאינו יודע לשאול]

שמחת החתונה בחצרות באיאן - וויזניץ

unnamed - 2024-09-01T144049.975.jpg (117 KiB) געזען געווארן 1545 מאל

unnamed - 2024-09-01T144101.217.jpg (140.69 KiB) געזען געווארן 1545 מאל

unnamed - 2024-09-01T144056.997.jpg (123.83 KiB) געזען געווארן 1545 מאל

[בצל התומר]

בצל התומר
סאטמאר מהר״יי

שב״ק פרשת עקב בצל הקודש אין מחנה דברי יואל

► Show Spoiler

שב״ק פרשת עקב בצל הקודש אין מחנה דברי יואל

אום 8:50 איז דער רבי אריינגעקומען אין ביהמ''ד היכל דברי יואל צו תפילת מנחה און איז צוגעגאנגן צום עמוד,
קבלת שבת: הרה״ח ר׳ שלמה זלמן הוראוויץ הי״ו פון ק״י.

נאכן דאווענען איז מען אריבער גוט שבת זאגן און די געסט האבן שלום גענומען,
דערנאך איז דער רבי אריין בחדרי הפרטי שע''י הביהמ''ד און געזאגט די זוהר לליל שבת קודש,
נאך א קורצע הפסקה איז דער רבי אריינגעקומען אין גרויסן היכל אהל אלטא פיגא צום שלחן הטהור און סעודת שב''ק אינאיינעם מיט די תלמידי הישיבה און די געסט,

דער רבי האט אנגעהויבן שלום עליכם, מיט אשת חיל האט דער רבי מכבד געוועהן נכדו הבה״ח נתן נטע בן הגה״צ אב״ד ור״מ ירושלים - ק״י שליט״א.
הגבהת הכוס צו קידוש הבה״ח המשב״ק יצחק מיכאל ענגלענדער ני״ו.
מיט די זמירות שבת האט דער רבי מכבד געווען די מנגנים,

ביי די תורה האט זיך דער רבי געשטעלט אויף די פסוקי הפרשה און ארומגערעדט איבער גיין אין די וועגן פון די פריעדיגע צדיקים און דאס איז די וועג זיך צו האלטן אין גלות.

מיטן בענטשן האט די רבי מכבד געוועהן הגה״צ ר׳ יואל שליט״א.
נאכן טיש האט מען אהיים באגלייט דעם רבי'ן לביתו נאוה קודש, אויפן וועג האט דער רבי ארומגערעדט עובדות והנהגות פון רביה״ק זי״ע.

יום שבת קודש

אום 9:30 איז דער רבי אריינגעקומען צו תפילת שחרית
פסוקי דזמרה: הב׳ אברהם מאיר ב״ר אליעזר גרינוואלד ני״ו.
צו שחרית איז צוגעגאנגען הרה״ח ר׳ שלמה זלמן הוראוויץ הי״ו.

ביי קריאת התורה איז נתכבד געווארן
הוצאה והכנסה: הרה״ח שלום ב״ר מענדל שווימער הי״ו.
כהן: הב׳ משה בן חדב״ן הגה״צ ר׳ אלטר גלאנץ שליט״א.
לוי: הב׳ פנחס ב״ר יואל קרויס הי״ו.
שלישי: הגה״צ ר׳ נתן נפתלי הוראוויץ שליט״א ר״מ בישיבה.
רביעי: הרה״ג ר׳ יודא שלום יאקאבאוויטש שליט״א ר״מ בישיבה.
חמישי: הבה״ח חיים הערש ב״ר אהרן יוסף שפילמאן הי״ו.
דער רבי האט עולה געווען שישי
שביעי: הבה״ח דוד ב״ר משה לאנדא הי״ו.
אחרון: הבה״ח חיים בנציון ב״ר משה מאיר שאהנוואלד הי״ו.
מפטיר: הרה״ג ר׳ משה ביטמאן שליט״א מנה״ר בישיבה.
הגבה: הרה״ח ר׳ יושע בערקאוויטש הי״ו.
גלילה: הבה״ח קלמן ב״ר חיים סופר הי״ו.

דער רבי איז צוגעגאנגען צו תפילת מוסף לרגל די יומא דהילולא קדישא פון רביה״ק זי״ע וואס געפאלט דעם קומענדיגן פרייטאג פ׳ ראה.
פתיחה לאנעים זמירות: הב׳ מענדל וואלף ב״ר משה יואל מאשקאוויטש הי״ו.

מען האט פארענדיגט ארום 12:45, און מען איז אדורך גוט שבת זאגן.

רבינו שליט״א איז אריינגעקומען צום בייטאג טיש בביתו נאוה קודש אינאיינעם מיט די בני המשפחה.

מנחה ושל״ס

אום 8:20 איז דער רבי אריינגעקומען צו תפילת מנחה בעל תפילה איז געווען הרה״ג ר׳ ירוחם זאב דייטש שליט״א מנה״ר בישיבה.
ביי קריאת התורה איז נתכבד געווארן
פתיחה: הב׳ לוי יצחק ב״ר עזריאל פעקעטע הי״ו
כהן: הבה״ח אהרן ב״ר מרדכי יודא פאללאק הי״ו.
לוי: הבה״ח יושע העשיל ב״ר ישראל דייטש הי״ו.
שלישי: הרב מנחם אפרים טייטלבוים שליט״א נכד רבינו.
דער רבי איז געגאנגען הגבה
גלילה: הב׳ ישעי בהר״ר חיים שלמה האלבערשטאם שליט״א.

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ משה שמואל זופניק הי״ו נדיב המחנה.
שיר המעלות: הרה״ח ר׳ וואלף לעפקאוויטש הי״ו פון קרית יואל.
דער רבי האט זיך געשטעלט אויפן פסוק 'והיה עקב תשמעון' און דער רבי האט מעורר געווען אז מען האלט שוין נאך חמשה עשר באב און מען גרייט זיך שוין צו די הייליגע טעג, און מען דארף זיך מאכן א חשבון הנפש ווי מען האלט אויף דער וועלט, און זיך אנהייבן צוצוגרייטן צום יום הדין.

ידיד נפש: הרה״ג ר׳ יעקב נחמן שטויבער שליט״א מנה״ר בישיבה.
נאך א קורצע הפסקה איז דער רבי אריינגעקומען צו תפילת מעריב און צוגעגאנגען צום עמוד לרגל די יומא דהילולא קדישא פון רביה״ק זי״ע.
נאך מעריב איז מען אדורך זאגן א גוטע וואך, דערנאך האט דער רבי געמאכט הבדלה און געזאגט ויתן לך.

~~

זונטאג און מאנטאג פרשת ראה בצל הקודש אין מחנה דברי יואל

► Show Spoiler

זונטאג פרשת ראה בצל הקודש

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ אליעזר וואלדמאן הי״ו.

אום 9:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ לוי יצחק ב״ר עזריאל פעקעטע הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

זמני כניסה איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.


אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ ישראל איסר שווארץ ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 10:50 אויפדערנאכט.


מאנטאג פרשת ראה בצל הקודש


אינדערפרי איז רבינו שליט״א אנגעקומען אין מחנה ישיבה קטנה סאטמאר ב״פ ווי עס האלט זיך אויף די תלמידי הישיבה קטנה בהנהלת הרה״ג ר׳ יואל יוסף מאיער שליט״א, און דער רבי האט געדאווענט תפילת שחרית אינאיינעם מיט די תלמידי הישיבה,

אום 8:30 איז דער רבי אריינגעקומען צו תפילת שחרית אין ביהמ״ד,
בעל תפילה: הרה״ג ר׳ יחזקאל בלום שליט״א ר״מ בישיבה.

ביי קריאת התורה זענען נתכבד געווארן
הרה״ג ר׳ דוד אהרן גראס שליט״א ר״מ בישיבה.
כהן: הגה״צ דומ״ץ דקהלתינו ב״פ שליט״א.
לוי: הרה״ג ר׳ חיים שלמה ראטענבערג שליט״א.
דער רבי האט עולה געווען שלישי.
הגבה: הרה״ח ר׳ יואל פרענקל הי״ו מזכיר דקהלתינו ב״פ.
גלילה: הב׳ משה מייזעלס ני״ו.

נאכ׳ן דאווענען איז פארגעקומען א מעמד התחלת כתיבת ספר תורה אויפן ספר תורה וואס ווערט געשריבן דורך די תלמידי הישיבה לע״נ חבריהם היקר הב׳ וואלף ע״ה בן הרה״ח ר׳ טובי׳ ליפא סטרולאוויטש הי״ו, דער רבי האט אריינגעשריבן עטליכע אויתיות און דערנאך מכבד געווען הרה״ח ר׳ טובי׳ ליפא הי״ו ואביו הרה״ח ר׳ יחזקאל סטרולאוויטש הי״ו און די רמ״י הישיבה,
דערנאך איז פארגעקומען א מסיבת לחיים, עס האט אויפגעטרעטן דער מנהל הרה״ג ר׳ יואל יוסף שליט״א און מקבל פנים געווען דעם רבי׳ן,
דערנאך האט אויפגעטרעטן הגה״צ דומ״ץ דקהלתינו ב״פ שליט״א, מען האט געזינגען עטליכע ניגונים און דער רבי האט געטרינקען לחיים און ווארעם אנגעוואונטשען פארן דיין שליט״א, און פאר הנהלת ורמ״י הישיבה און די תלמידים.
דערנאך האט דער רבי משמיע געווען לענגערע דברות קודש ודברי הדרכה ווי דער רבי האט ארומגערעדט בשבח הישיבה און די גוטע גריסן וואס מען הערט צוריק, און דערמאנט אז מען האלט שוין באלד סוף יאר איז די ריכטיגע צייט צוזאמצונעמען די אלע לימודי השנה און עס קונה זיין און דאס איז די הכנה פאר די ימים הנוראים הבעל״ט, און מסיים געווען בברכת קדשו.
נאך די דב״ק זענען אלע תלמידים אריבער נעמען שריים,
דערנאך האט הגה״צ דומ״ץ דקהלתינו שליט״א און אלע תלמידים ארויסבאגלייט רבינו שליט״א ביזן קאר,
מען האט געענדיגט ארום 11:15 און דער רבי איז אהיים למעון קדשו אין מחנה דברי יואל.


זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.
אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

אום 8:15 איז דער רבי אריבער אין ביהמ״ד ׳תורה ויראה׳ פון תלמידי ח״ד ווי עס איז פארגעקומען א סיום הש״ס דורך די בחורים וואס האבן אינאיינעם געלערנט מסכת בש״ס אין די זייטיגע זמנים,
הרה״ג ר׳ יואל בוכינגער שליט״א ר״מ בישיבה האט געמאכט די סיום און געזאגט קדיש, דער רבי האט זיך אויפגעשטעלט טאנצן, דערנאך געטרינקען לחיים און משמיע געווען קורצע דברת קודש ארויסברעגענדיג די חשיבות פון אויסניצן די זייטיגע זמנים ספעציעל ווען מען איז זוכה צו מסיים זיין גאנץ ש״ס און אויסגעפירט בברכת קדשו, דערנאך זענען די תלמידים אדורך נעמען שריים און דער רבי איז צוריק אהיים לביתו נאוה קודש.

אום 9:45 איז דער רבי אריינגעקומען צו תפילת מעריב, בעל תפילה איז געווען הב׳ חיים זאפיר ני״ו.
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.

~~

[בצל התומר]

בצל התומר
סאטמאר מהר״יי

דינסטאג און מיטוואך פרשת ראה בצל הקודש אין מחנה דברי יואל

► Show Spoiler

דינסטאג פרשת ראה בצל הקודש

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ יואל גראס הי״ו.

אום 8:15 איז דער רבי אריינגעקומען צו תפילת שחרית אין ביהמ״ד הגדול, בעל תפילה איז געווען הב׳ יודל ב״ר הלל פאזען הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.


אין די פארמיטאג שעות האט דער רבי פארהערט עטליכע כתות תלמידי ח״א די לימודים פון שיעור עיון.

זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.
אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הב׳ אלי׳ לייב ב״ר חיים ישראל פעלדמאן הי״ו.

ארום 8:45 איז רבינו שליט״א אנגעקומען קיין קרית יואל באזוכן און זיך אומקוקן אויפ'ן היסטארישן שטח הבניה פונעם ביהמ"ד הגדול והחדש - היכל אלטר יחזקאל דקהילתינו הק׳ אין קרית יואל ווי דער רבי איז געווארן אפגעווארט דורך די הנהלת הקהילה און אלע עוסקים במלאכת הקודש,
צום ערשט איז דער רבי אריין אינעם בנין אליהו און זיך צוגעקוקט מיט א קורת רוח ווי די מנינים אין ביהמ״ד גייט אן אומגעשטערט, דערנאך איז דער רבי אריין אינעם נייע היכל און איז ארומגעגאנגען אויף אלע שטאקן פונעם ריזיגן בנין, און זיך אויסגעדריקט מיט אויסטערלישע התפעלות איבער די גאר שנעלע בוי ארבעט און איבער די איבערגעגעבנקייט פון די הנהלת הקהלה און דערביי ווארעם געוואונטשען ברכת קדשו פאר אלע עוסקים במלאכת הקודש,
דערנאך איז דער רבי אריבער אין שטוב פון הרבני הנגיד ר׳ ישראל גאלדבערגער הי״ו און נאך א קורצע הפסקה אריינגעקומען צו תפילת מעריב,
בעל תפילה: הב׳ ישראל איסר ב״ר יואל פאלאטשעק הי״ו.

נאך מעריב האט זיך דער רבי ארויסגעלאזט קיין מאנסי צו א רייכן באנקעט לטובת מוסדותינו הק׳ ׳יטב לב׳ אין בני ברק, וואס איז פארגעקומען אין שטוב פון הנגיד ר׳ הערשל ווייס הי״ו,
עס האט אויפגעטרעטן דער יו״ר הרב יצחק אייזיק דאסקאל שליט׳א,
דער רבי האט משמיע געווען קורצע דברות קודש ארומרעדנדיג איבער די זכיה פון שטיצן אלע מוסדות עטה״ק ובפרט מוסדות יטב לב וואס איז נתייסד געווארן דורך רביה״ק זי״ע וואס מען שטייט אין די טעג ארום די יארצייט, און דער רבי האט אויסגעפירט בברכת לרוב פאר אלע משתתפים און עקסטער פארן בעל אכסניא ר׳ הערשל הי״ו.
דערנאך האט דער רבי געטרינקען לחיים, און דער ציבור אדורך איינציגווייז פאר א לענגערע צייט ווי דער רבי האט אינטערגעשריבן די שטרות און געוואונטשען ברכת קדשו,
אום 11:15 איז דער רבי צוריק אהיים למעון קדשו אין מחנה דברי יואל.


מיטוואך פרשת ראה בצל הקודש אין מחנה דברי יואל

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ אלי׳ בצלאל פריעדמאן הי״ו.

אום 8:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ אברהם מאיר ב״ר אליעזר גרינוואלד הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הרה״ג ר׳ סנדר פרענקל שליט״א.

~~

[שאינו יודע לשאול]

הכנסת ספר תורה צו ביהמ"ד תולדות יהודה סטוטשין אין ירושלים

unnamed - 2024-09-03T135427.548.jpg (73.3 KiB) געזען געווארן 1171 מאל

unnamed - 2024-09-03T135426.473.jpg (87.96 KiB) געזען געווארן 1171 מאל

unnamed - 2024-09-03T135424.160.jpg (69.71 KiB) געזען געווארן 1171 מאל

[שאינו יודע לשאול]

האדמו"ר מליזענסק באזוכט ביי ביי הגר"א שלעזינגער ר"י הרמה לאנדאן

unnamed - 2024-09-03T135458.687.jpg (54.59 KiB) געזען געווארן 1173 מאל

[שאינו יודע לשאול]

שמחת נישואין פון נכד האדמור מתוא"י.

unnamed (62).png (388.36 KiB) געזען געווארן 1155 מאל

[שאינו יודע לשאול]

חנוכת הבית אויף ביהמ"ד תוא"י אין ב"פ.

unnamed (63).png (331.42 KiB) געזען געווארן 1151 מאל

[בצל התומר]

בצל התומר
סאטמאר מהר״יי

דאנערשטאג און פרייטאג פ׳ ראה - יומא דהילולא קדישא של רביה״ק זי״ע בצל מ״מ וממשיך דרכו בקודש כ״ק מרן רבינו שליט״א

► Show Spoiler

דאנערשטאג פרשת ראה בצל הקודש

אום 8:30 איז דער רבי אריינגעקומען צו תפילת שחרית אין ביהמ״ד,
בעל תפילה: הרה״ג ר׳ אהרן אלי שפיצער שליט״א ר״מ בישיבה.

ביי קריאת התורה זענען נתכבד געווארן
כהן: הרה״ח ר׳ מאיר הלל ליבערמאן הי״ו.
לוי: הב׳ בהר״ר סענדר היימליך שליט׳א.
דער רבי האט עולה געווען שלישי.
הגבה: הרה״ח ר׳ שמעון אליעזר שפיגעל הי״ו.
גלילה: הב׳ שאול יחזקאל ב״ר אהרן דוד רייך הי״ו.

״ליל כ״ו אב יומא דהילולא קדישא של רביה״ק זי״ע בצל מ״מ וממשיך דרכו בקודש כ״ק מרן רבינו שליט״א״

ארום 8:30 איז דער רבי אנגעקומען קיין קרית יואל אין שטוב פון הנגיד ר׳ ישראל דוב גאלדבערגער הי״ו ווי עס איז געווען ספעציעלע זמני כניסה פאר נגידי ותומכי קהלתינו הק׳, אזוי אויך איז אריין בקו״פ הגה״צ אב״ד דקהלתינו לאנדאן שליט״א און הגה״צ אב״ד פאיע וחבר הביד״ץ דקהלתינו שליט״א,
אום 9:15 איז רבינו שליט״א אריינגעקומען צו תפילת מעריב, דער רבי האט געצינדן פינף לעכט און יורד געווען לפני התיבה און געזאגט די קדישים, דער רבי האט געדאווענט אינעם סידור פון רביה״ק זי״ע וואס ליגט באוצרו פון הנגיד ר׳ ישראל הי״ו.
נאך מעריב איז פארגעקומען א מסיבת לחיים, עס האט זיך פארצויגן א שיינע שמועס סיפורים ועובדות פון רביה״ק זי״ע און דער רבי האט געוואונטשען ברכת קדשו.

ארום 9:55 איז רבינו שליט״א ערשינען אין ביהמ״ד הגדול והחדש - היכל אלטר יחזקאל צו די צענטראלע שלחן הטהור וסעודת הילולא במעמד אלופי אלפי ישראל זקנים עם נערים ווי דער ביהמ"ד הגדול איז געווען מלא על כל גדותיו עד אפס מקום, דער רבי האט זיך געוואשן צו די סעודה, און דאן געמאכט דעם סיום הש"ס וששה סדרי משנה וואס איז געלערנט געווארן דורך די חברה ש"ס דקהלתינו הק' און דערנאך געזאגט דעם הדרן און קדיש, ביי די לחיים נאך די פיש האט דער רבי געווינטשן ברכת קדשו.
במשך דעם טיש האט מען געזינגען ניגוני דביקות והתעוררות, דער משב״ק הרה״ח ר׳ חיים אהרן פלאהר הי״ו האט אויסגערופן די נדבני הסעודת הילולא און עס האט אויפגעטרעטן מיט א דרשה הגה״צ אב״ד פאיע וחבר הביד״ץ דקהלתינו שליט״א,
ארום 10:30 האט רבינו שליט"א אנגעהויבן די דברות קודש, דברי חיזוק ומוסר, וחובת השעה בדברים העומדים על הפרק, דער רבי האט משלב געווען סוף הש״ס לתחילתו און ממשיך געווען און זיך געשטעלט אויף די פסוקי הפרשה ׳ ראה אנכי נותן לפניכם היום ברכה׳ און געטיישטש במשנתו פונעם בעל הילולא, און ארומגערעדט איבער די גדלות און פעולות לרוב וואס רביה"ק זי״ע האט אויפגעטוהן כל ימי חיותו בכלל ובפרט אין אלע עמודי עולם בתורה, עבודה וגמילות חסדים, און מעורר געווען אידן לתשובה ולתיקון המעשים ביי די הייליגע של״ס תורות און די פלאמפייערדיגע דרשות, דער רבי ז״ל האט אויפגעשטעלט מוסדות החינוך סיי פאר די אינגלעך און סיי פאר די מיידלעך און אויסגעלערנט את הדרך אשר ילכו בה, און דערביי האט דער רבי דערמאנט די ביטערע גזירות החינוך וואס פלאקערט איבער די מוסדות אין ניו יארק און מען דארף מתפלל זיין בזכות פונעם בעל ההילולא שלא ירעו ולא ישחיתו בכל הר קדשי, און די ערליכע עסקנים זאלן האבן גרויס הצלחה אפצושלאגן די שווערע גזירות,
דער רבי האט דערמאנט די פעלות לטובה פאר כשרות און עניני קדושה וצניעות און עס ליגט א פליכט אויף יעדעם איינעם ממשיך צו זיין אין די אלע ענינים אין נישט אריינברענגען אין די שטובער די אלע ליין מאטריאל און זיין אפגעהיטן פון די כלים הטמאים,
דער רבי האט ארויסגעברענגט די פייערדיגע מלחמה לה' וואס רביה״ק זי״ע האט געפירט קעגן די טומאת הציונות אין אלע אירע מלבושים און מען דארף זיך מחזק זיין צו גיין אין זיינע וועגן, בפרט ווען עס הערשט אזא שווערע מצב בארה"ק סיי איבער די מצב המלחמה וואס האט פארשפרייט אסאך שנאת ישראל אין די גאנצע וועלט און מען דארף מתפלל זיין עס זאל גארנישט קאסטן פאר אחינו בני ישראל, און סיי מיט די ביטערע גזירות גיוס בני ישיבות וואס מען דארף אסאך רחמי שמים ניצל צו ווערן דערפון, און דערביי האט דער רבי קלארגעשטעלט אז די ערליכע אידן וועלן נישט נאכגעשלעפט ווערן און דער רבי האט דערמאנט אז ער פארופט אן ׳עצרת מחאה אדירה ויום תפילה׳ בחוצות ניו יארק פאר די ימי הסליחות הבעל״ט אפצושלאגן די ביטערע גזירות הגיוס און ער בעט אלע קהלות הקדושות און דער גאנצן ציבור זאלן זיך צו דעם צושטעלן און אינאיינעם וועט מען זיכער אויספויעלן א ישועה בקרוב,
דער רבי האט ארומגערעדט איבער די מסי״נ פון רביה״ק זי״ע אויפצושטעלן די ׳קרן הצלה׳ צו שטיצן די מוסדות עטה״ק און דאס דארפן מיר ווייטער אנהאלטן מחזק צו זיין די אלע מוסדות, דער רבי ארויסגעברענגט אז ב״ה מען האט זוכה געווען צו פארטיילן א פרישע ריזיגע חלוקה דורך מפעל הקדוש ׳שקל הטהור׳ און ארויסגעברענגט לשבח פון די נדיבים בעם וואס דורך זיי קען מען אנהאלטן די אלע חלוקות און אויך דערמאנט די אברכי הכוללים ובחורי הישיבות וואס שטעלן כסדר צוזאם געלט פאר די מנהלים וואס קומען נאך געלט, און די איינציגסטע וועג זיך צו האלטן ווייטער אויפן וועג פון רבין זי״ע איז דורך לערנען זיינע הייליגע ספרים און איבערחזר׳ן זיינע תורות,
דער רבי האט דערמאנט אז מען שטייט אין די הייליגע שטאט ׳קרית יואל׳ וואס דער רבי זי״ע האט מייסד געווען בדם לבבו און מיט אן התרגשות האט דער רבי ארומגערעדט איבער די היסטארישע הרחבת גבולי הקדושה וואס קומט פאר בקרב קהלתינו ומוסדותינו הק׳ אין ק״י, ובפרט ווי מען שטייט אינעם ניי אויפגעבויעטן היכל הביהמ״ד און דאס אלעס איז בזכותו של אותו זקן דער מייסד העיר רביה״ק זי״ע און זיך ווארעם באדאנקט פאר די הנהלת הקהלה והמוסדות און די אלע עוסקים במלאכת הקודש און עקסטער פאר דער נדבן הגה״ח ר׳ אלטר יחזקאל גליק הי״ו וואס רביה״ק זי״ע כבר סמך ידו עליו און הרה״ח ר׳ אברהם יקותיאל יערמיאש הי״ו נדבן בנין אליהו און הרה״ח ר׳ יוסף יוזפא לאנדא הי״ו ושותפו הרה״ח ר׳ לוי יצחק שווארטץ הי״ו מחברי הנהלת הקהלה, און דער רבי האט אויסגעפירט מיט לענגערע ברכת הקודש עס זאל נשפע ווערן ישועות ברוחניות ובגשמיות לכל העם הנספים,
נאך די דברות קודש האט דער רבי מכבד געווען מיטן בענטשן דער נדבן ההיכל הגה״ח ר׳ אלטר יחזקאל גליק הי״ו און פארטיילט כוס של ברכה פאר אלע עסקני הקהלה,
מען האט געענדיגט ארום 11:30 און דער רבי איז אהיים לבית האכסניא בבית הרבני הנגיד ר׳ מענדל שווימער הי״ו ראה״ק, ביים אנקומען האט דער רבי געצינדן א נשמה ליכט בחדרו הפרטי.


פרייטאג פרשת ראה - יומא דהילולא קדישא בצל הקודש

אין די פארטאגס שעות האט אריינגערופן צו רבינו שליט״א העסקן הרה״ח ר׳ אפרים שטערן הי״ו פון ירושלים עיה״ק ווי עס איז פארגעקומען די מעמד חלוקת שקל הטהור פאר די מסי״נ מנהלים פון די מוסדות עטה״ק, דער רבי האט געהערט א באריכט פונעם חלוקה און ווארעם אנגעוואונטשען ברכת קדשו פאר ר׳ אפרים הי״ו און אלע עסקני שקל הטהור.

אינדערפרי ארום 9:45 איז רבינו שליט״א אנגעקומען בשכונת ניו ווינסדאר בגלילות ק״י צום קרית הישבות - נחלת אברהם ווי דער רבי האט געדאווענט שחרית אינעם בנין הישיבה אינאיינעם מיט די הונדערטער תלמידי הישיבות פון ק״י,
דער רבי האט געצינדן פינף לעכט און צוגעגאנגען צום עמוד.

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ יואל אפרים בר״מ ווייס הי״ו.

נאכן דאווענען איז רבינו שליט''א אריינגעקומען צום מסיבת לחיים ברוב עם הדרת מלך, מען האט געזינגען ניגוני התעוררות, דער רבי האט געטרינקן לחיים און אנגעווינטשן פאר די רמ״י הישיבה און אלע בחורים,
דער רבי האט משמיע געווען דברות קודש, און ארומגערעדט אז מה זרעו בחיים אף הוא בחיים און אז מען זעהט ב״ה ווי עס בויעט זיך ווייטער בנינים אדירים פאר די מוסדות הק׳ וואס אלעס איז נקראת ע״ש פון רבין ז״ל און ווי פאסיג איז אין אזא טאג צו גיסן פרישע יסודות פאר בנינים ווי עס וועלן נתחנך ווערן תלמידים פון רבין זי״ע און אז מען זיכט צו גיין אין זיינע דרכים איז דער רבי זי״ע זיכער משפיע פאר יעדעם איינעם אלע השפעות טובות.
דערנאך איז דער רבי ארויס צום מעמד הנחת אבן הפינה אויפן שטח הענקי ווי עס עס ווערט געבויט צוויי פרישע בניני ישיבה קטנות, דער רבי האט זיך אומגעקוקט אויף די בוי ארבעט און דערנאך האט דער רבי געזאגט א תפילה און געגאסן דעם יסוד און מכבד געווען דער רב שליט״א, די נדבנים, הנהלת המוסדות ורמ״י הישיבה צו גיסן, און דערביי האט דער מנכ״ל המוסדות הרה״ח ר׳ משה אלי עסטרייכער הי״ו אויסגערופן אז הרה״ח ר׳ ישראל חיים קרויס הי״ו סגן ראה״ק דקהלתינו איז מנדב די פאנטאסטישע סומע פון א מיליאן דאלער און קויפט אפ די זכות פון א ביהמ״ד אין איינס פון די בניני הישיבה לכבוד רבינו שליט״א, דער רבי האט זיך באדאנקט און דערנאך זיך ארויסגעלאזט אין א ריקוד אויפן ניגון בורא עולם בקנין און ווארעם אנגעוואונטשען דער חשובן נדבן הבנינים הרבני הנגיד ר׳ אברהם יקותיאל יערמיאש הי״ו,
פון דארט איז דער רבי אריין אינעם עקזיסטירנדן בנין הישיבה - בנין אליהו ווי עס איז פארגעקומען א רייכן מסיבת פת שחרית ווי פילע נדיבים בעם האבן אפגעקויפט זכותים אדירים אין די נייע בניני הישיבות, עס האט אויפגעטרעטן הגה״צ אב״ד ור״מ שליט״א,
דער רבי האט א פאר א לענגערע צייט אינטערגעשריבן די שטרות, געטרינקען לחיים און ווארים אנגעוואונטשען ברכת קדשו,
מען האט געענדיגט ארום 1:30 און דער רבי איז אהיים לבית האכסניא.

שב״ק ומוצ״ש פרשת ראה - שבת מברכים חודש אלול - מעמד אדיר ׳מכונך והיכלך׳ חנוכת ביהמ״ד הגדול והחדש בצל הקודש בק״ק קרית יואל

► Show Spoiler

שב״ק פרשת ראה בצל הקודש

אום 7:50 איז דער רבי אריינגעקומען אין ביהמ״ד הגדול - היכל אלטר יחזקאל מעוטף בטליתו צו תפילת מנחה און צוגעגאנגען צום עמוד,
קבלת שבת: הרה״ח ר׳ לוי יצחק שווארטץ הי״ו חבר הנהלת קהלתינו הק׳.

נאכן דאווענען איז דער ציבור אדורך גוט שבת זאגן פאר א לענגערע צייט, דערנאך איז דער רבי אריבער אין שטוב פון הרה״ח ר׳ יעקב מנחם דייטש הי״ו.

אום 12:00 אזייגער איז דער רבי אריינגעקומען און ביהמ״ד הגדול צום טיש און אנגעהויבן שלום עליכם, מיט אשת חיל האט דער רבי מכבד געווען נכדו החתן נתן נטע בן הגה״צ אב״ד ור״מ שליט״א.

הגבהת הכוס צו קידוש הגה״צ אב״ד ור״מ שליט״א.

מיט די זמירות שבת האט דער רבי מכבד געווען
כל מקדש: הרה״ג ר׳ בערל ראזענבערגער שליט״א דומ״ץ ביהמ״ד ישמח משה דקהלתינו הק׳.
מנוחה ושמחה: הרה״ג ר׳ יואל ברוין שליט״א דומ״ץ ביהמ״ד בית יעקב נחמי׳ דקהלתינו הק׳.
דער רבי האט געזאגט תורה אויף די פסוקי הפרשה ׳ראה אנכי נותן לפניכם היום ברכה וקללה׳ און ארומגערעדט פון די ספה״ק אז א איד דארף גלייבן אז כי הנה אויבך ה׳ און אז אין יעדע זאך איז דא א ניצוץ אלוקי און א רצון השם.

קה אכסוף: הרה״ח הישיש ר׳ אלטר יחזקאל גליק הי״ו.
קה רבון עלם: הרה״ג ר׳ שמואל יעקב מייזעלס שליט״א דומ״ץ ביהמ״ד בית מרדכי לייב דקהלתינו הק׳.
לאל אשר שבת: הרה״ח ר׳ אברהם יקותיאל יערמיאש הי״ו.
ביים טיש איז פארגעקומען די שלום זכור לבן הנולד אצל מו״ה אלי דוד פארקאש הי״ו און מו״ה וואלף ברוך ווייס הי״ו, דער רבי האט טועם געווען פון די בונדלעך און אנגעוואונטשען פאר די בעלי שמחה און די זיידעס.

מיטן בענטשן האט דער רבי מכבד געווען הגה״צ דומ״ץ דקהלתינו שליט״א
אז ביום: הרה״ח הישיש ר׳ חיים משה פערל הי״ו.

מען האט פארענדיגט ארום 3:00 אזייגער און דער רבי איז אהיים לבית האכסניא, אויפן וועג האט דער רבי איבערגעשמועסט די תורה.

יום שבת קודש

ארום 9:15 איז רבינו שליט״א אריינגעקומען אין ביהמ״ד הגדול ווי עס זענען געווען פארזאמעלט די אריבער טויזענט תשב״ר פון די חברת תהילים שע״י קהלתינו הק׳, דער רבי האט מיטגעזאגט עטליכע קאפיטלעך, דערנאך האט הרה״ח ר׳ יודא בעריש לויפער הי״ו - מנהל חברת תהילים אויפגעטרעטן און מקבל פנים געווען דעם רבין,

אום 9:30 איז דער רבי אריינגעקומען צו תפילת שחרית,
פסוקי דזמרה: הרה״ח ר׳ פישל פריינד הי״ו.
דער רבי איז צוגעגאנגען צו שחרית,

ביי קריאת התורה איז נתכבד געווארן פילע נדיבים בעם ותומכי קהלתינו הק׳ און דערביי מנדב געווען גאר גרויסע סכומים לטובת השלמת בנין הביהמ״ד,
הוצאה והכנסה: הרה״ג ר׳ יושע וואלף יאקאבאוויטש הי״ו ר״מ בישיבתינו הק׳.
פסוקי שמע ישראל: הרה״ח ר׳ סענדר גאלדבערגער הי״ו - וומס״ב.
כהן: הרה״ח ר׳ מאיר ראטה הי״ו - וומס״ב.
לוי: הרה״ח ר׳ ישראל חיים קרויס הי״ו - סגן ראה״ק דקהלתינו הק׳.
שלישי: הגה״צ אב״ד ור״מ שליט״א.
רביעי: החתן בן הרה״ח ר׳ לוי יצחק שווארטץ הי״ו.
חמישי: החתן בן הרה״ג ר׳ יעקב יוסף קרויס שליט׳א ר״מ בישיבתינו הק׳.
דער רבי האט עולה געווען שישי.
שביעי: הרה״ח הישיש ר׳ אלטר יחזקאל גליק הי״ו.
הוספות: הרה״ח ר׳ משה פריעדמאן הי״ו חבר הנהלת המוסדות, הרה״ח ר׳ מענדל שווימער ראה״ק, הרה״ח ר׳ חיים הערש גאלדבערגער הי״ו, הרה״ח ר׳ יוסף שווימער הי״ו - ב״פ, הרה״ח ר׳ דוד לייבוש יאקאבאוויטש הי״ו - וומס״ב, הרה״ח ר׳ יושע איצקאוויטש הי״ו - ב״פ, הרה״ח ר׳ יעקב יושע שווארטץ הי״ו, הרה״ח ר׳ יוסף יוזפא לאנדא הי״ו חבר הנהלת קהלתינו, הרה״ג ר׳ יעקב יוסף קרויס שליט״א ר״מ בישיבתינו, הרה״ח ר׳ לוי יצחק שווארטץ הי״ו חבר הנהלת קהלתינו, הרה״ג ר׳ משה ביטמאן שליט״א מנה״ר בישיבתינו, הרה״ג ר׳ אלי קרויס שליט״א - וומס״ב, הרה״ח ר׳ חיים הערש יאקאבאוויטש הי״ו.
אחרון: הרה״ח ר׳ ישראל דוב גאלדבערגער הי״ו.
מפטיר: הגה״צ דומ״ץ קהלתינו הק׳ שליט״א.
הגבה: הר״ר יוסף הערש לויפער שליט״א - וומס״ב.
גלילה: הרה״ח ר׳ חיים וויינבערגער הי״ו.
נאכן ליינען האט דער רבי איבערגענומען דעם ספר תורה און ראש חודש געבענטשט בהתעוררות רב,
צו תפילת מוסף איז צוגעגאנגען הגה״צ דומ״ץ דקהלתינו שליט״א.
פתיחה לאנעים זמירות: הרה״ג ר׳ מרדכי קאהן שליט״א - מאנסי.
מען האט פארענדיגט ארום 1:15.

נאכן דאווענען איז פארגעקומען א קידושא רבה לרגל די ׳חנוכת הביהמ״ד׳ און די שמחת הבאווארפען פון החתן בן הרה״ח ר׳ לוי יצחק שווארטץ הי״ו חבר הנהלת קהלתינו און החתן בן הרה״ח ר׳ יעקב יוסף קרויס הי״ו - ר״מ בישיבתינו,
הגבהת הכוס צו קידוש החתן בן הרה״ח ר׳ לוי יצחק שווארטץ הי״ו, דער רבי האט טועם געווען פון די מזונות, פארטיילט שריים פאר די בעלי שמחה און אנגעוואונטשען ברכת קדשו.
פון דארט איז דער רבי אריבער אין שטוב פון הנגיד ר׳ ישראל דוב גאלדבערגער הי״ו מגדולי תומכי קהלתינו ומוסדותינו הק׳ ווי עס איז פארגעקומען א קידוש מיט פילע נדיבים ותומכי הקהלה,
עס איז אויך אנוועזנט געווען דער רב שליט״א, דער רבי האט טועם געווען פון די מזונות און פיש און פארטיילט שריים, מען האט געזינגען עטליכע ניגונים און דער רבי האט געוואונטשען ברכת קדשו.

אום 2:30 איז רבינו שליט״א אריינגעקומען צום בייטאג טיש באולם שע״י בית האכסניא,
ביים טיש האט זיך אויך משתתף געווען הגה״צ אב״ד טשאטא שליט״א ווי עס האט זיך פארצויגן שיינע שמועסן זכרונות מימי קדם פון רביה״ק הק׳ זי״ע,

מיטן בענטשן איז מכובד געווארן דער בעל אכסניא הרה״ח ר׳ מענדל שווימער הי״ו.
מען האט געענדיגט ארום 3:45.

מנחה ושל״ס

אום 8:00 אזייגער איז דער רבי אריינגעקומען צו תפילת מנחה בעל תפילה איז געווען הרה״ח ר׳ חיים אהרן פלאהר הי״ו משב״ק.
ביי קריאת התורה איז נתכבד געווארן
כהן: הרה״ח ר׳ שמואל דוד בירונבוים הי״ו.
לוי: הרה״ח ר׳ יואל בר״ש קרויס הי״ו.
שלישי: הרה״ח ר׳ וואלף לעפקאוויטש הי״ו.
דער רבי איז געגאנגען הגבה
גלילה: הרה״ח ר׳ אביגדור נחום שלעזינגער הי״ו משמש דקהלתינו הק׳.

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ מענדל שווימער הי״ו ראה״ק.
שיר המעלות: הרה״ח ר׳ משה פריעדמאן הי״ו חבר הנהלת מוסדותינו הק׳
דער רבי האט געזאגט תורה אויפן פסוק ׳ראה אנכי נותן לפניכם היום׳ און געטייטשט אז ׳היום׳ איז מרומז ׳ראש השנה׳ און דער אויבערשטער גיבט א חודש אלול מען זאל זיך קענען צוגרייטן פארדעם עס זאל זיין לברכה און נישט חלילה פארקערט.

ידיד נפש: הרה״ח הישיש ר׳ אלטר יחזקאל גליק הי״ו.
דער רבי האט געבענטשט אויפן כוס און געזאגט די שבע ברכות פאר די חתנים.

דער רבי האט זיך געוואשן די הענט און געדאווענט תפילת מעריב אויפן בימה, בעל תפילה איז געווען הגה״צ דומ״ץ דקהלתינו שליט״א.
נאך מעריב האט דער רבי געמאכט הבדלה און געזאגט ויתן לך,



״בורא עולם בקנין השלם זה הבנין״

נאך אמירת ויתן לך איז פארגעקומען די מעמד אדיר ״מכונך והיכלך״ לרגל חנוכת ההיכל הגדול ׳היכל אלטר יחזקאל׳ בביהמ״ד דק״ק קרית יואל - בנין אליהו, נתנדב דורך הרה״ח הישיש ר׳ אלטר יחזקאל גליק הי״ו,
מען האט געזינגען עטליכע ניגונים, עס האט אויפגעטרעטן דער משב״ק הרה״ח ר׳ חיים אהרן פלאהר און אויפגערופן הרה״ח ר׳ ישראל חיים קרויס הי״ו סגן ראה״ק דקהלתינו הק׳ וואס האט באגריסט די אלע עסקנים און נדיבים בעם וואס האבן ארויסגעהאלפן מיט דעם פראיעקט, און אויסגערופן אז לאות הכרת הטוב פארן רוח החיים דקהלתינו הרה״ח ר׳ יוסף יוזפא לאנדא הי״ו וועט קהל אוועקגעבן א זכות קומה שלימה אינעם ביהמ״ד ע״ש פון זקינו הרב ישעי שלום לאנדא ז״ל.
דערנאך האט אויפגעטרעטן דער נדבן הרה״ח ר׳ אלטר יחזקאל גליק הי״ו ובנו הרה״ח ר׳ שלמה הי״ו וואס האבן איבערגעגעבן רגשי לבבם,
און דערנאך האט אויפגעטרעטן דער ראה״ק הרה״ח ר׳ מענדל שווימער הי״ו און אויסגערופן די פריידיגע בשורה אז רבינו שליט״א וועט וויילן אויף יוה״ק הבעל״ט בקרב קהלתינו הק׳ אין ק״י און דערביי איבערגעגעבן אז ער און הרה״ח ר׳ ישראל חיים הי״ו זענען מנדב א פרישע פאנטאסטישע סומע לטובת השלמת הביהמ״ד והקמת ביהמ״ד החדש דקהלתינו אויף פארעסט ראוד, דערנאך האט הגה״צ אב״ד ור״מ שליט״א משמיע געווען קורצע דברי ברכה ארומרעדנדיג איבער די גרויסע זכיה פון די אלע נדבנים ארויסצוהעלפן בויען דעם ביהמ״ק מעט און די זכות בלייבט לעלמי עד און דערביי דערמאנט לשבח די חשובע חברי הנהלת הקהלה וואס יומם ולילה לא ישבותי למען הצלחת קהלתינו הק׳, און דער רב שליט״א האט ארומגערעדט פון זיינע זכרונות פונעם לעצטן שבת פרשת ראה ביי רביה״ק זי״ע בשנת תשל״ט וויילענדיג בצ״ק אינאיינעם מיט אביו מרן רבינו שליט״א און אויסגעפירט אז עס זיכער אז מן השמים האט מען צוגעפירט אז יעצט פינף און פערציג יאר שפעטער איז מען זוכה צו פראווענען א חנוכת הביהמ״ד אין קרית יואל.
דער רבי האט געטרינקען לחיים און פארטיילט שריים פאר אלע דייני קהלתינו אויפן אויבנאן, דערנאך געוואונטשען פארן גאנצן ציבור ׳לחיים טובים ולשלום׳ און זיך אויפגעשטעלט אין א ריקוד מיטן נדבן ההיכל הרה״ח ר׳ אלטר יחזקאל הי״ו און עקסטער מיט הנגיד ר׳ אברהם יקותיאל יערמיאש הי״ו נדבן בנין אליהו און דערנאך אין א עקסטערן ריקוד מיט בנו הגה״צ אב״ד ור״מ שליט״א און דערנאך מיט אלע נדבנים וחברי הנהלת הקהלה,
מען האט געענדיגט ארום 11:55 און מען האט ארויסבאגלייט רבינו שליט״א בשירה ובזמרה.

~~

[בצל התומר]

בצל התומר
סאטמאר מהר״יי

זונטאג און מאנטאג פרשת שופטים בצל הקודש

► Show Spoiler

זונטאג פרשת שופטים בצל הקודש אין קרית יואל

אום 9:30 איז רבינו שליט״א אריינגעקומען צו תפילת שחרית אין ביהמ״ד הגדול בחדר חיים צבי.

אין די פארמיטאג שעות איז רבינו שליט״א אנגעקומען אויף מאנסי,
צום ערשט האט דער רבי מנחם אבל געווען משפחת זאקס וואס זיצן שבעה ע״פ אמם הרבנית ע״ה אלמנת הרה״ג ר׳ אברהם גרשון ז״ל ראש ישיבת חפץ חיים ראדין,
דערנאך איז דער רבי אנגעקומען אויף א באזוך ביי די בוי ארבעט פון ביהמ״ד דקהלתינו הק׳ שכונת רעמסאן און געווארן צוגעוויזן דורך די עסקני הביהמ״ד,
דערנאך איז דער רבי אנגעקומען צום ׳מעמד חנוכת הבית וקביעות מזוזה׳ פארן נייעם גרויסן בנין הבית אסתר, דער רבי האט זיך ווארעם באגריסט מיט גיסו הגה״צ גאב״ד דקהלתינו מאנסי שליט׳א און ארומגעגאנגען אין אלע אפטיילונגען פונעם בנין און קובע געווען א מזוזה ביים הויפט אריינגאנג, דערנאך געטרינקען לחיים און אנגעוואונטשען פארן רב שליט״א און אלע חברי הנהלה ועסקני המוסדות.

במשך די נאכמיטאג שעות איז געווען ספעציעלע זמני כניסה פאר נגידי ותומכי קהלתינו הק׳.

אום 6:25 איז דער רבי אריינגעקומען צו תפילת מנחה אין בבית האכסניא אין ק״י בעל תפילה איז געווען הב׳ יודא מרדכי דייטש ני״ו, נאך מנחה איז פארגעקומען עטליכע אסיפות מיט חברי הנהלת קהלתינו הק׳.

אום 9:30 איז דער רבי אריינגעקומען צו תפילת מעריב, בעל תפילה איז געווען הב׳ ישראל איסר גרינפעלד ני״ו.

״ברוך הבא בשם השם״
אום 11:15 איז רבינו שליט״א אנגעקומען צוריק אהיים לביתו נאוה קודש אין וויליאמסבורג נאכן וויילן די לעצטע זומער וואכן אין מחנה דברי יואל.

מאנטאג פרשת שופטים - ער״ח אלול בצל הקודש

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ עוזר גרינפעלד הי״ו.

אום 8:30 איז דער רבי אריינגעקומען צו תפילת שחרית אין ביהמ״ד הגדול,
בעל תפילה: הרה״ג ר׳ ישראל אלטר גרינבוים שליט״א ר״מ בישיבתינו הק׳.

ביי קריאת התורה זענען נתכבד געווארן
פתיחה: הרה״ח ר׳ עוזר גרינפעלד הי״ו.
כהן: הרה״ח ר׳ מרדכי שמואל ליבערמאן הי״ו.
לוי: הרה״ג ר׳ נפתלי הירצקא שטיינבערג שליט״א ר״מ בישיבתינו הק׳.
שלישי: הרה״ח ר׳ ישראל גוטמאן הי״ו.
דער רבי איז געגאנגען הגבה.
גלילה: הבחור הבר מצוה בן הרה״ח ר׳ עוזר גרינפעלד הי״ו.

נאכן דאווענען איז דער ציבור אדורך שלום נעמען פון רבין פאר א לענגערע צייט, דערנאך איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אום 11:00 אזייגער איז רבינו שליט״א אריינגעקומען אין ביהמ״ד הגדול צו אמירת כל ספר תהילים ויום כיפור קטן ברוב עם הדרת מלך,
בעל תפילה: הר״ר אנשיל וואלטער שליט״א.
מען האט געענדיגט ארום 1:45 און דער ציבור איז אדורך שלום נעמען, צווישן זיי הגאוה״צ האדמו״ר ממעליץ שליט״א, האדמו״ר מקארלסבורג שליט״א, אב״ד מישקאלץ שליט״א און הגה״צ ר׳ זלמן לייב פילאפף שליט״א חבר הביד״ץ דקהלתינו.

אום 5:15 איז דער רבי אנגעקומען אין שטוב פון הרה״ח ר׳ זאב קויפמאן הי״ו ווי עס איז פארגעקומען א מעמד כתיבת האותיות אויפן ספר תורה וואס איז געווארן אריינגעפירט אין ביהמ״ד הגדול, עס האט זיך פארצויגן א שיינע שמועס תורות וסיפורים פונעם הייליגן אך פר תבואה זי״ע, דער רבי האט געשריבן עטליכע אותיות און דערנאך געטרינקען לחיים און ווארעם אנגעוואונטשען פאר ר׳ זאב הי״ו ובני משפחתו, און זיך אויפגעשטעלט אין א ריקוד,
פון דארט איז דער רבי געווען אויף ניחום אבילים ביי הרה״ח ר׳ יוסף קליין הי״ו וואס זיצט שבעה ע״פ בנו ע״ה.

פארנאכטס איז געווען אויף א באזוך בקו״פ האדמו״ר מקראלי שליט״א מקבל זיין ברכת הקודש לרגל די חתונה פון א קינד, עס האט זיך פארצויגן א שמועס איבער די שיינע יחוס פון חתן כלה, דער רבי האט געטרינקען לחיים און ווארעם אנגעוואונטשען ברכת קדשו.
דערנאך איז דער רבי אריבער אין ביהמ״ד הגדול צום הכנסת ספר תורה אריינגעגעבן דורך הרה״ח ר׳ זאב קויפמאן הי״ו, דער רבי האט איבערגענומען די ספר תורה און געטאנצן פאר א לענגערע צייט, און דערנאך געטאנצן מיטן נדבן און די בני המשפחה,
דער רבי האט פארגעזאגט לדוד מזמור כנהוג און דערנאך איז דער חשובע נדבן אריין בקו״פ און איבערגעגעבן פאר רבינו שליט״א א סכום עצום לטובת קרן מלמדים שע״י מוסדותינו הק׳, דער רבי האט זיך באדאנקט און ווארעם געוואונטשען ברכת קדשו,
נאך א קורצע הפסקה איז דער רבי אריינגעקומען צו תפילת מנחה אין ביהמ״ד הג׳, בעל תפילה איז געווען הב׳ חיים זאפיר ני״ו.

דער רבי האט מסדר קידושין ביי די חופה פון החתן בן הרה״ח ר׳ משה שטהול הי״ו עב״ג הכלה בת הרה״ח ר׳ משה יודא פאללאק הי״ו אין די פרדס פיגא זאל,
און ביים חופה פון החתן בן הר״ר אליעזר מנחם שווימער שליט״א עב״ג הכלה בת הרה״ח ר׳ אהרן הערש בלוישטיין הי״ו אין די קאנטינענטאל זאל.

זמני כניסה בביתו נאוה קודש איז געווען פון 8:45 ביז 12:15 אויפדערנאכט.

אום 9:15 איז דער רבי אריינגעקומען צו תפילת מעריב, בעל תפילה איז געווען הב׳ הירצקא ב״ר יואל זופניק הי״ו, נאך מעריב האט דער רבי ממשיך געווען אויפצונעמען דעם ציבור.


~~

[טיפע טאשן]

כ"ק אדמו"ר מאלעסק ארה"ק בעריכת השולחן לרגל הילולת זקנו הרה"ק בעל ה"לב שמח" מאלעסק זי"ע

[טיפע טאשן]

האדמו''ר מסאדיגורא ירושלים אין מיאמי

די בעל קורא איז די גר צדק ניסים בלעק

[שאינו יודע לשאול]

ערשטע יארצייט פון הרה"ק מראחמיסטריווקא זי"ע - סעודת הילולא

unnamed - 2024-09-06T021947.638.jpg (68.18 KiB) געזען געווארן 766 מאל

unnamed - 2024-09-06T021942.165.jpg (80.32 KiB) געזען געווארן 766 מאל

unnamed - 2024-09-06T021945.148.jpg (55.15 KiB) געזען געווארן 766 מאל

[שאינו יודע לשאול]

עליה לציון

unnamed - 2024-09-06T022003.299.jpg (68.31 KiB) געזען געווארן 766 מאל

unnamed - 2024-09-06T022015.933.jpg (101.89 KiB) געזען געווארן 766 מאל

unnamed - 2024-09-06T022031.624.jpg (101.34 KiB) געזען געווארן 766 מאל

[שאינו יודע לשאול]

פתיחת הזמן אין ישיבת פאנאוויטש‎

unnamed - 2024-09-06T022535.861.jpg (54.63 KiB) געזען געווארן 766 מאל

unnamed - 2024-09-06T022536.619.jpg (109.42 KiB) געזען געווארן 766 מאל

unnamed - 2024-09-06T022543.455.jpg (114.73 KiB) געזען געווארן 766 מאל

[שאינו יודע לשאול]

יארצייט סעודה פון הרה"ק מסאטמאר זי"ע אינאיינעם מיטן מעמד התמנות הדומ"ץ אין קהל חסידים ד'קאסא גראנדע

unnamed - 2024-09-06T022616.067.jpg (78.25 KiB) געזען געווארן 766 מאל

unnamed - 2024-09-06T022612.936.jpg (79.93 KiB) געזען געווארן 766 מאל

unnamed - 2024-09-06T022609.898.jpg (59.18 KiB) געזען געווארן 766 מאל

[ירא השם]

ווער איז דער כ"ק אדמו"ר שליט"א?

[שאינו יודע לשאול]

ווער איז דער כ"ק אדמו"ר שליט"א?

אפשר ח. ש. בערגער?

[שאינו יודע לשאול]

מעמד הקמת מצבה פון כ"ק גאב"ד סיגעיט זצ"ל

unnamed - 2024-09-06T152912.102.jpg (82.64 KiB) געזען געווארן 624 מאל

unnamed - 2024-09-06T152904.525.jpg (70.29 KiB) געזען געווארן 624 מאל

unnamed - 2024-09-06T152913.256.jpg (72.63 KiB) געזען געווארן 624 מאל

[שאינו יודע לשאול]

קביעת מזוזה פאר די נייע חתונה זאלן אהלי פרידא און אולם הייטנער בבנין ת"ת באבוב

unnamed - 2024-09-06T152825.814.jpg (78.33 KiB) געזען געווארן 624 מאל

unnamed - 2024-09-06T152827.981.jpg (60.88 KiB) געזען געווארן 624 מאל

unnamed - 2024-09-06T152833.431.jpg (70.67 KiB) געזען געווארן 624 מאל

[שאינו יודע לשאול]

האדמו"ר מפינסק קארלין איז מתפלל ביים מערת המכפלה ערב ראש חודש אלול

unnamed - 2024-09-06T153108.227.jpg (156.81 KiB) געזען געווארן 625 מאל